Матбуот ходимларида ўзини цензура қилиш, қўрқув бор ҳали, чунки давлат идоралари ходимлари томонидан турли таҳдидлар, босимлар, адолатсизликлар ҳам бор.

Уларни ҳимоя қиладиган ягона орган бу — суд бўлиши керак. Лекин бунинг учун энг асосийси — судлар амалда мустақил ишлаши, уларда доим адолат бўлиши керак, ҳар бир норози фуқаро кўчага чиқиши эмас, борадиган жойи суд бўлиши керак ва аҳолида судларга нисбатан ишонч кучли бўлишига эришиш керак.

Шунинг учун ҳам бугунги бизнинг тадбиримизга ўхшаган конференциялар, тажриба алмашиш, доимий мулоқотлар жуда муҳим.

@allamjonov_ki

#танлов

«Ғалаба – 75» номли бадиий-публицистик асарлар танлови эълон қилинди.

Танлов шартлари билан танишинг: https://telegra.ph/Toshkent-viloyati-izhodkorlari-diққatiga-03-06

#видео

Вилоятда давом этаётган кўчат экиш акцияси "Тошкент" телеканали лавҳасида

@toshvilpressa

Дарахт, ўз томиридан ўсиб чиққан Ниҳолга айтган экан:
- Баҳор чоғи гулга бурканганимда бошим устида боларилар ғужғон ўйнаб, алёр айтди. «Сизлар кимсиз?» - демадим.
- Ёз палласи япроқларим зумраддек товланганда қушлар шоҳларимда паноҳ топиб, ошиён қурди. «Сизлар кимсиз?» - демадим.
- Саратон офтоби оламни ёндирганда йўловчилар соямдан баҳраманд бўлиб, жон сақлади. «Сизлар кимсиз?» - демадим.
- Куз келиб, меваларим ғарқ пишганда одамлар узиб, тўйгунча тановул қилди.«Сизлар кимсиз?» - демадим...
Ногаҳон бир номард танамга болта урган эди, ҳаммаси ҳар ёққа қочди- кетди! Улардан нажот сўрасам, «сен кимсан?» дейишди...
Ёнимда танҳо сен қолдинг! Ўткир Ҳошимов

​​Ҳар жабҳада фаолдирлар

Ўлкамизга кириб келган кўклам фасли табиатга янгиланиш, одамлар кайфиятига кўтаринкилик олиб киради.
Бугун ҳар бир хонадон, ҳар бир ташкилот, ишлаб чиқариш жабҳасида нозик ҳилқат вакилларига алоҳида эътибор, эҳтиром кўрсатилаяпти.
Аёл қалби меҳрга, эътиборга интилади. 8 Март - Халқаро хотин-қизлар куни муносабати билан жойларда байрам тадбирлари ўтказилмоқда.
"Ўзбеккўмир" АЖ Матбуот хизматининг маълум қилишича,
  кеча, 5 март куни “Ўзбеккўмир” АЖ корхоналарида фаолият кўрсатаётган хотин-қизлар учун байрам тадбири ташкил этилибди.
   Ўзбеккўмир" АЖ филиали меҳнат жамоаларида бугунги кунда 1032 нафар хотин-қиз бўлиб, шундан 90 га яқини Ижро аппаратида меҳнат қилаяпти.

Бугун эса эрта тонгда ишга ошиққан, кўмир спноатининг ривожига улуш қўшаётган
"Ўзбеккўмир" АЖ Ижро аппарати ходималари одатдан ташқари ўзгача – баҳорий гуллар билан кутиб олинди.

#спорт
Ёш шахматчилар ютуғи

Ўзбекистон Ёшлар иттифоқи ташаббуси билан ташкил этилган "Ёшлар шахмат тахтаси" анъанавий Республика турнирида шаҳар босқичидан ўтиб, вилоятга йўлланмани қўлган киритган 12 нафар вакилимиз қатнашди. Нурафшон шаҳрида бўлиб ўтган "Ёшлар шахмат тахтаси" анъанавий Республика турнирининг вилоят босқичида Ангрен шаҳри жамоаси ларимиз фаоллик кўрсатишиб умумий ҳисобда 4 та медални қўлга киритишди. Натижаларга кўра, 7 ёшгача бўлган қизлар ўртасиди 1-ўринни 8-мактаб ўқувчиси Самира Абдуганиева , 7 ёшгача бўлган ўғил болалар ўртасида 2-ўринни 7-мактаб ўқувчиси Бахтиёр Абдурахманов, 11ёшгача бўлган қизлар ўртасида 2-ўринни 8- мактаб ўқувчиси Соҳиба Абдуғаниева, 15 ёшгача бўлган ўғил болалар ўртасида 2-ўринни ДИМИ ўқувчиси Асрор Турдалиев эгаллади. Тошкент вилоятининг 22 та туман, шаҳари ўртасида Ангрен шаҳри жамоаси энг кўп медалларни қўлга киритишди.
Ирода Хаитқулова,
ёшлар етакчиси

Ўзбекистон Республикаси Президентининг “Халқаро хотин-қизлар байрами муносабати билан озодликдан маҳрум этиш жазосини ўтаётган бир гуруҳ маҳкума аёлларни афв этиш тўғрисида”ги Фармонига шарҳ

➡ https://bit.ly/2VSakPo

Каналга қўшилиш ⬇
https://t.iss.one/joinchat/AAAAAEHi_Tk-4p_xI26gIw

Баҳор жўшқинликка, шижоатга ундайди. Ҳар бир куни байрамларга лиммо-лим. Баҳорги юмушларни бажариш, ҳашар уюштириш ҳам бацрамона кайфиятда ўтади. Кўкламнинг энг мақтункор айёми 8 март куни нишонланадиган аёллар байрами саналади.
35-умумий ўрта таълим мактабида "Сен муқаддассан, муқаддас аел! " номли байрам дастурида айнан хотин-қизларга эҳтиром кўрсатиладиган кун эканлиги ўз ифодасини топди. Унда ўқувчиларимиз томонидан тайёрланган куй-қўшиқлар, жозибали рақслар, саҳна кўринишлари айниқса, барча хотин-қизларга янада кўтаринкилик бағишлади.
"Бу менинг онам" қўўшиғига ишланган видеоролик барчага манзур булди. Байрам тадбирига бугунги кунда нафақалик гаштини сураётган аёл устоз,ларимиз таклиф этилди. Ангрен шахар ХТБ мудири в.в.б. Р. Абдуеодирова нафақат таълим тизими балки, жонкуяр депутат сифатида байрамга ташриф буюрган онахонларга, бувижонларга байрам совғаларини улашди. Мактаб кузатув кенгаши раиси Х.Аширкулов барчага табрик йўллади.
Х. Балтабаева,
35-мактаб раҳбари

8 март – Халқаро хотин-қизлар куни муносабати билан мукофотлаш тўғрисида
—
О награждении в связи с Международным женским днем – 8 марта

Prezident.uz|Facebook|Instagram|YouTube|Twitter

#расмий
#Мукофот _ муборак!

Тошкент вилояти маҳалла ва оилани қўллаб-қувватлаш бошқармаси бошлиғининг биринчи ўринбосари Парпибоева Озода Абдуқодировна Президент Фармони билан «Меҳнат шуҳрати» ордени билан тақдирланди.

​​#ушбу_ҳафтанинг_бир_тафсилоти

Профилактика тадбирлари ҳамкорликда ўтади

Кўп миллатли ва кўп сонли аҳолиси мавжуд Ангрен шаҳрида ҳуқуқбузарлик ва жиноятчиликларнинг олдини олиш, оилалар мустаҳкамлигини сақлаш, маҳалла ва оилларни қўллаб-қувватлашнинг янги механизмига янгича ёндашишга эътибор кучайтирилди.
Хусусан, айниқса, ўтган давр таҳлиллари натижасига кўра, оғир ва ўта оғир, қасддан одам ўлдириш ёки тан жароҳати етказиш, мол-мулкка тажовуз қилиш, фирибгарлик каби жиноятлар содир этилиши қанчалик аянчли бўлмасин, эндиликда шаҳар секторлари раҳбарлари бошчилигида ҳудудда бу каби ҳолатларнинг барвақт олдини олишга бор имкониятлар ишга солинишига, ҳатто битта жиноят ҳам жиноят эканлиги инобатга олинган ҳолда, янгича йўналишда иш олиб борилишига жиддий эътибор қаратила бошланди. Шу мақсадда Ангрендаги 4 та сектор раҳбари шаҳар ҳудудида "Пайшанба - профилактика куни" тадбирларининг самарадорлигини янада оширишга қаратилган режа асосида ўзаро ҳамкорликда тушунтириш ва тарғибот тадбирларини йўлга қўйдилар.
Ушбу ҳафтада "Боботоғ","Тараққиёт",, "Грум", "Соғлом", " Майдон" маҳалла фуқаролар йиғинлари ҳамда умумтаълим мактаблари ва касб-ҳунар коллежларида тарғибот тадбирлари ташкил этилди.

"Тараққиёт" фуқаролар йиғинида Ангрен шаҳар ҳокими, 1-сектор раҳбари Шукурулла Маҳмудов, шаҳар ИИБ бошлиғи, подполковник 3-сектор раҳбари Олим Эргашевлар иштирокида тарғибот тадбири ташкил қилинди.
Гап шундаки, ушбу маҳаллада истиқомат қиллувчи Шаҳло Маҳкамова собиқ турмуш ўртоғи Дониёр Маҳкамов ажрашган бўлсада, иккиси бир манзилда яшайдилар. Мол-мулкка эгалик қилиш борастда ўзаро келишмовчилик ҳамон давом этаяпти. Натижада хонадонда нотинчлик юзага келган. Ш.Маҳкамова собиқ турмуш ўртоғи Д.Маҳкамов томонидан ҳақорат қилинганлиги ва унга нисбатан қонуний чора кўрилишини сўраб Ангрен шаҳар ИИБ бошлиғи номига ариза билан мурожаат қилган. Мазкур ҳолат юзасидан Ўзбекистон Республикаси ЖКнинг 140- моддаси 1-қисм билан жиноят иши қўзғатилганлиги маҳалла раиси, фаоллари ва кенг жамоатчиликка маълум қилиниб, муҳокамага қўйилди.
Йиғилиш давомида юзага келган ўзаро келишмовчиликнинг олди олинмаса, оқибати яхши бўлмаслиги тўғрисида фикр билдирилди. Маҳалла раиси, профилактика инспектори ва фаоллари ушбу ва шу каби хонадонларни мунтазам назорат қилишлари, доимий равишда мулоқотда бўлишлари зарурлиги қайд этилди. Маҳалладаги нотинч оилалар аъзоларини муросага чақириш, маънавий-маърифий тадбирларга жалб қилиш, келиб чиқаётган нотинс ҳолатнинг сабабларини ўрганиш ва оқибатлари тўғрисида тушунтиришлар олиб боришга келишиб олинди.

#Биласизми
Қонунчиликка мувофиқ маҳалла раиси (оқсоқоли) ва ходимларига ҳар йили 24 кунлик ҳақ тўланадиган меҳнат таътили берилади.

Маҳалла раиси маҳалла ҳудудида яшайдиган ишсиз шахсларни жамоат ишларига жалб қилиш учун улар билан меҳнат шартномалари тузиш ҳуқуқига эга ва уларнинг меҳнатига ҳақ Жамоат ишлари жамғармаси маблағлари ҳисобидан ҳақ тўланади.

​​#ФВБ_минбари

Сел, сув тошқинларидан огоҳ бўлайлик!

Ўлкамизга баҳор ҳам кириб келди. Кунлар исиши билан тоғ тизмаларидаги қорлар аста- секинлик билан эриб, дарё, сойларда сув миқдорининг ошишига сабаб бўлади. Илиқ ёмғирлар эса баланд чўққилардаги қорларнинг янада кўпроқ эришига сабаб бўлиб, бу эса сув оқимларининг ўз навбатида кўпайишига олиб келади. Ҳар йили баҳор фаслида дарё, сойлардаги сувларнинг кўпайиши натижасида вилоят ҳудудларида сел келиш ва сув тошқинлари билан боғлиқ ноҳуш ҳолатлар жуда учраб туради.
Ҳар йили ноябрь ва февраль ойларида сел, сув тошқинлари билан боғлиқ фавқулодда вазиятларнинг олдини олиш мақсадида Тошкент вилояти Фавқулодда вазиятлар бошқармаси ва “Гидрометереология” хизмати маркази ходимлари томонидан вилоятнинг сел, сув тошқини хавфи мавжуд ҳудудлари ўрганилиб, ўрганишлар натижасида жойларда маҳалиий ҳокимликлар ва тегишли ташкилотларнинг куч-воситаларини жалб қилган ҳолда, сел, сув тошқинларининг олдини олиш ва кўчки ҳодисалари хавфини камайтириш бўйича дарё, сой ва каналларда махсус-тактик ўқув машқлари орқали қирғоқларни мустаҳкамлаш ва муҳандислик тадбирлари амалга оширилиб келинади.
Шундай бўлсада, ҳар йили сел, сув тошқинлари оқибатида худудларда яшовчи аҳоли уйлари ва қишлоқ хўжалиги майдонларининг талофат кўриш ҳолатлари кўплаб учраб турибди. Мазкур вазиятларда аксарият ҳолларда дарё ва сойларнинг бўйида ҳамда тоғ адирлар ён-бағрида яшовчи аҳоли яшаш уйлари кўплаб талофатлар остида қолмоқда.
Ўз уйинги ўзинг асра, деганларидек ҳар биримиз дарё, сойларнинг бўйида ва тоғ ён-бағриларида жойлашган уйларимизни баҳор фаслида кучли ёғингарчиликлар оқибатида келиб чиқиши мумкин бўлган сел, сув тошқинлари ва кўчки ҳодисалари билан боғлиқ фавқулодда вазиятларнинг олдини олиш мақсадида қуйидагиларга амал қилишимиз лозим:
- дарё, сой, канал бўйида ҳамда тоғ ён-бағриларида жойлашган доимий яшаб келаётган уйларимизда вақтинча ёғингарчилик мавсуми тугагунга қадар яшамаслик;
- дарё, сой қирғоғи яқинида жойлашган дала ҳовлиларга ёғингарчилик мавсуми тугамагунча дам олиш мақсадида бормаслик;
- кўчки ҳавфи мавжуд худудларга сайл ва дам олишга чиқмаслик;
- об-ҳавонинг кескин ўзариши вақтларида дарё, сой ва жарликлар ёқасида жойлашган бино иншоотларимиздан фойдаланмаслик;
- дарё, сой, канал бўйида ҳамда тоғ ёнбағриларида жойлашган кекса ёшдагиларни ва ёш болларни ёлғиз қолдирмаслик;
- сел, сув тошқинлари ва кўчки ҳолатлари билан боғлиқ фавқулодда вазиятлар чоғида эвакуация (кўчиш) чораларини олдиндан кўриш.
Юқорида келтирилган талабларга ҳар биримиз ўз уйимизда ва ҳаётимиз давомида амал қилсак, ўз оиламиз ва яқин еишиларимиз ҳаётини бевақт фалокатдан сақлаб қолган бўламиз.

Ж.Улуғбеков,
Тошкент вилояти Фавқулодда
вазиятлар бошқармаси бўлим бошлиғи, катта лейтенант
Х.Масаидов,
Ангрен шаҳар Фавқулодда вазиятлар бўлими бошлиғи
подполковник

ДХХ Чегара қўшинлари муҳтарама онахонларимизни, меҳрибон опа-сингилларимизни, дилбар қизларимизни баҳор айёмининг илк байрами бўлмиш 8 март – Халқаро хотин-қизлар куни билан самимий муборакбод этади.
sarhad_uz

Барчиной Эштурдиева - "Чегарачи аёлман"