14 январь - Ватан ҳимоячилари куни!

#Билдириш
Жорий йилнинг 10 январь куни Ангрен шаҳар ҳокимининг “Олтинчи чақириқ Халқ депутатлари Ангрен шаҳар Кенгашининг биринчи сессиясини чақириш тўғрисида”ги 9-сонли қарори қабул қилинди.
Унда Ўзбекистон Республикаси “Маҳаллий Давлат ҳокимияти тўғрисида”ги Қонунининг 17-моддасига асосан олтинчи чақириқ Халқ депутатлари Ангрен шаҳар Кенгашининг биринчи сессияси 2020 йил 14 январь куни соат 09.00 га чақирилиши белгиланган.

Сессия кун тартибида қуйидаги масалалар муҳокама қилинади:

1. 2019 йил 22 декабрь ва 2020 йил 5 январь кунлари ўтказилган Халқ депутатлари Ангрен шаҳар Кенгаши депутатлари сайлови якунлари бўйича шаҳар сайлов комиссияси раисининг ахбороти.
2. “Халқ депутатлари Ангрен шаҳар Кенгашининг Регламенти ва доимий комиссиялар тўғрисида”ги Низомни тасдиқлаш тўғрисида.
3. Халқ депутатлари Ангрен шаҳар Кенгашига сиёсий партиялардан сайланган депутатларнинг партия гуруҳларини рўйхатга олиш тўғрисида.
4. Халқ депутатлари Ангрен шаҳар Кенгашининг доимий комиссияларини тузиш тўғрисида.
5. Ташкилий масала.
6. Халқ депутатлари вилоят, туман ва шаҳар Кенгашлари депутатлари қўшма мажлиси Маслаҳат Кенгаши аъзолигига номзодни тавсия этиш тўғрисида.

Сессияга Халқ депутатлари Ангрен шаҳар Кенгаши депутатлари, шаҳар ҳокимининг ўринбосарлари, корхона, ташкилот ва муассасалар, сиёсий париялар шаҳар кенгашлари раҳбарлари, ҳуқуқ-тартибот идоралари ҳамда оммавий ахборот воситалари вакиллари таклиф этилади.
@angrenhokimligi_7

Ижтимоий тармоқда тарқалган' "Дўстлик" ва "Ҳаккарман-Янги Жигаристон"даги кўприк бўйича эълон қилинган мурожаатга МУНОСАБАТ
(Воажаб! Бундан уч йил аввал транспорт юриши чекланган кўприк билан нега энди бугун қизиқилмоқда? Бирор ҳолат юз берса ким жавоб беради? Эҳҳее, саволлар қайнайдиям, қийнайдиям. Ваҳоланки, ҳашар йўли билан барпо қилинган)

АНГРЕН. "Дўстлик" ва "Ҳаккарман-Янги Жигаристон' маҳаллалари ҳудудини боғловчи кўприк аслида ҳашар йўли билан барпо этилган. Транспорт воситалари ўтишга мўлжалланмаган. Аҳоли хавфсизлигини таъминлаш мақсадида автомашиналар ўтиши чекланган, бетон тўсиқлар қўйилган холос. Лекин одамлар бемалол ўтишаяпти.

Кўприк "Дўстлик" МФЙ раиси томонидан атайин ёпилмаган. Икки маҳалла аҳолиси хавфсизлиги, қолаверса, турли йўл-транспорт ҳодисаларининг олдини олиш инобатга олинган ҳолда тўсилган.
Кўприкни қайта таъмирлаш масаласини масъуллар кўриб чиқадиган бўлди. Мутасадди ташкилот ижобий хулоса берса, кўприкдан фойдаланиш имкони бўлади. Сектор раҳбарлари ва депутат иштирокида айнан кўприк масаласи муҳокама қилинди. Аҳолига кўприк транспорт учун мослаштирилиши ва шундан сўнг фойдаланиш мумкинлиги батафсил тушунтирилиб келинган.
@angrenhokimligi_7

"Дўстлик" ва "Ҳаккарман-Янги Жигаристон" маҳалла фуқаролар йиғинлари фаоллари, Халқ депутатлари Ангрен шаҳар Кенгаши депутати А.Абдулхаев, "Дўстлик" МФЙ раиси Ф.Нурматовлар кўприк масаласи ва унинг ён-атрофини ободонлаштиришни муҳокама қилдилар.
@angrenhokimligi_7

⚡️Кўприк юзасидан икки маҳалла фаоллари фикр билдирдилар.
@angrenhokimligi_7

ИККИ МАҲАЛЛА ФАОЛЛАРИ ИШТИРОКИДА

⚡️"Дўстлик" МФЙ раиси Фарҳод Нурматов:
- Тўғриси, маҳаллада ўзбошимчалик билан бирор иш қилинмаган. Шаҳар ФВБ билан тузилган баённомага асосан фуқаро муҳофазаси ва аҳоли хавфсизлигини таъминлаш мақсадида бетон тўсиқ қўйилди. Сабаби охирги пайтларда катта юк машиналари ҳам ўтиши кузатилди. Лекин икки маҳаллага кириш ва чиқиш учун турли ҳажмдаги юк машиналарига мўлжалланган махсус кўприк ҳам мавжуд. Уни таъмирлаш кўзда тутилган. Бунинг учун имконият ҳам, шароит ҳам етарли. Агар гап ҳашар йўли билан қурилган кўприк хусусида бўлса, икки маҳалла одамлари ушбу кўприк орқали бемалол ўтишаяпти.
Лекин унинг транспорт воситаларига чидамлигига ҳеч ким кафолат бермайди. Ҳамма гап шунда.
Бугунги "Янги Жигаристон" ва бизнинг маҳалламиз фаоллари ҳамда сайлаган депутатимиз билан учрашувда ҳам айнан кўприк ва унинг ён-атрофини тартибга келтиришга келишилди.
@angrenhokimligi_7

#мулоқот

3-СЕКТОР РАҲБАРИ ЯНГИОБОД АҲЛИ БИЛАН УЧРАШДИ

Маълумки, халқ билан мулоқотнинг энг қулай механизми бу - сайёр ва оммавий қабуллардир. Янги йилнинг дастлабки ҳафтасида шаҳар секторлар раҳбарлари ҳудудлардаги маҳаллаларда аҳоли билан юзма-юз учрашувларни ўтказа бошладилар. Хусусан, шаҳар ИИБ бошлиғи Олим Эргашев чекка ҳудуд аҳолисининг мавжуд муаммоларини ўрганиш мақсадида "Янгиобод" қўрғонида бўлди. Маҳалла аҳли билан самимий суҳбатлар чоғида йўлни таъмирлаш, қўрғонга газ ва автобус таъминотидаги камчиликлар юзасидан фуқаролар мурожаатлар қилдилар. Ҳар бир мурожаат ижроси назоратга олиниши қатъий белгиланди.
@angrenhokimligi_7

#изҳор
МИННАТДОРМАН

Ассалому алайкум. Мен, 5/1а даҳаси 2-уй, 55-хонадонда истиқомат қиламан. Ангрен шаҳар ҳокимига катта раҳмат. Об-ҳавонинг ноқулай шароитига қарамай, уйимизнинг том қисми ёпилмоқда.
_______

Здравствуйте. Спасибо большое хокиму г. Ангрен. Крышу закрыли. И сейчас даже делают её. В такую погоду. Я жительница квартала 5/1 а, дом 2 квартиры 55.

#маданият

ТЕАТР ТОМОШАСИ БЎЛДИ

Шаҳримиздаги "Алишер Навоий" номли маданият саройида Маданият бўлими қошидаги "МЕҲР" мусиқали драма театри томонидан "Ажралиш" номли спектаклининг илк намойиши бўлиб ўтди.

Театрнинг асосий бош мақсади ёш оилалар ўртасидаги ажримларнинг олдини олиш, ўзаро оилавий жанжаллар ва келишмовчиликлар сабабларини томошабинга аниқ етказишдан иборат.

Ушбу театр томлшаларидан аввал "Нуроний" жамғармаси, Хотин- қизлар қўмитаси, Маънавият ва маърифат маркази, Маданият бўлими ҳамда Ўзбекистон Ёшлар иттифоқи шаҳар Кенгаши томонидан атрофлича ўрганилиб, фикр ва мулоҳазалар алмашилди.

Театр томошалари кишини ўткир зеҳнли томошабинга айлантириш билан бирга оила муқаддаслигини теран англашга ундаши билан аҳамиятли бўлди.

А. Юсупов,
Маънавият ва маърифат маркази раҳбари