Ангрен шаҳар ҳокимининг ўринбосари Салим Анарбоев Президент таълим муассасалари Агентлиги тизимидаги Ангрен шаҳар ихтисослаштирилган мактабининг директори Аброр Назировлар ўқув масканида бўлдилар.

Унда Президент таълим муассасалари Агентлиги тизимидаги Ангрен шаҳар ихтисослаштирилган мактабининг биносида олиб борилган жараённи кузатдилар.

Қурувчи-пудратчи ташкилот масъуллари билан учрашдилар ва бажарилган ишларни муҳокама қилдилар..
https://t.iss.one/angrenhokimligi_7

#Ангрен_шаҳар
#Кексалар_ойлиги

Ўзбекистон Республикаси Вазирлар Маҳкамасининг
2020 йил 28 майдаги "Кексаларни давлат томонидан қўллаб-қувватлаш тизимини янада такомиллаштиришнинг қўшимча чора тадбирлари тўғрисида"ги  340-сонли қарори ҳамда Вазирлар Маҳкамасининг 2022 йил 27 октябрь кунидаги 9-сонли йиғилиш баёни ижросини таъминлаш мақсадида ҳар йили 1-ноябрдан, 30-ноябрга қадар "Кексалар учун туризм ойлиги" ўтказилиши белгиланган.

Бугун Ангрен шаҳар маҳалла ва нуронийларни қўллаб-қувватлаш бўлими ташаббуси билан  шаҳардаги бир гуруҳ нуронийлари учун Тошкент шаҳрига саёҳат уюштирилди.

Саёҳат давомида нуронийларимиз бугунги кунда кекса авлод вакилларига берилаётган эътибордан мамнун бўлиб, уларга яратилаётган шароитларга шукроналик келтирдилар.
https://t.iss.one/angrenhokimligi_7

#мурувват

АНГРЕН: ИНСОН ҚАДРИ ЭЪЗОЗДА

Юртимизда инсон қадри ва унинг манфаатлари янада эъзоз топмоқда.

Бугунги хайрли тадбирда ана шу эзгу амаллар ўз ифодасини топди.

Маълумки,  декабрь  ойининг учинчи  санаси "Халқаро ногиронлар куни"  сифатида белгиланган.

Мақсад -  имконияти чекланганларнинг манфаатлари, ҳуқуқларини инобатга олиниши, ногиронлиги бўлганларнинг қадр-қимматини ҳимояловчи қонунлар ва тартиб-тамойилларнинг жорий этилишини таъминлашдан иборатдир.

Шу мақсадда Ангрен шаҳрида "Турон"  тўйхонасига ногиронлиги бўлган ҳамда ижтимоий ҳимояга мухтож оилалар  фарзандлари ва ёлғиз кексалар таклиф этилдилар.

Унда шаҳар ҳокимининг  ўринбосари Салим Анарбоев, 2-сектор раҳбари Улуғбек Хабилжонов,Оила ва хотин қизлар бўлими мутахассислари ҳамда маҳалла хотин -қизлар фаоллари қатнашдилар.
https://t.iss.one/angrenhokimligi_7

Тадбир давомида шаҳар Ижтимоий таъминот бўлимининг бир гуруҳ ходимлари шаҳар ҳокимининг ташаккурномаси ҳамда Оила ва хотин-қизлар бўлимининг совғалари билан рағбатлантирилди.

Шунингдек, тадбирга таклиф этилган нуронийлар ва болаларга совға-саломлар улашилди.

Ҳомийлар ташаббуси  билан ёйилган тўкин  дастурхон  атрофида шаҳар Маданият бўлими томонидан қизиқарли концерт дастури намойиш этилди.

Ангрен шаҳар Реабилитация маркази ва Оила ва хотин қизлар бўлими ҳамкорлигида ташкил этилган тадбир каттаю кичикка бирдек завқ улашди.

Тадбир қатнашчилари  кўрсатилган эътибор ғамхўрликлардан мамнун бўлдилар. 
https://t.iss.one/angrenhokimligi_7