#диққат
Мақоламизга инновацион ёндашув

ХОРАЗМ ЭКОЛОГИЯСИНИНГ РАДДИЯСИГА АНТИРАДДИЯ

18.12.24 да каналимизда эълон қилинган мақола https://t.iss.one/antikorruz/34364 юзасидан авваламбор шуни таъкидлаш жоиз-ки, Эрматова Сайёра томонидан ёзилган аризалар тазйиқ ва босим остида ёзилгани шундоқ билиниб турибди. Йигирма йилдан бери шу соҳада ишлаб келаётган, ўз устида ишлаётган, олийгоҳда сиртдан таълим олаётган, ўнлаган сертификатлар соҳибаси, атиги бир миллион саккиз юз сўмча маош олаётган бош мутахассисни "ҳе йўқ, бе йўқ", дабдурустдан, ариза ёздирилган куннинг ўзидаёқ ишдан бўшатиб, тўғрироғи ҳайдалиб юборилишини қандай тушуниш мумкин!? С.Эрматованинг соғлигида муаммолари бор экан, бу "легионер", Хоразмга ротация қилинган бошлиқ ўз ишига содиқ ходимасига соғлигини тиклаб олишга, жуда бўлмаса меҳнат таътилига чиқишга нега имкон бермади!? Бошқарма касаба уюшмасининг ва комплаенс назорат хизматининг хабари бўлганми, нега розилик бердилар!?
Йигирма йиллик тажрибага эга бўлган мутахасисни кўчага улоқтирилишига нега бефарқ ва лоқайд муносабатда бўлинди!?
Давлатимизда аёл қадр-қиммати улуғланаётган, жамиятда гендер тенглик таъминланаётган ва бу муваффақиятларимиз халқаро ташкилотлар томонидан эътироф этилаётган бир пайтда, бир нечта кредитлари бор бўлган, боқувчиси йўқ аёл мутахассисни руҳий ва иқтисодий зўравонлик таҳдиди остида ўз ҳоҳиши билан ариза ёздиришга, шахсий буюмларини кавлашга, меҳнат шартномасида кўзда тутилмаган ишларни қўшимча иш ҳақи тўловисиз бажартиришга, кадрларни ўз ҳоҳишича вилоят бўйлаб ротация қилишга, йўриғига юрмаганларни ишдан бўшатишга мажбур қилиш, йиғди-йиғдилар қилиш, энг ташвишли ва хавотирлиси эса, неча ўн йиллар давомида шаклланган Хоразм экология тизими кадрларини тўзғитиш ҳисобига бошқармани кучсизлантириш учун "шер юрак"ни валломат К.Шерматов жаноблари қаердан олди экан!?
Юқоридаги ҳолатлар экология, бандлик вазирликлари, Бош прокуратура, касаба уюшмалари федерацияси, оила ва хотин-қизлар давлат қўмитаси, аёлларни реаблитация ва мослаштириш маркази, Хоразм вилоят ва Урганч шаҳар ҳокимликлари бир муштипар аёлнинг ўз севган, ардоқлаб ишлаётган иш жойида меҳнат қилишга бўлган ҳуқуқларини тиклаш-таъминлаш мақсадида биз билан ҳамкорликда чуқур ўрганишлар олиб боришларига умид қиламиз!
Ҳа, айтганча, бошқарманинг шу йил 30-сентябрь куни ўтказилиши керак бўлган матбуот анжумани номаълум узрли сабабларга кўра номаълум муддатга кейинга қолдирилди, бу ҳақдаги билдириш ўз каналида эмас, балки, Хоразм диалог гуруҳида арзимасдай хатолик билан жойлаштирилди, бироқ, ҳанузгача бу кечиктирилган матбуот анжумани ўтказилмади! АОКАнинг бир неча марта огоҳлантиришларига тупуриб қўйишган чоғи... Янги раҳбар эса бошқа "иш"лар билан машғул... Матбуот котиби ҳам унинг йўриғидан чиқа олмаса нима қилсин!? Шу ўринда барча матбуот котиблари АОКА штатларига киритилишини таклиф қиламиз ва бу ҳақда Агентлик фикрини кутиб қоламиз.
Бу мавзу мантиқий якунига қадар назоратга олиниб, мунтазам ёритилиб борилади.