❓Ижодий имтиҳонларнинг жавоблари тест каби эртаси куни чиқариладими?

〰️〰️〰️〰️〰️
АОКА залида ўтган матбуот анжуманида абитуриентлардан тушаётган муҳим саволларга жавоб қайтарилди.

@aoka_uz
#abituriyent2020

❓Коронавирусга чалинган абитуриентларнинг тақдири нима бўлади? Имтиҳонларга киритиладими?

〰️〰️〰️〰️〰️
АОКА залида ўтган матбуот анжуманида абитуриентлардан тушаётган муҳим саволларга жавоб қайтарилди.

@aoka_uz
#abituriyent2020

⚡️Олий таълимдан кейинги таълим бўйича муҳим саволларга жавоблар

АОКА ҳузуридаги штабда Инновацион ривожланиш вазири биринчи ўринбосари Шароф Ражаббоев иштирокида бўлиб ўтган брифингдан муҳим маълумотлар:

〰️〰️〰️〰️
❓Таянч докторантурага (PhD) онлайн қабул ҳали ҳам давом этяптими?

➖ Ҳужжатлар ОТМ ва ИТМ қабул комиссияси томонидан 15 сентябрдан 15 октябргача бўлган даврда қабул қилинади.

〰️〰️〰️〰️
❓Мен таянч докторантурага талабгорман. Бу йил карантин шароитидан келиб чиқиб, кириш имтиҳонлари онлайн тест орқали бўлиши мумкинми?

➖ Вазирлар Маҳкамасининг 2017 йил 22 майдаги 304-сон қарорига мувофиқ "Таянч докторантурага кириш имтиҳонлари ва докторантурага кириш учун суҳбат ҳар йили 1–25 ноябрь даврида ўтказилади.

Пандемияга боғлиқ вазиятдан келиб чиқиб, ноябрь ойида ўтказиладиган имтиҳонлар масаласига қўшимча ахборот берилади.

〰️〰️〰️〰️
❓Мустақил илмий изланувчиликка фақатгина педагогик стаж бўлиши керакми?

➖ Фан доктори (DSc) илмий даражасини олиш учун мустақил изланувчиликка расмийлаштиришда илмий-педагогик стаж талаб этилмайди.

〰️〰️〰️〰️
❓Мустақил изланувчиликка хужжатлар топшириш қачондан қачонгача давом этади?

➖ ОТМ ва илмий ташкилотлар талабгорларнинг мустақил изланувчиликка ҳужжатларини 15 сентябрдан 15 октябргача, 15 январдан 15 февралгача, 15 апрелдан 15 майгача, 15 июлдан 15 августгача бўлган даврларда қабул қилиши мумкин бўлади.

〰️〰️〰️〰️
❓Таянч докторантурага киришга ҳужжат топширишда мақолалар конференцияларда чиққан бўлса ҳам бўладими?

➖ Бўлади. Вазирлар Маҳкамасининг 2017 йил 22 майдаги 304-сон қарорининг 1-иловаси 3 боб 9-бандида берилган.

〰️〰️〰️〰️
❓Стажёр-тадқиқотчиликка квота сўраш учун кимга мурожаат қилиш керак?

➖ Стажёр-тадқиқотчилик квоталарига талабномалар бўйича ОТМ
ва илмий ташкилотлар ўзининг юқори турувчи вазирлик ва идораларга мурожаат этади.

〰️〰️〰️〰️
❓Таянч докторантура ва мустақил изланувчиликка талабгорга қўйиладиган талаблар нималардан иборат?

➖ Вазирлар Маҳкамасининг 2017 йил 22 майдаги 304-сон қарорининг
1-иловаси 3-боб 9-12 бандларида талабгорларга қўйиладиган талаблар келтирилган.

〰️〰️〰️〰️
❓Илмий унвонга эга бўлган PhD нечтагача изланувчига илмий раҳбарлик қилиши мумкин?

➖ Биринчи марта раҳбарлик қилаётган бўлса, 1 та ва фаолиятидаги самарали натижасига қараб максимум 2 та PhD илмий даражасига талабгор бўлган изланувчига раҳбарлик қилиши мумкин.

〰️〰️〰️〰️
❓Яқинда PhD ни ёқлаган киши таянч докторантура учун раҳбарлик қила оладими?

➖ Йўқ. Доцент ёки профессор унвонини олган PhD ёки DSc бўлсагина раҳбар бўла олади.

〰️〰️〰️〰️
❓Мутахассислиги инглиз тили бўлганлар C1 сертификати бўлса имтиҳонидан озод бўладими?

➖ Вазирлар Маҳкамасининг 2017 йил 22 майдаги 304-сон қарорининг
2-иловаси 3 боб 22-бандига асосан таянч докторантурада ўқиш учун талабгорлар мутахассислик ва чет тили (таълимнинг олдинги даражаларида ўрганилган хорижий тил) бўйича кириш имтиҳонлари топширадилар. Талабгорларда IELTS (ўртача балли камида 5,5), TOEFL (РВТ) (567 баллдан кам бўлмаган), TOEFL (iBT) (87 баллдан кам бўлмаган), CEFR (В2 даражадан паст бўлмаган) бўйича тасдиқловчи амалдаги халқаро малака сертификатлари мавжуд бўлганда чет тилидан топшириладиган имтиҳонлардан озод этилади.

〰️〰️〰️〰️
❓Вақтида ҳимоя қилинмаса ёки умуман ҳимоя қилинмаса стипендияни қайтариб бериладими?

➖ Йўқ, лекин илмий раҳбарга нисбатан чора кўрилади. Кейинги йилларда мазкур ташкилотга докторантурага квота бериш давомида салбий қарор қабул қилишга асос бўлади.

〰️〰️〰️〰️
❓Таянч докторантларга ўқиш қачондан бошланади?

➖ Янги календарь йилининг биринчи иш кунидан.

〰️〰️〰️〰️
❓Докторантурада ҳам академик таътил бериладими?

➖ Узоқ муддат бетоб бўлса ёки туғруқ билан боғлиқ ҳолатдагина.

@aoka_uz
#ниқобтақинг
#масофасақланг

Бугун, 11 август куни АОКАда бўлиб ўтадиган брифинглар:

📣 Коронавирус билан боғлиқ вазият тўғрисида

🕙 12:00 ➖ Коронавирусга қарши курашиш штаби

Спикер: Рустам Икромов – Штаб аъзоси

🕙 13:00 ➖ Маҳалла ва оилани қўллаб-қувватлаш вазирлиги

Спикер: Саодат Боймирзаева – матбуот котиби

🕙 16:00 ➖ "Давергеодезкадастр" қўмитаси

Спикер: Неъмат Атамуратов – матбуот котиби

📲 Брифинглар @aoka_uz телеграм канали, UzReport TV ва O‘zbekiston 24 телеканаллари ҳамда Youtube тармоғи орқали онлайн ёритилади.

〰️〰️〰️〰️〰️

Брифинги, запланированные на сегодня, 11 августа, в штабе АИМК:

📣 О ситуации, связанной с коронавирусной инфекцией

🕙 12:00 ➖ Штаб по борьбе с коронавирусом

Спикер: Рустам Икромов – член Штаба

🕙 13:00 ➖ Министерство по поддержке махалли и семьи

Спикер: Саодат Боймирзаева – пресс-секретарь

🕙 16:00 ➖ Государственный комитет по земельным ресурсам, геодезии, картографии и государственному кадастру

Спикер: Неъмат Атамуратов – пресс-секретарь

📲 Брифинги будут транслироваться онлайн на официальном Telegram-канале AИМК @aoka_uz. Также смотрите брифинги на телеканалах "UzReport TV", "Узбекистон 24" и канале Youtube.

@aoka_uz
#ниқобтақинг
#масофасақланг

Бугун АОКА ҳузуридаги штабда Коронавирусга қарши курашиш штаби аъзоси Рустам Икромов иштирокида брифинг ўтказилди. Унда коронавирус билан боғлиқ вазият юзасидан саволларга жавоб қайтарилди:

〰️〰️〰️〰️〰️
❓COVID-19 билан касалланганларнинг уйда даволанишига қаршиман. Шунга чора кўриш мумкинми?

🌐 Бу амалиёт нафақат Ўзбекистон, балки бутун дунё мамлакатларида жорий этилган.

⚡️Ушбу амалиётни жорий этиш билан, аввало, вирусдан зарарланган оилаларни бир вақтда кузатувга олиб, уларни инфекциядан тезроқ фориқ бўлишларига эришиляпти. Қолаверса стационар шароитда даволанишга муҳтожларга шифо-ўринларини захирасини яратишга эришиляпти.

〰️〰️〰️〰️〰️
❓Ҳозирги пандемия даврида тиббиёт ускуналарига қўлқопсиз тегиш мумкинми?

🦠Биламизки вирус юзаларда маълум вақт сақланиб қолади. Бизнинг айни кунлардаги талабимиз — тиббиёт ходимлари томонидан иш жараёнида қўлқоп билан ишлашларини таъминлашга қаратилган.

〰️〰️〰️〰️〰️
❓Сурхондарё ва Бухоро вилояти ҳокимлари, Бош вазир ўринбосари Ўктам Барноев, соғлиқни сақлаш вазири Шодмонов, Нурмат Отабеков ва бошқа мансабдорларнинг саломатлиги ва бугунги ҳолати ҳақида маълумот берсангиз?

🛏 Айни кунларда уларнинг саломатлигида ташвишли нарса йўқ, даволаниш давом этмоқда.

〰️〰️〰️〰️〰️
❓Карантинни юмшатиш бўйича штаб томонидан илгари сурилаётган таклифлар қандай?

☝️Карантинни юмшатиш борасида аввалги тартиб фуқароларимиз ва тадбиркорларимиз томонидан анчагина нотўғри қабул қилинганлигини натижасини кўрдик.

⚡️Бундан кейинги юмшатиш чоралари ҳудудлар ва соҳалар бўйича алоҳида ишлаб чиқилган режалар асосида амалга оширилиши кўзда тутилмоқда.

@aoka_uz
#ниқобтақинг
#масофасақланг

📣 ЭЪЛОН!

Бугун, 11 август, соат 14:00 да АОКА пресс-холида 2020 йилнинг 12-13 август кунлари ёшлар ҳуқуқларини ҳимоя қилиш масалаларига бағишлаб ўтказиладиган Самарқанд веб-форумини ташкил этиш юзасидан матбуот анжумани бўлиб ўтади.

Матбуот анжуманида:

🔹Инсон ҳуқуқлари бўйича Ўзбекистон Республикаси Миллий маркази директори — Акмал Саидов,

🔹"Юксалиш" умуммилий ҳаракати раиси — Бобур Бекмуродов,

🔹Тошкент давлат юридик университети ректори — Раҳим Ҳакимов қатнашади.

〰️〰️〰️〰️〰️
📲❓Саволларни @aokapressa га жўнатишингиз мумкин!

〰️〰️〰️〰️〰️
📹 Конференция @aoka_uz телеграм канали, UzReport TV ва O‘zbekiston 24 телеканаллари ҳамда Youtube тармоғи орқали тўғридан-тўғри, онлайн ёритилади.

@aoka_uz
#ниқобтақинг
#масофасақланг

⚡️Инсон ҳуқуқлари бўйича Самарқанд веб-форумида нуфузли халқаро экспертлар иштирок этиши кутилмоқда

2020 йилнинг 12-13 август кунлари ёшлар ҳуқуқларини ҳимоя қилиш масалаларига бағишлаб ўтказиладиган Самарқанд веб-форумида нуфузли халқаро экспертларнинг иштирок этиши режалаштирилган.

Жумладан форумда:

🔰 Ёшлар ишлари бўйича Бирлашган Миллатлар Ташкилоти Бош котибининг вакили,

🔰 Ислом ҳамкорлик ташкилоти Инсон ҳуқуқлари бўйича комиссиясининг ижрочи директори,

🔰 Парламентлараро иттифоқ ёшлар парламенти Форуми президенти,

🔰 Россия Федерацияси Инсон ҳуқуқлари бўйича вакили,

🔰 Европа Кенгашининг Ёшлар масалалари бўйича Маслаҳат кенгаши,

🔰 Европада хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюроси,

🔰 Ёшлар ҳуқуқлари бўйича Ибер-Америка конвенцияси экспертлар комиссияси вакиллари ва бошқа экспертлар веб-форумда маърузаларини тақдим қилишади.

〰️〰️〰️〰️
👉 https://www.asianforum.uz/
〰️〰️〰️〰️
@aoka_uz
#ниқобтақинг
#масофасақланг

Аввал хабар берилганидек, бугун АОКА ҳузуридаги штабда Коронавирусга қарши курашиш штаби аъзоси Рустам Икромов иштирокидаги брифингда муҳим саволларга жавоб қайтарилди:

〰️〰️〰️〰️〰️
❓Хитойда ишлаб чиқарилган нархи 2 долларлик "Ляньхуа Циньвен" дориси қўлда 350 минг сўмгача кўтарилган.

Ушбу дори Зангиотадаги юқумли касалликларга ихтисослашган шифохонада хайрия сифатида етказиб берилгани тўғрисида видеолар тарқалди. Дори Ўзбекистондаги даволаш протоколига киритилмаган бўлса ҳам, коронавирусни даволашда самарали ва фойдали дейиш мумкинми?

✅ Ҳа, бугунги кунда ушбу дори Зангиота шифохонасида фойдаланиляпти.

〰️〰️〰️〰️〰️
❓Мен коронавирусдан уйда даволанаётган беморларга бепул бериладиган дорилар билан таъминланиш ҳолатларига гувоҳ бўлмаяпман.

Мазкур дориларнинг 50 мингта тўпламини шакллантирилиши айтилганди, шунча дори-дармон қаерга кетди?

✅ Ушбу фуқаро агар аниқ манзил ва ёрдам кўрсатмаган поликлиникани ёзиб юборсалар, биз томонимиздан хизмат текшируви ўтказилади ва керакли жавобни берамиз.

📦 50 минг тўплам ҳақиқатан тайёрланган ва улар беморларга етказиб берилмоқда.

@aoka_uz
#ниқобтақинг
#масофасақланг

⚡️«Маҳалла» фонди ҳузурида ташкил этилган «Саховат ва кўмак» жамғармаси томонидан эълон қилинган сўровнома ва телеграм каналнинг ўчириб ташланиши юзасидан МУНОСАБАТ

АОКА ҳузуридаги штабда Маҳалла ва оилани қўллаб-қувватлаш вазирлиги ахборот хизмати раҳбари Саодат Боймирзаева иштирокида бўлиб ўтган брифингда ижтимоий тармоқларда муҳокамларга сабаб бўлган сўровнома юзасидан изоҳ берилди:

〰️〰️〰️〰️〰️

❗️“Маҳалла” хайрия жамоат фонди ташкилий-ҳуқуқий жиҳатдан жамоат фонди бўлган нодавлат нотижорат ташкилот. Ташкилот вазирлик тизимига кирувчи ташкилотлар рўйхатига киритилмаган.

❌ Фонд ҳузурида ташкил этилган “Саховат ва кўмак” жамғармаси фаолиятининг ҳеч бир жараёнларига ҳам вазирлик иштирок этмайди.

🔰 “Маҳалла” хайрия жамоат фонди жамғарманинг барча фаолият турларини Маҳалла ва оилани қўллаб-қувватлаш вазирлигидан мустақил ҳолда олиб боради ҳамда Жамғармага келиб тушган хайрия маблағларини ўрнатилган тартибда сарфланишига ягона масъул ташкилот ҳисобланади.

📲 Юқорида келтириб ўтилганларга қўшимча сифатида айтиб ўтишим керакки, “Маҳалла” хайрия жамоат фондининг телеграм саҳифасини ташкил этиш ва ўчириш тўлиқ равишда Фонднинг ўз ҳуқуқи ҳисобланди.

🌐 Ҳозирги вақтда Маҳалла ва оилани қўллаб-қувватлаш вазирлигининг ижтимоий тармоқлардаги барча расмий саҳифалари ишлаб турибди.

@aoka_uz
#ниқобтақинг
#масофасақланг

❓Самарқанд форуми ёшларга, Ўзбекистонга нима беради?

Акмал Саидов:

— Бу форумнинг бешта натижаси бўлади деб айта оламан:

🔹Биринчидан, Ўзбекистон Республикаси Президенти Шавкат Мирзиёевнинг ташаббусларини рўёбга чиқаришда халқаро даражадаги муҳим қадам бўлади.

🔹Иккинчидан, Ўзбекистондаги ёшларга оид давлат сиёсатининг тенденциялари, натижаларини бутун дунё афкор оммасига кўрсатиш бўлади.

🔹Учинчидан, ёшлар ҳуқуқлари тўғрисидаги Конвенция лойиҳасини маромига етказишда муҳим пойдевор бўлади. Чунки Форумда Америка, Осиё, Африка, Европа ва Австралия қитъасидан иштирокчилар қатнашади, улар лойиҳага ўз муносабатларини билдиришади.

🔹Тўртинчидан, ушбу тадбир Ўзбекистоннинг халқаро майдондаги имижи ва нуфузини оширишга хизмат қилади.

❗️Бешинчидан, Ўзбекистон ёшлари биринчи марта халқаро норма ижодкорлиги жараёнида бевосита иштирок этади.

〰️〰️〰️〰️〰️
АОКА залида ёшлар ҳуқуқларини ҳимоя қилиш масалалари бўйича Самарқанд форуми ташкил этилишига бағишлаб ўтказилган матбуот анжуманидан.

@aoka_uz

Аввал маълум қилинганидек, АОКА ҳузуридаги штабда Маҳалла ва оилани қўллаб-қувватлаш вазирлиги ахборот хизмати раҳбари Саодат Боймирзаева иштирокида бўлиб ўтган брифингда муҳим саволларга жавоб берилди:

〰️〰️〰️〰️〰️
❓Сўнгги сайловлар натижасида маҳалла раислигига кўпроқ куч ишлатар тизим ходимлари сайлангани ростми?

🗳 Сайланган фуқаролар йиғини раислари муқаддам қуйидаги соҳаларда меҳнат қилган:

📌 791 нафари — таълим;
📌 135 нафари — маҳаллий ҳокимият;
📌 5189 нафари — маҳалла;
📌 787 нафари — тадбиркорлик;
📌 396 нафари — ҳуқуқни муҳофаза қилувчи;
📌 45 нафари — соғлиқни сақлаш;
📌 94 нафари — нодавлат-нотижорат ташкилотлари;
📌 294 нафари — қишлоқ хўжалиги;
📌 343 нафари — фермер хўжалиги;
📌 225 нафари — ишлаб чиқариш;
📌 54 нафари — қуролли кучла;
📌 13 нафари — тижорат банки;
📌 727 нафари — бошқа соҳа вакиллари.

〰️〰️〰️〰️〰️
❓Нега Ҳомийлик марказларининг 1197 рақамига боғланиб бўлмаяпти, доимий банд? Ходимлар етишмайдими ёки моддий техник база етарли эмасми?

✅ Ҳомийлик, хайрияларини мувофиқлаштириш ва волонтёрлик марказлари фаолиятини ташкил этиш бевосита вазирлик ва Ёшлар ишлари агентлиги ҳамкорлигида олиб борилмоқда.

👷🏻‍♀️ Ҳозирда марказлар қошида ташкил этилган 1197 қисқа рақамлари орқали аҳоли мурожаатларини қабул қилиш Ёшлар ишлари агентлиги томонидан жалб қилинган волонтёрлар томонидан олиб борилмоқда.

📞 Аҳоли мурожаатларини қабул қилувчи волонтёрлар гуруҳи барча зарур алоқа ва моддий-техника воситалари билан тўлиқ таъминланган.

☎️ Агар сиз 1197 рақамига боғлана олмаётган бўлсангиз, Маҳалла ва оилани қўллаб-қувватлаш вазирлиги томонидан ташкил этилган 71-203-01-21 ишонч телефонларига қўнғироқ қилишингизни тавсия этамиз.

〰️〰️〰️〰️〰️
❓Мурожаат асосида ёрдам олган фуқароларнинг аниқ таҳлили юритиладими? Маҳалланинг рўйхатига киритилмаган бўлса, уларга кўрсатилган ёрдамлар учун харажатлар қайси манбадан қопланади?

🛍 Ҳомийлик, хайрияларини мувофиқлаштириш ва волонтёрлик марказлари ўз номи билан ҳомийлик асосида иш олиб борувчи, аҳолига ҳомийлар томонидан тақдим қилинган маҳсулотларни санитария қоидаларига риоя этган ҳолда фақат етказиб бериш билан шуғулланадиган марказдир.

🛒 Етказиб бериш ишлари Ёшлар ишлари агентлиги томонидан жалб қилинган волонтёрлар томонидан олиб борилади.

💰Транспорт хизматларини ташкил этиш ва унинг харажатларини қоплаш эса маҳаллий ҳокимликлар томонидан йўлга қўйилган.

Бундан кўриниб турибдики, ортиқча харажатга ҳеч бир асос йўқ.

〰️〰️〰️〰️〰️〰️
🗣 Ҳозирга қадар мазкур телефон рақамлар орқали мамлакатимиз бўйича 144 561 та аҳоли мурожаатлари қабул қилинди. Уларнинг 138 485 таси — озиқ-овқат, 1 876 таси — дори-дармон ҳамда 4 200 таси бошқа масалалар бўйича қилинган мурожаатлардир.

☑️ Мурожаатчиларнинг 104 809 нафарига зарур ижтимоий ёрдамлар кўрсатилди.

@aoka_uz
#ниқобтақинг
#масофасақланг

2020/2021 ўқув йили ва имтиҳонлар ташкил этилиши билан боғлиқ мавзуларда АОКА штабига аҳолидан келиб тушаётган саволларга Олий ва ўрта махсус таълим вазирининг матбуот котиби Фарҳод Бабашев жавоб берди:

〰️〰️〰️〰️〰️
❓Академик лицейга ҳужжат топширгандим. Имтиҳон қачон бўлади?

⏳Академик лицейларга саралаш имтиҳонларини ўтказиш жорий йилнинг 2 сентябрдан 20 сентябргача бўлган вақт оралиғида режалаштирилган.

📢 Саралаш имтиҳонларининг тартиби, академик лицейлар кесимида ўтказиш муддати тўғрисида қўшимча маълумотлар тақдим этилади.

〰️〰️〰️〰️〰️
❓Тошкент тиббиёт академияси қошидаги академик лицейга ҳужжат топширдим. Эндиликда лицейларни ҳам амалий машғулотлар орқали беморларни ўрганадиган қилиб мослаштириш мумкинми?

🎓 Академик лицейларнинг 2 йиллик таълимга мўлжалланган ўқув режа ва фан дастурлари ўқувчиларнинг олий таълим муассасаларига ўқишга кириши учун ишлаб чиқилган.

🏥 Тиббиёт соҳасида кичик мутахассисликка эга бўлиш учун тиббиёт коллежларида таҳсил олиш керак.

〰️〰️〰️〰️〰️
❓Фарзандим 9 синфни тугатиб, академик лицейга ҳужжат топширган. Агарда кириш имтиҳонлари сентябрга қолдирилса, фарзандим 2 сентябрда мактаб қошида ўқишни бошлайдими?

📎 Юқорида қайд этилганидек, академик лицейларга саралаш имтиҳонларини ўтказиш жорий йилнинг 2-сентябрдан 20 сентябргача бўлган вақт оралиғида режалаштирилган.

☑️ Академик лицейга қабул қилингунга қадар фарзандингиз ўзи ўқиётган мактабга бориб туриши керак.

@aoka_uz
#abituriyent2020

❗️ЭЪЛОН!

АОКАда 12-14 август кунлари бўлиб ўтадиган тадбирлар режаси

〰️〰️〰️〰️
12 август

📢 Брифинглар:
Пандемия вақтида кўрилаётган чоралар:
🔸Марказий банк — соат 10:00
🔸Соғлиқни сақлаш вазирлиги — соат 11:00
Сардоба фожеаси оқибатларин бартараф этиш:
🔸Қурилиш вазирлиги — соат 14:00

📢 Матбуот анжумани
Мавзу: «Суд-тергов фаолиятида шахснинг ҳуқуқ ва эркинликларини ҳимоя қилиш кафолатларини янада кучайтириш чора-тадбирлари тўғрисида»ги Президент фармони мазмун-моҳияти ва аҳамияти хусусида

Иштирок этади:
Бош прокуратура, Олий суд, Ички ишлар вазирлиги, Инсон ҳуқуқлари бўйича Миллий марказ — соат 15:00

〰️〰️〰️〰️
13 август

📢 Брифинглар:
Пандемия вақтида кўрилаётган чоралар:
🔸Соғлиқни сақлаш вазирлиги — соат 12:00
🔸Маҳалла ва оилани қўллаб-қувватлаш вазирлиги — соат 13:00
🔸Туризмни ривожлантириш давлат қўмитаси — соат 14:00

📢 Матбуот анжумани
Мавзу: «Экологик хавфсизлик – аҳоли саломатлиги гарови»

Иштирок этади:
Экология ва атроф-муҳитни муҳофаза қилиш давлат қўмитаси — соат 15:00

〰️〰️〰️〰️
14 август

📢 Брифинглар:
Пандемия вақтида кўрилаётган чоралар:
🔸Соғлиқни сақлаш вазирлиги — соат 12:00
🔸Бандлик ва меҳнат муносабатлари вазирлиги — соат 13:00
🔸Таълим сифатини назорат қилиш давлат инспекцияси — соат 14:00

📢 Матбуот анжумани:
Мавзу: Ижтимоий ёрдам олиш тартиби, «Саховат ва кўмак» ҳаракати фаолияти

Иштирок этади:
Маҳалла ва оилани қўллаб-қувватлаш вазирлиги — соат 15:00

📎 Брифинг ва матбуот анжуманлари режасига ўзгартириш ва қўшимчалар киритилиши мумкин.

@aoka_uz
#ниқобтақинг
#масофасақланг

«Ёшлар 2020: Глобал ҳамжиҳатлик, барқарор тараққиёт ва инсон ҳуқуқлари» мавзусидаги Самарқанд веб-форуми

〰️〰️〰️〰️

Самаркандский веб-форум по правам человека на тему: «Молодежь 2020: Глобальная солидарность, устойчивое развитие и права человека»

@aoka_uz

🎙 Бугун АОКА ҳузуридаги штабда Марказий банк ахборот хизмати раҳбари Акмал Назаров иштирокида брифинг ўтказилди. Унда аҳолидан тушган айрим саволларга жавоб қайтарилди:

〰️〰️〰️〰️〰️
❓Оиламиздан икки киши ўқишга топширганмиз. Агар шартнома асосида ўқишга кирсак, тўлаш учун таълим кредити олишимизга тўғри келади. Таълим кредити олишнинг тартиби ҳақида маълумот берсангиз.

🔹Тaълим кредитлари тижорат банклари томонидан олий таълим муассасаларининг кундузги бўлимларига тўлов-контракт асосида қабул қилинган Ўзбекистон фуқароси бўлган талабаларнинг ўқиши учун уларнинг ўзига, ота-оналарига ёки васийларига берилиши мумкин.

❗️Таълим кредитлари, олий таълим муассасаларида ўқиш даври ҳисобга олинган ҳолда, бакалавриатга қабул қилинган талабаларга — 10 йилгача, магистратура босқичи талабаларига — 5 йилгача бўлган муддатга берилади.

💻 Ҳозирги карантин даврида таълим кредити ажратиш хизматини масофавий равишда кўрсатилиши тижорат банклари томонидан мустақил белгиланади.

Таълим кредитини олиш учун қарз олувчи банккa қуйидаги ҳужжатларни тақдим этади:

✅ а) таълим кредити бериш тўғрисидаги ариза;

✅ б) талаба ва олий таълим муассасаси ўртасидаги тўлов-контракт асосида ўқиш ҳақида белгиланган тартибда расмийлаштирилган шартнома. Ушбу шартномада ўқишнинг белгиланган муддати ва бир йил учун тўлов миқдори кўрсатилган бўлиши лозим.

✅ г) кредитни қайтаришнинг таъминланиши тўғрисида ҳужжат;

✅ д) имтиёзли таълим кредитлари олиш ҳуқуқига эга бўлган чин етимлар, “Меҳрибонлик уйлари”да тарбияланганлар, болаликдан I ва II гуруҳ ногиронлари, кам таъминланган оила фарзандлари тегишли тасдиқловчи ҳужжатларни тақдим этадилар.

☝️Кредит қайтмаслиги хавфининг олдини олиш мақсадида қарз олувчи қуйидаги таъминлаш шаклларидан бирини банкка тақдим этиши лозим:

▫️мол-мулк ёки қимматли қоғозларни гаровга қўйиш;

▫️учинчи шахс кафиллиги;

▫️суғурта компаниясининг қарз олувчи кредитни қайтара олмаслиги хавфи суғурта қилинганлиги тўғрисидаги суғурта полиси;

▫️фуқароларнинг ўзини ўзи бошқариш органларининг кафиллиги (бу ҳужжат фақат чин етимлар ва “Меҳрибонлик уйлари”да тарбияланганлар, болаликдан I ва II гуруҳ ногиронлари ва кам таъминланган оилалардан чиққанлар учун сўралади).

📎 Таълим кредитини олиш тартиби тўғрисидаги батафсил маълумотлар Вазирлар Маҳкамасининг 2001 йил 26 июлдаги 318-сонли қарори билан тасдиқланган “Олий ўқув юртларида тўлов-контракт асосида ўқиш учун таълим кредитлари бериш тўғрисидаги низом”да ва тижорат банкларининг расмий веб-сайтларида келтирилган.

〰️〰️〰️〰️〰️
❓Ўзим яшаб турган хонадон олдидан озиқ-овқат дўкони очмоқчиман. Лекин маблағим етарли эмас. Банк орқали нотурар жойни кредит сифатида олсам бўладими?

❌ Имтиёзли кредит маблағлари савдо-воситачилик хизматларини, шу жумладан, озиқ-овқат савдоси фаолиятини ташкил этиш, амалга ошириш ёки кенгайтириш мақсадлари учун ажратилмайди.

💰Бироқ ушбу фаолият учун белгиланган тартибда банкларнинг тижорат кредитларидан фойдаланишингиз мумкин. Бунда кредитлар тижорат банкларининг кредит сиёсатида белгиланган шартлар ҳамда бозор тамойилларига асосланиб ажратилади.

@aoka_uz
#ниқобтақинг
#масофасақланг

🎙 Аввал маълум қилинганидек, бугун АОКА ҳузуридаги штабда Марказий банк ахборот хизмати раҳбари Акмал Назаров иштирокида бўлиб ўтган брифингда муҳим саволларга жавоб қайтарилди:

〰️〰️〰️〰️
❓Пандемия даврида жисмоний шахслар учун ҳам кредитлар 1 октябрга қадар узайтирилган эди. Лекин банкдан ҳозирги ойдаги кредит тўловига қўшиб, ўтган ойлар учун ҳам тўловни қўшиб тўлаш сўралмоқда. Бу қанчалик тўғри?

✏️ Президентнинг жорий йил 3 апрелдаги ПФ-5678-сонли Фармони асосида молиявий қийинчиликка дуч келган юридик ва жисмоний шахслар, якка тартибдаги тадбиркорларнинг кредитлари бўйича тўловлар 2020 йил 1 октябрга қадар кечиктирилиши ҳамда якуний тўловлар муддатларининг берилган имтиёзли даврга мос равишда узайтирилиши белгиланган.

⏳Шунингдек, қарздорлар пул оқимлари фоиз тўловларини қоплаш учун етмаган тақдирда, фоиз тўловларини ҳам кечиктириш бўйича Марказий банк томонидан тижорат банкларига тавсиялар берилди.

❗️Бироқ бу кечиктириш давридан (яъни 2020 йил 1 октябрдан) кейин йиғилган тўловлар бир мартада тўланиши кераклигини англатмайди. Яъни карантин вақтида кечиктирилган кредит тўловлари якуний тўловлар муддатларининг узайтирилганлигини ҳисобга олган ҳолда, тўлов жадвалининг қолган даврига тенг равишда тақсимланади.

🔸Бундан ташқари, қатъий карантин чекловларининг дастлабки (апрель-май) ойларида коронавирус инфекцияси тарқалишининг олдини олиш, ижтимоий масофаланишни таъминлаш мақсадида қарздор-жисмоний шахслардан аризаларни қабул қилиб олишга ҳамда улар банкка ташриф буюришига имконият бўлмагани сабабли аксарият банклар, яъни 24 та тижорат банки ўз ташаббусига кўра жисмоний шахсларнинг кредитлари бўйича тўловларни 2-3 ойга автоматик тарзда кечиктириши ҳақида маълум қилган эди.

🔎 Бунда баъзи банклар томонидан автоматик тарзда кечиктирилган кредит тўловларини қолган даврларга тенг тақсимлаган бўлса, айрим банклар якуний тўлов давридан кейинги ойларга тақсимлаган.

📉 Шу билан бирга, ушбу берилган 2-3 ойлик давр якунланганидан сўнг қарздор-жисмоний шахснинг молиявий ҳолати ва пул оқимлари тикланмаган тақдирда, тижорат банклари кредитлар бўйича тўловларни яна қўшимча даврга (яъни 2020 йил 1 октябрга қадар) кечиктириш масаласини кўриб чиқиши мумкин.

〰️〰️〰️〰️
❓Кредит таътили олиш учун банкка ариза берганман, лекин ҳали-ҳамон ижобий натижа йўқ. Кредитнинг ўзини ҳам, фоизини ҳам тўлаб келяпман. Банк ходимларидан сўрасам, кредитингизни жорий йил 15 мартдан олдин олган бўлсангиз, имтиёздан фойдалана оласиз, кейинроқ олганларга имтиёз берилмайди, кредитни тўлиқ тўлашади, деб айтишди. Шунга аниқлик киритсангиз?

➖ Марказий банк тижорат банкларига карантин чекловлари даромадларига салбий таъсир этган мижозларнинг кредит тўловлари муддатини уларнинг мурожаатига кўра узайтиришни тавсия этди.

🚫 Бунда кредитларни қайси давргача олганлик билан боғлиқ ҳеч қандай чекловлар ўрнатилмаган.

💵 Бироқ кредит бўйича тўлов муддатлари кечиктирилган даврда ҳам кредитдан фойдаланганлик учун фоизлар ҳисобланиши давом этади ва ушбу фоизлар кечиктирилган муддат тугаганидан сўнг тўланиши лозим.

✔️ Шу сабабли, келгусида қарз миқдори ошиб кетишининг олдини олиш мақсадида жорий давр учун кредит бўйича тўловни амалга оширишга молиявий имконияти бўлган қарздорларга ўз кредитини шартномада белгиланган муддатларда сўндириши мақсадга мувофиқлигини билдирамиз.

📞 Қўшимча маълумот учун тижорат банкларининг ишонч телефонига ёки электрон манзилига мурожаат қилиш мумкин.

________________________________


‼️ Как сообщалось ранее, в штабе AИМК состоялся брифинг с участием пресс-секретаря Центрального банка Акмала Назарова, на котором были даны ответы на важные вопросы граждан.

📌 ПОДРОБНЕЕ 👉 здесь

@aoka_uz
#ниқобтақинг
#масофасақланг

❓Банкдан кредит сўраб мурожаат қилгандим, турли баҳоналар билан бир неча ойдан бери сарсон қилишяпти. Ҳатто ажратилган кредит суммаси банкдан тадбиркорнинг қўлига теккунига қадар ҳам узоқ кутиш керак. Аслида, мурожаатни кўриб чиқиш муддати қанча? Бу қонун билан тартибга солинганми? Тадбиркор банк томонидан сарсон қилинса, кимга мурожаат қилиш керак?

〰️〰️〰️〰️〰️
АОКА штабида Марказий банк ахборот хизмати раҳбари Акмал Назаров иштирокида бўлиб ўтган брифингда саволга жавоб қайтарилди:

✅ «Банклар ва банк фаолияти тўғрисида»ги Қонуннинг 61-моддасига кўра, банклар ва уларнинг мижозлари ўртасидаги муносабатлар шартномалар асосида амалга оширилади.

📑 Шу билан бирга, ҳар бир банк мижозларга кредит операцияларини банк Кенгаши томонидан тасдиқланган «Кредит сиёсати» (банк томонидан ажратиладиган кредитлар шартлари, ажратилиш тартиби, кредит таъминотига қўйиладиган талаблар ва кредит операцияларини амалга ошириш тартиби бўйича бошқаларни белгилаб берадиган) талабларига биноан амалга оширади.

✏️ Қарз олувчи кредит юзасидан банкка расмий ариза билан мурожаат қилиши лозим, бунда банк ходимлари билан кредит олиш бўйича амалга оширилган оғзаки келишувлар юридик кучга эга бўлмайди ҳамда банк томонидан тан олинмаслиги мумкин.

⏳Юридик шахсларнинг банк хизматларига доир мурожаатлари «Банклар ва банк фаолияти тўғрисида»ги Қонуннинг 68-моддасига мувофиқ, мижозлар мурожаатлари банкка келиб тушган кундан эътиборан ўн беш кундан кечиктирмай, қўшимча ўрганиш ва (ёки) текшириш, қўшимча ҳужжатларни сўраб олиш талаб этилганда эса, бир ойгача бўлган муддатда кўриб чиқилиши ҳамда ёзма ёки электрон шаклда жавоб берилиши белгиланган.

🔘«Банк хизматлари истеъмолчилари билан ўзаро муносабатларни амалга оширишда тижорат банкларининг фаолиятига қўйиладиган минимал талаблар тўғрисида»ги Низомга кўра, банк кредит операцияларини амалга оширишда шартномада кредит маблағларини бериш мажбуриятини бажармаганлиги ёки ўз вақтида бажармаганлиги учун банк қарз олувчи олдида кредитор сифатида ўз жавобгарлигини акс эттириши шарт.

☎️ Юқоридагилардан келиб чиқиб, тадбиркорлик субъектларида банкка кредит олиш учун расмий ариза ва бошқа зарурий ҳужжатлар топширилгандан сўнг, банк томонидан белгиланган муддатларда кўриб чиқилиб, тегишли жавоб берилмаганда ёки банк хизматлари истеъмолчиси сифатида ҳуқуқлари бузилаётганлиги ҳолатига дуч келган тақдирда, Марказий банкка (71) 200-00-44 рақамли ишонч телефони орқали мурожаат этишлари мумкин.

______________________________


❓Я обратился в банк за кредитом, но мне его не выдают под разными предлогами. Придется еще долго ждать пока выделенная банком сумма кредита попадет в руки предпринимателя. Сколько на самом деле времени занимает обработка заявки? Регулируется ли это законом? К кому обращаться, если предпринимателю не выдают кредит в банке?

📌 ОТВЕТ 👉 здесь

@aoka_uz
#ниқобтақинг
#масофасақланг