#АРГОС_хабари

⚡️Миллий кадрлар захирасига киритилган номзодлар "Адолат фасли" тарихий драмасини томоша қилишди

Малака ошириш Дастуридан нафақат назарий, балки амалий машғулотлар, маданий-маърифий тадбирлар ҳам ўрин олган.

Жумладан, бугун, Дастурнинг 4-кунида тингловчилар  Ўзбек миллий академик драма театрида Ўзбекистон халқ шоири Усмон Азим асари асосида саҳналаштирилган "Адолат фасли" тарихий драмасини томоша қилишди.

Драма Амир Темур ҳаётига бағишланган. Бугун давлат хизматида, айниқса, раҳбарлик лавозимларида фаолият юритаётган ҳар бир кадр учун Соҳибқироннинг адолат ва одиллик, бошқарув, халқпарварлик, фарзанд тарбияси борасида тутган йўли аҳамиятлидир.

Тарих – ойна. Тингловчилар ҳар қандай жамият адолат билан барқарор экани, халқнинг тинч ва хотиржамлиги, юртдаги баракотлар ҳам айни шу омил билан боғлиқ эканлигини теранроқ англашди.

Таъкидлаш жоизки, "адолат” сўзи қанчалар жарангдор эшитилмасин, уни фақатгина кучли ирода ва қатъият эгалари таъминлай олади. Драмадан сўнг тингловчилар ўз таассуротларини ўртоқлашди.

Дастур ҳақида бу ерда ўқинг.

Каналга уланиш — t.iss.one/argos_uz