#rasmiy_munosabat

Kadastr Аgentligi hamda Davlat kadastrlari palatasi Аndijon viloyati boshqarmalari ijtimoiy tarmoqlarda “Obunachilarimizdan tahrirsiz” sarlavhasi ostida tarqalgan maqola yuzasidan quyidagilarni maʼlum qiladi.

Murojaatga asosan Andijon tumani Zovraq MFY Shohi-zinda ko‘chasida qurilayotgan qurilishlarning huquqiy hujjatlari o‘rganilganda Xalq deputatlari Andijon nohiya kengashi ijroiya komitetining 06.01.1992-yil №3b/1-sonli qaroriga asosan fuqaro T.Z.ga uy-joy qurish uchun ajratib berilgan yer maydoni ekanligi maʼlum bo‘ldi.

Mazkur holatga aniqlik kiritish maqsadida «O‘ZARXIV» agentligi Andijon viloyati arxiv ishi hududiy boshqarmasi Oltinko‘l tuman davlat arxiviga belgilangan tartibda so‘rov yuborildi hamda Oltinko‘l tuman davlat arxivining 2023-yil 12-iyun kungi 01-23/99-sonli maʼlumotnomasiga asosan, Xalq deputatlari Andijon nohiya kengashi ijroiya komitetining 06.01.1992-yildagi № 3b/1 sonli yakka tartibda uy-joy qurish uchun yer ajratish haqidagi qarorining ilovasida №86-tartib raqamida fuqaro T.Z nomiga yer maydoni ajratish haqidagi qarori mavjud ekanligi maʼlum qilinadi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Davlat kadastrlari palatasi Аndijon viloyati boshqarmasi ijtimoiy tarmoqlarda “Биз Давлат кадастрлар палатаси Андижон вилояти шахар ва туман филиаллари ходимларидан мурожаатимиз бор” sarlavhasi ostida tarqalgan maqola yuzasidan quyidagilarni maʼlum qiladi.

Yuqoridagi holat yuzasidan o‘rganish ishlari olib borilganda Joriy 2023-yilning 6-12-iyul kunlarida Davlat kadastrlari palatasi viloyat boshqarmasi va hududiy tuman shahar filiallari xodimlarining 33 nafariga navbatdagi mehnat taʼtiliga chiqishi bo‘yicha belgilangan hujjatlar tayyorlanib o‘rnatilgan tartibda buyruqlar rasmiylashtirilgan.

Yuqoridagi 33 nafar ishchi xodimlarning mehnat taʼtillariga ishlangan pul mablag‘larining kechikishi sabablari o‘rganilganida Davlat kadastrlar palatasi Andijon viloyat boshqarmasining hisob raqamlari boshqarmaga xizmat ko‘rsatayotgan bank o'zgarganligi sababli tizimdagi barcha xodimlarining plastik kartalari ham yangi bankning plastik kartalariga almashtirilgan. Boshqarmaning bank tizimidagi o‘zgarishlari va xodimlaring plastik kartalari yangilanganligi sababli tizimda nosozliklar yuzaga kelganligi aniqlandi.

Hozirda boshqarmaning moliya-iqtisod sho‘basi tomonidan barcha nosozliklar bartaraf etilib mehnat taʼtiliga chiqqan yuqoridagi 33 nafar xodimga mehnat taʼtil pullari to‘liq xodimlarning plastik kartalariga tushirib berilganligini maʼlum qilamiz.

Ijtimoiy tarmoqlardagi sahifalarimiz
✅Telegram 📸 Instagram 💬Facebook 📹You tube

#rasmiy_munosabat

Ijtimoiy tarmoqlarda "Андижон  тумани Қоратут МФЙ фуқароларидан АРИЗА" sarlavhasi ostida berilgan murojaat yuzasidan Kadastr agentligi hamda Davlat kadastrlari palatasi Andijon viloyati boshqarmalari tomonidan murojaatdagi holat bo‘yicha o‘rganish ishlarini boshlandi.

Mazkur holat o‘rganilib yakuni bo‘yicha batafsil axborot taqdim etilishi ta'minlanadi.

Ijtimoiy tarmoqlardagi sahifalarimiz
🌐 Telegram 🌐 Instagram 🌐 Facebook 🌐 You tube

#rasmiy_munosabat

Kadastr Аgentligi hamda Davlat kadastrlari palatasi Аndijon viloyati boshqarmalari ijtimoiy tarmoqlarda “Андижон тумани Қоратут МФЙ фуқароларидан АРИЗА” sarlavhasi ostida tarqalgan maqola yuzasidan quyidagilarni maʼlum qiladi.

Holat yuzasidan o‘rganish ishlari olib borilganda murojaatdagi holat Andijon tuman Y.Oxunboboyev massivi qishloq xo‘jalik xaritasining 9310-qism konturida joylashgan yer hisoboti bo‘yicha bog‘zor o‘rnida turuvchi 3,05 gektar yer maydoni fuqaro Y.Rga ijara huquqi bilan bog‘dorchilik yo‘nalishida fermer xo‘jaligi tashkil qilish uchun ajratib berilgan.

O‘rganishda fermer xo‘jaligi rahbari Y.R tomonidan o‘zboshimchalik bilan 0,60 gektar yer maydonini qo‘rg‘on devor bilan o‘rab 500,0 kv.metr maydonga turar-joy ko‘rinishida poydevor qilib olinayotganligi aniqlandi.

Mazkur holat yuzasidan fermer xo‘jaligi rahbariga O‘zbekiston Respublikasi Vazirlar Mahkamasining 2017-yil 5-iyuldagi 467-sonli qaroriga muvofiq o‘zboshimchalik bilan qurilgan qurilmalarni qonunchilikda belgilangan muddatlarda ixtiyoriy ravishda bartaraf etish to‘g‘risida tushuntirish ishlari olib borilib, belgilangan tartibda hujjatlar rasmiylashtirildi va to‘plangan materiallar huquqni muhofaza qiluvchi organlarga yuborildi.

O‘z navbatida fuqaro Y.R tomonidan noqonuniy qurilgan qurilmalar belgilangan muddatlarda ixtiyoriy ravishda bartaraf etilmagan takdirda majburiy tartibda bartaraf etish uchun sudga daʼvo arizasi kiritilishi taʼminlanadi.

Ijtimoiy tarmoqlardagi sahifalarimiz
🌐Telegram | 🌐Instagram | 🌐Facebook | 🌐You tube

#rasmiy_munosabat

Davlat kadastrlari palatasi Аndijon viloyati boshqarmasi ijtimoiy tarmoqlarda “Men Toshkent shaxridan saylovchilarizdan biri Shukurullo Parpiyev” sarlavhasi ostida tarqalgan maqola yuzasidan quyidagilarni maʼlum qiladi.

Holat yuzasidan o‘rganish ishlari olib borilganda murojaatdagi turar-joy Shahrixon tumani To‘lqin MFY Qo‘rg‘oncha ko‘chasida joylashgan uy-joylarga nisbatan Shahrixon tumani hokimining 2006-yil 13-iyun kungi “Imoratlarga egalik huquqi tiklash haqida”gi 144-Q-sonli qarori bilan K.S ning 1200,0 kv.metrda joylashgan bino va inshootlarga egalik huquqi tiklanib, kadastr hujjatlari tayorlangan hamda Yer resurslari, geodeziya kartografiya va davlat kadastri davlat qo‘mitasi Аndijon viloyati ro‘yxatga olish ofisi tomonidan 2006-yil 27-iyun kuni kadastr kitobiga 230/52/65-son bilan davlat ro‘yxatiga olingan.

Shundan so‘ng, fuqaro K.S o‘ziga tegishli hovli joylarini Shahrixon tumani 2-sonli Davlat notarial idorasining 2006-yil 3-iyul kungi reestr №1016 raqami bilan qayd etilgan hovli-joy xadya shartnomasiga asosan qizi Q.Zga o‘tkazib bergan.

Q.Z 2015-yil 21-sentabr kuni Shahrixon tumani 2-sonli Davlat notarial idorasi tomonidan reestr № 7117 raqami bilan qayd etilgan uy joy oldi-sotdi shartnomasiga asosan o‘ziga tegishli hovli-joyni S.J ga sotgan hamda fuqaro S.J sotib olgan uy-joyni Аndijon viloyati xo‘jalik hisobidagi “Yermulkkadastr” xizmati Davlat unitar korxonasi Shahrixon tuman idorasi tomonidan 2015-yil 3-oktabr kuni kadastr hujjatlari rasmiylashtirib kadastr kitobini 16/2207 tartib raqami bilan davlat ro‘yxatiga olingan.

Fuqaro S.J o‘ziga tegishli bo‘lgan hovli joyini 2020-yil 23-sentabr kuni Shahrixon tumani xususiy amaliyot bilan shug‘ullanuvchi notariusi tomonidan 202001448001665 raqami bilan qayd qilingan turar-joy oldi-sotdi shartnomasiga asosan Toshkent viloyati Chirchiq shahri 3-kichik daxasi 11-uy 10-xonadonda yashovchi Parpiyev Shukurullaga sotganligi maʼlum bo‘ldi. Fuqaro Parpiev Shukurrulla sotib olgan ushbu uy-joyiga Davlat kadastrlari palatasi Andijon viloyati boshqarmasi tomonidan 2020-yil 24-sentabr kuni “Ko‘chmas mulkka bo‘lgan huquqlarni davlat ro‘yxatidan o‘tkazilganlik to‘g‘risida”gi 1703230/R-A1238746-sonli Davlat Reyestridan ko‘chirma taqdim etilgan.

Xozirgi kunda Shahrixon tumani To‘lqin MFY Qo‘rg‘oncha ko‘chasidagi Parpiev Shukurulloga tegishli hovli-joyda dastlabki egasi K.Sni o‘g‘li K.Sh ya’ni Q.Z ni akasi oila a’zolari bilan yashab istiqomat qilib kelayotganligi aniqlandi.

Ushbu uy-joylardan foydalanayotgan fuqaro K.Sh tomonidan tegishli tashkilotlardan hech qanday ruxsatnomasini olmasdan Parpiyev Shukurulloga tegishli bo‘lgan bino va inshootlarni buzib, ularning o‘rniga yangi qurilishlar qurib, olganligi aniqlandi. Ushbu holat natijasida fuqaro Parpiev Shukurulloga tegishli bo‘lgan uy-joyda mulkiy nizolar yuzaga kelgan. Mazkur nizolarni hal qilish uchun Uy-joy kodeksining 140-moddasiga asosan sudlar tomonidan ko‘rib chiqilishi maqsadga muvofiq ekanligini bildiriladi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Ijtimoiy tarmoqlarda "Ноқонунийми ёки қонунийми" sarlavhasi ostida berilgan murojaat yuzasidan Kadastr agentligi hamda Davlat kadastrlari palatasi Andijon viloyati boshqarmalari tomonidan murojaatdagi holat bo‘yicha o‘rganish ishlarini boshlandi.

Mazkur holat o‘rganilib yakuni bo‘yicha batafsil axborot taqdim etilishi ta'minlanadi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Kadastr Аgentligi hamda Davlat kadastrlari palatasi Аndijon viloyati boshqarmalari ijtimoiy tarmoqlarda “Ноқонунийми ёки қонунийми” sarlavhasi ostida tarqalgan maqola yuzasidan quyidagilarni maʼlum qiladi.

O‘rganishda Andijon shahar hokimining 2021-yil 16-may kungi 132-k-sonli qarori bilan Birlik ko‘chasi 23-uyda yashovchi Fuqaro M.Mga Andijon shahar “Yoyilma” MFY Furqat ko‘chasi yo‘l bo‘yida 25-manzildagi ko‘p qavatli turar-joy binosi yon qismida ilova qilingan chizmada ko‘rsatilgan 200,0 kv.metr yer maydonida ko‘p qavatli, 1-qavati savdo va maishiy xizmat ko‘rsatish shaxobchasi, yuqori qavatlarini mehmonxona binosiga moslab qurish uchun doimiy foydalanish huquqi bilan ajratib berilgan.

Fuqaro M.M tomonidan qurilishi tugallanmagan binolarni 179-sonli oldi-sotdi shartnomaga asosan Fuqaro n.Sga sotganligi va Fuqaro N.S mazkur yer maydonida 1-qavatini savdo va maishiy xizmat ko‘rsatish shaxobchasi, yuqori qavatlarini mehmonxona binosiga moslab qurish uchun Andijon viloyati qurilish bosh boshqarmasi loyiha-smeta harakatlarini kelishish bo‘yicha Arxitektura va shaharsozlik kengashi ishchi organining 2022-yil 10-yanvar kungi N235227-sonli xulosasiga asosan qurilishga ruxsat olingan.

2021 yil 21 sentyabrda viloyat qurilish boshqarmasining ruxsatiga asosan Arxitektura rejalashtirish topshirig‘i tasdiqlangan. 2023-yil 4-may kungi davlat xizmatlari orqali qilingan arizasiga asosan qurilish montaj ishlarini boshlash uchun obyektni ro‘yxatdan o‘tkazish ruxsati va 2023 -yil 1-mart kuni viloyat qurilish va uy joy kommunal xo‘jaligi boshqarmasining 89241 sonli ekspert hullosasi olinganligini aniqlandi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Ijtimoiy tarmoqlarda "Ноқонуний қурилма (ҳожатхона)га икки фуқаро тушиб кеткан бўлиши мумкин" sarlavhasi ostida berilgan murojaat yuzasidan Kadastr agentligi Andijon viloyati boshqarmasi quyidagilarni ma'lum qiladi.

Haqiqatdan xam tarmoqlarda berilgan bino-inshootlar hech qanday huquqiy hujjatlarsiz o‘zboshimchalik bilan qurilganligi aniqlangan va agentlikning Andijon tumani bo‘limi tomonidan fuqaro G‘.Mga nisbatan maʼmuriy bayonnoma rasmiylashtirilgan.

Shuningdek, fuqaroga huquqiy hujjatlarsiz o‘zboshimchalik bilan qurilgan bino-inshootlarni belgilangan muddatlarda o‘z hisobidan ixtiyoriy bartaraf etish bo‘yicha tushintirish ishlari olib borilgan.

21-avgust kuni yuqoridagi holat boshqarma mutaxassislari tomonidan qayta o‘rganilganda fuqaro tomonidan berilgan muddatlarda qonun buzilish holatlari ixtiyoriy bartaraf etilmaganligi va Andijon tumani bo‘limi xodimlarining eʼtiborsizligi oqibatida mazkur o‘zboshimchalik bilan qurilgan qurilmani majburiy tartibda buzish bo‘yicha sud organlariga daʼvo ariza yuborilmaganligi aniqlandi.

Holat bo‘yicha yig‘ilgan hujjatlar shu kunni o‘zida, yaʼni noqonuniy qurilgan qurilmalarni majburiy tartibda buzish yuzasidan Fuqarolik ishlari bo‘yicha Andijon tumanlararo sudiga 01/02-345-03-sonli davo arizasi kiritilishi taʼminlandi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Ijtimoiy tarmoqlarda "Андижонда ер ва курилишни назорат киладиган орган борми?" sarlavhasi ostida berilgan murojaat yuzasidan Kadastr agentligi hamda Davlat kadastrlari palatasi Andijon viloyati boshqarmalari tomonidan murojaatdagi holat bo‘yicha o‘rganish ishlarini boshlandi.

Mazkur holat o‘rganilib yakuni bo‘yicha batafsil axborot taqdim etilishi ta'minlanadi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Ijtimoiy tarmoqlarda "Мен Андижон shahar фуқаролари номидан мурожаат qilyapman" sarlavhasi ostida berilgan murojaat yuzasidan Davlat kadastrlari palatasi Andijon viloyati boshqarmasi quyidagilarni maʼlum qiladi.

Vazirlar Mahkamasining 2001-yil 31-dekabrdagi “O‘zbekiston Respublikasi hududlarini kadastr bo‘yicha bo‘lish hamda yer uchastkalari, binolar va inshootlarning kadastr raqamlarini shakllantirish tartibi to‘g‘risidagi nizomni tasdiqlash haqida”gi 492-sonli Qarori bilan tasdiqlangan nizom talablariga asosan Respublikadagi barcha ko‘chmas mulk obyektlariga kadastr raqamlari alohida-alohida shakllantirilishi hamda mazkur kadastr raqami takrorlanmas bo‘lishi belgilab qo‘yilgan.
Mazkur Nizomga asosan 2023-yil 1-avgust holatiga Andijon shahar hududidagi 101 041 mingta ko‘chmas mulk obyektlariga kadastr raqamlari shakllantirilgan.

Ko‘chmas mulk obyektlariga yangi kadastr raqami va kadastr pasporti shakllantirish uchun jismoni va yuridik shaxslar tomonidan Vazirlar Mahkamasining 535-sonli qarori talablariga asosan hududlardagi Davlat xizmatlari markazlari yoki yagona interaktiv portali orqali ko‘chmas mulkga bo‘lgan huquqni tasdiqlovchi hujjatlarni ilova qilgan holda murojaat qilinishi belgilangan.

Xususan, bunda tuman hokimining yer uchastkasini berish to‘g‘risida chiqargan qarori, notarial idoralar tomonidan tasdiqlangan bitim, guvohnomalar, mulkiy huquqni tasdiqlovchi Davlat orderi, sud, sud ijrochilarining qarorlari va boshqa ko‘chmas mulkga bo‘lgan huquqni tasdiqlovchi hujjatlar taqdim etiladi. Mazkur murojaatlar yuqoridagi qarorga asosan, koʼp qavatli uylarga 3 ish kuni, turar-joylar uchun 5 ish kunida, noturar joyga oid ko‘chmas mulklar ish xajmiga ko‘ra 5 ish kunidan 25 ish kunigacha ko‘rib chiqilishi belgilangan. Ko‘chmas mulklarga kadastr raqamlari berilishi shu jarayon ichida amalga oshiriladi.

Yuqoridagilarni inobatga olgan holda murojaat muallifi O‘zbekiston Respublikasi Vazirlar Mahkamasining 535-sonli qarorida ko‘rsatilgan tartibda Davlat xizmatlari markazlari orqali yoki yogona interaktiv portali orqali ko‘chmas mulkga bo‘lgan huquqni tasdiqlovchi xujjatlarni ilova qilgan holda ko‘chmas mulkiga kadastr pasportini rasmiylashtirish uchun murojaat qilishi mumkinligini ma‘lum qilamiz.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Ijtimoiy tarmoqlarda "Андижонда ер ва курилишни назорат киладиган орган борми?" sarlavhasi ostida berilgan murojaat yuzasidan quyidagilar ma’lum qilinadi.

Holat yuzasidan Kadastr agentligi Andijon shahar bo‘limi tomonidan murojaatda keltirilgan manzilda yer nazorati tadbirlari olib borildi va o‘rganishlar natijasida yuqoridagi holatlar bo‘yicha yer qonun buzilish holatlari aniqlanmadi.

O‘rganishlar davomida mazkur hududda faoliyat olib borayotgan tadbirkorlarga yer qonun buzilish holatlariga yo‘l qo‘ymaslik yer maydonlaridan maqsadli va samarali foydalanishlari, shuningdek Yer qonunbuzilish holatlari bo‘yicha javobgarlik masalari bo‘yicha targ‘ibot va tashviqot ishlari o‘tkazildi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Ijtimoiy tarmoqlarda "Assalomu alaykum sizlarga murojaatim bor men Andijon viloyati Bo‘ston tumanidan yozayabman" sarlavhasi ostida berilgan murojaat yuzasidan Kadastr agentligi hamda Davlat kadastrlari palatasi Andijon viloyati boshqarmalari tomonidan murojaatdagi holat bo‘yicha o‘rganish ishlarini boshlandi.

Mazkur holat o‘rganilib yakuni bo‘yicha batafsil axborot taqdim etilishi ta'minlanadi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Kadastr Аgentligi hamda Davlat kadastrlari palatasi Аndijon viloyati boshqarmalari ijtimoiy tarmoqlarda “Assalomu alaykum sizlarga murojaatim bor men Andijon viloyati Bo‘ston tumanidan yozayabman” sarlavhasi ostida tarqalgan maqola yuzasidan quyidagilarni maʼlum qiladi.

O‘rganishda Kadastr agentligi Bo‘ston tumani bo‘limi bosh inspektori M.Abdullajonov O‘zbekiston Respublikasi Prezidentining 2022-yil
21-fevral kungi PQ-138-sonli qarori ijrosini ta’minlash, tumanda yer maydonlaridan maqsadli va samarali foydalanish, yer qonun buzilish holatlariga yo‘l qo‘ymaslik bo‘yicha yer nazorati tadbirlari davomida tumanning Yangiobod mahallasida yashovchi fuqaro M.K tomonidan 0,10 gektar yer maydonlarini o‘zboshimchalik bilan egallab olish holatini aniqlangan.

Holat bo‘yicha o‘rganilganda fuqaro M.Kga tuman hokimining 12.08.2017 yil kungi 540-sonli qaroriga asosan 0,25 gektar yer maydonlari "Savdo do‘koni va maishiy xizmat ko‘rsatish shaxobchasi" qurish maqsadida ajratib berilgan, lekin o‘rganish kunida amalda 0,35 gektar yani huquqiy hujjatlardan 0,10 gektar ortiqcha yer maydonlarini o‘zboshimchalik bilan egallab, shundan 348,1 kv.m yer maydoniga qurilish qurib olganligi aniqlangan.

O‘zboshimchalik bilan egallab olingan 0.10 gektar yer maydoni tahlil qilinganda tuman hokimining 24.10.2017-yil kungi 717-sonli qaroriga asosan tumanning Obod mahalla fuqarolar yig‘inida yashovchi fuqaro M.Sga “Chevarchilik sexi” bino-inshoatlari qurilish maqsadida ajratilgan 0.06 gektar hamda shu mahalla hududida bo‘sh turgan tuman zahirasidagi 0.04 yer maydonlari ekanligi tasdiqlangan.

Mazkur holat bo‘yicha inspektor tomonidan Ma’muriy Javobgarlik to‘g‘risidagi Kodeksining 60-modda 3-qismi (O‘zboshimchalik bilan egallab olingan, ajratilgan yer uchastkasiga tutash bo‘lgan va tutash bo‘lmagan yer uchastkalarida qurilish ishlarini amalga oshirish) bilan ma’muriy bayonnoma rasmiylashtirilgan hamda fuqaroga o‘zboshimchalik bilan qurilgan qurilmalarni o‘z hisobidan ixtiyoriy bartaraf etish bo‘yicha qonuniy tushuntirishlar berilganligi aniqlandi.

Shu o‘rinda murojaatdagi yana bir masalaga alohida to‘xtalib o‘tmoqchimiz kadastr agentligining asosiy vazifalaridan biri bu yer maydonlarini o‘zboshimchalik bilan egallab olinish holatlarini oldini olish, aniqlash va belgilangan tartibda chora ko‘rish bo‘lib, murojaatda ta’kidlanganidek Agentlikning Bo‘ston tumani bo‘limi hodimlari bu joyda o‘z manfatlarini o‘ylab emas balki belgilangan xizmat vazifasini bajarayotganligini ta’kidlash joiz. Zero Yer umummilliy boylik uni asrab avaylash esa barchamizning burchimiz.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Murojaatchining ortiqcha to'lagan puli qaytarildi.

Ijtimoiy tarmoqlarda Andijon shahri Murabbiylar ko‘chasida yashovchi fuqaro tomonidan o'zi yashab kelayotgan uy-joyidan tashqari nomida boshqa yer maydoni birikib qolganligi va soliq to'lovlarining ko'p hisoblanganligidan noroziligi mazmunida murojaat tarqaldi.

Mazkur murojaat Davlat kadastrlari palatasi Andijon viloyati boshqarmasi tomonidan o'rganilganida, Davlat kadastrlar palatasi Andijon shahar filiali tomonidan fuqaro S.Xalilova nomiga 2013-yil 10-yanvardagi notarial tartibda amalga oshirilgan oldi-sotdi shartnomasiga asosan Andijon shahar, Murabbiylar ko‘chasi, 26-uyda joylashgan 38-raqamli kvartiraga kadastr raqami berilib, davlat ro‘yxatidan o‘tkazilgan hamda soliqqa tortish soliq idoralariga yuborilgan.

Shuningdek o'rganishda fuqaro S.Xalilova nomiga Andijon shahar, Murabbiylar ko‘chasi, 26-uy umumiy holda kadastr raqami hovli-joy sifatida noto'g'ri biriktirilganligi ma'lum bo'ldi. Mazkur kadastr raqamini biriktirishni bevosita amalga oshirgan Davlat kadastrlar palatasi Andijon shahar filiali mas’ul xodimi bilan tuzilgan mehnat shartnomasi hozirda bekor qilinganligi aniqlandi.

Hozirda fuqaro S.Xalilova nomiga noto'g'ri biriktirilgan kadastr raqami belgilangan tartibda “Ko‘chmas mulk-3” dasturidan o‘chirilganligi hamda fuqarodan ortiqcha ushlab qolingan soliq to'lovlarini qaytarish masalasi ijobiy hal etilib pul mablag'lati fuqaroga to'liq qaytarilganligi ma'lum qilinadi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Ijtimoiy tarmoqlarda Shahrixon tumani Bo'ston MFY A373 yo'nalishida qurilgan avtomoyka masalasida berilgan murojaat yuzasidan Kadastr agentligi hamda Davlat kadastrlari palatasi Andijon viloyati boshqarmalari tomonidan murojaatning tegishli qismi bo‘yicha o‘rganish ishlari boshlandi.

Mazkur holat o‘rganilib yakuni bo‘yicha batafsil axborot taqdim etilishi ta'minlanadi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube

#rasmiy_munosabat

Kadastr Аgentligi hamda Davlat kadastrlari palatasi Аndijon viloyati boshqarmalari ijtimoiy tarmoqlarda Shahrixon tumani Bo'ston MFY A373 yo'nalishida qurilgan avtomoyka masalasida berilgan murojaat yuzasidan quyidagilarni maʼlum qiladi.

O'rganishda Shaxrixon tumani, Bo'ston mahalla fuqarolari yig'ini hududidan o'tuvchi Toshkent O'sh (A373) avtomagistral yo'lining ximoya mintaqasiga tumanning Navbaxor MFY xududida yashovchi fuqaro O.A. tomonidan 100 kv.metr yer maydonini o'zboshimchalik bilan egallab avtomo'yka kurib foydalanib kelayotganligi aniqlandi.

Holat yuzasidan Kadastr agentligi Shahrixon tuman bo'limi tomonidan belgilangan hujjatlar rasmiylashtirilib fuqaro tomonidan noqonuniy qurililgan bino inshootlarni o‘z ixtiyori bilan bartaraf etishi bo‘yicha tushuntirish hamda yozma ko‘rsatma berildi.

O‘z o‘rnida fuqaro tomonidan qonunchilikda belgilangan muddatlarda o‘zboshimchalik bilan qurilgan bino inshootlar ixtiyoriy bartaraf etmagan taqdirda, majburiy bartaraf etish bo‘yicha sud organlariga davo arizasi kiritilishi ma'lum qilinadi.

Ijtimoiy tarmoqlardagi sahifalarimiz
🌐 Telegram | 🌐 Instagram | 🌐 Facebook | 🌐 You tube