Ички йўлларни таъмирлаш якунига етказилаяпти
Давлатимиз раҳбарининг 408 сонли қарори ижроси доирасида Тошкент вилоятининг Зангиота туманида жами 26,2 км ички йўллар таъмирланмоқда. Хусусан, дастурга тушган манзилларнинг 1,8 км қисми бетон, 24,4 км масофасига асфальт ётқазилаяпти. Бугунга келиб пудрат ишларининг 90 фоизи бажарилди, жами 20 та маҳалладан 3 тасида қурилиш таъмирлаш ишлари давом эттирилаяпти. Мазкур маҳалалларда сув қувурлари тортиш билан боғлиқ масалалар боорлиги сабаб қурилиш ишлар секинлашди. Йўлсозларнинг қайд этишларича тумандаги режалаштирилган қурилиш ишлари шу ҳафтанинг охиригача якунланади.
“Сортепа” маҳалла фуқаролар йиғинидаги ички кўчалар “Тошкент кўприклардан фойдаланиш” УК йўлсозлари томонидан асфальт қилинмоқда. Бу ишга махсус техника воситалари жалб қилинган бўлиб тупроқ йўлларга дастлаб шағал тўкилди, ирригация тармоқлари тартибга келтирилди. Айни кунларда аҳоли томонидан ташкил қилинаётган ҳашарларда йўллар атрофидаги дарахтларга сув қуйилмоқда, туташ майдонлар ободонлаштирилмоқда.

Тошкент вилояти Автомобиль йўллари бош бошқармаси Ахборот хизмати