#Rasmiy_munosabat

Andijon viloyati Soliq boshqarmasi murojaatchi nomidan ijtimoiy tarmoqda e’lon qilingan xabar yuzasidan quyidagilarni ma’lum qiladi:

Murojaatda keltirilishicha, xaridor Andijon shahrining 2-kichik dahasidagi “24 soat” nomli do‘konda savdo qilinganda QR-kodli kassa cheki berilmayotganidan norozi bo‘lgan.

Murojaatdan avval ham yuqoridagi savdo do‘konida QR-kodli kassa cheki berilmayotganligi yuzasidan “Soliq" mobil ilovasining “Soliq hamkor” bo‘limi orqali kelgan xabarlarga asosan, 2024-yilning o‘zida 2 marta chek bermaslik bo‘yicha sayyor soliq tekshiruvlari o‘tkazilib, tekshirish yakuni bilan tadbirkorga nisbatan Soliq kodeksining 221-moddasiga asosan, moliyaviy jarima qo‘llanilgan.

Tekshirish davomida soliq organi xodimlari tomonidan tadbirkorga xaridorlarga muntazam ravishda QR-kodli kassa cheki berishi shartligi yuzasidan targ‘ibot ishlari olib borilgan.

❗️Shu o‘rinda onlayn nazorat-kassa texnikasi va hisob-kitob terminallarining qo‘llanilishi majburiyligi, ulardan foydalanmasdan savdoni amalga oshirganlik va xizmatlar ko‘rsatganlik, xuddi shuningdek, iste’molchilarga QR-kodli kassa cheki bermagan holda tovarlarni realizatsiya qilganlik va xizmatlar ko‘rsatganlik, hisob-kitob terminallari orqali to‘lovlarni qabul qilishni rad etganlik 5 million so‘m miqdorida jarima solishga sabab bo‘lishini, bordi-yu, ayni shu turdagi qonun buzilish holati ikkinchi bor takrorlansa, moliyaviy jarima 10 million so‘mni tashkil etishini eslatib o‘tamiz.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|

#barqarorlik_reytingi

❓Barqarorlik reytingida tadbirkorlik subyekti tomonidan bir nafar xodimga hisoblangan ish haqi summasi ahamiyatga egami?

✅"Tadbirkorlik subyektlarining barqarorlik reytingini aniqlash tartibi to‘g‘risida"gi nizomga muvofiq, bir nafar xodimga to‘g‘ri keladigan ish haqi jamg‘armasidan kelib chiqib, tadbirkor reytingda 10 ballgacha olishi yoki 5 ball chegirilishi mumkin 👉

Ish haqi jamg‘armasini baholashda tadbirkorlik subyekti tomonidan bir nafar xodimga hisoblangan ish haqi summasi tegishli hududdagi iqtisodiy faoliyat turi bo‘yicha hisoblangan o‘rtacha ish haqi miqdoridan:
👉100 foiz va undan yuqori bo‘lsa — 10 ball;
👉75 — 100 foizgacha bo‘lsa — 8 ball;
👉50 — 75 foizgacha bo‘lsa — 6 ball;
👉25 — 50 foizgacha bo‘lsa — 4 ball;
👉25 foizgacha bo‘lsa — 2 ball beriladi.

❗️Bunda tadbirkorlik subyekti tomonidan bir nafar xodimga hisoblangan ish haqi summasi mehnatga haq to‘lashning eng kam miqdoridan kam bo‘lsa — 5 ball chegiriladi.

Telegram|Facebook|Instagram|YouTube|

#e_ijara

Tovar aylanmasidan ijara haqi hisoblanishi bo‘yicha tuzilgan ko‘chmas mulk ijara shartnomalarini ham "E-ijara" da hisobga qo‘yish mumkin

Buning uchun ijaraga beruvchi shaxs ijara shartnomasini hisobga qoʻyish jarayonida “Tovar aylanmadan ijara toʻlovi” tugmasiga belgi qoʻyishi hamda tovar aylanmasidan toʻlanadigan ijara toʻlovi stavkasini koʻrsatishi lozim.

Agar ijara toʻlovi belgilangan minimal stavkadan past boʻlsa, ijaraga berishdan olingan daromad uchun soliq oylik ijara toʻlovining minimal stavkalaridan kelib chiqqan holda hisoblanadi.
👉2024-yil uchun ijara toʻlovlarining minimal stavkalari

Ijaraga oluvchi tomonidan shartnoma tasdiqlangach u soliq organlarida hisobga qoʻyiladi. Hisobga qoʻyilganligi toʻgʻrisidagi guvohnomada ijara toʻlovi tovar aylanmasidan hisoblanishi to‘g‘risidagi ma'lumot hamda ijara toʻlovi stavkasi aks etadi.
————-
#e_ijara

Через E-ijara можно зарегистрировать договоры аренды недвижимого имущества, заключенные на основе арендной платы от оборота

Для этого арендодателю необходимо в процессе постановки на учет договора аренды поставить отметку «Арендная плата от товарооборота» и указать ставку арендной платы, уплачиваемой от товарооборота.

Если арендная плата ниже установленных минимальных ставок, налог на доходы от сдачи имущества в аренду будет рассчитываться исходя из минимальных ставок арендной платы в месяц.
👉Минимальные ставки арендной платы на 2024 год

Договор регистрируется в налоговых органах после его подтверждения арендатором. В свидетельстве о постановке на учет содержится информация о расчете арендной платы от оборота и ставке арендной платы.

Тelegram |Facebook |Youtube| Instagram |X| Threads

#QQS #soliq_hisoboti

2024-yilda qo‘shilgan qiymat solig‘i (QQS) hisobot shaklini to‘ldirish bo‘yicha videoqo‘llanma

QQS hisobotining paket kodi: 10006_41

👉YouTube orqali ko‘rish

Тelegram |Facebook |Youtube| Instagram |X| Threads

Soliqdan tushgan mablag‘lar nimalarga sarflanadi?

Hurmatli tadbirkorlar, o'z vaqtida to'lanmagan soliq qanday salbiy oqibatlarga olib kelishi mumkinligi haqida hech o'ylab ko'rganmisiz?

Ushbu rolik orqali bu savollarga o‘zingiz uchun javob topasiz.

Тelegram |Facebook |Youtube| Instagram |X| Threads

#barqarorlik_reytingi

Tadbirkorlarning barqarorlik reytingi ko‘rsatkichlari soliq to‘lovchilarning shaxsiy kabinetida aks ettirildi

Platforma soliq hisobotlari, to‘langan soliq summalari, subyektning ro‘yxatdan o‘tgan sanasi, boshqa organlardan olingan maʼlumotlar asosida tadbirkorlarning reytingini avtomatik shakllantiradi.

Tadbirkorning qandaydir kamchiliklari bo‘lib, past ball olsa, dastur nima sababdan bunday ball olgani va kamchiliklar qanday bartaraf etilishini ko‘rsatib turadi.

Tadbirkor faoliyatini baholash koʻrsatkichlari va berilgan ballar toʻgʻrisidagi maʼlumotlarni shaxsiy kabinetida ham koʻrishi mumkin.

👉Youtube orqali ko‘rish

Тelegram |Facebook |Youtube| Instagram |X| Threads

#soliq_taqvimi

🗓 Eslatma ❗️2024-yil 20-fevral

yanvar oyi uchun:

- QQS hisobotini taqdim etish va soliqni toʻlashning oxirgi kuni
(Soliq kodeksi 273-modda 1- va 2-qismlar);

- dividendlar va foizlardan olinadigan soliq summasi boʻyicha soliq hisobotini taqdim etishning oxirgi kuni
(Soliq kodeksi 345-modda 5-qism);

- norezidentlarning daromadlaridan olinadigan soliq summalari boʻyicha soliq agenti tomonidan soliq hisobotini taqdim etishning oxirgi kuni
(Soliq kodeksi 355-modda 1-qism);

- yuridik shaxslar tomonidan yer qaʼridan foydalanganlik uchun soliqning hisob-kitobini taqdim etish va toʻlashning oxirgi kuni
(Soliq kodeksi 454-modda 3-va 4-qismlar);

fevral oyi uchun:

- soliq davrida suv resurslaridan foydalanganlik uchun soliq summasi BHMning 200 baravaridan koʻproqni tashkil etadigan yuridik shaxslar tomonidan (AOS toʻlovchilar bundan mustasno) yillik soliq summasining 1/12 qismi miqdorida toʻlashning oxirgi kuni
(Soliq kodeksi 448-modda 3-qism).

Telegram|Facebook|Instagram|YouTube|

#Nazorat_tadbiri

Yashirin iqtisodiyotga qarshi kurashish bo'yicha profilaktik tadbirlar davom etmoqda

Batafsil: 👆"Axborot 24" informatsion dasturi orqali

Telegram|Facebook|Instagram|YouTube|

#QQS

Qanday qilib QQS toʻlovchisi sifatida roʻyxatdan oʻtish va guvohnoma olish mumkin?

👉Batafsil videoqo‘llanmada

Тelegram |Facebook |Youtube| Instagram |X| Threads

#barqarorlik_reytingi

“AAA” toifadagi tadbirkorlik subyektlarida soliq tekshiruvi oʻtkazish avtomatik cheklanadi

Barqarorlik reytingida “AAA” toifadagi (100-96 ball) tadbirkorlik subyektlari faoliyatida soliq tekshiruvlari oʻtkazilmaydi.
(jinoiy ishlar doirasida oʻtkaziladigan tekshiruvlar bundan mustasno)

Soliq organlarida mavjud barcha dasturiy mahsullarda “AAA” toifadagi tadbirkorlik subyektlarida tekshiruv oʻtkazish yuzasidan buyruq rasmiylashtirish cheklandi.
Boshqa toifaga o‘zgarganda ushbu rag‘banlantirish amal qilmaydi.

Shuningdek, QQS summasini 1 kunda tekshiruvlarsiz qoplash (qaytarish) boʻyicha tegishli vazirlik va idoralar bilan maʼlumotlar bazalarini integratsiya qilish yuzasidan amaliy ishlar olib borilmoqda.

Joriy yil 1-martdan integratsiya natijasida olingan maʼlumotlar asosida “AAA” toifadagi tadbirkorlik subyektlariga 1 kun muddatda avtomatik ravishda QQS summasi oʻrnini qoplash (qaytarish) yoʻlga qoʻyiladi.

Тelegram |Facebook |Youtube| Instagram |X| Threads

#Nazorat_tadbiri

Yashirin iqtisodiyotga qarshi kurashish bo'yicha profilaktik tadbir Marhamat tumanida o'tkazildi

Batafsil: 👆"Andijon axboroti" informatsion dasturi orqali

Telegram|Facebook|Instagram|YouTube|

#ozini_ozi_band_qilish

Daromadi 100 mln soʻmdan oshgan oʻzini oʻzi band qilgan shaxslar AOS hisobotini qanday topshiradi?

O‘zini o‘zi band qilgan shaxslarning 100 million so‘mgacha bo‘lgan daromadlari soliqqa tortilmaydi.

Soliq davrida tovarlarni realizatsiya qilishdan olingan daromadi 100 million so‘mdan oshgan, lekin 1 mlrd so‘mgacha bo‘lganda AOS to‘lovchi yakka tartibdagi tadbirkor sifatida tan olinadi. Bunda ular soliq organlariga soliq hisobotini taqdim etishi hamda soliqlarni to‘lashi shart.

Agar o‘zini o‘zi band qilgan shaxslar EHF, onlayn-NKT hamda marketpleys orqali daromad olgan bo‘lsa, ushbu daromadlarning 100 mln so‘mdan oshgan qismi AOS hisobotida avtomatik shakllanishi uchun quyidagilarni amalga oshirishi lozim

my.soliq.uz saytidagi “Yakka tartibdagi tadbirkor va oʻzini oʻzi band qilgan fuqarolar uchun” shaxsiy kabinetiga elektron raqamli imzo orqali kiriladi.

U yerdan “Avtomatlashtirilgan aylanmadan olinadigan soliq hisobotiga oʻzgartirish kiritish” soʻngra “Murojaat yuborish” tugmasi bosiladi.

Ochilgan oynadan soliq davri hamda hisobot davri tanlanadi. Satr nomi qatoridan “Qatʼiy belgilangan miqdordagi daromad soligʻi toʻlovchisi boʻlgan davrda olgan daromadi” belgilanadi, shundan soʻng satr kodi hamda summa qatorlari avtomatik shakllanadi.

Soliq turi qatoridan "Aylanmadan olinadigan soliq" tanlanadi. Asoslantiruvchi hujjat sifatida oʻzini oʻzi band qilganlik toʻgʻrisidagi guvohnoma yuklanadi hamda yuborish tugmasi bosiladi.

Shundan soʻng hisobot topshirish jarayoniga oʻtiladi. Buning uchun shaxsiy kabinetdan “Oʻzini oʻzi band qilgan shaxslarning hisobotlari” oynasi undan so‘ng quyidagilar ketma-ketlikda tanlanadi:
👉Elektron shakllar;
👉Aylanmadan olinadigan soliq;
👉Aylanmadan olinadigan soliq hisob-kitobi.

Ochilgan oynadan soliq turi, hisobot turi, yil, davr tanlangach, hisobot shaklida soliq summasi avtomatik shakllanadi so‘ngra joʻnatish tugmasi bosiladi.

Bank hisobraqami mavjud soliq to‘lovchilar shaxsiy kabinetning "O‘zini o‘zi band qilgan shaxslarining soliqlarini to‘lash" bo‘limi orqali soliq to‘lovlarini amalga oshirishi mumkin.

Тelegram |Facebook |Youtube| Instagram |X| Threads

#qonunchilikdagi_yangiliklar

Sayyor soliq tekshiruvlari va soliq auditi qarorlari ustidan to‘g‘ridan-to‘g‘ri sudga shikoyat qilish mumkin

O‘zbekiston Respublikasi Qonuni bilan Soliq kodeksiga o‘zgartirish kiritildi.
👉 O‘RQ-910 20.02.2024

Unga muvofiq, soliq organlarining sayyor soliq tekshiruvlari va soliq auditi natijalari bo‘yicha qabul qilingan qarorlari ustidan tadbirkorlarning to‘g‘ridan-to‘g‘ri sudga shikoyat qilishiga doir cheklovlar bekor qilindi hamda sudga shikoyat qilish imkoniyatlari kengaytirildi.

Qonun rasmiy eʼlon qilingan kundan eʼtiboran kuchga kiradi.

Telegram|Facebook|Instagram|YouTube|

#onlayn_NKT

Yandex Go yo‘lovchilarga naqd puldagi to‘lovi uchun elektron chek berishni boshladi

Onlayn-taksi agregatorlarining soliq organlarining axborot tizimlari bilan integratsiyalashuvi natijasida yo‘lovchi tashish dinamikasi Soliq qo‘mitasi ma’lumotlar bazasida aks etmoqda.

O‘tgan yilning dekabr oyida onlayn-taksi agregatorlari orqali 4,4 mln tashuvlar amalga oshirildi. Yo‘lovchi tashish faoliyati 80,1 ming nafar o‘zini o‘zi band qilgan haydovchi tomonidan amalga oshirilgan. Joriy yil yanvar oyida qatnovlar soni 5 mlnga yetdi. Tashish xizmatlari 113,5 ming nafar o‘zini o‘zi band qilgan haydovchi tomonidan ko‘rsatildi.

Soliq qoʻmitasi boshqa onlayn-taksi agregatorlarining soliq organlari bilan integratsiyalashuvini taʼminlash va toʻlov shaklidan qatʼi nazar, yoʻlovchilarga chek berish boʻyicha ishlarni davom ettirmoqda.

Ma'lumot uchun. “Soliq” mobil ilovasida o‘zini o‘zi band qilgan shaxslar cheklari uchun keshbek hisoblanmaydi.
___________
#онлайн_ККТ

Яндекс Go начал выдавать пассажирам электронные чеки и при оплате наличными

В результате осуществленной интеграции онлайн агрегаторов такси с информационными системами налоговых органов в базе данных Налогового комитета доступна динамика пассажирских перевозок.

Так, в декабре через онлайн-агрегаторы такси было совершено 4,4 млн поездок. Перевозку пассажиров осуществили 80,1 тысяч самозанятых водителей. В январе количество поездок увеличилось до 5 млн. Услуги по перевозке оказали 113,5 тысяч самозанятых водителей.

Налоговым комитетом продолжается работа по обеспечению интеграции с налоговыми органами других онлайн агрегаторов такси и выдачи чеков пассажирам, независимо от формы оплаты.

К сведению. По чекам самозанятых лиц не начисляется кешбэк в мобильном приложении Soliq.

Тelegram |Facebook |Youtube| Instagram |X| Threads

#QQS

1-apreldan suv taʼminoti, kanalizatsiya, sanitariya jihatdan tozalash hamda issiqlik taʼminoti bo‘yicha xizmatlarga QQSning nol darajali stavkasini qo‘llash bekor qilinadi.

Ushbu o‘zgarishlarning ahamiyati hamda tarifga ta'siri haqida Soliq qo‘mitasi mutaxassisi tushuntirish berdi.

Тelegram |Facebook |Youtube| Instagram |X| Threads