✔️ АОКАда ЕХҲТ Демократик институтлар ва инсон ҳуқуқлари бўйича бюроси делегацияси билан учрашув бўлиб ўтди

Бугун Агентликда директор А.Ходжаев ва мутасаддилар Европада хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюроси делегацияси вакиллари: Сайлов департаменти раҳбари Меган Фицджеральд ва ДИИҲБнинг сайлов бўйича маслаҳатчиси Ксения Дашуцина билан учрашди.

Учрашувда жорий йилда ўтказиладиган Ўзбекистон Президенти сайловига тайёргарлик масалалари, жараёнларни ёритишда оммавий ахборот воситаларининг ўрни ва роли, шунингдек, янги таҳрирдаги Конституцияда ОАВ эркинлиги ҳамда ахборотни излаш, олиш, ундан фойдаланиш ва уни тарқатишга бўлган ҳуқуқлари мустаҳкамлангандан сўнг мамлакатда ОАВ ва ахборот борасидаги қонунчиликларга киритиладиган ўзгаришлар муҳокама қилинди.

АОКА директори А.Ходжаев делегация вакилларига Агентлик томонидан ишлаб чиқилган, жамоатчилик муҳокамасида билдирилган таклифлар асосида тегишли давлат органлари ва идоралари иштирокида қайта тўлдирилган ҳамда ҳозирги вақтда ЮНЕСКО экспертлари ўрганиб чиқишлари учун тақдим этилган Ахборот кодекси лойиҳаси ҳақида маълумот берди. Шунингдек, Ахборот кодексида ОАВ эркинлиги билан боғлиқ нормалар мустаҳкамланаётгани, шу билан бирга, шахс эркинлиги ва шахсий маълумотлар ҳимояланиши билан боғлиқ масалалар кодексда аниқ белгиланаётганини таъкидлади.

Сайловга тайёргарлик ишлари ва уни ўтказиш, сайлов кампанияларини ёритишда маҳаллий оммавий ахборот воситалари барча президентликка номзодларнинг фаолиятлари ва сайлов дастурларини бир хилликда ва тенг ёритишлари таъминланиши алоҳида қайд этилди.

Мулоқот давомида Ўзбекистондаги муҳим сиёсий воқеликлардан бири – Президент сайловини шаффоф ва холис ўтказишда сайлов кампанияларини ташкил этиш, халқаро ва маҳаллий оммавий ахборот воситалари томонидан сайловга тайёргарлик ва уни ўтказиш жараёнлари кенг ёритилишида барча зарур шароитларни яратиш мақсадида ўзаро ҳамкорлик қилиш ва кўмаклашишга келишилди.
➖➖➖➖➖➖➖

Telegram | Youtube | Facebook | Instagram | Медиабанк | Сайт

✔️Бу йилги халқаро конференция кўлами, мавзулар қамрови кенгайгани, иштирокчилар сони ошгани билан аҳамиятли – У.Тешабаева

Бугун Ўзбекистон Миллий кутубхонасида 24–26-май кунлари Бухоро шаҳрида бўлиб ўтадиган анъанавий “Central Asia – 2023: Фан, таълим, маданият ва бизнесда Интернет ва ахборот-кутубхона ресурслари” ХVI Халқаро конференцияси ва унинг доирасидаги тадбирларга бағишланган матбуот анжумани бўлиб ўтди.

Матбуот анжуманида Миллий кутубхона ва Тошкент шаҳридаги туман АКМлари раҳбарлари ва ходимлари, Ахборот ва оммавий коммуникациялар агентлиги вакиллари ҳамда "ЎзАрхив" агентлиги мутасаддилари иштирок этди.

Тадбирда ХVI Халқаро конференция, "Китоб ва мутолаа жамият тараққиётидаги стратегик ресурси" II Ҳамдўстлик форуми, ахборот-кутубхона соҳасидаги илғор мутахассисларни “Ахборот ва кутубхона аълочиси” кўкрак нишони билан тақдирлаш маросими, 3 кун давомида ўтказиладиган шўъба йиғилишлари ҳақида батафсил маълумот берилди.

Қайд этилишича, жорий йилги халқаро конференцияда 9 та давлатдан 60 дан зиёд иштирокчи онлайн ва оффлайн тарзда қатнашади.

АОКА мутахассиси В.Аҳмедова нутқи давомида "Китоб ва мутолаа жамият тараққиётидаги стратегик ресурси" II Ҳамдўстлик форумида болалар мутолаасини кенг тарғиб қилиш ва оммалаштириш орқали болалар адабиётини ривожлантириш, нашрлар сонини ошириш, бу борада ҳамкорликни кенгайтириш масалаларига алоҳида эътибор қаратилаётганини таъкидлади.

Матбуот анжмунида кутубхоначилар ва ОАВ вакиллари ўзларини қизиқтирган саволларга жавоб олишди.

Маълумот учун: 23 май куни соат 16:00да Бухоро шаҳридаги ибн Сино Ахборот-кутубхона марказида ХVI Халқаро конференция олди кенгайтирилган матбуот анжумани бўлиб ўтади.
〰️〰️〰️〰️〰️〰️

P.S. Ушбу ҳаволада 1999 йилдан бери “Central Asia: Фан, таълим, маданият ва бизнесда Интернет ва ахборот-кутубхона ресурслари” халқаро конференциясининг ўтказилиши бўйича хронология келтирилган.

Telegram | Youtube | Facebook | Instagram | Медиабанк | Сайт