🇹🇯 Варзишгарони тоҷик дар рӯзи чаҳоруми Бозиҳои ҷаҳонии кӯчманчиён дар Остона боз ду медали биринҷӣ ба даст оварданд.

🤼‍♂️Варзишгари тоҷик Ҳамроз Раҷабов дар мусобиқаи куштии миллии Қазоқистон мақоми севумро касб кард, хабар медиҳад хабарнигори «Азия-Плюс».

⛳️Дар мусобиқа дар бозии миллии мардуми қазоқ “Асиг ату” мунтахаби мардонаи Тоҷикистон соҳиби ҷоизаи биринҷӣ шуд ва 1 миллион танга (беш аз 2 ҳазор доллар) ҷоиза гирифт.

Аксу навор: аз "Азия-Плюс"

Бо @asiaplustj бошед.

🇹🇯 Сафорати Тоҷикистон дар Британияи Кабир бахшида ба 33-умин солгарди истиқлолият як зиёфати расмӣ ва намоишгоҳи фарҳангӣ ташкил намуд.

Дар чорабинӣ намояндагони ҳукумати Британия, вакилони парлумон, намояндагони вазорату идораҳо, дипломатҳо, намояндагони бахши хусусӣ ва ВАО, инчунин ҳамватанони муқими Британияи Кабир иштирок доштанд.

Бо @asiaplustj бошед.

Имрӯз дар Душанбе таҳти унвони “Нақши олимон ва донишмандони тоҷик дар рушди фарҳанг ва тамаддуни исломӣ” конфронси байналмилалӣ оғоз гардид.

Дар он профессорон, ходимони илмӣ ва донишҷӯёни донишгоҳҳои Арабистони Саудӣ, Аморати Муттаҳидаи Араб, Миср, Бангладеш, Бруней Доруссалом, Ҷибути, Ӯзбекистон, Туркманистон, Эрон, Туркия, Қувайт, Алҷазоир ва олимону донишмандони Тоҷикистон иштирок ва суханронӣ намуданд.

Конфронси мазкурро муовини вазири корҳои хориҷии Тоҷикистон Шарифзода Фаррух ҳусни оғоз бахшида, дар бораи нақш ва эҷодиёти мутафаккирони барҷастаи тоҷик дар ҷаҳони ислом сухан гуфт.

Ин конфронс ду рӯз, 12-13 сентябр давом хоҳад кард.

📷: аз Суҳроб Зиё

Бо @asiaplustj бошед.

Гурӯҳи эҷодии “Ӯзбекфилм” барои санҷиши видеоии ҳунарпешаҳо барои нақшофарӣ дар филми муштараки “Дурахши ахтарон: Ҷомӣ ва Навоӣ” ва омода намудани либосу реквизитҳо ба Тоҷикистон омадаанд.

Санҷиши видеоии ҳунарпешаҳо 10-уми сентябр дар “Тоҷикфилм” оғоз гардида, то 13-уми сентябр идома меёбад.

Дар назар аст, ки наворбардории филми ҳунарии муштараки мазкур соли 2024 шурӯъ шуда, то соли 2025 давом мекунад.

Бо @asiaplustj бошед.