⚡️Натиҷаҳои интихоботи парлумонии Ӯзбекистон маълум шуданд. Кӣ чанд курсӣ ба даст овард?

Дар интихоботи парлумонии Ӯзбекистон, ки дирӯз, 27-уми октябр баргузор шуд, “Ҳизби либерал-демократи Ӯзбекистон” бештар курсиҳоро ба даст овард. Ин ҳизб аз 150 курсии мавҷуд 64-тои онро соҳиб шудааст. Дар ҳайати парлумони амалкунанда либерал-демократҳо 53 курсиро соҳиб буданд.

Дар ин бора хабаргузории “Fergana.media” хабар медиҳад.

Ҳамчунин, “Ҳизби экологӣ”-и ин кишвар шумори курсиҳои худро дар Палатаи қонунгузори Ӯзбекистон (парлумон) бештар карда, аз 15 ба 16 курсӣ расондааст.

Ин расона навишт, ки ҳизбҳои дигар қисме аз мандатҳои худро аз даст додаанд. Аз ҳама бештар ҳизби "Эҳёи миллӣ"-и кишвари ҳамсоя ҷойҳои худро аз даст додааст. Дар ҳайати нави парлумон ин ҳизб 29 намоянда хоҳад дошт, дар ҳоле ки то интихоботи нави парлумонӣ шумори онҳо ба 36 нафар мерасид.

Ҳизби сотсиал-демократии "Адолат" ҳам, ки қаблан 24 курсиро дар парлумон соҳиб буд, се курсии худро аз даст дод ва ҳоло 21 намоянда дорад.

Ҳизби дигаре, ки шумори мандатҳояш дар ин интихобот кам шуд “Ҳизби халқӣ-демократии Ӯзбекистон” аст, ки қаблан 22 мандат дошт ва ҳоло 20 намоянда хоҳад дошт.

Ба гуфтаи мақомоти Ӯзбекистон, аз қариб 20 миллион раъйдиҳанда, ки сабти ном карда буданд, беш аз 15 миллион ё 74.72 дарсади онҳо дар интихобот иштирок кардаанд.

✅Бо ❤️ бошед: Telegram ✅

💳 Green Card дар Тоҷикистон. Сабти дархостҳо ба наздикӣ ба охир мерасад, боз саволҳо ҳастанд?