​​“Обод қишлоқ”—Ўртачўлликлар турмушида янги давр
Бу ерлар 50 йил олдин ободонлаштирилиб, темир йўл бўйида яшаётган хўжаликлардан ўнга яқини кўчириб келтирилган. Чўл массивида жойлашгани боис ундаги оилалар турмуш даражаси ўзига яраша, тоза ичимлик суви дастлаб ариқлардан тиндирилиб, кейинчалик қудуқлар орқали ёки узоқдан ташиб келтирилиб истеъмол қилинган. Амал-тақал ўтказилган электр тармоғида кунда-кунора узилиш бўлиб, йўл дегани ҳам қумлоқ ва эпақага келтиришга муҳтож даражада эди. Туман Халқ таълими бўлимига қарашли 22–сон умумтаълим мактабининг 4–синфгача бошланғич ёшида ўқитиладиган филиали биноси ҳам кўп йил таъмирталаблигича ётган, изғирин совуқда унга қатнаётган ўқувчи болажонлар олиб келган ўтинлари билан икки синф хонаси зўр-базўр, одатий буржуйка печида иситиларди.
––Бугун эса 400 дан ошиқроқ аҳолисига эга қишлоғимизда бошланган қайта қуриш, мукаммал таъмирлаш ва ободонлаштириш ишлари қишлоқдошларимиз томонидан кўпдан кутилган воқеа бўлди,––дейди ўртачўлликлар оқсоқоли, меҳнат фахрийси Шомурод Бобоқулов.––Аввало 5,1 километрга водопровод қувури тортилиб, қишлоғимиз тоза ичимлик суви билан таъминланаётгани, мавжуд 3 та кўчамизда 1,3 километр йўл асфальтлаштирилиб, 800 метр йўл қисми кенгайтирилгани ва шағал бостирилаётгани кўнглимизни тоғдек кўтарди. Йўл қурилишига қарийб 1,5 миллиард сўм маблағ сарфланибди. Бундан ташқари, аллақачон муддатини ўтаб, яроқсиз ҳолга келган электр линияси янгиланиб, кўчамиздаги қийшиқ симёғочлар ўрнига 45 та бетон устун, яна электр таъминотини яхшилаш мақсадида янги трансформатор, худди шундай, ҳар бир устунга электродиодли тунги ёритиш чироқлари ўрнатилгани қишлоғимиз қиёфасини бутунлай ўзгартириб юборди.

Фақат шу эмас, юқорида айтилган 22-сонли бошланғич мактаб филиалини мукаммал таъмирлаш ишларига киришилган. Икки синфдан иборат бино деярли қайтадан қурилмоқда. Унинг фасади, поли ва шифти, эшик-деразалари тўлиқ янгиланиб, ўқувчилар учун талаб даражасидаги қозонхона тармоғи яратилмоқда.Ҳадемай, янги ўқув йилидан бунда таълим-тарбия оладиган 30 дан ошиқ ўқувчи учун муносиб шароит яратилаётганидан ота-оналар ҳам бениҳоя мамнунлар.
––Қишлоқ четидан ўтган захкаш устига ўрнатилган осма омонат кўприкдан туман марказига ўтардик, кўп йилдирки, бу кўприк ҳам таъмирталаб ва хатарли кўринишга келганди,––дейди нуронийлардан бири Ашур Раҳматов.––Эндиликда кўприк қайта таъмирланадиган бўлди, ҳозирда унинг барча зарур ашёлари келтириб қўйилган. Муҳими, эллик йилда рўй бераётган бу ўзгариш ва янгиланиш ўртачўлликлар турмушида ўзига хос янги кунни бошлаб бермоқда.

Buxoro.uz | Facebook | Instagram | YouTube

Бугуннинг ўзида Президент Шавкат Мирзиёев халқаро конференция доирасида 14 та делегация раҳбарлари билан икки томонлама учрашувлар ўтказди.
—
Только за сегодня в рамках участия в международной конференции Президент Шавкат Мирзиёев провел двусторонние встречи с главами 14 делегаций.

#konferensiya #mintaqaviybogliqlik #MarkaziyOsiyo #JanubiyOsiyo

Facebook|Instagram|Twitter

Шавкат Мирзиёев: Бизнинг олдимизда Марказий ва Жанубий Осиё, умуман, бутун Евроосиё минтақасини барқарор, иқтисодий ривожланган фаровон ҳудудга айлантириш вазифаси турибди.
—
Шавкат Мирзиёев: Нам вместе предстоит превратить Центральную и Южную Азию и весь наш Евразийский континент в стабильное, экономически развитое и процветающее пространство.

#konferensiya #mintaqaviybogliqlik #MarkaziyOsiyo #JanubiyOsiyo

Prezident.uz|Facebook|Instagram|YouTube|Twitter