📍«Алишер Навоий» ва «Бобур» МФЙларни боғловчи Хайрабод канали устидан ўтувчи кўприк фойдаланишга топширилди

Бухоро вилояти Ромитан туманининг “Алишер Навоий” ва “Бобур” маҳаллаларини боғловчи кўприк белгиланган ҳажмдан оғир бўлган юк машиналарининг қатнови боис таъмирталаб аҳволга келиб қолганлиги натижасида ҳар иккала маҳалла аҳолиси қолаверса бу ердан ўтиб қайтувчилар учун жуда катта муаммо ва ташвиш туғдираётган эди. Фуқаролар бир-неча йиллар давомида ушбу муаммонинг ечимини ҳал этиб беришларини сўраб тегишли идораларга мурожаат қилганлар.

Бугун эса халқнинг азалий орзуси ушалди. Ўзбекистон Республикаси Вазирлар Маҳкамасининг 2022 йил 24 октябрдаги 614-сонли қарорига асосан Бухоро вилояти Ромитан тумани “А.Навоий” МФЙ ҳудудидан ўтувчи 4к-168д “4Р-48 автойўлидан 4Р-68 автойўлига Шахобча” автомобиль йўлининг ПК06+00 даги кўприкни реконструкция қилиш натижасида замонавий тарзда янги кўприк мустаҳкам қурилиб, фойдаланишга топширилди.

Очилиш маросимида Ромитан тумани ҳокими Умеджон Барноев бошчилигида сектор раҳбарлари, туман ҳокими ўринбосарлари, тегишли ташкилот, корхона вакиллари, туман ИИБ, ЙҲХБ вакиллари, қолаверса, маҳаллий аҳоли, нуроний отахонлар ҳамда маҳалла фаоллари иштирок этишди.

Очилиш тадбирида туман ҳокими Умеджон Барноев иштирок этиб, кўпчиликнинг узоғини яқин қилувчи ушбу кўприк барчага муборак бўлсин, дея тилак билдирди. Бундан ташқари тадбирда сўз олган нуронийлар янги қурилган кўприк халққа узоқ йиллар мобайнида самарали хизмат қилишини сўраб дуо қилишди ҳамда ушбу кўприк қурилишида иштирок этган барчага ўз миннатдорчиликларини билдиришди.

Нуроний отахонлар кўприкни очиб берувчи рамзий тасмаларни кесишиб, унинг биринчи фойдаланувчилари бўлишди.

Очилиш давомида яхши ниятлар билан қуръон тиловат қилиниб, маҳаллий аҳоли, нуроний отахонлар ҳамда маҳалла фаоллари учун бир пиёла чой устида дастурхон ёзилди. Шунингдек, ушбу кўприк қурилишида иштирок этган Ромитан туман йўллардан фойдаланиш унитар” корхонаси ходимларига туман ҳокимлигининг эсдалик совғалари топширилди.

Ушбу ҳудуддаги 40 минг нафар фуқаронинг кўп йиллик орзуси бўлган мазкур кўприкнинг узунлиги 30 метрни, эни эса 15 метрни ташкил этади. Янги кўприк 30-40 тоннагача юк кўтариш қувватига эга.

Лойиҳанинг умумий қиймати 2 млрд 167 млн сўмни ташкил этиб, қурилиш ишлари “Ромитан туман йўллардан фойдаланиш унитар” корхонаси томонидан амалга оширилди.

Ромитан туман ҳокимлиги матбуот хизмати

#PQ408 #NO_COMMENT
🎬🎬🎬

🔹Oltiariqning Guloboddagi 18 kilometrdan ortiq ichki yoʻllar asfaltlashtirilmoqda

Fargʻona viloyat Avtomobil yoʻllari bosh boshqarmasi axborot xizmati