ЁШЛАР МАСАЛАСИ - МУҲИМ ВА УСТУВОР

Юртимизда ёшлар масаласи муҳим ва устувордир. Янги Ўзбекистоннинг  истиқболини яратишда навқирон авлоднинг ўрни катта аҳамиятга эга.

Ангрен шаҳрида Давлатимиз раҳбарининг “Етим болалар ва ота-она қарамоғидан маҳрум бўлган болалаларни давлат томонидан қўллаб-қувватлашнинг янги тизимини жорий этиш чора-тадбирлари тўғрисида"ги 2021 йил 9 августдаги ПҚ-5216-сонли Қарори ва Ўзбекистон Республикаси Вазирлар Маҳкамасининг 2021 йил 25 октябридаги ВМ-656-сонли қарори ижросини таъминлашда бор имкониятлар ишга солинмоқда.

Шу мақсадда Ангрен шаҳрининг “Нурчи” ҳамда “Ёшлик” маҳалла фуқаролар йиғинларидаги кўп қаватли турар-жойларидан 2 та хонадон ажратилди.

Унда икки нафар чин етим: Данила Козиров ва Эмиль Халмирзаевларга доимий яшашлари учун барча зарур шарт-шароитлари бўлган, таъмирланган ва жиҳозланган бир хонали хонадонларнинг ҳужжатлари ва калитлари билан топширилди.
https://t.iss.one/angrenhokimligi_7

Ангрен шаҳар ҳокими Алишер Райимов, шаҳар прокурори Улуғбек Хабилжонов, ҳоким ўринбосари Салим Анарбоевлар ёшларнинг хонадонларида бўлдилар.

Хонадонда яратилган қулай шароитлар билан танишдилар ва уларга эзгу ниятлар тиладилар.
https://t.iss.one/angrenhokimligi_7

Бу икки йигит ҳозирги кунда ўзлари истаган ва танлаган касбда меҳнат қиладилар. Ёшларга қаратилаётган эътиборни теран англайдилар

Болалар уйи тарбияланувчилари кўрсатилган ғамхўрлик ва эътибордан мамнунлигини чин дилдан изҳор қилдилар.

Келажакда ўзлари танлаган касблари ва ҳалол меҳнатлари туфайли юртимиз равнақи йўлида хизмат қилишларини ҳамда Ватанимизга муносиб фарзандлар бўлишга ваъда беришди.
https://t.iss.one/angrenhokimligi_7

Ангрен шаҳрида Тошкент вилояти прокуратурасининг ташаббуси билан "3 декабрь - Халқаро ногиронлар куни" муносабати билан махсус мактаб-интернатлари тарбияланувчилари ва ўқувчиларига эътибор кўрсатилди.

Хусусан, 9-сонли имконияти чекланган болалар учун ихтисослаштирилган ёрдамчи 
мактабда худди шундай тадбир бўлиб ўтди.

Унда шаҳар ҳокими Алишер Райимов, шаҳар прокурори Улуғбек Хабилжонов, ИИБ бошлиғи Абид Арипов ҳамда ҳокимлик вакиллари қатнашдилар. Шунингдек, барчага эзгу ниятлар тиладилар ва совғаларни топширдилар.

Мазкур муассасада 146 нафар имконияти чекланган болалар ташкил этади. Шундан 33 нафари уй таълимига йўналтирилган.

Мазкур тадбир Бюронинг Тошкент вилояти бошкармаси ходимлари ташаббуси ташкил қилиниб, дастурхон ёзилди ва болаларга қимматбаҳо совғалар улашилди.

Тадбирда педагогик жамоа ва мактаб у‌еувчилари томонидан тайёрланган "Моҳир қўллар" кўргазмаси ва концерт дастури намойиш этилди.