🇺🇿🇹🇲 Ўзбекистон ва Туркманистон Президентлари телефон орқали мулоқот қилдилар.

Суҳбат аввалида давлатимиз раҳбари Гурбангули Бердимуҳамедовни таваллуд куни билан самимий табриклаб, унга мустаҳкам соғлик, фаровонлик ва катта зафарлар тилади.

Телефон мулоқоти чоғида икки томонлама ҳамкорликка доир ва минтақавий аҳамиятга молик долзарб масалалар кўриб чиқилди.

〰️〰️〰️〰️

🇺🇿🇹🇲 Состоялся телефонный разговор Президентов Узбекистана и Туркменистана.

Глава нашего государства сердечно поздравил Гурбангулы Бердымухамедова с днем рождения, искренне пожелав лидеру Туркменистана доброго здоровья, благополучия и больших успехов.

Рассмотрены актуальные вопросы двустороннего сотрудничества и региональной повестки.

@aoka_uz

❗️Ипотека банк, Саноатқурилишбанк, Асака банк, Алоқа банк, Қишлоқ қурилиш банк ва Турон банкдаги давлат улуши хусусийлаштирилади

❗️Давлат иштироки фақат Миллий банк, Агро банк ва Микрокредитбанкда сақлаб қолинади

❗️Марказий банк томонидан Нобанк кредит ташкилотлари тўғрисидаги қонун лойиҳаси ишлаб чиқилмоқда

〰️〰️〰️〰️

📹 Бу ҳақда бугун АОКА анжуманлар залида Марказий банк департамент директори Санжар Носиров иштирокида бўлиб ўтган брифингда маълум қилинди — видео

@aoka_uz
#ниқобтақинг
#масофасақланг

⚡️Президент: «Халқимиз, Ватанимиз сизлардан буюк ишларни кутмоқда»

Шавкат Мирзиёев Ўзбекистон ёшларини бугунги қутлуғ сана — Ёшлар куни билан табриклади:

«Барчамиз гувоҳмиз — бугун дунё мисли кўрилмаган суръатлар билан кескин ўзгариб бормоқда. Ижтимоий ҳиётимизда кўплаб ижобий жараёнлар билан бирга, ёш авлоднинг қалби ва онгини эгаллашга қаратилган маънавий таҳдидлар ҳам тобора хавфли тус олмоқда.

Бундай мураккаб вазиятда фарзандларимизни зарарли таъсирлардан асраш, доимо ҳушёр ва огоҳ бўлиб яшаш энг долзарб вазифамиз бўлиб қолмоқда. Ёшларимизни она Ватанимизга, мустақиллик ғояларига муҳаббат ва садоқат руҳида тарбиялаш, уларнинг истеъдод ва қобилиятини, эзгу интилишларини рўёбга чиқариш йўлида бошлаган катта ишларимизни бундан буён ҳам қатъият билан давом эттирамиз».

🔹Давлат раҳбари: «Сизларни севимли байрамингиз, азму шижоат, гўзаллик ва камолот айёми — Ёшлар куни билан яна бир бор самимий табриклаб, барчангизга сиҳат-саломатлик, бахт ва омад тилайман», деди.

〰️〰️〰️〰️

Батафсил 👉 бу ерда

@aoka_uz

🌎 Дунёда коронавирус билан боғлиқ вазият

⚡️Умумий зарарланганлар сони ➖ 10 278 458 (+160 758)
⚡️Соғайганлар ➖ 5 219 513 (+78 614)
⚡️Вафот этганлар ➖ 504 936 (+3 043)

❗️Мамлакатлар бўйича беморлар сони:

1. 🇺🇸 АҚШ ➖ 2 588 582
2. 🇧🇷 Бразилия➖ 1 368 195
3. 🇷🇺 Россия ➖ 640 246
4. 🇮🇳 Ҳиндистон ➖ 548 318
5. 🇬🇧 Буюк Британия ➖313 470
6. 🇵🇪 Перу ➖ 282 365
7. 🇨🇱 Чили ➖ 275 999
8. 🇪🇸 Испания ➖ 248 970
9. 🇮🇹 Италия ➖ 240 436
10. 🇮🇷 Эрон ➖ 225 205

📎 Манба: Johns Hopkins University

〰️〰️〰️〰️〰️

🌎 Ситуация с коронавирусом в мире

⚡️Общее количество зараженных ➖ 10 278 458 (+160 758)
⚡️Выздоровевших ➖ 5 219 513 (+78 614)
⚡️Погибших ➖ 504 936 (+3 043)

❗️Число заболевших по странам:

1. 🇺🇸 США ➖ 2 588 582
2. 🇧🇷 Бразилия ➖ 1 368 195
3. 🇷🇺 Россия ➖ 640 246
4. 🇮🇳 Индия ➖ 548 318
5. 🇬🇧 Великобритания ➖ 313 470
6. 🇵🇪Перу ➖ 282 365
7. 🇨🇱 Чили ➖ 275 999
8. 🇪🇸 Испания ➖ 248 970
9. 🇮🇹 Италия ➖ 240 436
10. 🇮🇷 Иран ➖ 225 205

📎 Источник: Johns Hopkins University

@aoka_uz
#ниқобтақинг
#масофасақланг

Одамларнинг ишсизлиги, пулсизлиги ва пул топиш имконияти чекланганлиги, истаймизми-йўқми, бошқа ижтимоий муаммоларга йўл очади, жумладан, жиноятчилик кўпаяди.

Ўзбекистон Республикаси Бош прокуратураси маълумотига кўра, 2020 йилнинг дастлабки 5 ойида 17 271 та жиноят қайд этилди. Бу ўтган йилнинг шу даврига нисбатан 41,9 фоизга кўп, дегани.

Босқинчилик, ўғирлик, фирибгарлик, товламачилик жиноятлари кескин кўпайган. Эътиборлиси, жиноятлар аҳоли тиғиз ҳудудларда, аниқроғи Тошкент шаҳри, Фарғона, Самарқанд, Андижон ва Тошкент вилоятларида сезиларли даражада ошган. Масалан, жорий йилнинг ўтган 5 ойида Фарғона вилоятида 2 575 та жиноят қайд этилди. Бу эса ўтган йилнинг шу даврига нисбатан 2 баробар кўп демакдир. Ушбу ҳудудда ҳисобот даврида ўғирлик ва талончилик 2,5 баробарга ошган.

Карантин, чегаралар ёпилиши, халққа тўғридан-тўғри ёрдам берилмагани, психологик босимнинг кучайиши ортидан бундай статистика юз бериши тайин эди. Ҳаётнинг ҳақиқати бу.

Бугун, 30 июнь куни АОКА ҳузуридаги штабда бўлиб ўтадиган брифинглар:

📣 Коронавирус инфекцияси билан боғлиқ савол ва мурожаатлар

🕙 14:00 ➖ Адлия вазирлиги

Спикер: Севара Ўринбоева — матбуот котиби

📣 «Сардоба» талофатларини бартараф этиш борасидаги ишлар юзасидан

🕙 15:00 ➖ Экология ва атроф-муҳитни муҳофаза қилиш давлат қўмитаси

Спикер: Бунёд Абдуллаев — матбуот котиби

📣 Ёшлар куни муносабати билан

🕙 16:00 ➖ Ўзбекистон Ёшлар иттифоқи

Спикер: Акмал Жумабоев — Иттифоқ раисининг биринчи ўринбосари

📲 Брифинглар АОКАнинг расмий телеграм канали @aoka_uz орқали онлайн ёритиб борилади. Брифинг трансляциясини UzReport TV телеканали ва Youtube каналида томоша қилинг.

〰️〰️〰️〰️〰️

Брифинги, запланированные на сегодня, 30 июня, в штабе АИМК:

📣 По вопросам и обращениям, связанным с коронавирусной инфекцией

🕙 14:00 ➖ Министерство юстиции

Спикер: Севара Уринбоева – пресс-секретарь

📣 О работе по устранению последствий наводнения в «Сардобе»

🕙 15:00 ➖ Государственный комитет Республики Узбекистан по экологии и охране окружающей среды

Спикер: Бунёд Абдуллаев – пресс-секретарь

📣 О Дне молодежи

🕙 16:00 ➖ Союз молодежи Узбекистана

Спикер: Акмал Жумабоев — первый заместитель председателя Союза

📲 Брифинги будут транслироваться онлайн на официальном телеграм-канале AИМК @aoka_uz. Также смотрите брифинги на телеканале UzReport TV, и канале Youtube.

@aoka_uz
#ниқобтақинг
#масофасақланг

Бугун АОКА ҳузуридаги штабда бўлиб ўтган брифингда Адлия вазирлиги матбуот котиби Севара Ўринбоева коронавирус билан боғлиқ вазиятга оид саволларга жавоб қайтарди:

➖➖➖➖
❓Қўшнимизни иш жойидан карантинга олишган. 11 ёшли ва 8 ёшли фарзандларини қариндошлари парвариш қилишяпти. Парвариш қилаётган қариндошларига меҳнатга лаёқатсизлик варақаси берилиши мумкинми?

🔹Соғлиқни сақлаш вазирининг 2020 йил 11 майдаги “Меҳнатга лаёқатсизлик варақаларини бериш тартиби тўғрисидаги йўриқномага ўзгартиришлар киритиш ҳақида”ги 117-сон буйруғига кўра, уй шароитида карантинга олинган шахсларга ҳамда карантинга олинган шахсларнинг 14 ёшгача бўлган боласини парвариш қилаётган шахсларга меҳнатга лаёқатсизлик варақаси карантинда бўлган тўлиқ кунларига уларнинг яшаш жойидаги поликлиника томонидан берилади.

➖➖➖➖
❓Отам билан бирга ёлғиз яшаймиз. Улар 12 йилдан буён I гуруҳ ногирони. Мустақил ҳаракатланиш имкониятига эга эмаслар. Отам 84 ёшдалар. Кекса ёшдаги шахсларга қараган давр иш стажи ҳисобланиши ростми?

🔹Амалдаги қонунчиликка кўра I гуруҳ ногиронига ёки 16 ёшгача бўлган ногирон болага, шунингдек ўзгаларнинг парваришига муҳтож бўлган (даволаш муассасасининг хулосасига кўра) 80 ёшга тўлган қарияларга қараб турилган вақт иш стажига қўшиб ҳисобланади. Бунда умумий иш стажи камида 7 йил бўлган тақдирда иш стажига қўшиб ҳисобланади.

➖➖➖➖
❓Мен мактаб ўқитувчисиман. Иш вақтимиздан ташқари бизни ишга жалб қилишмоқда. Мактаб ўқитувчиларини ишдан ташқари вақтда ишга жалб қилиниши мумкинми?

🔹Меҳнат кодексининг 124-моддасига асосан ходим учун белгиланган кундалик иш муддатидан ташқари ишлаш иш вақтидан ташқари иш деб ҳисобланади. Иш вақтидан ташқари ишларга ходимнинг розилиги билан, икки ҳисса миқдорда ҳақ тўлаган ҳолда жалб этишга рухсат берилади. Иш сменасининг муддати 12 соатдан иборат бўлганда, шунингдек меҳнат шароити ўта оғир ва ўта зарарли ишларда иш вақтидан ташқари ишларга йўл қўйилмайди.

➖➖➖➖
❓Мен яқинда бир МЧЖга ҳайдовчи бўлиб ишга қабул қилингандим. МЧЖга тегишли ва мен масъул бўлган транспорт воситасида ҳаракатланганимда йўл ҳаракати қоидалари бузилганлиги ҳамда жарима белгиланганги бўйича хабарнома келди. Бизнинг раҳбарият мени тўлашимни айтишяпти. Шу қонунийми?

🔹Юридик шахсга тегишли транспорт воситасидан фойдаланиб содир этилган йўл ҳаракати қоидалари бузилганлиги махсус автоматлаштирилган фото ва видео қайд этиш техника воситалари орқали қайд этилган тақдирда, маъмурий жавобгарликка юридик шахснинг транспорт воситасидан фойдаланиш учун масъул бўлган шахси тортилади.

➖➖➖➖
❓Республика махсус комиссиясининг қарорига кўра 1 июлдан бошлаб кечги вақтда уч кишидан ортиқ тўпланиши мумкинмаслиги белгиланди. Агар соғлиғи ёмонлашса нима қилиш керак бўлади?

🔹Комиссиянинг қарорига кўра, жорий йил 1 июль санасидан бошлаб “қизил” ва “сариқ” ҳудудларда соат 07:00 дан 23:00 га қадар жамоат жойларида уч кишидан ортиқ тўпланиш ҳамда 23:00 дан 07:00 га қадар кўчаларда, кўп қаватли уйлар ва ҳовлилар олдида бўлиш тақиқланади. Бунда фақатгина фуқароларнинг саломатлиги ёмонлашганлиги, ҳомиладорлиги муносабати билан шифокор кўригидан ўтиш учун даволаш муассасасига ёхуд зарур дори-дармон харид қилиш мақсадида дорихонага бориб-келишига рухсат берилади.

___________________________________


❗️Сегодня на брифинге, проведенном в штабе АИМК, пресс-секретарь Министерства юстиции Севара Уринбаева ответила на вопросы, связанные с коронавирусом.

ПОДРОБНЕЕ 👉 здесь

@aoka_uz
#ниқобтақинг
#масофасақланг

Аввал маълум қилинганидек, бугун АОКА ҳузуридаги штабда бўлиб ўтган брифингда Адлия вазирлиги матбуот котиби Севара Ўринбоева коронавирус билан боғлиқ вазиятга оид саволларга жавоб қайтарди:

➖➖➖➖
❓Иш ҳақимиздан ушлаб қолишмоқда. Бухгалтериядан сўрасам, раҳбарият айтган дейишяпти. Иш ҳақимизни розилигимизсиз ушлаб қолиниши тўғрими?

🔹Амалдаги меҳнат қонунчилигига кўра, ходимнинг розилигисиз иш ҳақидан ушлаб қолиш мумкин эмас. Ходимнинг розилигисиз меҳнат ҳақидан қуйидаги ҳолларда ушлаб қолиниши мумкин:

▫️белгиланган солиқлар ва бошқа мажбурий тўловларни ундириш учун;

▫️суднинг қарорлари ва бошқа ижро ҳужжатларини ижро этиш учун;

▫️олдиндан берилган мақсадли пуллар (масалан, хизмат сафарлари учун берилган ва ишлатилмай қолинган аванс) бўйича ҳисоб-китоб қилиш ҳамда ортиқча тўланган суммани қайтариб олиш учун;

▫️меҳнат таътили бўйича ҳисоб-китоб қилиш учун;

▫️ходим томонидан иш берувчига етказилган зарарни қоплаш учун;

▫️интизомий жазо тариқасида тайинланган жаримани ундириш учун.

📎 Иш ҳақидан ушлаб қолинадиган ҳақнинг умумий миқдори ходимнинг иш ҳақининг эллик фоизидан ортиб кетмаслиги лозим. Ушбу чеклов алимент мажбуриятлари бўйича қарздорликни ахлоқ тузатиш ишлари тарзидаги жазо тайинланган ходимнинг иш ҳақидан ушлаб қолишга нисбатан татбиқ этилмайди. Бундай ҳолларда ушлаб қолинадиган ҳақнинг миқдори етмиш фоиздан ортиб кетмаслиги лозим.

➖➖➖➖
❓Мен олий таълим муассасасига сиртқи таълимда ўқишга кирдим. Лекин сиртқи таълимда яхши ўзлаштира олмаяпман. Шунга ўқишимни кундузги таълимга ўтказсам бўладими йўқми?

🔹Сиртқи (махсус сиртқи) таълимдан кундузги таълимга ҳамда сиртқи (махсус сиртқи) таълимнинг бир таълим соҳасидан иккинчи таълим соҳасига ўқишни кўчириш мумкин эмаслиги ҳам қайд этилган.

➖➖➖➖
❓Мен бир ташкилотга 3 ойлик синов муддати билан ишга қабул қилинган эдим. Синов муддати тугаши вақтида синов муддатини қониқарсиз ўтадинг деб тузилган меҳнат шартномасини бекор қилишмоқчи. Шу тўғрими?

🔹Дастлабки синов муддати тугагунга қадар ҳар бир тараф иккинчи тарафни уч кун олдин ёзма равишда огоҳлантириб, меҳнат шартномасини бекор қилишга ҳақлидир. Бундай ҳолда иш берувчи меҳнат шартномасини синов натижаси қониқарсиз бўлгандагина бекор қилиши мумкин. Агар дастлабки синов муддати тугагунга қадар тарафлардан бирортаси ҳам меҳнат шартномасини бекор қилишни талаб қилмаган бўлса, шартноманинг амал қилиши давом этади ва бундан кейин уни бекор қилишга умумий асосларда йўл қўйилади.

Шунга кўра синов натижаси қониқарсиз бўлганда, иш берувчи уч кун олдин ёзма равишда огоҳлантириб, меҳнат шартномасини бекор қилишга ҳақли.

➖➖➖➖
❓Ижарада тураман. Узоқ муддатга ижара шартномаси тузганман ва ушбу ижара шартномасини бекор қилмоқчи эмасман. Карантин туфайли қишлоқдаги уйимга кетишга мажбур бўлдим. Ижарада турган уйим бўш турибди. Унга эса мен ижара пули тўлашим керак. Бу менга оғир. Мен ижара шартномасига асосан олинган мол-мулкни бошқа шахсга ижарага беришим мумкинми?

🔹Фуқаролик кодексига асосан мол-мулкини ижарага бериш ҳуқуқи шу мол-мулк эгасига тегишли бўлиб, қонун ёки мулкдор томонидан мол-мулкни ижарага бериш ваколати берилган бошқа шахслар ҳам ижарага берувчи бўлишлари мумкин.

📎 Шунингдек, амалдаги қонунчиликка кўра, қонунларда ва ижара шартномасида ўзга шартлар кўзда тутилмаган бўлса, ижарачи ижарага олинган мол-мулкни, ер ва бошқа табиий ресурслардан ташқари, ижарага берувчининг рухсати билан иккиламчи ижарага топширишга ҳақлидир. Бунда ижарага олувчи шартномага мувофиқ ижарага берувчи олдида жавобгар бўлиб қолаверади.

_____________________________________


❗️Как сообщалось ранее, сегодня состоялся брифинг в штабе АИМК с участием пресс-секретаря Министерства юстиции Севары Уринбаевой, которая ответила на вопросы, связанные с коронавирусом.

ПОДРОБНЕЕ 👉 здесь

@aoka_uz
#ниқобтақинг
#масофасақланг

⚖️ Адлия вазирлиги ахборот хизмати раҳбари Севара Ўринбоева коронавирус билан боғлиқ вазият бўйича саволларга жавоб қайтарди

📹 АОКА ҳузуридаги штабда бўлиб ўтган брифинг видеоси

@aoka_uz
#ниқобтақинг
#масофасақланг

Бугун АОКА ҳузуридаги штабда Экология ва атроф-муҳитни муҳофаза қилиш давлат қўмитаси матбуот котиби Бунёд Абдуллаев иштирокида брифинг ўтказилди. Брифингда муҳим саволлар юзасидан жавоб берилди:

➖➖➖➖
❓Дарахт ва буталар ноқонуний кесилганда қонунчиликда қандай жавобгарлик белгиланган ?

❗️Қонунбузарларга нисбатан Маъмурий жавобгарлик тўғрисидаги кодекснинг 79- (фуқароларга базавий ҳисоблаш миқдорининг беш бараваридан ўн бараваригача, мансабдор шахсларга эса — ўн бараваридан ўн беш бараваригача миқдорда) ва 162-моддаларига (фуқароларга базавий ҳисоблаш миқдорининг ўн бараваридан ўн беш бараваригача, мансабдор шахсларга эса — ўн беш бараваридан йигирма бараваригача миқдорда жарима солишга сабаб бўлади) биноан маъмурий жарима белгиланган.

➖➖➖➖
❓Хазон ва шох-шаббаларни ёқиш учун қандай жавобгарлик белгиланган?

❗️Дала ва аҳоли пунктларида анғиз, хазон ва шох-шаббаларни ёки ўсимликларнинг бошқа қолдиқлари, шу жумладан, ғалладан бўшаган сомон пояларини ёқиб юбориш Ўзбекистон Республикаси “Табиатни муҳофаза қилиш тўғрисида”ги Қонуннинг 20-моддаси, “Атмосфера ҳавосини муҳофаза қилиш тўғрисида”ги Қонунинг 4, 24-моддаларининг бузилишига олиб келади.

⚡️Ушбу ҳуқуқбузарликни содир этганлик учун Маъмурий жавобгарлик тўғрисидаги кодекснинг 88-моддаси 3-қисмига асосан:

▫️фуқароларга энг кам иш ҳақининг уч бараваридан беш бараваригача;

▫️мансабдор шахсларга эса — беш бараваридан ўн бараваригача миқдорда жарима солинишига сабаб бўлади.

➖➖➖➖
❓Чиқиндиларни белгиланмаган жойга ташлаганлик учун жарима белгиланганми?

❗️Белгиланмаган жойларга қаттиқ маиший чиқиндиларни ва қурилиш чиқиндиларини ташлаш, шунингдек суюқ маиший чиқиндиларни тўкканлик учун Маъмурий жавобгарлик тўғрисидаги кодекснинг 91¹-моддасига асосан:

▫️фуқароларга — базавий ҳисоблаш миқдорининг иккидан бир қисмидан уч бараваригача (яъни 111 500 сўмдан 669 000 сўмача), мансабдор шахсларга эса — уч бараваридан беш бараваригача миқдорда жарима солишга сабаб бўлади (669 000 сўмдан 1 115 000 сўмгача).

______________________________

🔰 Сегодня в штабе АИМК состоялся брифинг с участием пресс-секретаря Государственного комитета по экологии и охране окружающей среды Бунёда Абдуллаева. На брифинге были даны ответы на важные вопросы граждан.

ПОДРОБНЕЕ 👉 здесь

@aoka_uz
#ниқобтақинг
#масофасақланг

ДУНЁ ЯНГИЛИКЛАРИ

🌎 Марказий Осиё мамлакатларида коронавирус инфекциясини юқтириш ҳолати бир кунда 1 905 тага ошди ва касалланганлар сони 41 313 кишига этди — Worldometers

🇪🇺 Европа Иттифоқи пандемияга қарамай 1 июлдан ЕИ ҳудудига фуқаролари кириши мумкин бўлган 14 та мамлакатни эълон қилди, бироқ бу рўйхатга АҚШ, Бразилия, Россия, Туркия ва Хитой киритилмаган — BBC

🇰🇿 Қозоғистон ҳукумати эпидемиологик вазиятни барқарорлаштириш мақсадида қатъий карантин чораларини қайта тиклаш масаласини кўриб чиқмоқда — Akorda.kz

🇷🇺 Россия Федерациясида ўтказилган сўров натижаларига кўра, россияликларнинг деярли ярмида пандемия бошланганда жамғарилган маблағлари бўлмаган — РБК

🇨🇳 Жаҳон соғлиқни сақлаш ташкилоти Хитойга бир гуруҳ мутахассисларни коронавирус келиб чиқиш манбасини аниқлаш учун юборади — The Guardian

🇺🇸 АҚШнинг Лос-Анжелес штатида коронавируснинг янги ўчоғига айланди — The Washington Post

🇳🇿 Янги Зеландия келгуси йилда Осиё-Тинч океани иқтисодий ҳамкорлик саммитини ўтказишдан воз кечди. Унинг ўрнига онлайн форум ўтказилади — ABC News

✈️ "Airbus" авиакомпанияси 2 йил ичида самолёт ишлаб чиқариш ҳажмини 40 фоизга камайтиришни режалаштирмоқда. Шунингдек, 14000 иш ўрнини босқичма-босқич қисқартириш масаласи ҳам кўриб чиқилмоқда — Reuters

🇨🇳 Хитой COVID-19 вакцинасини ҳарбийларда синовдан ўтказади — Forbes

🇬🇧 Британиялик олимлар COVID-19 ни даволашда лопинавир ва ритонавир дори воситаларидан бирга фойдаланиш фойда кўрсатмаслигини маълум қилди — РБК

@aoka_uz
#ниқобтақинг
#масофасақланг

МИРОВЫЕ НОВОСТИ

🌎 В странах Центральной Азии число подтвержденных случаев заражения коронавирусом за сутки увеличилось на 1 905 и достигло 41 313 человек — Worldometers

🇪🇺 ЕС назвал 14 стран, гражданам которых разрешается въезд с 1 июля, несмотря на пандемию, но на данном этапе США, Бразилия, Россия, Турция и Китай исключены из данного списка — BBC

🇰🇿 В связи с необходимостью стабилизации эпидемиологической ситуации, власти Казахстана рассматривают вопрос повторного введения жестких карантинных ограничений — Akorda.kz

🇷🇺 Согласно опросу, проведённому в РФ, почти половина россиян встретили пандемию без финансовых сбережений — РБК

🇨🇳 Всемирная организация здравоохранения направит группу экспертов в Китай с целью поиска источника коронавируса — The Guardian

🇺🇸 Лос-Анджелес становится новой горячей точкой коронавируса в США — The Washington Post

🇳🇿 Новая Зеландия отказалась от проведения саммита Азиатско-Тихоокеанского экономического сотрудничества в следующем году и вместо этого проведет форум онлайн — ABC News

✈️ Авиаконцерн Airbus планирует снизить производство самолетов на 40% в течение двух лет. Также, рассматривается поэтапное сокращение 14 000 рабочих мест — Reuters

🇨🇳 Китай будет испытывать вакцину от COVID-19 на военных — Forbes

🇬🇧 Британские ученые сообщили, что комбинация препаратов лопинавир и ритонавир бесполезна для лечения COVID-19 — РБК

@aoka_uz
#ниқобтақинг
#масофасақланг

📹 АОКА ҳузуридаги штабда Экология ва атроф-муҳитни муҳофаза қилиш давлат қўмитаси матбуот котиби Бунёд Абдуллаев иштирокида ўтказилган брифинг видеоси

@aoka_uz
#ниқобтақинг
#масофасақланг

Бугун АОКА ҳузуридаги штабда Ўзбекистон Ёшлар иттифоқи раисининг биринчи ўринбосари Акмал Жумабоев иштирокида ўтказилган брифингда Иттифоқ томонидан сўнгги уч йилда амалга оширилган ишлар ҳақида маълумот тақдим этилди.

〰️〰️〰️〰️〰️

🔹Ўтган 3 йил мобайнида ёшлар сиёсати самарадорлигига доир жами 50та қонун ва қонуности ҳужжатлари қабул қилинди. Ўзбекистон Республикаси Олий Мажлиси Сенатида Ёшлар, маданият ва спорт масалалари қўмитаси, Қонунчилик палатасида Ёшлар масалалари бўйича комиссия ва “Ёшлар клуби” ташкил этилди.

🔹Ҳозирги кунда бу йўналишдаги ишлар давом эттирилиб, Олий Мажлиси Сенати ва Қонунчилик палатаcи қошида “Ёшлар парламентлари”ни ташкил қилиш чоралари кўрилмоқда.

🔹Ўзбекистон Республикаси Бош вазири раислигида, ҳудудларда эса ҳокимлар раислигида Ёшлар масалалари бўйича идоралараро кенгашлар фаолияти йўлга қўйилди.

🔹Ёшлар томонидан илгари сурилган ташаббуслар асосида 28 та турли йўналишда нодавлат нотижорат ташкилотлари тузилди.

🔹13 та хорижий ёшлар ташкилотлари билан ҳамкорлик алоқалари йўлга қўйилди. Ўзбекистон 2018 йилда Шанхай ҳамкорлик ташкилоти Ёшлар кенгашига, 2020 йилда Мустақил давлатлар ҳамдўстлиги Ёшлар масалалари бўйича кенгашига тенг ҳуқуқли аъзо сифатида қабул қилинди.

🔹Ўтган 3 йил мобайнида 641 392 нафар ёшлар бандлигини таъминлашга кўмаклашилди. 2020 йил январь-май ойлари давомида 206 373 нафар ишсиз ёшлар бандлиги таъминланди.

🔹“Yoshlar – kelajagimiz” Давлат дастури доирасида 7 562 та бизнес лойиҳага жами 1 трлн. 591,1 млрд. сўм миқдорда имтиёзли кредит маблағлари ажратиш орқали 33 678 та янги иш ўринлари яратилди.

🔹Ҳудудларда 25 та “Yosh tadbirkorlar” коворкинг-марказлари ҳамда 153 та “Yoshlar mehnat guzari” комплекслари фойдаланишга топширилиб, уларда жами 2 090 та янги иш ўринлари яратилди.

🔹Ҳудудларда 8 636 нафар фаол ёшлардан иборат 443 та “Жасорат” клублари фаолияти йўлга қўйилди. Ички ишлар органлари профилактик ҳисобида турган 7 968 нафар вояга етмаганлар Ёшлар иттифоқи тавсияси асосида махсус ҳисобдан чиқарилди.

🔹762 нафар ёшлар “Ёшлар кафиллиги” асосида суд залидан озод қилинди.

🔹Ҳудудларда 25 та Рақамли технологиялар ўқув марказлари ташкил этилиб, “Маърифат карвони” тадбирлари доирасида 3 млн.дан ортиқ китоблар ёшларга етказиб берилди, “Ёш китобхон” танлови, “Бир миллион дастурчи” каби ўнлаб йирик лойиҳалар амалга оширилмоқда.

🔹Ўзбекистон Республикаси Олий Мажлиси Қонунчилик Палатасига ўтказилган сайловларда 9 нафар (6 фоиз) ёшлар депутат этиб сайланган бўлса, маҳаллий кенгашлар депутатларининг 10 фоизини ёшлар ташкил этади.

🔹“Мард ўғлон” давлат мукофоти ва “Келажак бунёдкори” медали таъсис этилиб, жами 84 нафар ёш мукофотланди.

🔹2018-2019 йилларда республикамиз Қуролли Кучлари сафида муддатли ҳарбий хизматни ўтаб, таълим олаётган 12 897 нафар талаба-ёшлар учун жами 36,2 млрд сўм, олий таълим муассасаларида аъло баҳоларга таълим олаётган 3 488 нафар талаба-ёшларнинг шартнома тўлови учун 9, 88 млрд. сўм маблағ тўлаб берилди.

🔹Чин етим, ногирон, Меҳрибонлик уйида тарбияланган ва боқувчисини йўқотган 516 нафар талабаларнинг 1 млрд 540 млн сўмлик тўлов шартнома маблағлари тўлаб берилди.

🔹Ўтган давр давомида 2 668 та ёш оилаларга “Ёшлар уйлари” берилиб, 121,3 млрд сўм миқдордаги бошланғич тўлов маблағлари тўлаб берилди.

🔹Коронавирус пандемияси даврида 5 минг нафардан ортиқ волонтёр ёшлар 397 740 та хонадонларга хайрия маҳсулотларини етказиб берди.

🔹“Саховат ва кўмак” умумхалқ ҳаракати доирасида ёш тадбиркорлар томонидан 14 мингта оилаларга 12 турдаги озиқ-овқат маҳсулотлари етказиб берилиб, минг нафар эҳтиёжманд оилалар оталиққа олинди.

@aoka_uz
#ниқобтақинг
#масофасақланг

📹 АОКА анжуманлар залида Ёшлар иттифоқи раисининг биринчи ўринбосари Акмал Жумабоев иштирокида ўтказилган брифинг видеоси

@aoka_uz
#ниқобтақинг
#масофасақланг

Шавкат Мирзиёев раислигида одил судловни таъминлаш ва коррупцияга қарши курашишга бағишланган йиғилиш ўтказилди

❗️Ўтган 3 йилда одил судловни таъминлаш ва коррупцияга қарши курашиш масалаларига бағишланган 20 дан ортиқ қонун, фармон ва қарорлар қабул қилинди.

⚡️ Ислоҳотлар натижаси:

✅ судлар томонидан илк маротаба 2 минг 273 нафар фуқарога нисбатан оқлов ҳукми чиқарилди;

✅ жиноят йўлига билиб-билмай кирган 3,5 мингдан ортиқ ёшлар ва хотин-қизларга нисбатан озодликдан маҳрум қилиш жазоси қўлланмасдан, улар маҳалла ва жамоатчилик кафиллигига олинди;

✅ инсон ҳуқуқларини бузганлиги учун 60 нафар ҳуқуқ-тартибот идоралари ходимлари жиноий жавобгарликка тортилди.

⚡️ Жорий йилнинг 5 ойида тергов органлари асоссиз айб қўйган 323 нафар фуқаро судлар томонидан оқланган, 1 минг 854 нафар шахсга нисбатан қўйилган асоссиз айбловлар олиб ташланган. Ўтган йилнинг ўзида 236 нафар оқланган шахсга давлат ҳисобидан 6,7 миллиард сўмлик моддий ва маънавий зарар тўлаб берилган.

〰️〰️〰️〰️

❗️Бундан буён депутат ва сенаторлар ўзлари сайланган ҳудудларда судьялар корпуси, сектор раҳбарлари ва жамоатчиликни жалб қилган ҳолда Одил судловга кўмаклашиш ва коррупцияга қарши курашиш бўйича мунтазам равишда мулоқотлар ўтказиб борадилар.

❗️ Аҳоли томонидан кўтарилган адолатсизлик ҳолатлари ва муаммолар ҳар чоракда маҳаллий кенгашларда танқидий муҳокама қилиниб, мутасаддилар олдига аниқ саволлар қўйилади ва масъулиятига баҳо бериб борилади.

〽️ Олий Мажлисдаги махсус қўмиталар ҳар бир ҳудуднинг одил судлов ва коррупция масалаларига оид рейтинги юритилишига бош-қош бўлиб, ҳар ярим йилда натижалари бўйича парламент эшитувлари ва текширувларини ўтказиб боради.

✅ “Инсон қадр-қиммати - энг олий қадрият” махсус ўқув модули бўйича барча ҳуқуқ-тартибот идоралари раҳбар ходимларини ўқитиш вазифаси юклатилди.

✅ Мутасадди идораларга Тергов институтини ташкил этиш, терговчилик касбини эгаллашга мутлақо янги талабларни ишлаб чиқиш, соҳага илғор тажриба ва стандартларни жорий этиш вазифалари қўйилди.

⚡️ Тергов жараёнидаги хатолар суд мажлисида аниқланса, прокурор суднинг тугашини кутиб ўтирмасдан, ўз ташаббуси билан айбловдан воз кечадиган тартиб жорий этилиши лозимлиги қайд этилди.

🔵 «Суд биносига келган ҳар бир инсон Ўзбекистонда адолат борлигига ишониб чиқиб кетиши керак. Бу Президент талаби!» – дея таъкидлади Шавкат Мирзиёев.

@aoka_uz
#ниқобтақинг
#масофасақланг

❗️ Хусусий мулк қонун ва суднинг кафолатли ҳимоясида бўлиши зарур

🔵 Шавкат Мирзиёев раислигида одил судловни таъминлаш ва коррупцияга қарши курашишга бағишланган йиғилиш ўтказилди

✅ Охирги бир ярим йил ичида судлар томонидан ҳокимларнинг ер ажратиш, бино-иншоотларни бузиш ва хусусийлаштиришга оид 1 минг 730 та қарори бекор қилинган.

✅ Суд орқали ер муносабатлари билан боғлиқ мингта, уй-жой бузилишига доир 51 та, хусусийлаштиришга оид 62 та ҳолатда фуқаролар ва тадбиркорларнинг ҳуқуқлари тикланган.

⚡️ Хусусийлаштириш натижаларини қайта кўриб чиқишни бекор қилиш, умуман, давлат идораларининг бундай ташаббус билан чиқишига йўл қўймайди ва бу қонунда мустаҳкамланади.

❗️ Ерга бўлган ҳуқуқлар кафолати кучайтирилиб, мулкий ҳуқуқларни бекор қилиш фақат суд тартибида ҳал этилишини қатъий белгиланади.

🔵 «Бир нарсани билинглар – сармоя киритаётган инвестор биринчи навбатда ўз ҳуқуқлари суд орқали кафолатли ҳимоя қилинишига эътибор беради. Ҳамма раҳбарлар қулоғига қуйиб олсин: суд фаолиятига аралашишга ҳеч кимнинг ҳаққи йўқ», – дея таъкидлади Шавкат Мирзиёев.

〰️〰️〰️〰️

🔴 Жорий йилда аҳолидан келиб тушган мурожаатларнинг 8 мингдан зиёди (44%) судларда ишлар тўлиқ ва холис кўрилмаётгани, узоқ муддат чўзилаётгани билдирилган.

✅ Мутасаддиларга илғор тажрибалар ва халқаро стандартлар асосида суд тизимини “бир суд – бир инстанция” тамойили асосида қайта кўриб чиқиш топшириғи берилди.

❗️ Суд тизимида “назорат тартибида ишларни кўриш” амалиётидан тўлиқ воз кечилади.

⚡️ Шавкат Мирзиёев судьяларнинг адолатли қарор қабул қилишларига таъсир ўтказувчи барча омилларни, шу жумладан Олий суд раиси ва Бош прокурорнинг протест келтириш ҳуқуқини бекор қилиш таклифини илгари сурди.

✅ Президент, шунингдек, судга бориш учун айрим туман ва шаҳарларимизда одамларга қулайлик яратиш зарурлиги ҳақида гапирди. Шу боис судлар ва уларнинг фаолиятини оптималлаштириш бўйича топшириқлар берилди.

@aoka_uz
#ниқобтақинг
#масофасақланг

Шавкат Мирзиёев раислигида одил судловни таъминлаш ва коррупцияга қарши курашишга бағишланган йиғилиш ўтказилди

⚡️ «Коррупциядан холи» дастури ишлаб чиқилади. Бунда очиқлик ва ошкораликни таъминлаш ҳамда соҳаларни рақамлаштириш энг асосий вазифа бўлади.

✅ Коррупцияга қарши курашиш агентлигини коррупцияга қарши курашиш ишларининг ҳолатини таҳлил қилиб, ҳар йили Президент ва Олий Мажлис палаталарига миллий ҳисобот киритиб боради.

⚡️ Коррупцияга қарши курашишда кадрлар тайёрлаш масаласига жиддий эътибор берилади. Бунинг учун Давлат бошқаруви академияси ва Тошкент давлат юридик университетида коррупция муаммоларини ўрганиш бўйича алоҳида ўқув модули, махсус кафедра ва магистратура мутахассислиги очилади.

⚡️ Раҳбар ходимлар, айниқса, ҳокимларнинг бу борадаги билим ва кўникмаларини шакллантириш бўйича малака ошириш курслари ташкил этилади.

〰️〰️〰️〰️

🔹 Ўзбекистонда бугун 4 минг атрофида адвокат фаолият кўрсатиб, 8,5 минг аҳолига ўртача битта шундай мутахассис тўғри келмоқда.

🔹 Адвокатларнинг 43 фоизи Тошкент шаҳрида фаолият кўрсатаётган бўлиб, вилоятларнинг 20 та туманида бирорта ҳам адвокатлик фирмаси рўйхатдан ўтмаган.

⚡️ Адвокатлик фаолиятини бошлаши учун ёш мутахассислардан 2 йил юридик стаж талаб этиш бекор қилинади, талабаликдан адвокат ёрдамчиси сифатида амалиёт ўташ тартибини жорий этилади.

✅ Юридик олий ўқув юртларида “адвокатлик фаолияти” мутахассислиги бўйича магистрлар тайёрланадиган бўлди.

✅ Давлат ҳисобидан юридик ёрдам кўрсатадиган адвокатларни электрон танлаш тизимини ишга тушириш топшириғи берилди. Бу дастлаб пойтахтимизда эксперимент тариқасида жорий этилади.

✅ Олий судда ягона “Адолат” ахборот тизимлари комплексини ишга туширилади. Бунда барча учун судларга электрон мурожаат қилиш, мурожаатлар ҳолатини онлайн тарзда кузатиш, тарафларга маълумотларни электрон шаклда юбориш имконияти яратилади.

@aoka_uz
#ниқобтақинг
#масофасақланг