#NAMANGAN_VILOYATI🇺🇿 
#JARAYON📣

⚡️«Tashabbusli budjet» davlat dasturi doirasida ichki ko‘chalar obod bo‘lmoqda

☄️Namangan viloyati bo‘yicha «Tashabbusli budjet» dasturining 2024-yil ikkinchi mavsumida eng ko‘p ovoz olgan hududlarning ichki ko‘chalarida asfalt yotqizish ishlari davom etmoqda.

🔼Xususan, «Tashabbusli budjet» davlat dasturi doirasida Namangan Mintaqaviy yo‘llarga buyurtmachi xizmati davlat muassasasi buyurtmasi asosida «Mega Go» MCHJ tomonidan Chust tumanining «Sadacha» MFY ichki ko‘chalarida 2 km 549 metr, «Temir-beton buyumlar zavodi» MCHJ tomonidan Namangan shahar «Guzar» MFY ichki ko‘chalarida 2 km 913 metr, «Do‘stlik» MCHJ tomonidan Namangan shahrining «Yangi asr» MFY ichki ko‘chalarida 2 km 300 metr hamda «401-XMMKK» MCHJ tomonidan Yangiqo‘rg‘on tumani «Qizilyozi» MFY ichki ko‘chalariga 3 km 100 metr masofada asfalt yotqizilib, yo‘llar ravon holatga keltirildi.

✅Telegram | ✅Facebook |📹You Tube 🌐  Website

#XORAZM_VILOYATI🇺🇿
#YASHIL_MAKON_2024

🌲 Xorazm viloyati avtomobil yo‘llari bosh boshqarmasi hamda uning tarkibidagi korxonalar tomonidan “Yashil makon” umummilliy loyihasi doirasida ko‘chat ekish borasida izchil ishlar amalga oshirilmoqda.

📍 Xususan, 4R158 avtomobil yo'li 0—28- kmlar oralig'ning yo’l yoqasida yashil maydon va uzumzor (tokzorlar) barpo qilinib, uzum navlarini ekish ishlari bajarilmoqda.

⚡️Hozirda ishlari jadallik bilan davom ettirilmoqda.

✅Telegram | ✅Facebook |📹You Tube 🌐  Website

🇺🇿Konstitutsiya—erkin va farovon hayot garovi

🇺🇿Xalq Konstitutsiyasi, deya e’tirof etilayotgan O‘zbekiston Respublikasining yangi tahrirdagi Konstitutsiyasi 2023-yil 30-aprel kuni umumxalq referendumi orqali qabul qilingan edi. Qariyb 65 foizga yangilangan yangi tahrirdagi Konstitutsiyasi 6 bo‘lim, 27 bob va 155 ta moddadan iborat.

🦅8-dekabr—O‘zbekiton Respublikasi Konstitutsiyasi kuni munosabati bilan Avtomobil yo‘llari qo‘mitasida o‘tkazilgan tadbirda yangi tahrirdagi Bosh qomusimizga kiritilgan o‘zgartish va qo‘shimchalar, ularning ahamiyati haqida so‘z bordi.

👨‍💼Toshkent davlat Yuridik universitetining "Ma’muriy va moliya huquqi" kafedrasi mudiri, yuridik fanlari doktori, professor Sardorbek Yusupov hamda yuridik fanlari nomzodi Sherzod Jo‘rayevlar davlat va jamiyat o‘rtasidagi munosabatlarda, fuqarolarning konstitutsiyaviy huquq va manfaatlarini himoyalashda Bosh qomusimizning tutgan o‘rni xususida to‘xtalib, Konstitutsiyaning har bir moddasidan xabardor bo‘lish suveren, demokratik, huquqiy, ijtimoiy va dunyoviy davlatning har bir fuqarosi oldida turgan burch ekanligini alohida ta’kidlab o‘tdilar.

✅Telegram | ✅Facebook |📹You Tube 🌐  Website

#QORAQALPOGʻISTON_RESPUBLIKASI
#MENING_KONSTITUTSIYAM

🇺🇿Konstitutsiya — erkin va farovon hayot garovi

Konstitutsiya davlatning asosiy qonuni bo‘lib, inson huquq va erkinliklarini ta’minlash, davlat suvereniteti, jamiyatda tinchlik va totuvlik tamoyillariga amal qilish, hayotimizning barcha sohalarida keng ko‘lamli islohotlarni amalga oshirishning kafolatidir.

❤️Shu munosabat bilan Qoraqalpog‘iston Respublikasi Avtomobil yo‘llari bosh boshqarmasida O‘zbekiston Respublikasi Konstitutsiyasi qabul qilinganligining 32 yilligi munosabati bilan “Konstitutsiya — erkin va farovon hayot garovi” degan bosh g‘oyani o‘zida mujassam etgan huquqiy, ma’naviy-ma’rifiy tadbir bo‘lib o‘tdi.

📍Tadbirda Boshqarma bosh yuristi G‘ayrat Yakupov va Qoraqalpog‘iston Respublikasi Mintaqaviy yo‘llarga buyurtmachi xizmati davlat muassasasi bosh yuristi Umida Rahmonova so‘zga chiqib Bosh qomusimizning hayotimizdagi o‘rni, mazmun-mohiyati, Konstitutsiyada mustahkamlab qo‘yilgan ustuvor maqsad va tamoyillar haqida to‘xtalib o‘tdilar.

✅Telegram | ✅Facebook |📹You Tube 🌐  Website