Ангренда навбатдаги қўшма корхона очилди

📊 Ангрен шаҳрида тадбиркорлик ва инвестиция муҳитини янада яхшилаш, тўғридан-тўғри инвестицияларни жалб этишни рағбатлантириш, шунингдек, пандемия давридан кейин иқтисодиётни тиклаш ва ривожлантириш бўйича бир қатор амалий тадбирлар амалга оширилмоқда.

🏭 Ангрен шаҳар Давлат хизматлари маркази томонидан Тожикистон ва Ўзбекистон ишбилармонлар таъсисчилигида “ANGREN XO'JAND GROUP” масъулияти чекланган жамияти шаклидаги қўшма корхона давлат рўйхатидан ўтказилди. "Скотч" ишлаб чиқаришга ихтисослаштириладиган мазкур корхона тўла қувват билан ишга тушгач 40 та янги иш ўрни яратилади.

🤝 Хорижлик инвесторлар Ангрен шаҳар Давлат хизматлари маркази томонидан кўрсатилган бундай тезкор, қулай ва сифатли хизмат учун ходимларга ўз миннатдорчилигини билдирди.

#4_сектор
Ангрен шаҳридан олис ҳудудда жойлашган "Жигаристон" маҳалласида сектор раҳбари ёшлар, аёллар билан учрашди ▪️Унда Ангрен шаҳар Давлат Солиқ инспекцияси бошлиғи, 4-сектор раҳбари Қаҳрамон Матқобулов “Жигаристон” маҳалла фуқаролар йиғинида шакллантирилган “Аёллар дафтари” ва “Ёшлар дафтари”га киритилган 19 нафар фуқаронинг таклиф ва мулоҳазаларини эшитди. Шунингдек, сектор раҳбари томонидан уларнинг бандлик, таълим, спорт, тадбиркорлик, ижтимоий-иқтисодий ва бошқа соҳалардаги муаммо ва таклифларини ҳал этиш бўйича масъулларга топшириқлар берилди. ▪️Сектор раҳбари Қ.Матқобулов ёшлар масаласига қаратилаётган эътибор, «Ёшлар: 1+1» дастури, тадбиркорликка ўқиган ёшларга 4 фоизлик кредитлар ва бошқа мавзуларга тўхталди.
Ўз ўрнида ёшлар ҳаётидаги муаммолар, долзарб вазифалар муҳокама қилинди.

▪️Очиқ мулоқот тарзида ўтган учрашувда жигаристонлик йигит-қизлар ўз фикр-мулоҳазаларини билдирди. https://t.iss.one/angrenhokimligi_7

#меҳр_оқибат
#ғамхўрлик #депутат_ва_одамлар
🔰Одамлар орасида энг эзгу туйғу бу - яхшилик, эзгуликдир. Ўзгаларга ғамхўрлик қилиш, уларнинг дарду ташвишига шерик бўлишдек энг азалий қадриятларимиз ҳамон сақланмоқда. Аждодларимиздан мерос бўлган бу эзгу амал авлодлар томонидан янада қадрланаяпти.
✅Халқ депутатлари Ангрен шаҳар Кенгаши депутати, тадбиркор Авазбек Абдулхаев миллий қадриятларимизнинг қадр топишига муносиб улуш қўшаётган ҳамшаҳарларимиздандир.
Ўзгалар ёрдамига муҳтож, эҳтиёжманд оилалар, ногиронлиги ва хасталиги бўлган каттаю кичик ёшдаги одамларга беминнат ёрдам қўлини чўзади. Ангрен шаҳридаги “Дўстлик”, “Ҳаккарман-Янги Жигаристон” маҳалла фуқаролар йиғинларида кўплаб оилаларни ҳар жиҳатдан қўллаб-қувватламоқда.
Яқинда “Дўстлик” МФЙдаги хонадонларнинг бирига ташриф буюрди ва оила аъзоларининг ҳолидан хабар олди ва моддий қўллаб-қувватлади. https://t.iss.one/angrenhokimligi_7

Ўқитувчини қуюшқонидан чиқарган ўқувчи узр сўради, ота-онага эса чора кўрилди

Ижтимоий тармоқларда Тошкент вилояти, Ангрен шаҳридаги 41-мактабда ўқитувчи ўқувчини ургани ҳолати акс этган видеотасвир тарқалди.

Халқ таълими вазирининг назорат-ҳуқуқий хизмати ташаббуси билан мазкур ҳолат шаҳар ҳокимлиги ҳузуридаги вояга етмаганлар ишлари бўйича идоралараро комиссиясига ўрганиш учун юборилди.

Ўрганиш натижаларига кўра, ўқувчи дарсга халақит бергани, ўқитувчи томонидан бир неча бор огоҳлантирилишига қарамасдан, ўқитувчига ноўрин сўзларни гапирганлиги аниқланган. Сўнгра ўқитувчи ўқувчини тартибга чақиришга ҳаракат қилганида ўқувчи томонидан турли ноўринли хатти-ҳаракатлар қилгани маълум бўлди.

Ҳолат вояга етмаганлар ишлари бўйича идоралараро комиссияси, Халқ таълими ва Ички ишлар бўлими томонидан атрофлича муҳокама қилинди.

Ўқувчилар содир этган ишидан пушаймонлигини билдириб, ўқитувчидан кечирим сўради. Ота-оналарга нисбатан Маъмурий жавобгарлик тўғрисидаги кодекснинг 47-моддасига асосан жарима қўлланилди