Янгиланаётган Конституция - тараққиёт кафолати

Косонсой туман ИИБ ходимлари билан “Ўзбекистон Республикаси Конституцияси тўғрисида”ги Ўзбекистон Республикаси Конституциявий Қонуни лойиҳаси мазмун-моҳияти юзасидан давра суҳбати ташкил этилди.

Унда Олий Мажлис Қонунчилик палатаси депутати А.Темиров, туман Адлия бўлими бошлиғи Н.Камоловалар томонидан Янги Ўзбекистон тараққиётини таъминлашга хизмат қилувчи Бош Қомусимизнинг такомиллаштирилиши энг аввало, инсон қадрини улуғлаш, унинг ҳақ-ҳуқуқлари ҳимоясини янада мустаҳкамлашга қаратилганлиги билан аҳамиятли эканлиги таъкидланди.

Иштирокчиларга “Ўзбекистон Республикаси Конституцияси тўғрисида”ги Конституциявий қонун лойиҳаси инсон ҳуқуқ ва эркинликларини таъминлашга қаратилган муҳим ҳужжат эканлиги тушунтирилди, Янги таҳрирдаги Конституциянинг мазмун-моҳияти, унинг давлат ва жамият ривожидаги аҳамияти ҳамда киритилаётган янги модда, нормалар ҳақида маълумотлар берилди.

Тиббиёт бирлашмасида Янгиланаётган Конституциямизнинг мазмун-моҳияти тарғиб қилинди

Косонсой туманидаги тиббиёт бирлашмасида тиббиёт раҳбар ва ходимлари иштирокида Янги Ўзбекистоннинг янгиланаётган Конституциясига бағишланган тарғибот тадбири бўлиб ўтди.

Тадбирда Олий Мажлис Қонунчилик палатаси депутати А.Темиров, туман Адлия бўлими бошлиғи Н.Камоловалар сўзга чиқиб, конституциявий ислоҳотларда “инсон – жамият – давлат” деган тамойил илгари сурилгани, мамлакатимизда инсон қадри, ҳақ-ҳуқуқлари, шаъни ҳар нарсадан устун эканлигини қайд этди.

Бош қомусимизга киритилаётган ўзгаришларнинг мазмун-моҳияти, хусусан, ҳар ким соғлиғини сақлаш ва малакали тиббий хизматдан фойдаланиш ҳуқуқига эгалиги, аҳолининг ижтимоий ва моддий фаровонлигини таъминлашга қаратилган асосий жиҳатлари ҳақида гапириб, барчани 30 апрель куни ўтказиладиган референдумда фаол иштирок этишга чақирди.