🏦 Дар Ҷумҳурии Тоҷикистон то санаи 30 июни соли 2024 дар маҷмуъ 63 ташкилоти қарзии молиявӣ фаъолият менамоянд:

🏦 14 бонки анъанавӣ;
🏦 1 бонки исломӣ;
🏦 1 ташкилоти қарзии ғайрибонкӣ;
🏦 19 ташкилоти амонатии қарзии хурд;
🏦 4 ташкилоти қарзии хурд;
🏦 25 фонди қарзии хурд.

Дар ин бора Фирдавс Толибзода, раиси Бонки миллии кишвар имрӯз зимни нишасти матбуотӣ хабар дод.

Ба гуфтаи ӯ, теъдоди воҳидҳои сохтории ташкилотҳои қарзии молиявӣ дар санаи ҳисоботӣ ба 1899 адад баробар гардидааст, ки нисбат ба ҳамин санаи соли қаблӣ 18 адад зиёд мебошад.

Бо @asiaplustj бошед.

Обутоб раванди муҳимест, ки ба беҳтар шудани саломатии кӯдакон ва баланд бардоштани муқовимати бадан ба бемориҳои гуногун мусоидат мекунад.

Обутоб бояд тадриҷӣ ва лаззатбахш бошад, то кӯдак онро ҳамчун як ҷузъи табиии реҷаи тобистонаи худ қабул кунад. Нашри нави "Дунёи кӯдак" дар ин мавзӯъ маълумот медиҳад.

#Дунёикӯдак
___
Таблиғ: Маҳсулоти фоидабахши «Нури Зулол» аз ширкати «Оби Зулол» барои рушди кӯдак мувофиқ мебошад. Меваҳои пухтасойидашда, смузи ва афшураҳои кӯдаконаи «Нури зулол» - маҳсулоти табиӣ ва фоидабахш барои кӯдаки шумо!

Ҳаҷми гардиши тиҷорати хориҷии Тоҷикистон дар нимсоли аввали 2024 4 миллиарду 417,4 миллион доллар будааст, ки нисбат ба ҳамин давраи соли гузашта 1 миллиарду 053,1 миллионн доллар бештар мебошад.

Дар ин бора имрӯз дар нишасти хабарии Хадамоти гумруки кишвар иттилоъ доданд.

Ба иттилоъи манбаъ, воридоти мол дар ин давра 3 миллиарду 421,2 миллион доллар (26,1% бештар аз соли гузашта) ва содирот 996,2 миллион доллар (52,7% бештар аз соли гузашта)-ро ташкил додааст.

Бо @asiaplustj бошед.

ҲАМОС номи роҳбари нави сиёсии худро эълон кард

Қарзи ТАЛКО аз истифодаи нерӯи барқ дар ним сол 40 дарсад зиёд шуд

"Аудиокитоб" бо Субҳон Ҷалилов. Маснавии маънавӣ. Ҳикояи “Гиря камтар кун”

Дар нашри навбатии лоиҳаи “Аудиокитоб бо Субҳон Ҷалилов” ҳикояи “Гиря камтар кун” манзури ҳаводорони китоб гардонида мешавад.

https://youtu.be/kLBCfTx1LnQ?si=l78XPryyk7k_7rAI

#АудиокитобАП

Бо @asiaplustj бошед.

“Музди маош зиёд шуд!” Директори Агентии омор сабаби баланд шудани нархи гӯштро шарҳ дод

Аз “Амонатбонк” то Тоҷикободу Гулистон. Изофанависӣ, камомад ва хароҷоти ғайриқонунии пулию молӣ дар ниҳодҳои давлатӣ

“Тоҷиксодиротбонк”-у “Агроинвестбонк” дар 3 соли охир бештар аз 400 млн сомонии муштариёнро баргардонидаанд

"Шаб ба хайр, эй "пассажирон", шаб ба хайр"

Ин навор аз муҳоҷирони тоҷик, ки чанд рӯз қабл дар сарҳади Қазоқистону Русия дармонда буданд, ба мо ирсол гардид.

Дар навор дида мешавад, ки нафарони зиёде барои гузаштан аз сарҳад дар навбат истодаанд. Дар миёни онҳо муҳоҷире бо забони тоҷикӣ суруди маъруфи "Шаб ба хайр"-ро хонда истодааст. Ӯ ба таври ҳазл баъзе ҷойҳои ин сурудро иваз намуда қироат мекунад.

Бо @asiaplustj бошед.

Занони тоҷик дар тиҷорат: бояд қолабҳоро шикаст ва шароити корӣ фароҳам овард

#Якхабар

Дар Душанбе аз 28 то 31 август аввалин қаҳрамонии ҷаҳон оид ба гӯштингирӣ доир мегардад. Дар он зиёда аз 200 варзишгар аз 60 давлати ҷаҳон иштирок мекунанд.

Мусобиқа дар 9 вазн баргузор шуда, занон дар 3 вазн ва мардон дар 6 вазн рақобат мекунанд. Фонди ҷоизавии мусобиқа бошад, 400 ҳазор доллар аст.

Рақобатҳо дар Қасри теннис ва варзиши обӣ доир мегардад. Барои тамошобинон даромад ройгон аст.
—————-
Таблиғ: Шарбати Пардифен Кидс – давои омехта барои фарзанди шумо! Бо Пардифен Кидс кӯдаки шумо дур аз таб аз давраи кӯдакӣ лаззат мебарад. Пардифен Кидс аз ширкати Вегафарм. Аз дорухонаҳо пурсон шавед!

Вохӯрии навбатии мақомоти минтақаҳои наздимарзии Тоҷикистону Қирғизистон

⚡️Дар шаш моҳи соли 2024 дар Тоҷикистон 11 ҳазору 804 ҷиноят ба қайд гирифта шудааст, ки нисбат ба ҳамин давраи соли 192 адад зиёд мебошад. Соли 2023-юм 11 ҳазору 612 ҷиноят ба қайд гирифта шуда буд.

Дар ин бора ВКД хабар медиҳад.

Ин ниҳод гуфтааст, ки дар ин давра аз тарафи кормандони мақомоти корҳои дохилӣ 5 ҳазору 585 ҷиноят ба ҳисоб гирифта, 4 ҳазору 727 ҷиноят мавриди тафтиш қарор дода шудааст, ки кушодашавии он 87,2 фоизро ташкил медиҳад.

Аз ҷумла, дар шаш моҳи соли равон аз ҷониби ВКД чунин ҷиноятҳо ба қайд гирифта шудааст:

- одамкушӣ ва сӯиқасд ба он – 41 (2023-24);

- роҳзанӣ – 11 (2023-5);

- ғоратгарӣ – 33 (2023-61);

- таҷовуз ба номус – 17 (2023-25);

- хариду фурӯши одамон 38 (2023-34);

- қасдан расонидани зарари вазнин ба саломатӣ – 61 (2023-54);

- авбошӣ – 776 (2023-666);

- қаллобӣ – 1820 (2023-1491);

- дуздӣ – 2036 (2023-2229);

- тамаъҷӯӣ 20 (2023-26);

- муомилоти ғайриқонунии воситаҳои нашъадор 317 (2023-328).

Бо @asiaplustj бошед.

⚡️Дар натиҷаи 539 садамаи нақлиётӣ дар 6 моҳи соли ҷорӣ 236 нафар ба ҳалокат расида, 570 нафар ҷароҳат бардоштаанд.

Дар ин бора ВКД хабар медиҳад.

Шумораи садамаҳо нисбат ба 6 моҳи соли гузашта 47 адад (2023-492) зиёд мебошад.

Нисбат ба ҳамин давраи соли гузашта шумораи ҳодисаҳо 11,8 фоиз, маҷрӯҳшудагон 13,3 фоиз ва ҳалокшудагон 22,3 фоиз зиёд шудааст.

Бо @asiaplustj бошед.

Дар Тоҷикистон имтиёзи воридоти телефонҳо барои истифодаи шахсӣ бекор шуд

🚒Дар натиҷаи сар задани 494 сӯхтор дар шаш моҳи соли равон 9 нафар ба ҳалокат расидаанд, ки аз ин 7 нафарашон ноболиғон мебошанд. Зарари сӯхтор дар ин давра 12 миллиону 137 ҳазор сомониро ташкил медиҳад.

Дар ин бора ВКД хабар медиҳад.

Ин ниҳод гуфтааст, дар ним сол дар кишвар 494 ҳодисаи сӯхтор рух додааст, ки нисбат ба ҳамин давраи соли гузашта 89 ҳолат (2023-581) кам мебошад.

“Аз коми сӯхтор ҳаёти 37 нафар шаҳрвандон наҷот дода шудааст”, - менависад ВКД.

Бо @asiaplustj бошед.

“Дар ним сол 3,5 ҳазор QR-рамз кам шуд”. Раиси Бонки миллӣ сабаби кам шудан ва мушкилиҳо дар кори QR-рамзҳоро шарҳ дод