#Qaror_va_ijro

Davlatimiz rahbarining "Tasviriy va amaliy san‘at sohasini yanada rivojlantirishga oid qo'shimcha chora-tadbirlar to‘g‘risida"gi PQ-212-son qarori ijrosi yuzasidan Badiiy akademiya raisi Akmal Nur xizmat safari davomida Qashqadaryo viloyati hokimi Murotjon Azimov bilan uchrashdi.

Bugin, 24-iyul kuni Qashqadaryo viloyati hokimi Murotjon Azimov mazkur qaror ijrosini ta‘minlash maqsadida Qashqadaryo ixtisoslashtirilgan san‘at maktab-internatiga tashrif buyurdi.

Tashrif davomida maktab-internat faoliyati bilan yaqindan tanishib, moddiy-texnik bazasini yaxshilash, iqtidorli yoshlarni tarbiyalashga munosib sharoit yaratish maqsadida 200 o'rinli yotoqxona qurishda mutasaddilarga ko'rsatma berdi.

📝Telegram |📝 Facebook | 💻Instagram |🟥 YouTube | 🌐 Website

#qaror_va_ijro

Samimiy, ishchi muhitda kechgan uchrashuvda vodiy gavhari bo'lmish Andijonda tasviriy va amaliy sanʼatni yanada rivojlantirishning imkoniyat va istiqbollariga eʼtibor qaratildi.

Kelisihilgan "Yo'l xaritasi"ga muvofiq, soha vakillari - rassomlar va amaliy sanʼat ustalarining ijodiy ko‘rgazmalarini hamda boshqa madaniy tadbirlarni o‘tkazishga mo‘ljallangan sanʼat galereyasi tashkil qilinadi.

Badiiy akademiya tasarrufidagi Andijon ixtisoslashtirilgan sanʼat maktab-internatida badiiy taʼlim sifatini oshirish, iqtidorli yoshlarni tarbiyalash borasida shart-sharoit yanada yaxshilanadi.

Prezidentimiz ilgaru surgan tashabbus asosida Bobur shahrida Badiiy akademiya bilan hamkorlikda har yili “Rassomlar festivali” o'tkaziladi.

Andijon rassomlari ijodini kengroq tanitish maqsadida yurtimiz poytaxtida, Badiiy akademiyaning Markaziy ko‘rgazmalar zalida har yili “Andijon manzaralari” nomli ko‘rgazma tashkil etiladi.

Ulkan bunyodkorlik ishlari quloch yoygan Andijonda qad rostlayotgan turar-joylar,inshootlarni tashqi bezashda O‘zBIU aʼzolari ishtiroki ta'minlanadi.

Viloyat rassom va ustalari sanʼatini xorijda ommalashtirish bo'yicha xalqaro hamkorlik aloqalari rivojlantiriladi.

O‘zaro muloqotda bundan tashqari O‘zbekiston Badiiy ijodkorlar uyushmasi Andijon viloyat bo‘limiga aʼzo rassom, ustalar tomonidan viloyatda amalga oshirilayotgan yaratuvchanlik va bunyodkorlik ishlarini tasvirlash, soha rivojiga ulkan hissa qo‘shgan mahalliy atoqli ijodkorlar nomini abadiylashtirish imkoniyatlari yuzasidan fikr almashildi.

📝Telegram |📝 Facebook | 💻Instagram |🟥 YouTube | 🌐 Website

#qaror_va_ijro

Namanganda tasviriy va amaliy sanʼatni keng rivojlantirishga oid yangi tashabbus va takliflar qo‘llab-quvvatlanadi

Bugun,25-iyul kuni Namangan viloyati hokimligida O‘zbekiston Badiiy akademiyasi raisi Akmal Nur Namangan viloyati hokimi Shavkatjon Abdurazzoqov tomonidan qabul qilindi.

Uchrashuvda Prezidentimizning "Tasviriy va amaliy sanʼat sohasini yanada rivojlantirishga oid qo‘shimcha chora-tadbirlar to‘g‘risida"gi PQ-212-son qarori ijrosini taʼminlashga eʼtibor qaratildi.

Samimiy o‘tgan suhbat chog‘ida jumladan, viloyatda badiiy ijodkorlarni qo‘llab-quvvatlash, ijodiy muhitni rivojlantirish, ustoz-shogird anʼanalarini izchil davom ettirish, yosh isteʼdodlarni aniqlash va ular uchun munosib shart-sharoitlar yaratish masalalari muhokama qilindi.

Shu bilan birga, turizmni rivojlantirish orqali milliy sanʼatni keng targ‘ib etish, sayyohlarga mahalliy rassomlar asarlarini namoyish etish, ijodkorlar uchun zamonaviy sanʼat maktablarini tashkil etish zarurligi taʼkidlandi.

Uchrashuvda, shuningdek, soha rivojiga ulkan hissa qo‘shgan mahalliy atoqli ijodkorlar nomini abadiylashtirish, xususan, usta naqqosh, O‘zbekistonda xizmat ko‘rsatgan madaniyat xodimi, marhum M. Husayinov nomiga uy-muzey barpo etish hamda viloyatdagi iqtidorli ijodkorlar asarlaridan iborat badiiy asarlar “Sanʼat” muzeyini tashkil etish tashabbusi ilgari surildi.

Viloyat hokimi Shavkatjon Abdurazzoqov barcha tashabbus va takliflarni to‘liq qo‘llab-quvvatlashini taʼkidlab, ularni amalga oshirishda har tomonlama ko‘mak ko‘rsatilishini bildirdi.

Uchrashuv yakunida mehmon va mezbon esdalik sovg‘alari almashinishdi.

📝Telegram |📝 Facebook | 💻Instagram |🟥 YouTube | 🌐 Website