СММ: беш аз 187 ҳазор сокини навори Ғазза хонаҳои худро тарк карданд. Шумораи қурбониёни ҳарду ҷониб бештар аз 1600 нафарро ташкил медиҳад

Дафтари ҳамоҳангсозии умури башардӯстонаи СММ (OCHA) гузоришеро дар бораи он чӣ дар 24 соати охир дар Исроил ва навори Ғазза рух дод, нашр кард, хабар медиҳад BBC.

Ҳамос ба сӯи Исроил мушакандозиро идома медиҳад, дар ҳоле ки нерӯҳои исроилӣ рӯзи душанбе ба мавқеъҳои Ҳамос ҳамлаҳои шадид анҷом дода буд.

То шоми рӯзи душанбе дар ҳамлаи Ҳамос ба Исроил дар маҷмӯъ беш аз 900 исроилӣ ва ҳамчунин шаҳрвандони хориҷӣ кушта шуданд.
Ба гуфтаи вазорати тандурустии Исроил, дастикам 2616 нафар маҷрӯҳ шудаанд.

Ба гуфтаи вазорати тандурустии Ғазза, 687 фаластинӣ кушта ва 3800 нафари дигар маҷрӯҳ шудаанд.

17 фаластинии дигар, аз ҷумла чаҳор кӯдак, аз сӯи артиши Исроил дар соҳили Ғарб кушта ва 295 нафар маҷрӯҳ шуданд.

Муҳоҷирони дастаҷамъӣ дар навори Ғазза дар 24 соати гузашта ба беш аз 187 ҳазору 518 нафар расидааст ва интизор меравад, ки шумори онҳо боз ҳам афзоиш ёбад.

Аз замони авҷ гирифтани амалиёти ҷангӣ дар Ғазза чаҳор мактаб ва 8 муассисаи тиббӣ осеб дидаанд.

Созмони Милал мегӯяд, шумори оворагони муваққат дар навори Ғазза аз замони авҷ гирифтани ҷангҳои 50-рӯза дар соли 2014 баландтарин аст.

@asiaplustj

Дар Тоҷикистон Академияи бонкӣ ташкил мешавад

Тими мунтахаби футзали Тоҷикистон ба марҳилаи ниҳоии Ҷоми Осиё-2024 роҳ ёфт

🇹🇯 🇦🇿 Сироҷиддин Муҳриддин дар Боку бо вазири корҳои хориҷии Озарбойҷон мулоқот кард

Рӯзи 9-уми октябр дар шаҳри Боку дар ҳошияи иштирок дар ҷаласаи 27-уми Шӯрои вазирони корҳои хориҷии Созмони ҳамкории иқтисодӣ вазири корҳои хориҷии Тоҷикистон Сироҷиддин Муҳриддин бо вазири корҳои хориҷии Озарбойҷон Ҷейҳун Байрамов мулоқот намуд.

Дар ин дидор зарурати истифодаи имкониятҳои фаррох дар самти тавсеаи равобити иқтисодӣ, тиҷоратӣ ва сармоягузории ду кишвар, алалхусус дар соҳаҳои гидроэнергетика, нақлиёт, коммуникатсия, кишоварзӣ ва сайёҳӣ, таъкид карда шуд, хабар медиҳад ВКХ Тоҷикистон.

Ҳамзамон, атрофи масоили ҳамкориҳои Тоҷикистону Озарбойҷон дар чаҳорчӯби созмонҳои байналмилалӣ ва дигар масъалаҳои мавриди эҳтимоми муштарак табодули назар сурат гирифтааст.

@asiaplustj

Гази моеъ боз гарон шуд. Сокинон мегӯянд, пайдо кардани ин навъи сӯзишворӣ душвор шудааст

Дар миёни осебдидагон ва ҳалокшудагон дар Исроил ва Фаластин шаҳрвандони Тоҷикистон нестанд. Дар ин бора аз Вазорати корҳои хориҷии Тоҷикистон ба "Азия-Плюс" хабар доданд.

@asiaplustj

Оғози машқҳои муштараки “Бародарии шикастнопазир-2023” дар Қирғизистон

Манъи кор дар мактаб, беморхона ва таксӣ... Пешниҳоди маҳдудиятҳои нав барои муҳоҷирони корӣ дар Русия

Дар Тоҷикистон номгӯи мактабҳои олӣ бо кафедраҳои ҳарбӣ тасдиқ шуд

Нақшаи ҷамъоварии пахта дар Тоҷикистон 52% иҷро шуд

😻 Буквально недавно состоялась закрытая презентация первой серии веб-сериала «Дом» от Asia-Plus для любителей необычных и впечатляющих картин. По завершению презентации мы узнали у гостей, насколько и чем им понравилась картина.

🤍Их ответы смотрите на видео и не забудьте делиться в комментариях своими впечатлениями от просмотра первой серии веб-сериала «Дом».

__________________

😻Каме пеш намоиши қисми якуми силсилафилми “Дом” аз Asia-Plus ба мухлисону дӯстдорони филмҳои шавқовару ғайриоддӣ дар кинотеатри “Ватан” баргузор гардида буд. Онҷо мо аз тамошобинон оиди ин филм пурсон шуда будем, ки то чӣ дараҷа ба онҳо писанд омад.

🤍Посухи онҳоро дар навор бубинед ва худ низ фаромӯш накунед зери ин нашр фикру ақидаҳои худро оиди веб-сериали “Дом” нависед.

🤝Наворбардории филм аз ҷониби Иттиҳодияи Аврупо дар чаҳорчӯби лоиҳаи REVIVE, ки @internewstj амалӣ мекунад, маблағгузорӣ мешавад.
Шарики тарҳ @humomdo

#ВебСериал #бохабарбош #дом #REVIVE_CA

Боздошти ронандае, ки дар Хуросон корманди БДА-ро пахш карда, аз ҷойи ҳодиса фирор кард

#Якхабар

Гуруҳе аз вакилони Думаи давлатии Русия пешниҳод кардаанд, ки барои фаъолияти муҳоҷирони корӣ маҳдудиятҳо ҷорӣ карда шавад.

Вакилон таҳти роҳбарии Сергей Миронов, раиси ҳизби “Справедливая Росия - За правду” лоиҳаи қонунеро ба баррасии Думаи давлатӣ пешниҳод кардаанд, ки тибқи он ба шаҳрвандони хориҷӣ фаъолият дар бахши тиб, мактабҳо ва хадамоти таксӣ манъ карда мешавад.

Пешниҳод шудааст, ки ҳиссаи иҷозашудаи кормандони хориҷӣ дар дигар навъҳои фаъолияти иқтисодӣ то 5 дарсад маҳдуд карда шавад.

Онҳо гуфтаанд, сабаби асосии пешниҳоди мазкур коҳиши афзоиши муҳоҷирон дар бахшҳои иқтисод ва бо ҷойи кори иловагӣ таъмин кардани шаҳрвандони Русия аст.

Бояд гуфт, ки тибқи омори мақомоти Русия теъдоди муҳоҷирон ҳар сол зиёд шуда, айни ҳол дар ин кишвар наздики 17 млн нафар муҳоҷири корӣ ба қайд гирифта шудаанд.
____
Дар Точикистон харидҳоро бо QR-коди корти дилхоҳ бонки Русия пардохт кунед. Ҳамагӣ се амал: замимаи бонкро боз карда, QR-кодро нусхабардорӣ ва пардохт намоед.
Муфассал: promo-qr.tj

@asiaplustj

👀Қисми дуюми силсилафилми “Дом”- ро рӯзи панҷшанбе, 12-уми октябр соати 19:00 дар саҳифаҳои Азия-Плюс (YouTube, Instagram, Facebook) тамошо кунед.

👀Смотри вторую серию веб-сериала #Дом уже в этот четверг, 12 октября в 19:00 на всех площадках #AsiaPlus.

🤝Наворбардории филм аз ҷониби @euintajikistan дар чаҳорчӯби лоиҳаи REVIVE, ки @internewstj амалӣ мекунад, маблағгузорӣ мешавад.
Шарики тарҳ @humomdo

👀https://youtube.com/shorts/ENGakq3BuwI?feature=share

@radioasiaplus

❗️ Дилшод Саидмуродов, яке аз гумонбари асосӣ дар дуздиву куштори Шуҳрат Исматуллоев боздошт ва ба Душанбе оварда шуд.

Ин маълумотро як манбаъ аз мақомоти қудратии Тоҷикистон ба "Азия-Плюс" тасдиқ кард.

Дилшод Саидмуродов (Дилшоди “СБ” ё Дилшоди “Красавчик”) – ро мақомоти Тоҷикистон роҳбари гуруҳи ҷиноие медонанд, ки Шуҳрат Исматуллоев, муовини раиси “Ориёнбонк”-ро рабуда ба қатл расонидааст.

Қаблан гуфта мешуд, ки ӯ баъди анҷом додани ҷиноят ба Русия фирор кардааст.

Ёдовар мешавем, ки Шуҳрат Исматуллоев 23-уми июни соли 2023 дар маркази пойтахти кишвар шаҳри Душанбе рабуда шуд.

Баъдтар Додситонии куллии кишвар иттилоъ дод, ки Шуҳрат Исматуллоевро як гуруҳи муташаккили ҷиноятӣ рабудааст ва дар яке деҳаҳои ноҳияи Варзоб “бо истифода аз қувваи ҷисмонӣ, электрошокер, автофен ва дигар таҷҳизотҳо таҳти шиканҷа қарор дода, ба қатл расонидаанд.”

Ба қавли ин ниҳод, ҷасади бонкирро ба дарёи Зарафшон партофтаанд.

@asiaplustj