⚡️Қашқадарёда 2 йилда 1 млрд доллар хорижий инвестиция ўзлаштирилиб, 19 минг янги иш ўрни яратилади

Бугун Президент раислигида ўтказилган видеоселектор йиғилишида ҳудуддаги ҳар бир туман ва шаҳарнинг «ўсиш нуқталари»га асосланиб, саноат, қишлоқ хўжалиги ва хизмат кўрсатиш бўйича лойиҳаларни мижозбай ишлаб чиқиш зарурлиги таъкидланди.

🍇 Масалан, Яккабоғ, Қамаши, Чироқчи, Шаҳрисабз ҳамда Китоб туманларида 20 минг гектарда интенсив боғ ва узумзорлар яратиш орқали вилоятда мева-сабзавотни қайта ишлаш даражасини 25 фоизга етказиш мумкин.

🏗 Шаҳрисабз шаҳри, Нишон, Деҳқонобод, Яккабоғ, Миришкор, Ғузор, Шаҳрисабз, Муборак туманларида ташкил этиладиган 11 та кичик саноат зонасида лойиҳалар жойлаштирилиб, инфратузилмага уланади.

💰 2021 йилда тижорат банклари кредитлари асосида хизмат кўрсатиш соҳасида 650 млрд сўмлик 500 та янги лойиҳа амалга оширилиши режалаштирилган.

💼 Келгуси икки йилда қарийб 1 млрд доллар хорижий инвестиция (1153 та лойиҳа) ўзлаштирилиб, 19 мингта янги иш ўрни яратилади.

@aoka_uz

⚡️Қашқадарёда мактабларни реконструкция қилиш ва таъмирлаш учун қўшимча 100 млрд сўм ажратилади

Президент раислигида ўтказилган видеоселектор йиғилишида ижтимоий масалаларга алоҳида эътибор қаратилди.

💵 Мактабларни реконструкция қилиш ва таъмирлаш учун 2021 йилги Инвестиция дастури доирасида қўшимча 100 млрд сўм ажратилиши қайд этилди. Ушбу маблағлар ҳисобига 88 та мактабда — қўшимча иморат қурилади, 100 тадан кўпроғи — тўлиқ жиҳозланади, пахса деворли филиаллар ўрнига янги бинолар барпо этилади.

👨🏻‍💻 Йиғилишда Қарши шаҳридаги 42-мактаб, шунингдек, туман марказларидаги биттадан шундай муассаса негизида ахборот технологияларига ихтисослашган мактаблар ташкил этиш юзасидан кўрсатма берилди.

@aoka_uz

Бугун, 27 ноябрь куни режалаштирилган тадбирлар:

🔰 Матбуот анжумани

● Мавзу: Жамоат хавфсизлигини таъминлашга доир қонун ҳужжатлари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонун мазмун-моҳияти
● Вақти: 11:00
● Жойи: АОКА мажлислар зали
● Иштирок этади: Ички ишлар вазирлиги

〰️〰️〰️〰️

🔰 Брифинг

● Мавзу: "Ўзтрансгаз" АЖ фаолиятига оид маълумотлар ҳамда ташкилотга йўлланаётган мурожаатлар ҳақида
● Вақти: 12:00
● Жойи: АОКА мажлислар зали
● Иштирок этади: Шахноза Равшанова, "Ўзтрансгаз" АЖ матбуот котиби

〰️〰️〰️〰️

🔰 Матбуот анжумани

● Мавзу: Хусусий бандлик агентликлари фаолияти тўхтатилдими?
● Вақти: 13:00
● Жойи: АОКА мажлислар зали
● Иштирок этади: Бандлик ва меҳнат муносабатлари вазирлиги, Ташқи меҳнат миграцияси агентлиги

〰️〰️〰️〰️

🔰 Матбуот анжмуни

● Мавзу: “Суд-тергов фаолиятида шахснинг ҳуқуқ ва эркинликларини ҳимоя қилиш кафолатларини янада кучайтириш чора-тадбирлари тўғрисида”ги фармон ижросини хусусида
● Вақти: 15:00
● Жойи: АОКА мажлислар зали
● Иштирок этади: Олий суд, Бош прокуратура, ички ишлар вазирлиги

〰️〰️〰️〰️
📢 Матбуот анжуманига саволларни @Rasmiy_aloqabot га жўнатишингиз мумкин.

🎤 ОАВ ходимлари ва блогерлар матбуот анжуманида иштирок этиб, ўзларини қизиқтирган саволларга жавоб олиши мумкин.

Тадбирлар @aoka_uz, @Rasmiy_xabarlar_Official, @hudud_inform телеграм каналлари, UzReport TV ва O‘zbekiston 24 телеканаллари орқали онлайн ёритилади.

Каналга уланиш: 👇
t.iss.one/Rasmiy_xabarlar_Official

❓Жамоат хавфсизлигини таъминлашга доир қонун хужжатларига ўзгариш киритишнинг зарурати нимада?

АОКА залида ИИВ мутасаддилари иштирокида ўтказилган матбуот анжуманида ушбу масалага изоҳ берилди:

📈 «Жамоат хавфсизлигини таъминлашда бир қатор салбий воқеаларнинг юз бераётгани, жумладан, бугунги кунда фуқаролар, айниқса ёшлар орасида пичоқ ва бошқа совуқ қуролларни олиб юриш, ўзаро жанжал вақтида мазкур ашёлардан фойдаланган ҳолда қасддан одам ўлдириш, қасддан баданга оғир ва ўртача оғир шикаст етказиш, босқинчилик ҳамда безорилик билан боғлиқ жиноятлар содир этилиш ҳолатлари кўпайган. Масалан:

🔪 2017 йилда — жами 1391 та, шундан 1019 таси ёки 73 фоизи — пичоқлар;

🔪 2018 йилда — жами 4223 та, шундан 2999 таси — пичоқлар;

🔪 2019 йилда — жами 4451 та, шундан 2817 таси — пичоқлар;

🔪 2020 йилнинг 9 ойида — 29 428 та, шундан 25 503 таси ёки 85 фоизи — пичоқ ва қолгани бошқа турдаги предметлар.

〰️〰️〰️〰️
❗️Мазкур предметларнинг 58 фоизи — кўчада, 22 фоизи — бозорларда, 24 фоизи — таълим муассасаларида аниқланган. Бунинг оқибатида эса фуқаролар ўртасида бир-бирига нисбатан ўзаро жанжал оқибатида турли даражадаги тан жароҳатлари етказиш каби салбий ҳолатлар юз беришига олиб келган.

🔰 Шу сабабли, совуқ қурол сифатида фойдаланилиши мумкин бўлган ашёлардан фойдаланган ҳолда содир этилган жиноятлар учун айбдор шахсга жавобгарлик масаласини кўришдан кўра, ушбу ҳуқуқбузарликларнинг олдини олиш ва бу билан инсоннинг ҳаёти ва соғлиғига зарар етишига олиб келадиган омилларни бартараф қилиш, фуқароларни хавфсиз ва тинч ҳаёт кечиришини таъминлаш лозимлиги сабабли ҳамда «Қурол тўғрисида»ги Қонуни ижросини таъминлаш мақсадида ушбу Қонунни қабул қилиш зарурати мавжуд».

@aoka_uz

❗️Хусусий бандлик агентликлари 9338 нафар фуқародан қарийб 79,1 млрд сўмни фирибгарлик йўли билан ўзлаштириб олган

Бу ҳақда АОКА залида Бандлик ва меҳнат муносабатлари вазирлиги, Ташқи меҳнат миграцияси агентлиги мутасаддилари иштирокида ўтказилган матбуот анжуманида маълум қилинди:

〰️〰️〰️〰️
🔖 Вазирликнинг реестридан 104 та юридик шахс рўйхатдан ўтган, улардан 75 тасига хорижда ишлаш истагидаги фуқароларни ишга жойлаштириш бўйича лицензия берилган.

🚫 Ўтган давр мобайнида 55 та хусусий бандлик агентлигининг лицензияси бекор қилиниб, уларнинг сони бугунги кунда 20 тани ташкил этмоқда.

🛡 Бугунги кунда 11 та ХБАнинг 51 нафар раҳбар ва масъул ходимларига нисбатан жиноят иши қўзғатилган.

@aoka_uz

❓Хусусий бандлик агентликлари томонидан алданган фуқароларнинг пулини қайтариш билан ким шуғулланмоқда?

Ташқи меҳнат миграцияси агентлиги бошлиғи Муҳаммадзокир Маматхонов (АОКАдаги матбуот анжуманидан):

〰️〰️〰️〰️
«Хусусий бандлик агентликларидан жабр кўрган фуқароларнинг пулларини ундириш бўйича суд ҳукми эълон қилинганидан сўнг Мажбурий ижро бюроси зиммасига суд ҳукми ижроси юклатилади.

👮🏻‍♂️ Ваколатли орган — МИБ ҳисобланади. МИБ томонидан тегишли бандлик агентлиги ҳисоб-рақамидаги мавжуд маблағлар, мол-мулклари сотувга қўйилади.

💰 Бу пулларни жамлаган ҳолда, мутаносиб равишда жабрланган ҳар бир фуқарога пулларини қайтариш чоралари кўрилади».

@aoka_uz

Бугун АОКА залида суд-тергов фаолиятида шахснинг ҳуқуқ ва эркинликларини ҳимоя қилиш кафолатларига бағишланган матбуот анжумани бўлиб ўтди. Унда Олий суд, Бош прокуратура ва ИИВ мутасаддилари иштирок этди.

〰️〰️〰️〰️
Хуршид Каримов, Бош прокуратура академияси кафедра бошлиғи:

«Қонунчиликка эътибор қаратадиган бўлсак, қийноққа солиш ҳаракатлари халқаро ҳуқуқ нормаларида ҳам, миллий қонунчилик нормаларида ҳам тақиқланган. Яъни Ўзбекистон Республикаси Жиноят кодексида бунинг учун алоҳида жавобгарлик моддаси мавжуд.

❓Нега қийноққа солиш ҳолатлари содир этилади?

▫️Қийноққа солиш ҳолатини тезкор ходим ёки терговчи иқрорлик кўрсатмасини олиш учун ёки ўзбошимчалик билан жазолаш учун содир этади.

▫️Аслида тергов қилишнинг қонуний усуллари мавжуд. Агар ақл билан тергов қилинса, шахсга нисбатан жисмоний ёки руҳий босим қилмасдан туриб, яъни ноқонуний усулларни қўлламасдан туриб ҳам, натижага эришиш мумкин».

@aoka_uz

РАСМИЙ БАЁНОТ

👉 Батафсил

〰️〰️〰️〰️

ОФИЦИАЛЬНОЕ ЗАЯВЛЕНИЕ

👉 Подробно

@aoka_uz

Бугун, 28 ноябрь куни режалаштирилган тадбирлар:

🔰 Брифинг

● Мавзу: "Ўзархив" агентлигига аҳолидан келган саволларга жавоблар
● Вақти: 12:00
● Жойи: АОКА мажлислар зали
● Иштирок этади: Анваржон Алиев, "Ўзархив" агентлиги ахборот хизмати раҳбари

〰️〰️〰️〰️

🔰 Брифинг

● Мавзу:Электр тармоғи бўйича аҳоли мурожаатига жавоблар
● Вақти: 13:00
● Жойи: АОКА мажлислар зали
● Иштирок этади: Улуғбек Ўринов, "Ўзбекистон миллий электр тармоқлари" АЖ ахборот хизмати раҳбари

〰️〰️〰️〰️

🔰 Брифинг

● Мавзу: Аҳоли ва ҳудудларни фавқулодда вазиятлардан муҳофаза қилиш ойлиги тўғрисида
● Вақти: 14:00
● Жойи: АОКА мажлислар зали
● Иштирок этади: Зулфиқор Қиличов, Фавқулодда вазиятлар вазирлиги бошқарма бошлиғи

@aoka_uz

Бугун АОКАда бўлиб ўтган брифингда "Ўзархив" агентлиги матбуот котиби Анваржон Алиев аҳоли мурожаати ва саволлари юзасидан маълумот тақдим этди.
〰️〰️〰️〰️〰️

❓Суд ишларига оид ҳужжатларни қанча муддатдан сўнг давлат архивига топшириш мумкин?

➖“Архив иши тўғрисида”ги Ўзбекистон Республикаси Қонунининг
24- моддасига асосан фуқаролик ҳолати далолатномалари ёзувлари, нотариал ҳаракатлар ёзувлари, суд ишлари ва хўжалик китоблари идоравий архивларда етмиш беш йил мобайнида сақланиши лозим.
〰️〰️〰️〰️〰️〰️

❓Бобом Самарқанд вилоятида 1903 йилларда қози лавозимида фаолият юритганлар. Улар тўғрисидаги маълумотларни архивдан топсам бўладим?

➖Қозилар фаолиятига оид архив ҳужжатлари тўғрисидаги маълумотларни Ўзбекистон Миллий архивининг фондларидан топишингиз мумкин.
〰️〰️〰️〰️〰️

❓Ишхонамиз ҳужжатлари ёниб кетган. Пенсияга чиқишим керак, нима маслаҳат берасиз?

➖Ташкилот ҳужжатлари ёниб кетганлиги тўғрисидаги далолатноманинг нусхасини пенсия жамғармасига тақдим этиш керак бўлади.
〰️〰️〰️〰️〰️〰️

❓Россия фуқаролигини олмоқчиман. Ўзбекистонда ўқиганлигим бўйича бир қанча ҳужжатлар керак экан. Мактаб шаҳодатномам йўқолган, шуни олишим учун қайси ташкилотга учрасам бўлади?

➖Биринчи навбатда ўзингиз таълим олган мактабга мурожаат қиласиз, агар ўқиганлик маълумотлари мактаб архивида бўлмаса, мактаб сизга туман халқ таълими бўлимига мурожаат қилиш учун йўлланма беради ва халқ таълими бу бўйича сизга маълумот тақдим этади.
〰️〰️〰️〰️〰️

❓Мен 6 йил олдин оғзаки келишув асосида уйини олган фуқаро ҳозирда Россияга кўчиб кетган. Архивга уй қарорини олгани борсам мулк эгаси шахсан ёки ишончнома асосида мурожаат қилиш керак дейишди. Мулк эгасининг қаердалигини аниқлаш ва у билан боғланиш имкони мавжуд эмас. Ушбу ҳолатда қандай йўл тутсам бўлади?

➖Адвокат ёллашингиз тавсия этилади. Мазкур ҳужжатлар адвокат сўровига кўра ишончномасиз берилиши мумкин. Сизнинг ҳолатингизда уй-жойга эгалик масаласи суд орқали тасдиқлангани мақсадга мувофиқ.
〰️〰️〰️〰️〰️

❓Иқтисодий қийинчилик сабаб корхонамни ёпмоқчиман. Ҳужжатларни архивга топширишим учун тўлов борлигини айтишди. Мен айнан иқтисодий ночорлик сабабли корхонани тугатмоқчиман. Ҳужжатларни қандай архив сақловига топширсам бўлади?

➖Ташкилотлар тугатилганда уларнинг фаолияти натижасида ташкил топган шахсий таркиб ҳужжатлари, шунингдек, вақтинчалик сақлаш муддати тугамаган архив ҳужжатлари тугатиш комиссияси (тугатувчи) ва архив ўртасида тузилган шартнома асосида, тартибга келтирилган ҳолда архивга қабул қилинади. Тугатиш босқичида архив ҳужжатларини тартибга келтириш зарурияти бўлса уларни тартибга келтириш тугатиш комиссияси (тугатувчи) томонидан ташкил этилади.

Ҳужжатларни фақат суднинг қарорига кўра бепул қабул қилиш мумкин.

@aoka_uz

Бугун, 30 ноябрь куни режалаштирилган тадбирлар:

🔰 Брифинг

● Мавзу: COVID-19 бўйича бугунги вазият ва аҳолидан келиб тушган мурожаатлар юзасидан савол-жавоблар
● Вақти: 14:00
● Жойи: АОКА мажлислар зали
● Иштирок этади: Севара Убайдуллаева, Соғлиқни сақлаш вазирлиги Коронавирусга қарши кураш штаби аъзоси

〰️〰️〰️〰️

🔰 Матбуот анжумани

● Мавзу: Нефть-газ кимё саноатидаги истиқболли лойиҳалар ва масъуллар олдига қўйилган долзарб вазифалар ҳақида
● Вақти: 15:00
● Жойи: АОКА мажлислар зали
● Иштирок этади: Ўзбекнефтегаз” АЖ

〰️〰️〰️〰️

🔰 Брифинг

● Мавзу: Электр энергияси таъминотидан ноқонуний фойдаланиш ҳолатлари натижасида тизимга етказилган зарарлар таҳлили
● Вақти: 16:00
● Жойи: АОКА мажлислар зали
● Иштирок этади: Наврўз Норбобоев, Энергетика вазирлиги ҳузуридаги Электр энергегикада назорат инспекцияси ахборот хизмати раҳбари

@aoka_uz

Бугун АОКАда Коронавирусга қарши кураш штаби аъзоси Севара Убайдуллаева иштирокида ўтган брифингда муҳим саволларга жавоб қайтарилди:

〰️〰️〰️〰️
❓Коронавирусга қарши вакцина синовида қатнашиб эмлаш олсак, кейин ниқоб тақмай юриш мумкинми?

— Вакцина билан эмланганингиздан сўнг ҳам ниқоб тақиб юриш керак, синовларда қатнашмоқчи бўлганларга ҳам ёки синовлар якунланиб, ижобий натижа чиққанларга ҳам бу талаб сақланиб қолади.

⚠️ Вакцина билан эмланган одам организмида иммун тизим ишлашни бошлайди, бу даврда бошқа касалликлар юқишини олдини олиш мақсадида имкон қадар бошқа инсонлар билан мулоқотда бўлмаслик ва уйда бўлиш талаб этилади.

Агар иш жараёнида одамлар билан мулоқотда бўлишда давом этилса, бошқа карантин талабларига доим риоя қилиш зарур.

✅ Шунингдек, соғлом турмуш тарзини тутиш, соғлом ва муқобил овқатланиш, кўп суюқлик ичиш ва енгил жисмоний фаоллик олиб боришни ҳам давом эттириш керак. Бу кабилар инсон организмида коронавирусга карши иммунитет ҳосил бўлишига ёрдам беради.

@aoka_uz

❓Коронавирус вакцинаси билан кимларни эмлаш мумкин эмас?

Севара Убайдуллаева, Коронавирусга қарши кураш штаби аъзоси (АОКАдаги брифингдан):

➖ Бугунги кунда коронавирусга қарши вакцина долзарб ҳисобланади. Чунки кўплаб мамлакатларда вакциналар ишлаб чиқилган ва клиник синовларнинг учинчи босқичини ўтказиш бўйича ишлар олиб борилмоқда. Клиник синовларнинг ушбу босқичи якунлангандан сўнг аҳолини эмлаш босқичлари бошланади. Аҳолини оммавий эмлашда албатта вакцинага қарши кўрсатмаларни ҳисобга олиш зарур.

〰️〰️〰️〰️
Коронавирус вакцинасининг қарши кўрматмаларига кўра, уни кимларга қўллаш мумкин эмас:

🔹Вакцина таркибидаги моддаларга аллергияси бўлган кишиларга;

🔹Органик ўзгаришлар билан асаб касалликлари ривожланиши бўлган шахсларга (мия фалажи ташхиси, судорога синдроми, эпилепсия);

🔹Орттирилган иммунтанқислик синдроми (ОИВ — СПИД) мавжуд беморларга;

🔹Сурункали касалликлар кучайиши, касалликнинг ўткир босқичлари вақтинчалик қарши кўрсатмалар касб этади.

@aoka_uz

Бугун, 1 декабрь куни режалаштирилган тадбирлар:

🔰 Брифинг

● Мавзу: Мактаб раҳбари ва ўқитувчининг малака ва кўникмаларини ошириш бўйича
● Вақти: 11:00
● Жойи: АОКА мажлислар зали
● Иштирок этади: Айюбхон Раджиев, А.Авлоний номидаги халқ таълими муаммоларини ўрганиш ва истиқболларини белгилаш илмий тадқиқот институти ректори

〰️〰️〰️〰️

🔰 Матбуот анжумани

● Мавзу: "Кураш миллий спорт турини ривожлантириш ва унинг халқаро нуфузини янада ошириш чора-тадбирлари тўғрисида" қарор мазмун-моҳияти ва аҳамияти хусусида
● Вақти: 12:00
● Жойи: АОКА мажлислар зали
● Иштирок этади: Жимоний тарбия ва спорт вазирлиги, Ўзбекистон Кураш федерацияси

〰️〰️〰️〰️

🔰 Брифинг

● Мавзу: Нефть ва газ таъминотидан ноқонуний фойдаланиш ҳолатлари таҳлили
● Вақти: 14:00
● Жойи: АОКА мажлислар зали
● Иштирок этади: Абдужаббор Позилов, “Ўзнефтгазинспекция” бошқарма бошлиғи

〰️〰️〰️〰️

🔰 Матбуот анжумани

● Мавзу: Ҳудудларда ташкил этилган Ягона ҳисоб-китоб марказлари ҳамда Таъмирлаш-тиклаш хизматлари фаолиятига хусусида
● Вақти: 15:00
● Жойи: АОКА мажлислар зали
● Иштирок этади: Уй-жой коммунал хизмат кўрсатиш вазирлиги
〰️〰️〰️〰️

📱Матбуот анжуманига саволларни @Rasmiy_aloqabot га жўнатишингиз мумкин.


@aoka_uz