"Шаб ба хайр, эй "пассажирон", шаб ба хайр"

Ин навор аз муҳоҷирони тоҷик, ки чанд рӯз қабл дар сарҳади Қазоқистону Русия дармонда буданд, ба мо ирсол гардид.

Дар навор дида мешавад, ки нафарони зиёде барои гузаштан аз сарҳад дар навбат истодаанд. Дар миёни онҳо муҳоҷире бо забони тоҷикӣ суруди маъруфи "Шаб ба хайр"-ро хонда истодааст. Ӯ ба таври ҳазл баъзе ҷойҳои ин сурудро иваз намуда қироат мекунад.

Бо @asiaplustj бошед.

#Якхабар

Дар Душанбе аз 28 то 31 август аввалин қаҳрамонии ҷаҳон оид ба гӯштингирӣ доир мегардад. Дар он зиёда аз 200 варзишгар аз 60 давлати ҷаҳон иштирок мекунанд.

Мусобиқа дар 9 вазн баргузор шуда, занон дар 3 вазн ва мардон дар 6 вазн рақобат мекунанд. Фонди ҷоизавии мусобиқа бошад, 400 ҳазор доллар аст.

Рақобатҳо дар Қасри теннис ва варзиши обӣ доир мегардад. Барои тамошобинон даромад ройгон аст.
—————-
Таблиғ: Шарбати Пардифен Кидс – давои омехта барои фарзанди шумо! Бо Пардифен Кидс кӯдаки шумо дур аз таб аз давраи кӯдакӣ лаззат мебарад. Пардифен Кидс аз ширкати Вегафарм. Аз дорухонаҳо пурсон шавед!

⚡️Дар шаш моҳи соли 2024 дар Тоҷикистон 11 ҳазору 804 ҷиноят ба қайд гирифта шудааст, ки нисбат ба ҳамин давраи соли 192 адад зиёд мебошад. Соли 2023-юм 11 ҳазору 612 ҷиноят ба қайд гирифта шуда буд.

Дар ин бора ВКД хабар медиҳад.

Ин ниҳод гуфтааст, ки дар ин давра аз тарафи кормандони мақомоти корҳои дохилӣ 5 ҳазору 585 ҷиноят ба ҳисоб гирифта, 4 ҳазору 727 ҷиноят мавриди тафтиш қарор дода шудааст, ки кушодашавии он 87,2 фоизро ташкил медиҳад.

Аз ҷумла, дар шаш моҳи соли равон аз ҷониби ВКД чунин ҷиноятҳо ба қайд гирифта шудааст:

- одамкушӣ ва сӯиқасд ба он – 41 (2023-24);

- роҳзанӣ – 11 (2023-5);

- ғоратгарӣ – 33 (2023-61);

- таҷовуз ба номус – 17 (2023-25);

- хариду фурӯши одамон 38 (2023-34);

- қасдан расонидани зарари вазнин ба саломатӣ – 61 (2023-54);

- авбошӣ – 776 (2023-666);

- қаллобӣ – 1820 (2023-1491);

- дуздӣ – 2036 (2023-2229);

- тамаъҷӯӣ 20 (2023-26);

- муомилоти ғайриқонунии воситаҳои нашъадор 317 (2023-328).

Бо @asiaplustj бошед.

⚡️Дар натиҷаи 539 садамаи нақлиётӣ дар 6 моҳи соли ҷорӣ 236 нафар ба ҳалокат расида, 570 нафар ҷароҳат бардоштаанд.

Дар ин бора ВКД хабар медиҳад.

Шумораи садамаҳо нисбат ба 6 моҳи соли гузашта 47 адад (2023-492) зиёд мебошад.

Нисбат ба ҳамин давраи соли гузашта шумораи ҳодисаҳо 11,8 фоиз, маҷрӯҳшудагон 13,3 фоиз ва ҳалокшудагон 22,3 фоиз зиёд шудааст.

Бо @asiaplustj бошед.

Дар шаш моҳи соли равон 95 ҳолати маблағгузорӣ ба терроризм ва экстримизм ба қайд гирифта шуда, 43 ҳолати он ошкор ва 39 нафар дастгир гардидаанд.

Дар ин бора Аламшозода Абдураҳмон, муовини якуми вазири корҳои дохилии Тоҷикистон дар нишасти хабарии ин ниҳод хабар дод.

Ба гуфтаи ӯ, Маблағи умумии маблағгузорӣ ба терроризм 500 ҳазор сомониро ташкил додааст.

Ҳамчунин дар нишаст зикр гардид, ки дар ним сол дар кишвар 3 амали террористӣ ва 2 амали сӯиқасд ба терроризм ба қайд гирифта шуда, ошкор гардидаанд.

Бо @asiaplustj бошед.

Давоми 6 моҳи аввали соли ҷорӣ 1381 нафар, ки барои ҷиноятҳои гуногун дар ҷустуҷӯи байналмилалӣ буданд, дастгир карда шудаанд.

Дар ин бора Аламшозода Абдураҳмон, муовини якуми вазири корҳои дохилии кишвар иттилоъ дода, илова кард, ки "аз ҷумла, тавассути “Интерпол” 44 нафар, ки дар хориҷи кишвар дар ҷустуҷӯи байналмилалӣ буданд, дастгир гардида, 22 нафари онҳо аллакай ба Тоҷикистон истирдод карда шуданд. Истирдоди 22 нафари дигар дар ҳоли баррасӣ аст".

Бо @asiaplustj бошед.

Омилҳои асосии садамаҳои нақлиётӣ:
- Баланд кардани суръати ҳаракат 58, 6 фоиз
- Баромадан ба самти муқобил 25 фоиз,
- “Манёвр” ва сабқат 10 фоиз
- дигар намудҳо 7 фоиз.

Бо @asiaplustj бошед.

Дар шаш моҳи соли равон 33 корманди мақомоти корҳои дохилӣ ба 16 ҷинояти коррупсионӣ даст аздаанд. Нисбати онҳо 33 парвандаи ҷиноятӣ боз шудааст.

Дар ин бора Аламшозода Абдураҳмон, муовини якуми вазири корҳои дохилии Тоҷикистон хабар дод.

Аммо, ӯ нагуфт, ки онҳо чӣ ҷазо гирифтаанд.

Бо @asiaplustj бошед.

⚡️Аламшозода Абдураҳмон, муовини вазири корҳои дохилӣ дар масъалаи боздоштҳои охири чеҳраҳои матраҳ, мисли Саидҷаъфар Усмонзода, Шокирҷон Ҳакимов, Аҳмадшоҳ Комилзода, Акбаршоҳ Искандаров, гуфт, “тафтиши ин парвандаҳоро ВКД пеш намебарад, аз ин рӯ, ба мақомоте, ки тафтиши ин парвандаро мебаранд, муроҷиат кунед”.

Ӯ мушаххас нагуфт, ки тафтиши ин парвандаҳоро кадом ниҳод пеш мебарад.

Бо @asiaplustj бошед.

Ҳамаи соҳибони воситаҳои нақлиётии нақлиёти барқӣ ё электромобилҳо вазифадоранд, ки рақами сабз гиранд.

Ин дар асоси қарори ҳукумат аз 2 апрел аст. Маблағи рақамҳои сабз аз рақамҳои оддӣ фарқ надорад ва он 380 сомониро ташкил медиҳад.

Дар ин бора дар посух ба суоли “Азия-Плюс” Рустам Мирзомуродзода, сардори БДА Тоҷикистон хабар дод.

Бо @asiaplustj бошед.