🔰 Аҳоли фаровонлигини ошириш бунёдкорлик ишларининг бош мақсадидир

Ўзбекистон Республикаси Президентининг 2022 йил 30 декабрдаги “2023-2025-йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлар тўғрисида” 465-сонли қарори асосида айни пайтда 4Р121 «Косонсой ш.-Равот қ.-Чуст ш.-Чуст темир йўл станцияси-Поп темир йўл станцияси-Поп ш.-Навбахор ш.» автомобиль йўлининг лойиҳа қиймати 16 млрд. сўмни ташкил этадиган узунлиги 9.5 км. яъни 14-21 км қисмини реконструкция қилиш ишлари якунига етиш арафасида бўлса, лойиҳа қиймати 22 млрд. бўлган узунлиги 130 метрни ташкил этадиган Косонсой туманидаги энг йирик кўприк қурилиш ишлари якунланди.

Таъкидлаш жоизки, олдинлари ушбу йўлнинг тор ва яроқсизлиги транспорт воситалари қатновида анча муаммолар келтириб чиқаётган эди. Эндиликда бу муаммолар ўзининг ижобий ечимини топади.

Республика ишчи гуруҳи: Навбатдаги манзил Дутир қишлоғи

Республика ишчи гуруҳи вилоятнинг барча туман ва шаҳарларида “Оққўрғон тажрибаси” асосида аҳоли кайфиятига салбий таъсир қилувчи омилларни ўрганиш, долзарб ва ечимини кутаётган муаммоларни хонадонбай, маҳаллабай ҳал этиш бўйича ишларни олиб бормоқда.

Жумладан, Риштон тумани "Дутир” маҳалла фуқаролар йиғинида ҳам ички йўллар билан боғлиқ мавжуд муаммоларни бартараф этиш ва бу орқали аҳолига қулайлик яратиш мақсадида амалий ишлар олиб борилмоқда.

Бугун Ўзбекистон Республикаси Автомобиль йўллари қўмитаси ҳамда Ички ишлар вазирлиги Фарғона вилоят бошқармаси ташаббуси билан Дутирнинг 2 километрлик тупроқли йўлларини шағаллаштириш ишлари амалга оширилди. Мазкур ишларга Автомобиль йўллари бош бошқармасининг 30 га яқин махсус техникалари ва ишчи ходимлари жалб этилди.

Фарғона вилоят Автомобиль йўллари бош бошқармаси ахборот хизмати