Ички йўллар равон бўлмоқда
Ўзбекистон Республикаси Президентининг 2022 йил 25 октябрдаги ПҚ-408-сонли қарорига асосан Қибрай туманида жами – 42 та маҳалла фуқаролар йиғинида 53 та лойиҳа амалга оширилмоқда. Ишчи гуруҳининг ўрганишлари жараёнида 25 та манзилдаги ички йўлларнинг таъмирталаблиги маълум бўлади ва аҳолининг мурожаатлари асосида шакллантирилган дастургларга киритилади. Бугунга келиб режалаштирилган ишларнинг 95 фоизга яқинида қурилиш-таъмирлаш ишлари бажарилди, ички йўллар фойдаланишга топширилди. Тошкент вилояти Минтақавий йўлларга буюртмачи хизмати унитар корхонасининг масъуллари томонидан қурилиш-таъмирлаш жараёнлари кузатиб борилди.
Яқинда туманнинг Ойбек маҳалласидаги 400 метрдан зиёд ички йўлларга ҳам асфальт ётқазилди. “Автойўл саноат” масъулияти чекланган жамияти йўлсозлари пудрат ишларини тендерда кўрсатилган муддат ичида якунлашга ҳаракат қилди.
Тошкент вилояти Автомобиль йўллари бош бошқармаси Ахборот хизмати