#Агентлик_вакант_лавозимлари_танлови

Ўзбекистон Республикаси Президенти ҳузуридаги Давлат хизматини ривожлантириш агентлиги ҳудудий филиалларидаги вакант лавозимларга эълон қилинган очиқ мустақил танловлар юзасидан

Ўзбекистон Республикаси Президенти ҳузуридаги Давлат хизматини ривожлантириш агентлигининг ҳудудий филиалларидаги мавжуд вакант лавозимлар учун эълон қилинган очиқ мустақил танловларга ҳужжатларни қабул қилиш муддати тугаганлиги сабабли тўхтатилди.

Танловга жорий йилнинг 16 ноябридан 30 ноябригача жами 437 нафар номзоддан ҳужжат келиб тушди. Бу битта вакант ўринга ўртача 43 нафардан ортиқ номзод тегишли ҳужжатларини электрон шаклда тақдим этганини билдиради.

Айни вақтда Давлат хизматини ривожлантириш агентлигининг марказий аппаратида танловни ташкил этиш ва ўтказиш бўйича комиссия тузилган бўлиб, номзодларнинг ҳужжатларини малака талаблари бўйича кўриб чиқиш ва саралаш ишлари олиб борилмоқда.

Танловга иштирок этаётган номзодлар малака талаблари бўйича кўриб чиқиш ва саралаш натижалари ҳамда кейинги босқичлар ҳақида ўзларининг шахсий кабинетлари орқали хабардор қилиб борилишини маълум қиламиз.

Давлат хизматини ривожлантириш агентлиги Ахборот хизмати

Агентлик каналига уланинг👉https://t.iss.one/argos_uz