#Rasmiy_munosabat

Andijon viloyati Soliq boshqarmasi murojaatchi nomidan ijtimoiy tarmoqda e’lon qilingan xabar yuzasidan quyidagilarni ma’lum qiladi:

Murojaatchi soliqdan ortiqcha to‘langan 23 mln so‘m mablag‘ni Shahrixon tumani soliq inspeksiyasidan qaytarib ololmayotganini bildirgan.

O‘rganishlar davomida aniqlandiki, murojaatchi ma’lumotlarni taqdim etishda ayrim xatoga yo‘l qo‘ygani sababli, ortiqcha to‘langan soliq summasi qaytarilishida kechikish yuzaga kelgan.

Mazkur kamchilik Shahrixon tumani Soliq inspeksiyasi xodimlari tomonidan to‘liq bartaraf etilib, ortiqcha to‘lovni qaytarib olishni tasdiqlovchi xulosa tuman g‘aznachilik bo‘limiga yuborildi.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#Rasmiy_munosabat
#Nazorat_tadbiri

Andijon viloyati Soliq boshqarmasi ijtimoiy tarmoqda tadbirkorlarning e’tirozlari yo‘llangan murojaat yuzasidan quyidagilarni ma’lum qiladi:

Murojaatda, qonun talablariga rioya qilgan holda faoliyat yuritayotgan tadbirkorlar Marhamat tumani markazidagi “Nur”, Abror savdo majmualari va oziq-ovqat, umumiy ovqatlanish shahobchalaridagi boshqa hamkasblarining davlat ro‘yxatidan o‘tmagani teng raqobat muhitiga salbiy ta'sir qilayotgani mazmunida shikoyat qoldirishgan.

Murojaat yo‘llanishidan avvalroq Marhamat tumani markazida noqonuniy ishlayotgan savdo va xizmat ko‘rsatish shahobchalari egalarining faoliyatini qonuniylashtirish yuzasidan tadbirlar boshlangan edi.

Marhamat tumani hokimligi, Bosh prokuratura huzuridagi iqtisodiy jinoyatlarga qarshi kurash departamenti tuman bo‘limi va Soliq inspeksiyasi, davlat xizmatlari markazi va qator mas’ul tashkilotlar hamkorligida tadbirkorlik guvohnomasi bo‘lmagan, mijozlarga QR-kodli va fiskal belgili kassa cheki berilmayotgan, tadbirkorlar va ularning yaqinlari nomida bo‘lgan shaxsiy bank plastik kartalari orqali (P2P) savdo tushumi amalga oshirilayotgan, ishchilar faoliyati qonuniylashtirilmagan holatlar ustidan profilaktik tadbirlar yanada kuchaytirishdi.

Marhamat tumani markazidagi “Nur”, Abror savdo majmualari va oziq-ovqat, umumiy ovaqatlanish shahobchalarida fevral oyi boshidan buyon yashirin iqtisodiyot sanalgan mazkur qonun buzilish holatlarini bartaraf etish yuzasidan 22 nafar shaxsning faoliyati qonunchilik talablari doirasida rasmiylashtirilib, davlat ro‘yxatidan o‘tkazildi. Bu bilan tadbirkorlik guvohnomasi olgan subyektlar hisobiga davlat byudjetiga har oyda qo‘shimcha 7,5 million so‘m ijtimoiy soliq, 5 millon so‘mga yaqin daromad solig‘i tushumi ta’minlanadigan bo‘ldi.

Tadbirlar davomida baraka halollikda ekani, soliqlardan bo‘yin tovlamaslik tadbirkorning davlat oldidagi majburiyati, xalqi oldidagi burchi ekani targ‘ib etilmoqda. Xulosa qilganlar esa, insofli tadbirkorlar davlat himoyasidaligini tushunib yetmoqdalar.

Telegram|Facebook|Instagram|YouTube|

#Rasmiy_munosabat

Andijon viloyati Soliq boshqarmasi murojaatchi nomidan ijtimoiy tarmoqda e’lon qilingan xabar yuzasidan quyidagilarni ma’lum qiladi:

Murojaatda keltirilishicha, xaridor Andijon shahrining 2-kichik dahasidagi “24 soat” nomli do‘konda savdo qilinganda QR-kodli kassa cheki berilmayotganidan norozi bo‘lgan.

Murojaatdan avval ham yuqoridagi savdo do‘konida QR-kodli kassa cheki berilmayotganligi yuzasidan “Soliq" mobil ilovasining “Soliq hamkor” bo‘limi orqali kelgan xabarlarga asosan, 2024-yilning o‘zida 2 marta chek bermaslik bo‘yicha sayyor soliq tekshiruvlari o‘tkazilib, tekshirish yakuni bilan tadbirkorga nisbatan Soliq kodeksining 221-moddasiga asosan, moliyaviy jarima qo‘llanilgan.

Tekshirish davomida soliq organi xodimlari tomonidan tadbirkorga xaridorlarga muntazam ravishda QR-kodli kassa cheki berishi shartligi yuzasidan targ‘ibot ishlari olib borilgan.

❗️Shu o‘rinda onlayn nazorat-kassa texnikasi va hisob-kitob terminallarining qo‘llanilishi majburiyligi, ulardan foydalanmasdan savdoni amalga oshirganlik va xizmatlar ko‘rsatganlik, xuddi shuningdek, iste’molchilarga QR-kodli kassa cheki bermagan holda tovarlarni realizatsiya qilganlik va xizmatlar ko‘rsatganlik, hisob-kitob terminallari orqali to‘lovlarni qabul qilishni rad etganlik 5 million so‘m miqdorida jarima solishga sabab bo‘lishini, bordi-yu, ayni shu turdagi qonun buzilish holati ikkinchi bor takrorlansa, moliyaviy jarima 10 million so‘mni tashkil etishini eslatib o‘tamiz.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#Rasmiy_munosabat

Andijon viloyati Soliq boshqarmasi murojaatchi nomidan ijtimoiy tarmoqda e’lon qilingan xabar yuzasidan quyidagilarni ma’lum qiladi:

Murojaatda fuqaro O.Abdumannopova avval ham shu mazmunda murojaat yoʻllagan. Bu safar ham ipoteka krediti uchun yo‘naltirgan mablag‘ining 12 % daromad solig‘ini qaytarib berilishi Xo‘jaobod tumani Soliq inspeksiyasi tomonidan kechiktirilayotganligini bildirgan.

Murojaatchi tomonidan 2023-yil dekabr oyida yo’llagan murojaati ijobiy hal etilib, joriy yil 22-yanvar kuni bank plastik kartasiga pul mablag’i qaytarilgan.

O.Abdumannopova ikkinchi marotaba yo’llagan murojaatida o‘z shaxsiy ma’lumotlarini kiritishda ayrim xatoga yo‘l qo‘ygani sabab, daromad solig‘ini qaytarishda kechikish yuzaga kelgan.

Murojaatchining kamchiligi Soliq inspeksiyasi tomonidan to‘liq bartaraf etilib, daromad solig‘ini qaytarib olishni tasdiqlovchi xulosa g‘aznachilik bo‘limiga yuborildi.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#Rasmiy_munosabat

Andijon viloyati Soliq boshqarmasi ijtimoiy tarmoqda murojaatchi nomidan e'lon qilingan xabar yuzasidan quyidagilarni ma'lum qiladi:

Xabarda keltirilishicha, fuqaro Shahrixon tumani soliq inspeksiyasi xodimlari ustidan anonim tarzda murojaat yo’llagan. Qolaversa, murojaatchi kimligi haqida hech qanday ma’lumot qoldirmagani uchun ham murojaatini atroflicha o‘rganib chiqishning imkoni bo‘lmadi.

Shu o‘rinda murojaat yo‘llovchi yurtdoshlarimizdan o’zlari haqida to‘liq va aniq ma’lumot yozib qoldirishlarini so‘raymiz.

Eslatib o'tamiz, soliq boshqarmasiga ijtimoiy tarmoq orqali tezkor murojaat yo‘llashingiz mumkin. Murojaatingiz rahbariyat tomonidan nazoratga olinib, qisqa fursatlarda javob berilishi ta'minlanadi.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#Rasmiy_munosabat

Ijtimoiy tarmoqlarda tarqalgan xabar yuzasidan Andijon viloyati soliq boshqarmasi quyidagilarni ma’lum qiladi:

“2024-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi Prezident farmoniga asosan, 5 kunlik ish haftasida ishlaydigan xodimlar ketma-ket 4 kun dam olishi belgilangan. Xususan, Andijon viloyati soliq boshqarmasi xodimlari ham joriy yil 21-24-mart kunlari Navro‘z bayramini oila va yaqinlari davrasida o‘tkazgan.

Shuningdek, boshqarma boshlig’ining tegishli buyrug’iga asosan, joriy yil 23-24-mart dam olish kunlari qonunchilikda belgilangan tartibda boshqarmaning ayrim xodimlarigina ishga jalb qilindi. Dam olish kunlari ishga jalb qilingan xodimlarga mehnat qonunchiligi va jamoa shartnomasiga asosan ikki hissa ish haqi belgilanganligini ma’lum qilamiz.

Andijon viloyati soliq boshqarmasi Matbuot xizmati

Telegram|Facebook|Instagram|YouTube|

#rasmiy_munosabat

Ijtimoiy tarmoqlarda tarqalgan xabar yuzasidan rasmiy munosabat

Ayrim ijtimoiy tarmoqlarda Andijon shahridagi dorixonalardan birida xarid cheki berilmaslik holati haqida xabarlar tarqaldi.

Ushbu holat Andijon viloyati soliq boshqarmasi tomonidan o‘rganib chiqildi. Joriy yil 14-fevral kuni Andijon viloyati soliq boshqarmasining mas’ul xodimlari tomonidan murojaat yo‘llagan fuqaro bilan telefon orqali bog‘lanib, vaziyat bo‘yicha suhbat bayoni rasmiylashtirilgan.

Bo‘lib o‘tgan suhbatda murojaatchi chek bermaslik bo‘yicha "Soliq hamkor" tizimi orqali yo‘llagan murojaatini o‘z ixtiyoriga ko‘ra ko‘rmasdan qoldirilishini so‘raganini tasdiqlagan.

Eslatib o‘tamiz, soliq organi xodimi tomonidan noqonuniy xatti-harakatlar sodir etilishiga oid ma’lumotlarga ega bo‘lsangiz Soliq qo‘mitasining @dsq_anticorrupciya_bot telegram boti orqali xabar berishingiz mumkin.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#Rasmiy_munosabat

Andijon viloyati Soliq boshqarmasi murojaatchi nomidan ijtimoiy tarmoqda e’lon qilingan xabar yuzasidan quyidagilarni ma’lum qiladi:

Ijtimoiy tarmoqlar orqali fuqaro tomonidan nomiga mol-mulk va yer solig‘i noto‘g‘ri kelayotganligi yuzasidan Oltinko‘l tumani soliq inspeksiyasi hamda kadastr tashkilotlariga e’tirozli murojaat yo‘llangan.

Ushbu murojaat viloyat soliq boshqarmasi mas’ul xodimlari ishtirokida o‘rganilganda, haqiqatdan ham fuqaro O.G‘oziyevning nomida bo‘lgan ko‘chmas mulk 2021-yil 26-yanvar kuni fuqaro Z.Abdullayevga notarial tartibda oldi-sotdi shartnomasi asosida rasmiylashtirgan.

Yuqoridagilarga ko‘ra, fuqaro O.G‘oziyev nomida bo‘lgan va ayni paytda oldi-sotdi shartnomasi orqali fuqaro Z.Abdullayev nomiga o‘tkazilgan ko‘chmas mulk Kadastr agentligi tomonidan o‘zgartirishlar kiritilib, ko‘chmas mulkning ayni paytdagi egasi nomiga yer va mol-mulk solig‘i to‘lovchisi sifatida ma’lumotlar bazasida shakllantirilishi ta’minlandi.

Telegram|Facebook|Instagram|YouTube|

#Rasmiy_munosabat

Ijtimoiy tarmoqlarda tarqalgan xabar yuzasidan Andijon viloyati soliq boshqarmasi quyidagilarni ma’lum qiladi.

Fuqaro D.Usmonovning murojaati Soliq boshqarmasining mas'ullari tomonidan o'rganib chiqildi hamda taqdim etilgan ma’lumotlarni inobatga olgan holda fuqaro murojaati ijobiy hal etildi. Natijada, fuqaroga nisbatan “XAMID” xususiy korxonasi rahbari sifatida O‘zbekiston Respublikasi Ma’muriy javobgarlik to‘g‘risidagi kodeksning 175-moddasi 2-qismi bilan elektron shakllangan “Ma’muriy jazo qo‘llash to‘g‘risida” gi qaror bekor qilinganligini ma’lum qilamiz.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#Rasmiy_munosabat

Ayrim ijtimoiy tarmoqlarda Andijon shahrida noqonuniy spirtli ichimliklar do'koni ochilishiga mahalliy aholi tomonidan norozilik bildirilayotgani yuzasidan xabarlar tarqaldi.

Ushbu holat Andijon viloyati soliq boshqarmasi tomonidan nazoratga olindi.

Masala o'rganib chiqilib, qo'shimcha ma'lumot taqdim etiladi.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#Rasmiy_munosabat

Ijtimoiy tarmoqlarda Baliqchi tumanida faoliyat yuritayotgan mahalla fuqarolar yig‘ini raisining murojaati muhokamalarga sabab bo‘lmoqda.

Xabaringiz bor, davlatimiz rahbarining tegishli qaroriga muvofiq, soliqlarni undirish ko‘rsatkichi past bo‘lgan tumanlarda “Mahalla budjeti” tizimini joriy etish va bu orqali mahallalarning moliyaviy imkoniyatlarini yanada kengaytirish ko‘zda tutilgan edi.

Mazkur tumanlarda soliq bo‘yicha undirilgan mablag‘larning 10 foizi tuman budjetlari orqali mahalla jamg‘armasiga o‘tkaziladi. Mazkur mablag‘lar fuqarolar yig‘ini kengashi tomonidan boshqariladi.

Bundan tashqari, Prezidentimizning tegishli farmoniga muvofiq, “Mahalla yettiligi” jamoasi tashkil etilgan bo‘lib, uning tarkibiga soliq inspektori lavozimi ham biriktirilgan. Mazkur qonunda har bir xodimning o‘z vazifasi aniq ko‘rsatib o‘tilgan. Unga ko‘ra:

Soliq inspektori – tadbirkorlarga soliq xizmatlarini ko‘rsatish, soliq bazasini kengaytirish, soliqlarni undirish va mahalla byudjetining daromadini shakllantirishga mas’ul etib belgilangan.

✅ Mahalla raisi esa, ana shu yettilikning umumiy boshqaruviga mas’ul bo‘lib, har bir xodimning vazifalarini taqsimlab, ulardan belgilangan vazifalarni talab darajasida bajarilishini nazorat qilishi lozim.

Telegram|Facebook|Instagram|YouTube|

#Rasmiy_munosabat

Ma’lumki, iste’molchi savdo do‘konlarida xaridni amalga oshirgach, ularga QR-kodli kassa cheki berilishi shart. Onlayn nazorat kassadan foydalanmasdan savdoni amalga oshirish va chek berishdan bosh tortish qonunchilikda belgilangan tartibda javobgarlikka tortilishga sabab bo‘ladi.

Ijtimoiy tarmoqlarda Andijon shahrida joylashgan “Malochka” savdo do‘konida xarid uchun chek berilmayotganligi bo‘yicha iste’molchining murojaati e’lon qilindi.

Mazkur masala bo‘yicha shuni ma’lum qilamizki, yakka tartibdagi tadbirkor Soyibjonov Shoxruhbekka tegishli bo‘lgan Andijon shahar Mashrab ko‘chasida joylashgan ushbu savdo shaxobchasida inspeksiyaning tegishli buyrug‘i asosida sayyor soliq tekshiruvi o‘tkazildi. Natijada yo‘l qo‘yilgan qonun buzilish holatlari o‘rganilib, Soliq kodeksining 221-moddasiga asosan moliyaviy jarima qo‘llanilganligini ma'lum qilamiz.

Qolaversa, mazkur tadbirkorlik subyektida faoliyatni tashkil qilishda iste’molchilarga chek berish va savdoni onlayn kassa nazoratidan o‘tkazish bo‘yicha targ‘ibot tadbirlari tashkil etildi.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#rasmiy_munosabat

Soliq qoʻmitasi har bir Soliq toʻlovchining fikr va mulohazalarini hurmat qiladi!

So‘nggi vaqtlarda amaliyotda ishlab turgan normalarga bir necha yengillik va oʻzgartirishlar kiritilganini buning dalili deyish mumkin.

Soliq qoʻmitasi bundan keyin ham Soliq toʻlovchilarga xizmat koʻrsatishni oʻzining muhim vazifasi deb hisoblaydi.

“Yashirin iqtisodiyotga qarshi kurashish boʻyicha kompleks chora-tadbirlarni amalga oshirish toʻgʻrisida”gi qaror loyihasi Hukumatga kiritilishidan oldin amaldagi qonunchilikda belgilangan tartibda regulation.gov.uz portali orqali jamoatchilik fikr-mulohozasini oʻrganish va takliflarini olish uchun keng jamoatchilik muhokamasidan oʻtkaziladi.

Jamoatchilik muhokamalari (tadbirkorlar, fuqarolik jamiyati institutlari, olimlar, ekspertlar va mutaxassislarning maslahatlari hamda tavsiyalari) asosida loyiha toʻliq qayta koʻrib chiqiladi va tadbirkorlik faoliyatiga salbiy taʼsir etuvchi tartib-taomillar va talablar bartaraf etilgandan soʻng loyiha Hukumatga koʻrib chiqish uchun kiritiladi.
————-
#официальная_информация

Налоговый комитет уважает мнение и позицию каждого налогоплательщика!

Тому свидетельством служит ряд послаблений и изменений, внедренных в действующие нормы в последнее время.

Клиентоориентированность во взаимодействии с налогоплательщиками считаем своей наиболее значимой задачей.

Прежде чем проект постановления "О реализации комплексных мер по борьбе с теневой экономикой" будет внесен в Правительство, состоится его широкое общественное обсуждение через портал regulation.gov.uz в порядке, установленном действующим законодательством, для изучения общественного мнения и получения предложений.

На основе этих общественных обсуждений (советов и рекомендаций предпринимателей, институтов гражданского общества, ученых, экспертов и специалистов) проект будет полностью пересмотрен и после внесения правок в нормы и требования, оказывающие негативное влияние на предпринимательскую деятельность, проект будет представлен на рассмотрение Правительства.

#Rasmiy_munosabat

Ijtimoiy tarmoqlarda Andijon tumanida o’qituvchilar soliq to’lashga undalgani borasidagi murojaat e’lon qilindi. Ushbu murojaat bo’yicha quyidagilarni ma’lum qilamiz.

Andijon tumanida yashovchi fuqarolarning jismoniy shaxslardan olinadigan mol-mulk va yer soliqlaridan qarzdorligi  joriy yilning 1 iyun kuni holatiga 30 milliard so'mni tashkil etmoqda.

Ushbu qarzdorlikni o'z vaqtida davlat byudjetiga undirish maqsadida Andijon tuman soliq inspeksiyasida ishchi guruh tuzilib, o'zining ish faoliyatini olib bormoqda.

Inspeksiyada tuzilgan ishchi guruh tomonidan Andijon tumanida faoliyat ko'rsatayotgan korxona, tashkilot va muassasalarda ishlovchi ishchi-xodimlarning  jismoniy shaxslardan undiriladigan mol-mulk va yer soliqlaridan muddati o'tgan qarzdorliklarini o'z vaqtida davlat byudjetiga to'lash yuzasidan tushuntirish ishlari olib borilmoqda.

Shuningdek, murojaatda ko'rsatilgan, soliq qarzdorligi mavjud bo'lmagan jismoniy shaxslardan qo'shimcha soliq to'lovlarini undirilishiga yo'l qo'yilmaydi. Agarda shunday holatga duch kelsangiz, har bir mahallaga biriktirilgan soliq inspektoriga yoki Andijon tumani soliq inspeksiyasida tuzilgan ishchi guruh shtabiga murojaat qilishingiz mumkin.

Eslatib o’tamiz: Siz to'lagan soliqlar hisobiga “mahalla byudjeti” shakllanadi. Tushgan mablag'lar yashab turgan hududingiz obodonligi, mahallangiz farovonligi, shuningdek, ijtimoiy himoyaga muhtoj aholini qo'llab-quvvatlashga sarflanadi.

Telegram|Facebook|Instagram|YouTube|

#Rasmiy_munosabat

Ijtimoiy tarmoqlarda tarqalgan xabar yuzasidan Andijon viloyati Soliq boshqarmasi quyidagilarni ma'lum qiladi:

Soliq organlarining Yagona avtomatlashtirilgan axborot tizimi inson omilisiz, soliq organlari bazasida mavjud maʼlumotlar asosida shakllanadi va ushbu tizimda qayd etilgan ma'muriy huquqbuzarliklar uchun jarima solish to'g'risidagi qaror maʼmuriy huquqbuzarlik sodir etgan shaxsning ishtirokisiz chiqariladi, qaror elektron shaklda rasmiylashtirilib, soliq toʻlovchining shaxsiy kabinetiga hamda fuqaroning yashash manziliga yuborilishi belgilangan.

Oʻrganishlar natijasida maʼlum boʻldiki, soliq organlarining Yagona avtomatlashtirilgan axborot tizimi orqali “Zangori olov Samarqand” MCHJsiga nisbatan “Soliq hisobotlarini oʻz vaqtida taqdim etmaslik” va “Soliqlarni toʻlash uchun xizmat koʻrsatuvchi bankka toʻlov topshiriqnomasini oʻz vaqtida taqdim etmaslik” kabi huquqbuzarliklar qayd etilgan. Bu kabi huquqbuzarliklar ma'muriy javobgarlikka tortilishi alohida belgilab qo'yilgan.

Belgilangan soliqlar va yig‘imlarni o‘z vaqtida hamda to‘liq hajmda hisoblab chiqarish va to‘lash Soliq kodeksining 22-moddasiga asosan soliq to‘lovchilarning majburiyati ekanligi sababli "Ma’muriy javobgarlik to‘g‘risida"gi kodeksda javobgarlik masalasini hal etilishidan oldin huquqbuzar ogohlantirilishi to‘g‘risida norma belgilanmagan.

Bundan tashqari, ushbu korxona boshqa birovning nomiga oʻtkazilganligi boʻyicha maʼlumotlar soliq xizmati organlarining ma’lumotlar bazasida shakllanmagan.

Telegram|Facebook|Instagram|YouTube|

#rasmiy_munosabat

Davlat soliq xizmati organlari Qashqadaryo viloyatida joylashgan maktablardan birida bo‘lgan holatni noo‘rin xatti-harakat deb hisoblaydi va keskin qoralaydi.

Kamchiliklarga yo‘l qo‘ygan xodimlarga nisbatan xizmat tekshiruvi tayinlandi.
____________
#официальная_информация

Органы государственной налоговой службы считают недопустимой и резко осуждают ситуацию, сложившуюся в одной из школ Кашкадарьинской области.

По данному факту назначена служебная проверка.

Тelegram |Facebook |Youtube| Instagram |X| Threads