Uychi tumanining minglab yo‘lovchilari uchun ravon va xavfsiz yo‘llarni ta’minlovchi yirik asfalt yotqizish loyihasi yakunlandi

Aholiga qulay shart-sharoitlar yaratish maqsadida Vazirlar Mahkamasining 2023 yil 13 iyundagi 346-sonli farmoyishiga asosan Uychi tumanidan ham bir qator ko‘chalar dastur asosida asfaltlandi.

Xususan, Uychi tuman yo‘llardan foydalanish unitar korxonasi say harakatlari va tajribasi bilan tumandagi Ezgulik, Xizrobod, Obod, Churtuk,  Islomobod, O‘nhayat, Mirzaobod mahallalarining ichki ko‘chalari asfaltlashtirildi.

Yangi asfaltlangan yo‘llardan foydalanayotgan aholi bu ishlardan xursand bo‘lib, silliq yuzada avtomobilni haydash va piyoda yurish ancha qulay bo‘lganini e’tirof etishdi.

Umuman olganda, qaror asosidagi asfalt yotqizish loyihasi nafaqat Namangan, balki respublikaning barcha hududlaridagi ichki yo‘llar infratuzilmasini yaxshilash uchun katta qadamdir va aholi bundan  xavfsiz qatnov qulayligini kutishlari mumkin.

Namangan viloyati Avtomobil yo‘llari boshqarmasi

#OAV_NIGOHIDA
Пошшо-пирим аҳолисининг узоқ йиллик муаммолар ҳал бўлмоқда: қишлоқнинг 5 минг метр тош-тупроқ йўллари асфальтланди

Бувайда тумани “Пошшо-пирим” маҳалла фуқаролар йиғини инфратузилмасини яхшилаш, бу орқали эса қишлоқ аҳли турмуш фаровонлигини ошириш юзасидан амалий тадбирлар олиб борилмоқда.

Бугунги кунда, қишлоқда мавжуд 11.5 км ички йўллар мавжуд бўлса, шундан ПҚ-408-сонли қарорнинг 1-босқичида 2.3 км, 2-босқичида эса 5 кмдан зиёд ички йўллар асфальтланиб, йўл инфратузилмасини яхшилаш борасидаги жараёнлар қизғин давом этмоқда.

Бунёдкорлик ва ободлик ишлари доирасида ҳудуддаги 7 минг 300 метр тош-тупроқли ички йўллар асфальтланиб, аҳолига қулайлик яратилди.

Фарғона вилоят Автомобиль йўллари бош бошқармаси ахборот хизмати