#sport_musobaqasi

Konstitutsiyamizning 32 yilligi munosabati bilan Andijon viloyati ichki ishlar organlari xodimlari o‘rtasida sportning armrestling turi bo‘yicha musobaqa o‘tkazildi.

Qizg‘in kurashlar ostida o‘tgan musobaqa yakuniy natijalariga ko‘ra 3-o‘rin Jalaquduq tumani IIB profilaktika inspektori leytenant G‘iyosiddin Odashxonovga, 2-o‘rin Xonobod shahar IIB profilaktika inspektori Nozim Qobulovga hamda faxrli 1-o‘rin Andijon viloyati IIB Tibbiyot bo‘limi moliya guruhi buxgalteri safdor Saydullo Mahammadjonovga nasib etdi.

G‘olib va sovrindorlar boshqarma rahbariyati tomonidan diplom, medal hamda esdalik sovg‘alar bilan taqdirlandilar.

Website | Facebook | Telegram | Instagram | Youtube

#targ‘ibot_tadbiri

Kinologiya bo‘linmasi xodimlari tomonidan pullik xizmat bo‘yicha joylarda targ‘ibot ishlari amalga oshirilmoqda
—————
Andijon viloyati IIB JXX Jamoat tartibini saqlash boshqarmasi Kinologiya bo‘linmasi xodimlari tomonidan joriy yilning 6 dekabr kuni Marhamat tumanidagi 72-sonli ixtisoslashtirilgan davlat umumtaʼlim maktabi hamda Asaka tumanida joylashgan 56-sonli umumtaʼlim maktablarida xizmat itlari bilan birgalikda turli ko‘rgazmali chiqishlar namoyish etildi.

Shuningdek, tadbirda qatnashgan o‘qituvchi hamda o‘quvchilarga xizmat itlari to‘g‘risida kerakli maʼlumotlar berilib, O‘zbekiston Respublikasi IIVning 2023-yil 2-noyabr kungi “Jismoniy va yuridik shaxslarga tegishli itlarni umumiy bo‘ysunuvchanlik va himoya-qorovul ko‘nikmalari bo‘yicha tayyorlash uchun pullik xizmatlar ko‘rsatish, shuningdek, naslchilik pitomnigida yetishtirilgan va ichki ishlar organlarining ehtiyojidan ortiq bo‘lgan hamda xizmatga yaroqsiz deb topilgan itlarni sotish tartibi to‘g‘risida”gi tegishli buyrug‘i talablari asosida pullik xizmat bo‘yicha targ‘ibot  va tashviqot ishlari amalga oshirildi. Hozirda bu kabi targ‘ibot ishlari joylarda davom ettirilmoqda.

Website | Facebook | Telegram | Instagram | Youtube

#Konstitutsiya - erkin va farovon hayot garovi!

Andijon davlat pedagogika institutida “Konstitutsiya - erkin va farovon hayot garovi“ mavzusida davra suhbati tashkil etildi
—————
Andijon davlat pedagogika institutida O‘zbekiston respublikasi Prezidentining 2024-yil 17-oktyabrdagi “O‘zbekiston Respublikasi Konstitutsiya kuni bayramiga tayyorgarlik ko‘rish va uni o‘tkazish to‘g‘risidagi” tegishli farmoyishi ijrosini taʼminlash maqsadida Konstitutsiya - erkin va farovon hayot garovi“ mavzusida davra suhbati tashkil etildi.

Tadbirda Andijon viloyati IIB Maʼnaviy-maʼrifiy ishlar va kadrlar bilan taʼminlash xizmati masʼul xodimlari tomonidan Konstitutsiyamizning mazmun-mohiyati, uning hayotimizda yuz berayotgan o‘zgarishlar va qo‘lga kiritilayotgan yutuqlarning bosh omili ekanligi to‘g‘risida aniq misollar yordamida fikr-mulohazalar bildirildi.

Davra suhbati davomida talaba-yoshlar ham o‘zlarini qiziqtirgan masalalar yuzasidan savollar berishib, mutaxassislardan javoblar oldilar.

Hozirda Andijon viloyati IIB tomonidan Konstitutsiyamizning mazmun-mohiyatini tushuntiruvchi madaniy-maʼrifiy va huquqiy targ‘ibot tadbirlarini o‘tkazish davom ettirilmoqda.

Website | Facebook | Telegram | Instagram | Youtube