#истиқлол
#шукуҳ

Шу кунларда мамлакатимиз мустақиллигининг қутлуғ санаси кенг нишонланмоқда.

Ангрен шаҳар "Жигаристон" маҳалласида мустақиллигимизнинг 30 йиллигига бағишланган байрам тадбири бўлиб ўтди.

Унда Халқ депутатлари Ангрен шаҳар Кенгаши депутати Эркин Эргашев, фан номзоди, педагог ва психолог Б.Каюмов, "Шўрданак" қизиқчилар гуруҳи, "Мажнунтол" бадиий жамоаси иштирок этдилар.

Тадбир аҳолимиз қалбига мустақиллик шукуҳини, юртимиз тинчлигига шукроналик ҳиссини уйғотди.

- Юртимиз мустақиллиги абадий бўлсин,мана шундай байрамлар кўп бўлсин,- дея маҳалланинг кекса, нуронийларидан бири С.Косимов тадбирни якунладилар.
М. БОБОРАҲИМОВА,
"Жигаристон" МФЙ раиси

#истиқлол_айёми
#шукуҳ
#рағбат

КОРХОНА МЕҲНАТАТКАШЛАРИ РАҒБАТЛАНТИРИЛДИ

Ангрен шаҳрида фаолият юритаётган “GREAT WALL CERAMIC INDUSTRIES” МЧЖ қўшма корхонаси меҳнаткашлари истиқлол байрамини кенг кўламда нишонладилар.
Ойига ўн минг квадрат, йилига уч юз минг квадрат кафель ва санфаянс маҳсулотлари ишлаб чиқариш қувватига эга корхонада ҳозирги кунда 300 нафар ишчи-ходим меҳнат қилмоқда.

Корхона ўз маҳсулотларининг ҳажми ва сифатини оширмоқда. Бугунга келиб Қозоғистон, Тожикистон, Қирғизистон давлатларига махсулотлар экспорт қилинмоқда. Жорий йил охиригача жами бир ярим миллион АҚШ доллари миқдорида экспорт қилиш режалаштирилган.

Эътиборлиси, “GREAT WALL CERAMIC INDUSTRIES” МЧЖ ҚҚ раҳбари Маҳмуджон Мамаджонов бошчилигидаги жамоанинг кўпчилиги ёшларни ташкил этади.

Корхона маъмурияти "Ёшлар дафтари", "Аёллар дафтари"да бўлган кўплаб фуқароларнинг бандлигини таъминлаш ва уларга қулай шароитлар яратишга алоҳида эътибор қаратган.
https://t.iss.one/angrenhokimligi_7

#истиқлол
#шукуҳ
МАҲАЛЛАДА "УЧ АВЛОД УЧРАШУВИ"

Шу кунларда шаҳримиз бўйлаб Ўзбекистон Республикаси давлат Мустақиллигининг ўттиз йиллигига бағишланган "Уч авлод учрашуви" мавзусида маънавий-маърифий тадбирлар бўлиб ўтмоқда.

Хусусан, "Кимёгар" маҳалласида жойлашган 43-ДМТТ ҳовлисида ҳам худди шундай тадбир бўлиб ўтди. Унда маҳалланинг катта, ўрта ва ёш авлод вакиллари таклиф этилди.

Твдбирда шаҳар ҳокимининг ўринбосарлари Салим Анарбоев, Шерзод Мирзакаримовлар маҳалла фаоллари тимсолида маҳалланинг ёшу каттасини қутлуғ айём билан муборакбод этдилар. Маҳалладаги кенг кўламли ўзгаришлар, бунёдкорликлар ва одамларнинг ҳаётдан рози бўлиб яшашлари учун татбиқ этилаётган ислоҳотлар ҳамда қилинаётган саъй-ҳараеатларни қайд этдилар.

Тадбир давомида санъаткорлар ва 43-ДМТТ томонидан тайёрланган концерт дастури намойиш этилди.

Ёш авлод тарбиясига муносиб ҳисса қўшган уч авлод вакилларига эсдалик совғалари улашилди.
@angrenhokimligi_7

#спорт
#истиқлол
#туҳфа

АНГРЕНЛИК БОКСЧИ ФАХРЛИ ЎРИНДА

Маълумки, Дубай шаҳрида ёшлар ўртасидаги Осиё чемпионати ниҳоясига етди.

Унда Ўзбекистон ёшлари Осиё чемпионатини 8 та олтин медаль билан якунладилар.

Ёшлар ўртасида бўлиб ўтган мазкур мусобақаларда юртимиз ўғлонлари 3 та олтин, 3 та кумуш ва 1 та бронза медалини қўлга киритишди.

Ринг майдонида олтин медалга давогарлик қилган ҳамшаҳаримиз Самандар Солижонов 67 кг вазн тоифасида ўз маҳоратини ишга солди ва фахрли 2-ўринга сазовор бўлди.

Ангренлик ёш ва умидли боксчи Самандар Солижоновнинг ушбу ютуқларни қўлга киритишда усоз ва мураббийларининг ҳиссаси бор. Жумладан, ўз касбининг моҳир усталари Абдумўмин Захуров, Ҳамид Жиянбаев, Рустам Рустамов, Баҳодир Қодировлар Самандар сингари ёшларга кўникмалар беришда самарали меҳнат қилаяптилар.
@angrenhokimligi_7