#Rasmiy_munosabat
Ijtimoiy tarmoqlar orqali chiqqan murojaat yuzasidan rasmiy munosabat.
Murojaatda ko’rsatilgan ko’prik Xiva tumani 4r 264 “Xiva sh.- Qoramon q.- Yangibozor q.” avtomobil yo‘lining 3,3km.da joylashgan G’ovuk yop kanali ustidan o‘tuvchi temir-beton ko‘prik bo‘lib, 1968 yillarda ko‘rilgan, uzunligi 26 pm, eni 7 m, Xiva tuman yo‘llardan foydalanish UK yo‘l bo‘limi balansida bo‘lib, ko‘prigiga 3.12 “o‘qqa tushadigan og‘irlik cheklangan” (5 ts) yo‘l belgilari bilan jixozlanishiga qaramasdan 2022 yil 28 oktyabr kuni HOWO rusumli yuk avtomabili me’yoridan ortiq shag‘al ortib xarakatlanib ushbu ko‘prikni nasadka va balkalarini sindirishi natijasida transport vositalarini xarakati cheklandi. Xozirgi kunda ushbu ko‘prikda, xarakat xavfsizligini ta’minlash uchun kerakli yo‘l belgilari va temir-beton to‘siqlar bilan xarakat chegaralangan bo‘lib, axoli xarakatlanishida noqulayliklarga olib kelgan ushbu xodisani vaqtincha bartaraf qilish maqsadida ushbu ko‘prikni aylanib o‘tish yo‘li tashkil qilingan. Ushbu ko‘prikni 2023 yilda Tabiiy ofat oqibatlarini bartaraf qilish va uni oldini olish jamg‘armasi mablag‘lari xisobidan ta’mirlash uchun takliflar ro‘yxatiga kiritilganligini ma’lum qilamiz.
https://t.iss.one/xorazmavtoyul_uz

#Live
А-373 “М-39 а/й Гулистон-Бўка-Ангрен-Қўқон-Андижон орқали-Ўш” автомобиль йўлининг "Қамчиқ" довонидан ўтган қисмининг 171-270 км.лар оралиғида қор ёғмоқда .
Қор ёғиб турган пайтда довонда автотранспорт воситаларининг тўхтовсиз икки томонлама ҳаракатланишини таъминлаш мақсадида "Қамчиқавтойўл" ИЙФУК томонидан йўл қопламасида сирпанчиқ бўлмаслиги учун туну-кун машина-механизмлар ёрдамида қордан тозалаш ва қум-туз аралашмаси сепиш ишлари амалга оширилмоқда. Айни пайтда, автотранспорт воситалари икки томонлама хавфсиз ҳаракатланмоқда. Қор, туман. Йўлларда кўриш даражаси 500 метрни, шамол тезлиги 8-21 м/с, ҳаво ҳарорати -2 даражани, намлик эса 71% ни ташкил этмоқда. "Қамчиқавтойўл" ИЙФУК “Қамчиқ" довони орқали ҳаракатланаётган ҳайдовчиларга барча хавфсизлик чораларини кўришларини тавсия қилади.

#Тезкор
Қор кўчкиси хавфи юзага келганлиги сабабли “Қамчиқ” довони вақтинча ёпилди.

Гидрометрология марказининг 2023 йил 9 февралдаги 103-сонли бюллетенига асосан қор кўчкиси хавфи эълон қилинди. Шу сабабли бугун, 9 феврал куни соат 13:30 дан А-373 "Тошкент-Ош" автомобил йўлининг 228-253 км.лар оралиғида соат 16:30 дан қор кўчкиси хавфи борлиги сабабли “Қамчиқ” довони автомобиллар ҳаракати учун вақтинча ёпилди. "Қамчиқавтойўл" ИЙФУК Ахборот хизмати.