“Барқи Тоҷик” бо нашри як эълон ба шаҳрвандони кишвар гуфтааст, ки дар ҳолати дучор омадан бо мушкилии хомӯш шудани нерӯи барқ ва пардохти маблағи барқ ба ҶСК "Шабакаҳои тақсимоти барқ" муроҷиат кунанд на ба "Барқи Тоҷик".

“Ҳарчанд гуфтем, ки масъалаҳои мазкур на ба уҳдадориҳои ҶСК "Барқи Тоҷик", балки ба ҶСК "Шабакаҳои тақсимоти барқ" шомиланд, аммо ҳамоно шикоятҳояшонро ба суроғаи "Барқи Тоҷик" равон мекунанд”, - омадааст дар эълони ин ниҳод.

Ҳамчунин, "Барқи Тоҷик" ба сокинони кишвар таъкид кардааст, ки дархостҳо ва шикоятҳояшонро метавонанд тавассути сомонаи расмии ҶСК “Шабакаҳои тақсимоти барқ” — shtb.tj инчунин тавассути телефонҳои: 778886021 ва 778886023 пешниҳод кунанд.

✅Бо 😍 бошед: Telegram ✅

❓Чӣ бояд кард, то аз шӯшаҳои овезони бомҳо ва афтиши барфи обшуда эмин монд?

❄️Барои дар ҳавои сарду барфии зимистон аз афтиши шӯшаву барфҳои обшуда ҳифз намудани худ ва наздиконатон, мувофиқи тавсияи Кумитаи ҳолатҳои фақулодда ва мудофиаи граждании назди Ҳукумати Ҷумҳурии Тоҷикистон, ба ҳолати бомҳо таваҷҷуҳ намоед:

- аз рӯйи имконият канори бомҳои биноҳои истиқоматиро аз шӯаву яхпораҳо тоза кунед;

- дар зери боми хонаҳо, ки шӯшаҳо овезонанд ё эҳтимолияти афтидани барф мавҷуд аст, наистед. Агар чунин зарурат пеш омад, кӯшиш намоед аз зери бом ба зудӣ бигзаред;

Ҳангоми мушоҳида кардани шӯшаҳо ва яхпораҳои овезон ё тӯдаи барф дар бому роҳравҳо метавонед тариқи рақамҳои ☎️(37) 233-53-37 ба Корхонаи воҳиди давлатии “Хоҷагии манзилию коммуналӣ”-и кишвар хабар диҳед. Кормандони хадамоти коммуналӣ масъуланд, ки ба иттилои шумо вокуниш нишон диҳанд.

Мушкиле доред ва намедонед чӣ бояд кард? Ба мо нависед!

#Чӣбоядкард

❗️Дар ВМКБ ҳам "лимит"-и барқ ҷорӣ шудааст

💡Дар Вилояти Мухтори Куҳистони Бадахшон (ВМКБ), ки ба фарқ аз дигар минтақаҳо дар фасли зимистон аҳолӣ бо барқи доимӣ таъмин буданд, имсол дар интиқоли барқ маҳдудият ё “лимит” ҷорӣ шудааст.

🥶Сабаби ин “сард шудани ҳаво, яхбандии шадид ва паст шудани сатҳи об дар кули Яшикул, норасоии об ва ва афзоиши истеъмоли нерӯи барқ” мебошад.

Дар ин бора Амрихон Раҳимов, директори “Помир Энерҷи”, ки масъули таъмини барқ дар минтақа аст, дар як ҷаласа, ки бо ширкати раиси вилоят гузашт, хабар додааст.

Ӯ гуфтааст, ки “...айни замон танҳо маркази ВМКБ - шаҳри Хоруғ ва марказҳои ноҳияҳо бо қувваи барқи доимӣ таъмин буд, дар деҳоти дурдаст неруи барқ дар давоми чанд соат тариқи реҷа ҷорӣ гардидааст”.

Аз ширкати “Помир Энерҷӣ” ба “Азия-Плюс” гуфтанд, ки дар пайи яхабндӣ дар кули Яшикул сатҳи об нисбат ба соли гузашта 15% камтар аст.

Дар ин ниҳод гуфтанд, ки маҳдудиятҳо метавонанд то 6 соат дар як шабонарӯз идома ёбанд ва дар ҳолати тағйирёбии ҳаво, имкони зиёд шудани маҳдудият мавҷуд аст.

✅Бо 😍 бошед: Telegram ✅

🚰 Корхонаи "Обу корези Душанбе" аз шаҳрвандон хостааст, ки обҳисобкунакҳои худро дар ҷои гарм нигоҳ доранд.

Тибқи маълумоти КВД "Обу корези Душанбе", бо сабаби сардиҳо ҳисобкунакҳо метавонанд осеб бинанд, нодуруст кор кунанд ва ё тамоман аз кор бароянд. Бинобар ин зарур аст онҳо дар ҷои гарм нигоҳ дошта шаванд.

Вале ин корхона дақиқ нагуфтааст, ки ин кор чӣ гуна анҷом дода мешавад.

Ба гуфтаи манбаъ, дар ҳолати аз кор баромадан ё фарсуда шудани обҳисобкунакҳо шаҳрвандон барои иваз кардани онҳо бо рақамҳои 2222033 метавонанд занг зананд.

✅Бо 😍 бошед: Telegram ✅

🤝 Миёни Театри ба номи Абулқосим Лоҳутии Тоҷикистон ва Театри драмаи русии Самарқанд созишномаи ҳамкорӣ ба имзо расидааст.

🗯 Дар ин бора Аъзам Розиқ, ҳунарманди тоҷик дар саҳифаи фейсбукии "Театри Лоҳутӣ" хабар дода, гуфтааст, ки ин созишнома дар ҷараёни сафари ҳунарии ҳунармандони Театри ба номи Абулқосим Лоҳутӣ ба шаҳри Самарқанд баста шудааст.

🎭 Ба гуфтаи манбаъ, тибқи ин созишнома, аҳли эҷоди театрҳо метавонанд ба кишварҳои ҳамдигар бо намоишҳои ҷолиби худ сафарҳои ҳунарӣ анҷом дода, ҳамкориҳои муттақобилаи эҷодиро роҳандозӣ кунанд.

✅Бо 😍 бошед: Telegram ✅