#Видео_баёнот
“Ўзбеккўмир” АЖ томонидан 2022 йилнинг январь ойида аҳолига 137 732 тонна кўмир маҳсулотларини қўшимча етказиб бериш кўзда тутилган бўлиб, ушбу режа 28 январь ҳолатига 133 662 тоннани ташкил этди.

Айни кунларда аҳоли ва бюджет ташкилотлари эҳтиёжлари учун қўшимча кўмир маҳсулотларини етказиб бериш мақсадида “Кўмир таъминот” масъулияти чекланган жамиятига қарашли 102 ҳудудий кўмир омбори ва савдо шахобчаси доимий ишлаб турибди.

Ушбу омборларга “Ўзбеккўмир” АЖ томонидан кунига ўртача 5,0-5,5 минг тонна кўмир етказиб берилмоқда. Шу кун ҳолатига кўмир омборларида 6 396 тонна кўмир захираси мавжуд.
Кўмир маҳсулотига эҳтиёжманд аҳоли вакиллари ўзлари яшаб турган маҳалла фуқаролар йиғинлари орқали ўзларига яқин кўмир омборларига мурожаат қилишлари ва эҳтиёжларига яраша қаттиқ ёқилғи ҳарид қилишлари мумкин.

Бир тонна маҳаллий кўмир нарҳи – 300 300 сўм.

Кўмир ҳариди бўйича муаммоларга дуч келсангиз, қуйидаги ишонч телефонига мурожаат қилиш мумкин: 78 148 30 08.
https://t.iss.one/Nemat_Dushayev