#кун тафсилоти

ҲАР БИР БОЛАГА МЕҲР БЕРИЛДИ

Бугун Қизил Ярим Ой жамияти Ангрен шаҳар бўлими томонидан "Турон" тўйхонасида "Ҳар бир болага меҳр берайлик!" шиори остида хайрия тадбири ташкил этилди.

Ҳомийлар томонидан ёзилган тўкин дастурхон атрофига жамланган болажонларга ҳаққоний қувонч улашилди. Тадбиреорнинг саховати билан уларга ўқув қуроллари тарқатилди.

Хайрия тадбири Маданият бўлимининг шўх куй ва қўшиқлар, рақслари билан завқли ўтди.

Ангрен шаҳар ҳокимлиги Ахборот хизмати

#кун тафсилоти

САЙЁР ҚАБУЛ БЎЛМОҚДА

Айни дамда "Наврўз-1" фуқаролар йиғини ҳудудидаги "Нуронийлар" гузарида Республика Маҳаллалар Кенгаши раиси ўринбосари Б. Парпиев, шаҳар Халқ қабулхонаси ва шаҳар ҳокимлиги, корхона, ташкилот ва муассасалар мутасаддилари иштирокида сайёр қабул ўтказилмоқда.

Тадбир доирасида аҳолининг саломатлигини мустаҳкамлаш мақсадида вилоятимиз тиббиёт соҳасининг етакчи мутахассислари томонидан тиббий кўрик ҳам ташкил этилган.

Ангрен шаҳар ҳокимлиги Ахборот хизмати

#кун тафсилоти

ТАДБИРЛАР БЎЛДИ

Бугун уумум таьлим мактаблари, мактабгача таълим муасасаларида Ўзбекистон Республикасининг Давлат Мадҳияси қабул қилинган сана муносабати билан маънавий ва маьрифий тадбирлар бўлиб ўтди.
___

42219-ҳарбий қисмда "Мардлар қўриқлайди Ватанни!" шиори остида иншолар танлови ўтказилди. Танлов ташкилотчиси Ёшлар иттифоқи шаҳар Кенгаши раиси Д.Меликов аскарларга Ватанга содиқлик, ҳар бир инсон бугун шукроналик руҳида яшаш кераклиги ҳақида маъруза қилди.

А. Юсупов, маънавият ва маърифат маркази раҳбари

#кун_тафсилоти

МАЪНАВИЯТ ВА МАЪРИФАТ МАСКАНИДА БИР КУН

Аҳамият берган бўлсангиз, каналимизга бугун эрта тонгдан китобхонликка оид ҳавола жойланди. Бу бежизга эмас. Хабарингиз бор шаҳримиздаги "Истиқбол" маҳалла фуқаролар йиғини ҳудудида "Халқ кутубхонаси" бунёд этилган.

Кун давомида ушбу кутубхона китобхонлар билан гавжум бўлди. Тўғриси, бугун мазгур гўшада барпо этилган маънавият ва маърифат масканида тикувчилик бўйича ўқув машғуотлари, тиббиёт шифокори ва писхолог маслаҳати, банк тизими бўйича ахборот хизмати каби фаолиятлар олиб борилди. Тошкент вилояти хотин-қизлар қўмитаси раиси О.Парпибоева ушбу даргоҳдаги жараёнлар билан танишди ва марказ фаолиятини янада кенгайтириш юзасидан таклифлар, тавсиялар билдирди. Масканга ташриф буюрган аёл-қизлар билан суҳбатлашди.
@angrenhokimligi_7

#кун_ тафсилоти

ФЕСТИВАЛЬ ЮТУҚЛАРИ

Беш муҳим ташаббуснинг ҳар бир йўналиши шаҳар Халқ таълими бўлими томонидан тўлиқ татбиқ этилаётир.

Шаҳримиздаги 39-умумий ўрта таълим мактаби раҳбари Гулноза Баҳодирова бошчилигидаги жамоанинг бу борада олиб бораётган ишлари нафақат шаҳар, вилоят балки, бутун республика бўйича намуна сифатида юқори баҳоланди.

Хусусан, 39-умумий ўрта таълим мактабининг аҳил жамоаси Республика миқёсида ўтказилган "Беш ташаббус" фестивалида иштирок этиб, унда ташаббуснинг иккинчи муҳим йўналиши бўйича фахрли биринчи ўринни эгалладилар.

Бу ҳали ҳаммаси эмас. Бешинчи ташаббусда ҳам 3-ўрин эгаллаб, "Президент совғаси", яъни, 2 та тикув машинаси, 1 та дазмол столи, 10 тадан басеетбол, волейбол, футбол тўпи, 59 та машғулот формаси, 10 та" накидка", rezident 10 та спорт тўшамаси(мат)ни қўлга киритди.
@angrenhokimligi_7

#кун тафсилоти
#уйда_бўлинг

Ангрен ИИБда тезкорлик

✅Ангрен шаҳар ИИБ бошлиғи, подполковник Олим Эргашев бошчилигидаги ички ишлар органлари ходимлари томонидан фуқароларни карантин қоидаларига амал қилишлари устидан назорат кучайтирилмоқда.
"Боботоғ" МФЙ 5/1б даҳаси 21-, 22-, 23-уйлар ҳовлиси ва ён-атрофида ёшларнинг ва айрим фуқароларнинг ниқобсиз, тўпланишиб юришгани бўйича кекса онахоннинг иурожаати тезкорлик билан назоратга олинди. Ушбу тезкор ҳаракатдан кекса онахон шаҳар ҳокими Шукурулла Маҳмудовга ва ички ишлар ходимларига ўрнатилган тартиб ва тезкорлик учун миннатдорчилик билдирди.
✅Ангрен шаҳар Ички ишлар бошқармаси Ангрен шаҳар ИИБ ҲПБ томонидан карантинли ва инсон учун хавфли бўлган бошқа юқумли касалликлар пайдо бўлиши ёки тарқалишининг олдини олиш мақсадида белгиланган мажбурий қоидаларнинг бузилиш ҳолатлари аниқланди. Унда жорий йилнинг
27 март куни 31 та қоидабузарлик қайд этилди. Профилактика инспекторлари томонидан аниқланган 31 нафар фуқаро ниқобсиз юрганлиги учун уларга нисбатан Ўзбекистон Респрубликаси МЖтКнинг 54-моддаси билан маъмурий баённома расмийлаштирилди.

#кун_тафсилоти ▪️Бугун "Геолог" МФЙ ҳудудида жойлашган 35- умумий ўрта таълим мактабида "Табиий фанлар ойлиги" доирасида тадбир ташкил этилди. ▪️Шаҳар миқёсида ташкил этилган ушбу тадбирга мактабларда фаолият юритаётган барча табиий фан ўқитувчилари, метод бирлашмаси раҳбарлари ҳамда Халқ таълими бўлими методисти С. Исаевлар ташриф буюришди. ▪️Фан ойлигида фаол иштирок этган ўқувчиларни шаҳар ХТБ табиий фанлар методисти И.Исаев ҳамда мактаб директори Б.Балтабаевалар тақдирладилар. ▪️Мазкур жараён тафсилотлари "Ўзбекистон 24" телеканалида батафсил ёритиш учун тасваирга олинди. https://t.iss.one/angrenhokimligi_7

#кун_тафсилоти ФАВҚУЛОДДА ВАЗИЯТЛАР БЎЛИМИ "ҚАМЧИҚ" МАХСУС ҚИДИРУВ, ЁНҒИН-ҚУТҚАРУВ БОШҚАРМАСИ ХОДИМЛАРИГА ЯНГИ УЙЛАР ТОПШИРИЛДИ
✍️Ангрен шаҳрида капитал таъмирланиб бунёд этилган қўп қаватли хизмат уйлари хонадонларининг калитларини шаҳар Фавқулодда вазиятлар бўлими ходимларига тантанали топшириш маросими бўлиб ўтди. ▪️Тантанали тадбирда Ўзбекистон Республикаси Президенти маслаҳатчиси, Фавқулодда вазиятлар вазири, генерал-лейтенант Турсинхон Худайбергенов ва Ангрен шаҳар ҳокимлиги ҳамда кенг жамоатчилик вакиллари иштирок этдилар.
🔸Тантанали маросимда ушбу хизмат уйларида замон талабларига мос равишда капитал таъмирлаш ва бунёдкорлик ишларини олиб борган “Mash Qurilish biznes” МЧЖ ҳамда “Irrigator Qurilish” МЧЖ қурувчиларининг меҳнатлари ҳам эътироф этилиб, улар Ўзбекистон Республикаси Фавқулодда вазиятлар вазирлиги томонидан фахрий ёрлиқлар билан тақдирландилар.
🔎Ангрен шаҳрининг “Беруний” маҳалласининг 3/3 даҳаси ҳудуди, “Обод турмуш” кўчаси бўйида жойлашган кўп қаватли уйларнинг 2 таси қайта реконструкция қилиниб таъмирланди. Жами 100 та хонадонли ушбу тўрт қаватли хизмат уй-жойнинг янгидан қурилиб, фойдаланишга топширилиши соҳа ходимларига кўрсатилаётган эътибор ва ғамхўрликларнинг амалий ифодаси бўлди.

🔹Замонавий лойиҳалар асосида қайта таъмирланган ушбу уйларнинг ҳар бир хонадони шинам бўлиб, уйларнинг ички ва ташқи қисмида барча қулайликлар яратилган. Мазкур уйлар ҳовлисида ҳам шароитлар етарли. Эндиликда ушбу масканда бунёд этилган болалар ўйингоҳи ҳамда “THE STREET WOORK OUT" спорт майдончалари соҳа эгаларининг ихтиёрида. Чор атрофи ободонлаштирилиб, кўкаламзорлаштирилган гўшага янада ўзгача файз кирди. https://t.iss.one/angrenhokimligi_7

#кун_тафсилоти

✍ Таэквондочиларимиз илк бор тўлиқ таркибда Олимпия ўйинларига йўлланма олишди!

🔎Иорданиянинг Амман шаҳрида таэквондо бўйича Токио-2020 Олимпия ўйинларига йўлланма берувчи лицензион турнир ўз якунига етиб бормоқда.

⚡️Бироз аввал ҳамюртимиз Светлана Осипова +67 кг вазн тоифасида Олимпиада лицензиясини қўлга киритди.

📌Ушбу вазн тоифасида 4 нафар спортчи рўйхатдан ўтган. Лицензиялар финалчиларга тақдим этилиши боис ярим финалдаги ғалаба аҳамиятли бўлди.

📍Ушбу босқичда ҳамюртимиз филиппинлик Кристи Алорага қарши баҳс олиб борди.

✅ Бутун беллашувда устунлик қилган Светлана Осипова якунда 27:5 ҳисобида ғалаба қозонди ва Токио-2020 Олимпиадаси иштирокчисига айланди.

🔹Шу тариқа таэквондо бўйича Ўзбекистон терма жамоаси Токио-2020 Олимпия ўйинларига 4 та йўлланмани қўлга киритди.

⚡️ Бу билан жамоамиз ўз тарихида илк бор тўлиқ таркиб билан Олимпиадада қатнашадиган бўлди.

‼️Токио-2020 Олимпия ўйинларига йўл олган таэквондочиларимизнинг тўлиқ таркибини яна бир бор эслатиб ўтамиз:

-68 кг: Улуғбек Рашитов
-80 кг: Никита Рафалович
-67 кг: Нигора Турсунқулова
+67 кг: Светлана Осипова

Ўзбекистон Миллий Олимпия қўмитаси барча спорт мухлисларини, Ўзбекистон таэквондо WТ ассоциацияси ва Светлана Осипованинг яқинларини қўлга киритилган навбатдаги муваффақият билан самимий қутлаб қолади.

Олға, Янги Ўзбекистон!
@angrenhokimligi_7