#Cарҳисоб_ва_режалар
“Ангрен” кўмир кони” филиалида 2021 йил учун 3 627 200 тонна кўмир қазиб олиш режаси белгиланган эди.

Йил якунига кўра 3 950 181 тонна кўмир қазиб олинди, яъни режа 108,9 фоизга бажарилди. 2020 йил кўрсаткичлари билан таққослаганда 117,9 фоиз ўсиш кузатилган.

Кўмир устки қатламини очиш ишларига 23 миллион метр куб режа белгиланган бўлиб, амалда 23 438 611 метр куб тупроқ ишлари бажарилди. Шундан автомобиль транспорти орқали 14 907 минг метр куб (режада 15 284 863 метр куб), темир йўл транспорти орқали 8 153 748 метр куб (режада 8 093 000 метр куб) ишлар бажарилди.

Истеъмолчиларга юклаб жўнатиш бўйича 3 739 000 тонна режа қилинган эди. Амалда 4 460 778 тонна кўмир юкланди.

“Ангрен” кўмир кони” филиалида 2022 йилда 4 146 000 тонна кўмир қазиб олиш, 31 миллион куб метр устки қатламни очиш ишлари режалаштирилган.

Шерзод Турғунов,
“Ангрен” кўмир кони” филиали
бош муҳандиси
@uzbekkumir_uz