Qadr - insoniylik fazilati, xotira - uning ziynati

Andijon viloyati IIB boshlig‘ining tashabbusi bilan Asaka tumani IIBda "9-may – Xotira va qadrlash kuni" munosabati bilan ichki ishlar organlarida uzoq yillar faoliyat olib borib, hozirda nafaqa gashtini surayotgan faxriy xodimlar "Elda eʼzoz topganlar" deb nomlangan bayram tadbiriga taklif qilindilar.

Bir piyola choy ustida tashkil qilingan moʻjaz dasturxon atrofida ko‘p yillik qadrdonlar, hamkasblar diydorlashdilar.

Tuman hokimi N.Mo‘minov va sektor rahbarlari, viloyat IIB boshlig‘ining o‘rinbosari podpolkovnik J.Davronovlar faxriylarni yaqinlashib kelayotgan bayram bilan tabriklab, ularga sihat-salomatlik tiladilar.

Bu kabi bayram tadbirlari joylarda davom ettirilmoqda.

Website | Facebook | Telegram | Instagram | Youtube

O‘quvchi-yoshlar bilan davra suhbati o‘tkazildi
———
Andijon viloyati IIB JXX Huquqbuzarliklar profilaktikasi boshqarmasi boshlig‘i podpolkovnik M.Maʼmirjonov tomonidan Xo‘jaobod tumanining "Orday" mahallasidagi 6 - umumtaʼlim maktabida tahsil olayotgan o‘quvchilar bilan davra suhbati o‘tkazildi.

Tadbirda otaliqqa olingan yoshlar o‘rtasida jinoyatchilik va huquqbuzarliklarni oldini olish hamda o‘sib kelayotgan yosh avlodni Vatanparvarlik ruxida tarbiyalash bo‘yicha atroflicha so‘z yuritildi.

Davra suhbati davomida o‘quvchi-yoshlarni qiziqtirgan masalalar bo‘yicha berilgan savollarga atroflicha javoblar qaytarildi.

Website | Facebook | Telegram | Instagram | Youtube

Buloqboshi tumanida sud-huquq masalalari bo‘yicha sayyor qabul o‘tkazildi

Joriy yilning 7-may kuni Buloqboshi tumanidagi 11-sonli sanatoriy maktab-internatida fuqarolarning sud-huquq masalalari yuzasidan murojaatlari ko‘rib chiqildi.

Bo‘lib o‘tgan sayyor qabulda Andijon viloyati IIB boshlig‘i A.T.Rahmatullayev ham ishtirok etib, unda ko‘plab murojaatlarga ijobiy yechim topildi.

Xususan, probatsiya hisobidagi shaxslarni jazodan muddatidan oldin shartli ravishda ozod qilish, O‘zbekiston Respublikasi fuqaroligini tasdiqlovchi ID kartalar rasmiylashtirish, tergov-surishtiruv harakatlari hamda boshqa turli masalalarda kelib tushgan murojaatlar joyida ijobiy hal etildi. Ayrim murojaatlar bo‘yicha huquqiy tushunchalar berilib, ijrosi alohida nazoratga olindi.

Murojaatlar qo‘shimcha o‘rganish va qonuniy qaror qabul qilish uchun yurituvga olinib, ularni hal etish bo‘yicha tegishli sohaviy xizmat rahbarlariga zaruriy ko‘rsatma va topshiriqlar berildi.

Website | Facebook | Telegram | Instagram | Youtube

Inson xotirasi aziz va muqaddasdir. Uni yod etmoq, ezgu sifatlar bilan eslamoq esa tiriklar uchun ham farz, ham qarz hisoblanadi.

Bugun Paxtaobod tumanida joylashgan "Ko‘k olma" tantanalar saroyida 9 may-Xotira va qadrlash kuni munosabati bilan tadbir o‘tkazildi.

Tadbirga ichki ishlar organlari faxriylari, xizmat vazifasini o‘tash jarayonida halok bo‘lganlarning oila aʼzolari taklif etildi.

To‘kin dasturxon atrofida jam bo‘lgan mehmonlar ularga ko‘rsatilgan ehtiromdan yurtimizda inson qadri har nedan ustun ekanligiga yana bir bor ishonch hosil qildilar.

Tadbirda qatnashgan 150 nafar ishtirokchiga esdalik sovg‘alari va faxriy yorliqlar topshirildi.

Website | Facebook | Telegram | Instagram | Youtube