#munosabat

Ijtimoiy tarmoqlarda Andijon shahar Xo‘tanariq mahallasi xududida noqonuniy qurilgan qurilmalarga chora ko‘rilmayotganligi holati bo‘yicha tarqalgan murojaat yuzasidan quyidagilar ma’lum qilinadi.

Mazkur noqonuniy qurilmalar murojaat tarmoqlarda tarqalishidan ancha avval Kadastr agentligi Andijon shaxar bo‘limi tomonidan o'rganilgan bo‘lib bunda, Andijon shahar Chorguzar ko‘chasi 2/B-manzilda joylashgan 87,05 kv.metr yer maydoni fuqaro M.T. tomonidan o‘zboshimchalik bilan egallab olinib noqonuniy qurilish qilganligi aniqlangan va Ma’muriy Javobgarlik To‘g‘risidagi Kodeksning tegishli moddasi tartibida bayonnoma rasmiylashtirilib, ma’muriy jarima qo‘llanilgan hamda fuqaroga qonun buzilish holatini ixtiyoriy bartaraf etish yuzasidan ko‘rsatmalar berilgan.

Biroq, fuqaro tomonidan o‘zboshimchalik bilan egallab olingan yer maydonidagi noqonuniy qurilgan bino-inshootlarini ixtiyori bartaraf etmaganligi sababli bo‘lim tomonidan Fuqarolik ishlari bo‘yicha Andijon tumanlararo sudiga O‘zboshimchalik bilan egallangan yer uchastkasida qurilgan noqonuniy qurilmani buzdirish hamda o‘zboshimchalik bilan egallangan yer uchastkasini shahar zaxirasiga qaytarish to‘g‘risida da’vo arizasi kitilgan.

Fuqarolik ishlari bo‘yicha Andijon tumanlararo sudining hal qiluv qaroriga ko‘ra Kadastr agentligi Andijon shahar bo‘limining da’vo arizasi qanotlantirilgan hamda fuqaro T.M tomonidan o‘zboshimchalik bilan qurilgan qurilmalar buzilishi va yer maydoni shahar zaxirasiga qaytarilishi to‘g‘risida qaror qabul qilingan.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Marhamat tumanida noqonuniy qurilish ishlari amalga oshirilayotganlik holati bo'yicha tarqalgan murojaat yuzasidan quyidagilar ma'lum qilinadi.

O‘rganishda “Yangi hayot” mahallasi, Amir Temur ko‘chasida joylashgan “O‘qchi” PTZga qarashli bo‘lgan “Marhmat paxta tayyorlash maskani” bino inshoatlarining to‘la mulkiy huquqlari «Jahon rieltor» MChJ tomonidan to‘g‘ridan to‘g‘ri muzokaralar o‘tkazish yo‘li bilan tashkillashtirilgan ko‘chmas mulk ob’ektlari va ularga bo‘lgan huquqlarining savdolari natijasida tuzilgan savdo bayonnomasiga asosan sotib oluvchi “Baraka Exsport 2020” MChJga sotilgan va davlat ro‘yxatiga olingan.

Bundan tashqari olib borilgan o‘rganish ishlari davomida “Baraka Exsport 2020” MChJ tomonidan qurilish ishlarini amalga oshirish, obyektni qayta ixtisoslashtirish va rekonstruksiya qilishga ruxsatnoma olish maqsadida Marhamat tumani qurilish bo‘limiga murojaat etgan va qurilish bo‘limi tomonidan ruxsatnoma berilganligi aniqlandi.

Shuningdek shu hududda o'tkazilgan yer nazorati tadbirlari natijasida MChJning oldi qismiga tutash bo‘lgan yer maydonidan fuqaro N.N tomonidan noqonuniy qurilish ishlari amalga oshirilganligi aniqlandi va ushbu holat yuzasidan Ma’muriy Javobgarlik To‘g‘risidagi Kodeksning tegishli moddasi tartibida bayonnoma rasmiylashtirilib, ma’muriy jarima qo‘llanilgan.

Kadastr agentligi Marhamat tuman bo'limi tomonidan fuqaroga qonun buzilish holatini ixtiyoriy bartaraf etish yuzasidan ko‘rsatmalar berilib, holat alohida nazoratga olinganligi ma'lum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Xo‘jaobod tumanda fuqaroni yashash xonadoning kadastr hujjatlari bilan bog'liq muammolari borligi to'g'risida tarqalgan murojaat yuzasidan Kadastr agentligi hamda Davlat kadastrlari palatasi Andijon viloyati boshqarmalari tomonidan o‘rganish ishlari olib borilmoqda.

Mazkur holat to'liq o‘rganilib yakuni bo‘yicha batafsil axborot taqdim etilishi ta'minlanadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlar orqali Xo‘jaobod tumanida fuqaroning kadastr hujjatlari bilan bog‘liq muammolari borligi yuzasidan tarqalgan video murojaatining tegishli qismi o‘rganilib quyidagilar ma’lum qilinadi.

Murojaatda ta'kidlangan uy-joy Xo‘jaobod tuman “Mustaqillikni 27-yilligi” mahallasi, Obod ko‘chasi 657-tartib raqamli kottej tipidagi turar-joy tegishli vakolatli o‘rganlarning ruxsatnomalari asosida fuqaro M.Turg‘unboyevaga egalik huquqi belgilangan va hujjatlar rasmiylashtirilgan.

Murojaat muallifi B.Atamurzayeva onasiga tegishli bo'lgan Andijon shahar Mustaqillik MFY A.Xaydarov ko‘chasidagi 21- uy-joyi Shahar hokimining 2018-yildagi qaroriga asosan buzilishga tushgan, lekin o‘rganish ma'lumotnomalariga asosan yuqoridagi uy-joy amalda buzilmaganligi ma'lum bo‘ldi.

Mazkur murojaatda keltirilgan uy-joylarga kadastr hujjatlari belgilangan tartibda to‘g‘ri rasmiylashtirilgan. O‘z navbatida fuqaro tayyorlangan hujjatlardan norozi bo‘lsa yuqori turuvchi organlarga belgilangan tartibda murojaat qilishi mumkinligi ma’lum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Izboskan tumanida fuqaroning yer maydoni bilan bog‘liq muammolari borligi yuzasidan tarqalgan murojaatning tegishli qismi o‘rganilib quyidagilar maʼlum qilinadi.

Murojaatdagi yer maydoni O‘zbekiston Respublikasi Prezidentining 2006-yil 29-maydagi 97-sonli “Davlat va jamoat ehtiyojlari uchun yer uchastkalarini olib qo‘yilishi munosabati bilan fuqarolarga va yuridik shaxslarga yetkazilgan zararni qoplash tartibi to‘g‘risidagi Nizomni tasdiqlash to‘g‘risida”gi Qarorga asosan 4 nafar fuqaroga ajratib berilgan.

Yuqoridagi fuqarolar ajratib berilgan yer maydonlari dastlab veterinariya bo‘limiga tegishli bo‘lib tuman hokimining tegishli qarori bilan zaxiraga qaytarilgan lekin zaxiraga olish qarori belgilangan tartibda Davlat ro‘yxatidan o‘tkazilmaganligi sababli Veterinariya bo‘limi balansidan chiqarilmagan.

Hozirda Veterinariya bo‘limi balansida bo‘lgan ko‘chmas mulk obyektlari va ularning foydalanishida bo‘lgan yer maydonlariga vakolatli tashkilotlar tomonidan “taqiq” qo‘yilganligi aniqlandi.

Tashkilotning ko‘chmas mulk va yer maydonlariga qo‘yilgan taqiqi yechilgan so'ng fuqarolar foydalanishida bo‘lgan yer maydonlari veterinariya bo‘limi balansidan chiqarilib, «UzKad» elektron dasturi orqali foydalanuvdagi fuqarolar balansiga o‘tkazilishi mumkinligi maʼlum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda fuqaroning kadastr xizmatlaridan foydalanishda muammolar yuzaga kelayotganligi va soha xodimlari o'rtasida amalga oshirilayotgan rotatsiya ishlaridan norozilik holati yuzasidan tarqalgan murojaat bo'yicha quyidagilar ma'lum qilinadi

Murojaatda ko‘rsatib o‘tilgan holat bo‘yicha o‘rganib chiqilganda, O‘zbekiston Respublikasi Vazirlar Mahkamasining 2001-yil 31-dekabrdagi “O‘zbekiston Respublikasi hududlarini kadastr bo‘yicha bo‘lish hamda yer uchastkalari, binolar va inshootlarning kadastr raqamlarini shakllantirish tartibi to‘g‘risidagi nizomni tasdiqlash haqida”gi 492-sonli Qarori bilan tasdiqlangan Nizomga asosan Respublikadagi barcha ko‘chmas mulk obyektlariga kadastr raqamlari alohida-alohida shakllantirilishi hamda mazkur kadastr raqami takrorlanmas bo‘lishi belgilab berilgan.

Bundan tashqari ko‘chmas mulk obyektlariga kadastr yig‘ma jildlarni shakllantirish va davlat ro‘yxatidan o‘tkazish ishlarini to‘g‘ri va sifatli tashkil etilishini taʼminlash maqsadida tegishli hujjatlar tasdiqlanib, hududlarda ko‘chmas mulk obyektlariga yangi kadastr raqami shakllantirish uchun belgilangan tartibda Davlat kadastrlar palatasi bilan kelishish lozimligi belgilangan. Shunga ko‘ra, ko‘chmas mulk obyektlariga yangi kadastr raqami shakllantirish hamda biriktirilgan kadastr raqamlarini maʼlumotlar ba'zasidan o‘chirish uchun Davlat kadastrlar palatasiga yuborilishi amaliyotda qo‘llanilib kelinmoqda.

Shuningdek, murojaatda ko‘rsatib o‘tilgan, Davlat kadastrlar palatasi hududiy tuman shahar filiallari xodimlarini rotatsiya qilish holati Davlat kadastrlar palatasing korrupsion holatlarni oldini olish va bu illatga qarshi kurashish yuzasidan topshiriq xatiga asosan boshqarmaning tegishli buyrug‘i bilan amalga oshirilganligi, buyruqga asosan ishchi guruh tuzilib hududlarda xodimlarning roziligi olingan holda ishlar olib borilayotganligi maʼlum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

💭 Ijtimoiy tarmoqlar orqali Shahrixon tumanida yer maydonlari o‘zboshimchalik bilan egallanib noqonuniy qurilish ishlari amalga oshirilayotganlik holati yuzasidan tarqalgan murojaat bo‘yicha quyidagilar maʼlum qilinadi.

🖍 O‘rganishda fuqaro S.M tuman hokimining qaroriga asosan Qipchaqo‘rg‘on mahallasi hududidan 0,35 gektar yer maydoni “Davlat xususiy sherikchilik asosida maktabgacha taʼlim maskani tashkil etish” uchun ajratib berilgan. Lekin yuqoridagi qaror Shahrixon tumani prokuraturasi protestiga asosan bekor qilingan.

▫️ Fuqaro S.M tomonidan unga ajratib berilgan yer uchastkasida yuqoridagi qaror prokuror protesti asosida bekor qilinguncha hech qanday qurilish ishlarini amalga oshirmagan, biroq yer uchastkasini ajratish to‘g‘risidagi qaror protest asosida bekor qilinganidan so‘ng bino qurilish ishlarini boshlagan. Mazkur holat yuzasidan Kadastr agentligi Shahrixon tumani bo‘limi tomonidan yer ajratish qarori bekor qilingandan so‘ng fuqaro S.Mga yer maydoniga qurilgan mavjud qurilmalarni o‘z hisobidan bartaraf etish hamda yer maydonini avvalgi holatga qaytarish bo‘yicha ogohlantirish berilgan. Shunga qaramasdan S.M qurilish ishlarini davom ettirgan va qo‘shimchasiga o‘zboshimchalik bilan yana 0,10 ga yer uchastkasini egallab olib, mazkur yer uchastkasida xam qurilish ishlarini amalga oshirgan.

▫️ Holat bir necha marotaba sudda ko’rib chiqilgan bo’lib, tuman hamda viloyat sudining qaroriga muvofiq mazkur yerni buzish hamda oldingi holatiga qaytarish belgilangan. Ammo fuqaro tomonidan Respublika Oliy sudiga kassatsiya shikoyati yo‘llangandan so’ng, Respublika Oliy sudi fuqarolik ishlari bo‘yicha sudlov hayʼati o‘zboshimchalik bilan egallangan 0,10 gektar yer maydonini tuman zaxirasiga qaytarish sharti bilan shikoyatni qisman qanoatlantirgan.

▫️Yana bir holatda Mullaboy mahallasi hududida yashovchi fuqaro X.Sga Savdo do‘koni buzilishi hisobiga tuman hokimining qaroriga asosan Qipchaqo‘rg‘on mahallasi hududidan yakka tartibdagi uy-joy qurish uchun 400,0 kv.metr yer maydoni ajratib berilgan. Lekin fuqaro X.S xalq taʼlimi bo‘limiga qarashli o‘rta taʼlim maktabi filiali hisobidagi yer maydonidan o‘zboshimchalik bilan 228,0 kv.metr yer maydonini qo‘shimcha egallab, fundament qurib olganligi aniqlangan. Holat yuzasidan Bo‘ston tumanlararo sudiga davo ariza kiritilgan va sud tomonidan davo talabi to‘liq qanoatlantirilib o‘zboshimchalik bilan egallab olingan 228,0 kv.metr yer maydoni maktab hududiga qaytarilgan.

▫️Shuningdek Shahrixon tuman mudofaa ishlari bo‘limi boshlig‘ining harbiy xizmat chog‘ida halok bo‘lgan jangchining oilasiga uy-joy qurish uchun yer maydoni ajratib berishini so‘rab qilgan murojaatiga asosan tuman hokimining qarori bilan fuqaro G‘.Mga 400,0 kv.metr yer maydoni uy-joy qurish uchun ajratib berilgan bo‘lib hozirda fuqaro tomonidan qurilish ishlari amalga oshirilayotganligi aniqlandi.

📶 Murojaatda keltirilgan yer maydonlarida Kadastr agentli hududiy bo‘limi tomonidan belgilan tartibda nazorat tadbirlari o‘tkazilgan va aniqlangan holatlar yuzasidan vakolat doirasida barcha ishlar amalga oshirilganligi ma’lum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Davlat kadastrlari palatasi Andijon shahar filiali fuqarolar murojaatiga javob xatlari yubormayotganlik holati yuzasidan tarqalgan murojaat yuzasidan quyidagilar maʼlum qilinadi.

Ijtimoiy tarmoq orqali taʼkidlanayotgan fuqarolarning murojaati Davlat kadastrlari palatasi Andijon shahar filialiga joriy yilning 22-aprel kuni kelib tushgan va shahar filiali mutaxassisi M.Axmedovga ijro uchun yo‘naltirilgan.

Murojaatni o‘rganish davomida qo‘shimcha hujjatlar talab etilganligi sababli mutaxassis tomonidan 3-may kuni (Murojaat kelgan kunning 12-kuni) murojaat muddatini uzaytirish yuzasidan shahar filiali bosh muhandisi nomiga bildirgi kiritgan.

Mutaxassisning bildirgisiga asosan murojaat muddati 5 kunga uzaytirilgan va 6-may kuni javob xati tayyorlanib 8-may kuni pochta tizimi orqali yuborilganligi maʼlum qilinadi.

O‘z navbatida Kadastr agentligi hamda Davlat kadastrlari palatasi Andijon viloyati boshqarmalari hamda hududiy tuman shahar bo‘lim va filiallariga kelib tushgan har bir murojaat boshqarma rahbariyati tomonidan doimiy nazoratda ekanligini taʼkidlab o‘tmoqchimiz.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#munosabat

Ijtimoiy tarmoqlarda fuqaro Yusupov Shavkat tomonidan yo‘llangan video murojaatning tegishli qismi o‘rganilib quyidagilar maʼlum qilinadi

O'rganishda Oltinko‘l tumani Uzunko‘cha mahallasida joylashgan “Sut tovar ferma” bino-inshootlariga “Elektron-onlayn auksionlarni tashkil etish Markazi” Davlat unitar korxonasi tomonidan 2019-yil 3-iyun kuni Elektron onlayn auksion natijalariga ko'ra “Yuksak Brok Invest” MCHJga sotilgan.

Shundan so'ng MCHJ rahbari tomonidan auksionda yutib olgan yer maydoniga auksion g‘oliblik bayonnomasi asosida huquqlarni davlat ro‘yxatidan o‘tkazish uchun murojaat qilingan. Murojaat ushbu yer maydonida boshqa fuqarolarga tegishli bo‘lgan ko‘chmas mulk obyektlari mavjud bo‘lib, ularga bo‘lgan huquqlar davlat ro‘yxatidan o‘tkazilganligi sababli rad etilgan.

“Yuksak Brok Invest” MCHJ rahbari tomonidan Davlat kadastrlari palatasi andijon viloyati boshqarmasi qoshidagi "Ko‘chmas mulkka bo‘lgan huquqlarni davlat ro‘yxatidan o‘tkazish bilan bog‘liq bo‘lgan nizolarni sudgacha hal etish" komissiyasiga nizodagi yer maydonini boshqa fuqarolar nomiga davlat ro‘yxatidan o‘tkazilgan davlat reyestridan ko‘chirmalarni bekor qilish bo‘yicha murojaat qilgan.

Ushbu murojaatga asosan komissiyaning yig‘ilish qarori qabul qilinib, ariza qanoatlantirilgan va avvalgi davlat reyestridan ko‘chirmalar bekor qilingan. Keyinchalik, komissiya qaroridan norozi bo‘lgan aynan nizoli yer maydonida mulklari mavjud bo‘lgan bir guruh fuqarolar maʼmuriy sudiga komissiya qarorini bekor qilish bo‘yicha murojaat qilgan.

Andijon tumanlararo maʼmuriy sudining hal qiluv qaroriga asosan komissiya qarori bekor qilingan. O‘rganish yakuni bo‘yicha MCHJ egaligida bo‘lgan yer maydonlariga bo‘lgan huquqlarni davlat ro‘yxatidan o‘tkazish uchun dastlab fuqarolarning ko‘chmas mulk obyektlariga bo‘lgan huquqlarni sud orqali bekor qilish lozim bo‘ladi.

Yuqoridagilarni inobatga olib, O‘zbekiston Respublikasi Yer kodeksining 89-moddasiga asosan ushbu yer xususidagi nizo sud tomonidan hal etilishi va sud jarayonlarida Kadastr organlarining aloqadorlik holatlari mavjud emasligi hamda sud jarayonlari yakuniga yetgunga qadar hech qanday amaliyotlar olib borilmasligini ma'lum qilinadi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#munosabat

▫️Ijtimoiy tarmoqlar orqali Izboskan tumani Poytug‘ shaharchasida noqonuniy qurilma qurilayotganlik holati yuzasidan tarqalgan murojaat bo'yicha quyidagilar ma’lum qilinadi.

▫️O‘rganishda Poytug‘ shahar xududidagi Ishonch savdo majmuasiga tutash bo‘lgan 42 metr kvadrat yer maydoniga MCHJ tomonidan temir naves o‘rnatish ishlari boshlanganligi aniqlandi.

▫️ Holat yuzasidan Kadastr agentligi Izboskan tumani bo‘limi tomonidan olib borilgan tushuntirish va targ‘ibot ishlari natijasida noqonuniy boshlangan qurilish joyida to‘htatilib bartaraf etilishi taminlandi.

❗️SHU O'RINDA ESLATMA

🌍 Yer uchastkalarini o‘zboshimchalik bilan egallab olish, shu jumladan ushbu yer uchastkalariga nisbatan qonuniy huquqlari mavjud bo‘lmagan holda ulardan foydalanish:

🟢Fuqarolarga bazaviy hisoblash miqdorining yigirma besh baravari.

🟢Mansabdor shaxslarga esa ellik baravari miqdorida jarima solishga sabab bo‘ladi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqda Andijon shahar Sanoat mahallasi, N.Umarov ko‘chasida ikki nafar fuqaro tomonidan yashash uyining oldi qismi panjara bilan to‘sib olinganlik holati bo‘yicha tarqalgan murojaat Kadastr agentligi Andijon shahar bo‘limi tomonidan o‘rganib quyidagilar maʼlum qilinadi.

O‘rganishda Andijon shahar Sanoat mahallasi N.Umarov ko‘chasida yashovchi fuqaro Q.D hamda Q.A o‘z yashash uyi old qismini o‘zboshimchalik bilan egallab olib metall panjara bilan to‘sib olganligi aniqlandi.

Ushbu holat bo‘yicha hujjatlar rasmiylashtirilib fuqarolar Q.D hamda Q.A larga noqonuniy o‘rnatilgan metall panjarani qonunchilikda belgilangan muddatlarda o‘z hisobidan bartaraf etish va yer maydonini avvalgi holatiga qaytarish bo‘yicha ko‘rsatmalar berildi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Andijon tumani Xo‘ja mahallasidagi noqonuniy holatlar bo‘yicha tarqalgan murojaat yuzasidan quyidagilar maʼlum qilinadi.

Ushbu sug‘oriladigan yer maydonlari haqiqatdan ham bir nechta fuqarolar tomonidan o‘zboshimchalik bilan egallab olish holatlari Kadastr agentligi Andijon tumani bo‘limi tomonidan o‘tkazilgan nazorat tadbirlarida aniqlangan va tegishli tartibda chora ko‘rish bo‘yicha huquqni muhofaza qiluvchi organlarga maʼlumotlar taqdim etilgan.

Jumladan, Xo‘ja mahallasi hududidagi dastlab 1,5 gektar qismi o‘zboshimchalik bilan turar-joy qurish maqsadida egallab olish holatlari aniqlangan va ushbu noqonuniy holatlar bo‘yicha tegishli tartibda hujjatlar rasmiylashtirilib, huquqiy baho berish uchun prokuratura organlariga yuborilgan.

Shuningdek keyingi yillarda shu hududda olib borilgan o‘rganishlar davomida ham ko‘plab fuqarolar tomonidan yer maydonlarini o‘zboshimchalik bilan egallab olish va qurilish ishlarini amalga oshirish holatlari aniqlanib bu holatlar ham prokuratura organlarga taqdim etilgan.

Bundan tashqari, mos ravishda yuqoridagi holatlar bo‘yicha Andijon tumani IIB bo‘limiga ham maʼlumotlar taqdim etilishi taʼminlangan.

Hozirda yuqoridagi qonun buzilish holatlari bo‘yicha huquqni muhofaza qiluvchi organ tomonidan taqdim etilgan maʼlumotlar asosida Jinoiy ish qo‘zg‘atilib, surishtiruv va tergov harakatlari olib borilmoqda.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Buloqboshi tumani Qumguzar mahallasi hududining kirish qismida noqonuniy qurilish ishlari amalga oshirganlik holati yuzasidan tarqalgan murojaat yuzasidan quyidagilar ma’lum qilinadi.

O'rganishda Buloqboshi tumani Qumguzar mahallasi Chamanzor ko‘chasidan o‘tuvchi mahalliy ichki yo‘lning bir qismi fuqaro T.A tomonidan o‘zboshimchalik bilan egallab olinib noqonuniy qurilma qurib olganlik holati aniqlandi.

Holat yuzasidan joyning o‘zida Ma’muriy Javobgarlik to‘g‘risidagi Kodeksining tegishli moddasi tartibida bayonnoma rasmiylashtirildi hamda fuqaroga o‘zboshimchalik bilan egallab olinib noqonuniy qurilgan qurilmalarni o‘z hisobidan ixtiyoriy bartaraf etish yuzasidan ko'rsatmalar berildi.

O'z navbatida o'zboshimchalik bilan qurilgan noqonuniy qurilmalar fuqaro tomonidan ixtiyoriy bartaraf etilmagan taqdirda majburiy tartibda bartaraf etish bo‘yicha sud organlariga da’vo ariza kiritilishi ta'minlanadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Andijon shahar M.Tiklanish ko‘chasida faoliyat yuritib kelayotgan oshxona bino-inshootlarining old qismiga noqonuniy qurilmalar qurib olinganlik holati yuzasidan tarqalgan murojaat o‘rganilib quyidagilar maʼlum qilinadi.

O‘rganishda Andijon tumanda yashovchi fuqaro R.X o‘ziga tegishli Andijon shahar Ishchilar mahallasi M.Tiklanish ko‘chasidagi oshxona bino-inshootining old qismini o‘zboshimchalik bilan egallab olganlik holati aniqlandi.

Holat bo‘yicha Kadastr agentligi Andijon shahar bo‘limi tomonidan hujjatlar rasmiylashtirilib fuqaro R.X ga noqonuniy qurilishni o‘z hisobidan ixtiyoriy bartaraf qilishi yuzasidan ko‘rsatmalar berildi.

Fuqaro noqonuniy qurilmalarni o‘z hisobidan belgilangan muddatda ixtiyoriy tarzda bartaraf etmagan taqdirda qonunda belgilangan tartibda sud organlariga davo arizasi kiritilishini maʼlum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Oltinko‘l tumanida noqonuniy qurilish ishlari amalga oshirilayotganlik holati yuzasidan tarqalgan murojaat o‘rganilib quyidagilar ma’lum qilinadi.

O‘rganishda murojaatdagi holat Oltinko‘l tumani Qipchoq mahalla fuqarolari yig‘ini hududidagi Viloyat suv ta’minoti MCHJ Oltinko‘l tuman filialiga tegishli yer maydoni ekanligi ma’lum bo‘ldi.

Murojaatga asosan Kadastr agentligi Oltinko‘l tuman bo‘limi tomonidan yuqoridagi hududda o‘rganish ishlari olib borildi lekin murojaatdagi yer maydonida yer qonunbuzilish holati aniqlanmaganligi ma’lum qilinadi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube

#munosabat

Ijtimoiy tarmoqlarda Andijon tumani Sanoat mahallasi hududida noqonuniy qurilish ishlari amalga oshirilayotganlik holati yuzasidan tarqalgan murojaat bo‘yicha quyidagilar ma’lum qilinadi.

Murojaat vakolatli tashkilotlar hamkorligida o‘rganilganida ushbu yer maydoni Andijon tuman Sanoat MFY Bunyodkor ko‘chasida yashovchi fuqaro M.Sh ga vaqtincha foydalanish huquqi bilan 130,0 kv.metr yer maydoni ajratib berilgan.

Lekin o‘rganishda fuqaro M.Sh tomonidan 380,0 kv.metr yer maydonidan foydalanib kelayotganligi ya’ni ajratilgan yer maydoniga nisbatan 250,0 kv.metr ortiqcha yer maydonini egallab qo‘rg‘on devor hamda bino qurib foydalanib kelayotganligi aniqlandi.

Holat yuzasidan belgilangan tartibda hujjatlar rasmiylashtirilib fuqaro M.Sh ga noqonuniy qurilmalarni qonunchilikda belgilangan muddatda ixtiyori bartaraf etish aks holda majburiy tartibda bartaraf etish yuzasidan sud organlariga da’vo ariza kiritilishi yuzasidan ko‘rsatmalar berilganligi va holat nazoratga olganligi ma’lum qilinadi.

❗️SHU O'RINDA ESLATMA

Unutmang Yerlarni o'zboshimchalik bilan egallab, noqonuniy qurilishlarni amalga oshirish ma'muriy va jinoiy javobgarlikka olib keladi.

Ijtimoiy tarmoqlardagi sahifalarimiz
🌐 Telegram  |  🌐 Instagram  | 🌐 Facebook  |  🌐 You tube