⚡️Жапаров: “Сокинони хонаҳое, ки дар сарҳад бо тартиби шоҳмот ҷойгиранд, кӯчонида мешаванд”

⚡️Аз 33 гаравгоне, ки ҲАМОС дар марҳилаи аввали иҷрои созишномаи оташбас бо Исроил бояд раҳо мекард, 8 танашон ҷон бохтаанд.

Дар ин бора мақомоти Исроил хабар дода, гуфтаанд, ки феҳристи гаравгонҳоро рӯзи якшанбе ҲАМОС ба онҳо додааст.

Мақомоти Исроил гуфтаанд, ки хабари ҷон бохтани ин ҳашт гаравгонро ба хонаводаҳояшон расонидаанд. Вале номи онҳо то ҳол ифшо нашудааст.

Гуфта мешавад, ҲАМОС ҷасади ин фавтидагонро ба Исроил месупорад.

Ёдрас мешавем, ки созишномаи оташбас байни Исроил ва ҲАМОС аз 19 январи сол ба иҷро даромад. Бар асоси он ҲАМОС бояд 33 гаравгони исроилиро озод кунад. Дар ивази онҳо Исроил ҳудуди 1900 маҳбуси фаластиниро раҳо мекунад.

То имрӯз ду марҳилаи ивази гаравгонҳо анҷом шуд. ҲАМОС дар ду давр ҳафт гаравгон ва Исроил 290 маҳбуси фаластиниро раҳо кард.

✅Бо 😍 бошед: Telegram ✅

🚫Гумонбарони ҳамла ба мошини раиси ҲХДТ дар Кӯлоб аз 5 сол то ҳукми абад маҳкум шудаанд

Онҳо 9 нафар буданд ва дар миёнашон як зан ҳам ҳаст.

Нуҳ гумонбар дар тарконидани мошини Салим Сайвализода, раиси Ҳизби халқии демократии Тоҷикистон (ҲХДТ) дар шаҳри Кӯлоб аз панҷ сол то ҳабси абад маҳкум шудаанд. Ягона зан дар ин парванда Холисамо Раҳимова 5 сол раовнаи зиндон шуд, вале бинобар кӯдаки хурдсол доштан, дар озодӣ қарор дорад.

Радиои Озодӣ аз қавли Ҳамзаалӣ Мусофиров, додситони минтақаи Кӯлоб навишт, ки Бахтиёр Маҷидзода, Наврӯзҷон Одинаев, Қурбоналӣ Воҳидов, Аслам Олтиев, Акмал Шерматов, Саидмаҳмуд Шоев, Ҳоким Имомов, Насим Ашӯров ва Холисамо Раҳимова дар пайванд ба Ҳамла ба мошини раиси ҲХДТ дар Кӯлоб, ки моҳи январи соли гузашта рух дода буд, дар курсии айбдорӣ нишаста, нисбаташон ҳукм содир шуд.

Манбаъ мушаххас нагуфтааст, ки кадоме аз инҳо чанд солӣ ҳукм гирифтан ва киҳо ба ҳукми абад равонаи зиндон шуданд.
Ҳамчунин, маълум нест, ки ҳукми додгоҳ дар нисбати ин афрод кай эълон шудааст.

Дар ҳамин ҳол назари наздикони маҳкумшудаҳо низ ба ҳукми додгоҳ ҳанӯз дастрас нест.

Ин парванда аз сӯи муфаттишони Вазорати корҳои дохилӣ ва Кумитаи давлатии амнияти миллӣ таҳқиқ ва ба Додгоҳи Хатлон фиристода шуда буд.

Ёдрас мекунем, ки рӯзи 5 январи соли равон дар деҳаи Тӯдакафш мошини хидматии Салим Сайвализода дар назди хонааш таркида, дар натиҷа ӯ ҷароҳат бардошт. Мақомот аз маҳалли ҳодиса “боқимондаи маводи худсохти тарканда” пайдо кардаанд.

Моҳи феврал вазири корҳои дохилии Тоҷикистон Рамазон Раҳимзода ба рӯзноманигорон хабар дод, ки аз рӯи ин парванда гумонбарони зиёд дастгир шудаанд, вале бинобар сабаби сирри тафтишот аз шумораи муайян ном набурд. Ӯ танҳо илова кард, ки муфаттишони ВКД ва КДАМ ҳодисаро таҳқиқ доранд.

Баъдтар маълум шуд, ки ҳамаи боздоштшудагон сокинони шаҳри Кӯлоб будаанд.

Қаблан, Ҳамзаалӣ Музофирзода зимни нишасти матбуотии гуфта буд, “ҳамаи онҳо (гумонбарон-аз идора) ба гуноҳашон иқрор шуда, изҳори пушаймонӣ карданд. Роҳбари гурӯҳ Бахтиёр Маҷидзода. Зан ҳамсараш аст, ки парчами “Давлати исломӣ”-ро дӯхта, бо дигар аъзои гурӯҳ ҳамкорӣ мекард. Нисбати ӯ бо моддаи 307 Кодекси ҷиноятии ҶТ (даъвати оммавӣ барои бо роҳи зӯроварӣ тағйир додани сохти конститутсионӣ) парвандаи ҷинятӣ боз шудааст”.

✅Бо 😍 бошед: Telegram ✅

⚡️Аз 5-уми феврали соли 2025 мақомоти пулиси Русия ҳақ пайдо мекунанд, ки муҳоҷирони кории қонуншиканро аз ин кишвар ихроҷ кунанд. Қаблан ба ин кор танҳо додгоҳҳои Русия ҳақ доштанд.

Ба ғайр аз ин, дар моҳи феврал чанд тағйироти дигар низ барои муҳоҷирон дар Русия пешбинӣ шудааст. Онҳо чӣ тағйироте ҳастанд ва чӣ маҳудудиятҳое барои муҳоҷирон хоҳанд дошт?

Дар ин бора давоми рӯз дар сомона ва саҳифаҳои "Азия-Плюс" дар шабакаҳои иҷтимоӣ мутолиа кунед.

✅Бо 😍 бошед: Telegram ✅

⚡️Дар мусобиқаи "Ҷоми рушд-2025" мунтахаби наврасони то 17-солаи 🇹🇯Тоҷикистон бо ҳамсолони худ аз 🇮🇷Эрон, 🇷🇺Русия ва 🇰🇿Қазоқистон бозӣ мекунад.

📌Дар ин бора Федератсияи футболи Тоҷикистон иттилоъ медиҳад.

📆 Ба гуфтаи манбаъ, ин мусобиқа аз 16-ум то 21-уми феврали соли ҷорӣ да шаҳри Мински Беларус баргузор мешавад.

🏟 Гуфта мешавад, дар мусобиқа 8 даста ба ду гурӯҳ ҷудо шуда, рақобат мекунанд. Тими миллии наврасони Тоҷикистон (U-17) дар гурӯҳи "В" қарор дошта, рӯзи 16-уми феврал бо наврасони Русия, рӯзи 17-ум бо Эрон (U-17) ва рӯзи 19-ум бо Қазоқистон (U-17) дидор анҷом медиҳад.

Дар гурӯҳи "А" мунтахабҳои наврасони Беларус, Ӯзбекистон, Озарбойҷон ва тими Академияи "Блокчейн Спортс"-и Бразилия байни ҳам мубориза мебаранд.

✅Бо 😍 бошед: Telegram ✅

🏠Соҳибони "хонаҳои бесоҳиб" пайдо шудаанд

Соҳибони "хонаҳои бесоҳиб”-и Истиқлол (Табошари пешин) пайдо шудаанд. Қаблан мақомот мехост, ин хонаҳоро ба тавозуни ҳукумат гузаронад ва ба ниёзмандони шаҳр диҳад.

Қаюмҷон Маҳмудзода, раиси шаҳри Истиқлол зимни нишасти матбуотӣ гуфт, соҳибони хонаҳо баъди рӯйхат кардану муҳр задани дарашон пайдо шуданд ва ҳамаи онҳо 📑ҳуҷҷатҳои тасдиқкунандаи соҳибмулкро доранд.

Аксари соҳибхонаҳо дар муҳоҷирати меҳнатӣ будаанд. Ба гуфтаи Маҳмудзода, ҳоло онҳо қарори додгоҳро дар бораи ин масъала интизоранд.

❗️Бояд гуфт, ки дахлнопазирии манзил дар Конститутсия кафолат дода шудааст.

#Якхабар
————-
Таблиғ: Бастаҳои алоқаи солона аз ZET-MOBILE - дастрас, муфид ва қулай. Ба яке аз 4 бастаи ZET-MOBILE - MINI, MAX, PRO ва ULTRA пайваст шав ва давоми сол аз алоқаи баландсифат ҳаловат бар.

🥶 Ду рӯзи оянда, 29-ум ва 30-юми январ ҳаво дар Тоҷикистон сард шуда, борону барфи шадид меборад.

⛈ Дар ин бора аз Маркази обуҳавошиносии кишвар ба "Азия-Плюс" хабар дода, гуфтанд, ки дар ин рӯзҳо дар ноҳияҳои кӯҳӣ ва доманакӯҳҳо, инчунин, дар шоҳроҳи Душанбе-Чаноқ ва ғарби ВМКБ эҳтимоли фаромадани тарма вуҷуд дорад.

🗻 Гуфта мешавад, ки дар ноҳияҳои кӯҳӣ ва доманакӯҳҳо барф борида, ҳарорати ҳаво дар баъзе минтақаҳо то -7-10 дараҷа поин меравад.

✅Бо 😍 бошед: Telegram ✅