#BUXORO_VILOYATI
#JARAYON

⚠️So‘nggi paytlar yo‘l-transport hodisalarining keskin oshib borayotgani juda xavotirli hol, albatta.
Ayanchli hodisalar oqibatida, ayniqsa, hali hayot nima ekanligini tushunib yetmagan bolalar, yoshlar bu hayotdan bevaqt ko‘z yummoqda. Ana shunday mudhish hodisalarda kimlardir ota-onalarni ayblaydi, yana kimlardir esa haydovchilarni aybdor deb hisoblaydi. Biroq, yo‘l harakati xavfsizligini ta’minlashga barcha birdek mas’uldir.

   🔩 4R 48 "Zarafshon trakti" avtomobil yo‘lining Peshku tumanidan o‘tuvchi qismi 325—326-km oralig‘ida joylashgan Abu Ali ibn Sino nomidagi jamoat salomatligi texnikumi oldida piyodalarning xavfsizligini ta’minlash maqsadida qavariq piyodalar o‘tish joyi tashkil etildi.

  ⬆️   Bunday o‘ziga xos piyodalar yo‘laklari barcha ta’lim muassasalari oldida tashkil etiladi.

✅Telegram | ✅Facebook |📹You Tube 🌐  Website

2️⃣2️⃣2️⃣
#Sirdaryo_viloyati

👨‍💻Kitobsevar yo‘lsozlar bellashdi

🤝Guliston tuman Yo‘llardan foydalanish korxonasi davlat muassasasida Davlat xizmatchilari o‘rtasida kitobxonlik madaniyatini rivojlantirish, davlat xizmatchilari ongiga ma’rifiy va mafkuraviy tushunchalarni singdirib borish, ularda milliy va axloqiy tarbiyani, boy adabiy merosimizga bo‘lgan mehr-hurmatni kuchaytirish maqsadida “Kitobxon davlat xizmatchisi” tanlovi o‘tkazildi.
✏️Ishtirokchilar Abdulla Qodiriyning “O‘tkan kunlar” romani, Abdulhamid Cho‘lponning “Kecha va kunduz” romani, O‘tkir Hoshimovning “Dunyoning ishlari” qissasi, Shukur Xolmirzayevning “O‘zbek xarakteri” hikoyasi, Ernest Xemingueyning “Chol va dengiz” romani asosida tuzilgan savollar bo‘yicha “Badiiy asarlar bilimdoni” va “Tezkor savol-javob” shartlari asosida bellashdilar.
📶Barcha g‘olib va sovrindorlar diplom va qimmatbaho sovg‘alar, kitoblar to‘plami bilan taqdirlandi.

✅Telegram | ✅Facebook |📹You Tube 🌐  Website

#NAMANGAN_VILOYATI
#JARAYON

🔔Insonning hayotga munosabatini o‘zgartirib, baxtli yashashining muhim omillaridan biri — ravon ko‘chalar va shinam uy-joyga ega bo‘lishida, desak mubolag‘a bo‘lmaydi.

🔊Ta’mirlanadigan ko‘chalar ro‘yxati «Tashabbusli budjet» dasturining joriy yil ikkinchi mavsumida eng ko‘p ovoz olgan hududlar bo‘yicha shakllantirilgan. Ular qatorida Namangan viloyatidagi Yangiqo‘rg‘on, To‘raqo‘rg‘on va Norin tumanlarining bir qator ichki yo‘llari ham bor. Hozirda bu manzillarda asfalt yotqizish ishlari davom etmoqda.

🤝Xususan, «Tashabbusli budjet» davlat dasturi doirasida Namangan Mintaqaviy yo‘llarga buyurtmachi xizmati davlat muassasasi buyurtmasi asosida «Namangan temir-beton buyumlari zavodi» MCHJ tomonidan Yangiqo‘rg‘on tumanining «Bo‘ston» MFY Toshloq ko‘chasida, To‘raqo‘rg‘on tuman Yo‘llardan foydalanish korxonasi davlat muassasasi tomonidan To‘raqo‘rg‘on tumani «Sharq» MFY Guliston ko‘chasida hamda «Rovuston qurilish-servis» MCHJ tomonidan Norin tumanining «Xo‘jaqo‘rg‘oncha» MFY Charog‘bon ko‘chalarida 3 000 metr masofada asfalt yotqizilib, yo‘llar ravon holatga keltirilmoqda.

✅Telegram | ✅Facebook |📹You Tube 🌐  Website