❓Дар куҷо метавон аз менингит эм гирифт?

Аз Вазорати тандурустӣ ва ҳифзи иҷтимоии аҳолии Тоҷикистон гуфтанд, дар кишвар феълан 💉ваксина бар зидди бемории илтиҳоби пардаҳои майна ё менингит нест, зеро эҳтиёҷ ба он хеле кам аст. Вале таъкид карданд, ки онҳо танҳо зоирони ҳаҷи фарзиро бо ваксина таъмин мекунанд.

Барои ин бояд Кумитаи дин, ки масъули фиристодани зоирон ба ҳаҷ аст, ба Вазорати тандурустӣ рӯйхати зоирони ҳаҷҷи фарзиро пешниҳод карда, маблағҳои заруриро барои хариди ваксина ҷудо кунад.

Баъд аз ин, ваксина харидорӣ шуда, ба муассисаҳои тиббии минтақаҳо тақсим мешавад, то зоирон пеш аз сафар ваксина гиранд ва ба онҳо гувоҳнома дода шавад.

Зоироне, ки барои адои ҳаҷи умра мераванд, масъулияти эмгузаронии онҳо ба души ширкатҳои сайёҳӣ аст.

Илова ба ин, ба шаҳрвандоне, ки бо мақсадҳои дигар ба Арабистон мераванд, тавсия дода мешавад, ки талаботи эмгузарониро бевосита аз ин сафорат дар Тоҷикистон маълум кунанд.

❗️Ёдовар мешавем, ки шуруъ, аз 1-уми феврали соли равон Арабистони Саудӣ барои ҳамаи мусофироне, ки ба ин кишвар ворид мешаванд, гувоҳномаи эмгузаронӣ бар зидди бемории илтиҳоби пардаҳои майна ё худ менингит талаб мекунад.

Боз суол доред? - пас ба мо нависед.

#пурсидедҷавобмедиҳем
____
Таблиғ: Меваҳои пухтасойидашудаи «Нури Зулол» — табиӣ, болаззат ва ғамхорӣ барои кӯдакон! Зарфҳои шишагии экологӣ, манфиати меваҳо ва шодии кӯдакон аз 6-моҳагӣ.

📚🎧 “Аудиокитоб” бо Субҳон Ҷалилов. Маснавии маънавӣ. Ҳикояи “Амири шаробхор ва зоҳид”

📌 Дар нашри навбатии лоиҳаи “Аудиокитоб бо Субҳон Ҷалилов” ҳикояи “Амири шаробхор ва зоҳид” манзури ҳаводорони китоб гардонида мешавад.

#АудиокитобАП

✅Бо 😍 бошед: Telegram ✅

⚡️Чӣ тавр дар шароити хона занбӯруғ парвариш мекунанд?

Барои чидани занбуруғ мардум дигар ба саҳро намеравад, балки онро дар хонаву корхонаҳои хурд парвариш мекунад. Ба ин шуғл асосан занони деҳот даст доранд. Ин ҳам як имкони нав барои рушди соҳибкорӣ, беҳтар кардани сатҳи зиндагӣ ва таъмини бозори маҳаллӣ бо маҳсулот мебошад.

Чӣ тавр дар шароити хона метавон занбуруғ парварид? Кадом намуд? Ҳосилаш чӣ қадар аст? Дар гузориши мо дар доираи лоиҳаи «Барзгар» бубинед.

Шарики расмии лоиҳа Гурӯҳи ширкатҳои "Нексигол" аст, ки зиёда аз 15 сол дар соҳаи кишоварзӣ хизмат мерасонад. Аз ҷумла, хизматрасонии машваратӣ, ҷорӣ намудани технологияҳои инноватсионии кишоварзӣ ва фармоиши маводҳои кишоварзию иҷораи техникаро амалӣ мекунад.

⚡️Пулиси Душанбе мегӯяд, танҳо дар моҳи январи соли ҷорӣ беш аз 200 ҳолати парвариш ва нигоҳубини чорво дар ҳудуди пойтахтро ошкор кардааст.

Ба гуфтаи ин ниҳод, бар зидди ҳамаи онҳое, ки дар Душанбе чорво нигоҳдорӣ кардаанд, бо моддаи 480 қисми 1 парвандаи маъмурӣ боз шудааст. Ин банди қонунгузорӣ ба шахсони воқеӣ аз 750 то 1 ҳазору 500 сомонӣ ва ба шахсони ҳуқуқӣ аз 7 ҳазору 500 то 22 ҳазору 500 сомонӣ ҷарима пешбинӣ мекунад.

Раёсати ВКД дар пйтахт, бори дигар огоҳ кардааст, ки мутобиқи қарори вакилони халқи шаҳри Душанбе парвариш ва нигоҳубини чорво дар ҳудуди пойтат манъ шудааст.

Ин ниҳод нигаронӣ кардааст, ки ҳанӯз шаҳрвандоне ҳастанд, ки талаботи мазкурро риоя накарда, "ба конуншиканӣ даст мезананд".

Ҳамчунин, пулиси пойтахт дигарбора аз шаҳрвандон хостааст, ҳарчӣ зуддар молу чорвои худро аз ҳудуди шаҳри Душанбе берун кунанд.

✅Бо 😍 бошед: Telegram ✅

⚡️Дар Бохтар озмоишгоҳи замонавии “Агро олам”, ки таркиби хокро меомӯзад, ба кор оғоз кард

⚡️Пулиси Душанбе аз боздошти як марди 57-сола хабар дод, ки ба даст доштан дар 12 ҳолати қаллобӣ гумонбар мешавад.

Раёсати ВКД дар Душанбе мегӯяд, ин мард Қурбонов Сироҷ ном дошта, сокини ноҳияи Ёвон аст.

Ба гуфтаи манбаъ, ҳоло 12 ҳолати қаллобие, ки ин нафар дар онҳо даст доштааст ва дар натифа ба шаҳрвандон беш аз як миллион сомонӣ зарар расидааст, маълум шудаанд.

Гуфта мешавад, ин марди 57-сола қаблан 5 маротиба бо ҷурми қаллобӣ суд шудааст.

Маълум нест, ки нисбати ӯ чӣ ҷазо татбиқ мешавад. Вале қонунгузории Тоҷикистон барои такроран даст задан ба қаллобӣ то 5 соли зиндонро пешбинӣ кардааст.

Назари худи боздоштшуда ва пайвандони ӯ дар робита ба ин қазия дастрас нест.

✅Бо 😍 бошед: Telegram ✅