Oʼzbekiston Respublikasi Prezidentining 2023-yil 10-oktyabrdagi “Yoʼl tizimini yanada takomillashtirish chora-tadbirlari toʼgʼrisida”gi PQ-330-son qarori bilan 2025-yilning yanvar oyidan boshlab yangi qurilayotgan obyektlarda yoʼl-qurilish ishlarining loyiha boshqaruvi va texnik nazorati Xalqaro muhandis-konsultantlar federatsiyasi (FIDIK) ning amaliyoti va hujjatlariga muvofiq amalga oshirilishi koʼzda tutilgan.
Аvtomobil yoʼllari qoʼmitasida Qoʼmita boshqarma boshliqlari va viloyatlar hamda tumanlar boshqarma va boʼlim boshliqlari, Qoʼmita tarkibidagi korxonalar rahbarlari ishtirokida ZOOM yigʼilishi boʼlib oʼtdi.
Uni Qoʼmita raisi Jamshid Tursunov boshqardi.
Yigʼilishda FIDIK shartnomalari boʼyicha sertifikatlangan konsultant Olga Soy va ikkita kategoriya boʼyicha FIDIK tomonidan sertifikatlangan trener Feruza Boboqulova bunday yangilikning ahamiyati xususida tushuntirish berib oʼtdilar. Trenerlar FIDIK nima uchun kerakligi, pudratchi qanday tanlanishi, kelishmovchiliklarni hal etishning koʼp bosqichli mexanizmi, shartnomalarning maxsus protsessual xususiyati, loyiha shartlariga mos keluvchi muhandisni tanlash boʼyicha batafsil maʼlumot berib oʼtdilar.
Dastlab, Qoʼmita tizimidagi korxonalardan xorijiy tillarni biladigan mutaxassislar saralab olinadi va ular birinchi bosqichda 30 soatli dastur asosida oʼqitiladi. Imtihondan oʼtgan mutaxassislargina keyingi bosqichlarda oʼqishni davom etirishlari mumkin. Oʼquv mashgʼuloti dekabr oyida rejalashtirilmoqda.

🚀Telegram | 🔵Facebook |📺You Tube |🌐 Veb-saytb

#TEZKOR
⚡️A-373 “M-39 a/y.- Guliston-Bo‘ka-Angren-Qo‘qon va Andijon orqali O‘sh” avtomobil yo‘lining “Qamchiq" dovonida havo bulutli. 171-221 km.lar oralig'ida yomg'ir yog'moqda,221-250 km.lar oralig‘ida qor yog‘moqda. Tuman, yo‘llarda ko‘rish darajasi 900 metrni, shamol 3-11 m/s ni, havo harorati-2 darajani, namlik 68%ni tashkil etmoqda. Qor yog‘ib turgan paytda dovonda avtotransport vositalarining to‘xtovsiz ikki tomonlama harakatlanishini ta’minlash maqsadida "Qamchiqavtoyo‘l" IYFUK tomonidan yo‘l qoplamasida sirpanchiq bo‘lmasligi uchun mashina-mexanizmlar yordamida qum-tuz aralashmasi sepish ishlari amalga oshirilmoqda. Avtotransport vositalari ikki tomonlama xavfsiz harakatlanmoqda.
‼️"Qamchiqavtoyo‘l" IYFUK “Qamchiq" dovoni orqali harakatlanayotgan barcha haydovchilardan ob-havo sharoitini inobatga olgan holda tezlikni meʻyordan oshirmasdan, oraliq masofani saqlab harakatlanishlarini va barcha xavfsizlik choralarini ko‘rishlarini tavsiya qiladi.

🚀Telegram | 🔵Facebook |📺You Tube |🌐 Veb-saytb

#Buxoro
#hududlardan_xabarlar

☄️ Kuz-qish mavsumi hamma vaqt sinov davri hisoblanadi. Mavsumning bеtalofat o'tishi unga qay darajada tayyorgarlik ko'rilishiga bog'liq.

📣 Hududlarda 2023-2024-yilgi kuz-qish mavsumini bеtalofat o'tkazish, tayyorgarlik jarayonlarini yakunlash bo'yicha tеgishli soha vakillaridan iborat ishchi guruhlar tashkil etilib, ob-havo noqulayliklari va harorat pasayishi davrida infratuzilma obеktlarida muammo kеlib chiqishining oldini olish, umuman olganda mavsumni talofatsiz o'tishini ta'minlash yuzasidan zarur vazifalar bеlgilandi.

⚡️ Jumladan, avtomobili yo'llariga mas'ul korxonalarga yo'llarning nosoz joylarini ta'mirlash, tuproq ko'chalarni shag'allashtirish, asfalitlash boshlangan yo'llarda harorat pasaymay turib jarayonlarni tugatish topshiriqlari yuklandi.

🖥 Kuz-qish mavsumiga puxta tayyorgarlik ko'rish chora-tadbirlari doirasida G'ijduvon tumanidagi “Amirobod” MFYda joylashgan ko'p qavatli uylarning ichki yo'llari hamda aholi punklariga boradigan “2P-48A” yo'lida ta'mirlash ishlari jadallashtirildi.

🚀Telegram | 🔵Facebook |📺You Tube |🌐 Veb-saytb

#Namangan

✔️“Qo‘shariq” – obod mahallaga aylanmoqda

📈Norin tumani hududida joylashgan "Qo‘shariq" MFYda 592 ta xo‘jalikda 2958 kishi istiqomat qiladi.

📈Mazkur mahallada yashovchi aholini bir necha yillardan beri yo‘l nosozligi muammosi qiynab kelayotgandi. Bugun, mana shu muammoga yechim berish maqsadida ish tashkil qilinib hozirda mahallaning ming metrdan ortiq qismi shag‘allandi. Qolgan qismida ham yo‘l sozlash ishlari ketmoqda.

🚀Telegram | 🔵Facebook |📺You Tube |🌐 Veb-saytb