#taqdimot

📣 Yangi oʻquv yilidan xalqaro maktab faoliyatini yoʻlga qoʻyish rejalashtirilmoqda

✅ Kuni kecha Maktabgacha va maktab taʼlim vaziri Hilola Umarova Davlatimiz rahbari huzurida iqtidorli yoshlarni qoʻllab-quvvatlash tizimini takomillashtirishga oid taqdimot qildi.

➖ Unda yoshlarimizning jahon darajasida bilim olish imkoniyatlarini toʻgʻri yoʻnaltirgan holda ularni dunyodagi eng ilgʻor universitetlarda oʻqishini taʼminlash, bu borada yangicha tizimni ishga solish zarurligi taʼkidlandi.

➖ Shu maqsadda yangi oʻquv yilidan xalqaro maktab faoliyatini yoʻlga qoʻyish rejalashtirilayotganligi, unga dastlab 8-sinf bitiruvchilari orasidan eng iqtidorli 60 nafar oʻgʻil-qiz saralab olinishi aytib oʻtildi. Oʻquv dasturi xalqaro andoza asosida ishlab chiqilgan — asosiy, ixtisoslik hamda yetakchilik va ijtimoiy faollikni oʻrgatuvchi fanlardan iborat boʻladi.

📍 Yigʻilishda yoshlarni Amerikaning “Pechak ligasi” (The Ivy League) universitetlariga tayyorlashga doir mavjud rejalarga toʻxtalib oʻtildi. Buning uchun 6 bosqichli Milliy dastur qabul qilinib, dastlab 3 ming nafar oʻquvchi saralab olinadi.

➖ Mazkur oʻquvchilarga Prezident va ixtisoslashgan maktablardan maslahatchilar biriktirilib, ular Renessans oromgohida 3 haftalik intensiv oʻquv kurslarida oʻqitiladi. Yaxshi natija koʻrsatgan 40 nafar oʻquvchi “Pechak ligasi” universitetlariga tajriba almashish uchun yuboriladi.

❗️Taqdimot doirasida chet elda tahsil olib kelgan yoshlarni oʻz sohasi boʻyicha munosib ish bilan taʼminlash uchun “Mamlakat oltin fondi hamjamiyati”ni tuzish taklif etildi. U orqali iqtidorli yoshlar yagona platformada birlashtiriladi, imtiyozlar, grantlar, startap dasturlari va boshqa imkoniyatlar yaratiladi.

👉 Yilning 25-mayida taʼlim islohotlari, iqtidorli yoshlar uchun yaratilgan imkoniyatlar, chet el oliygohlari tajribasiga doir qatlor mavzularda muloqot yoʻlga qoʻyiladi.

Bizni kuzating:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin