#imtiyoz

▪️Umumiy ovqatlanish sohasi uchun soliq imtiyozlari

Umumiy ovqatlanish korxonalariga quyidagi soliq imtiyozlari qo'llaniladi:

🔹2022-yil 1-apreldan 2025-yil 1-yanvargacha umumiy ovqatlanish sohasida xizmat ko‘rsatuvchi tadbirkorlik subyektlari ijtimoiy soliqni 1 % stavkada to‘laydi;
👉1% ijtimoiy soliq stavkasi hisobotda qanday qo'llaniladi?

🔹2022-yil 1-apreldan 2025-yil 1-yanvarga qadar O‘zbekiston Respublikasi Prezidentining qarorida ko‘rsatilgan tumanlar va shaharlarning belgilangan turizm zonalarida ro‘yxatdan o‘tkazilgan hamda mazkur hududlarda umumiy ovqatlanish, mehmonxona (joylashtirish), savdo, ko‘ngilochar, turoperatorlik va turagent xizmatlarini ko‘rsatadigan tadbirkorlik subyektlari —:
▪️AOSni 1 % miqdordagi soliq stavkasi bo‘yicha;
▪️yuridik shaxslar mol-mulk yer soliqlarini ushbu hududlarda joylashgan obyektlar, shuningdek mazkur obyektlar egallagan yer uchastkalariga nisbatan hisoblangan summaning 1 % miqdorida to‘laydi.
👉 Soliq kodeksi 483-modda

Telegram|Facebook|Instagram|YouTube

#raqamlashtirish #imtiyoz

Andijonda soliq to‘lovchilar 154 mlrd so‘mdan ortiq soliq imtiyozlaridan foydalandi

2024-yilning yanvar-may oylarida respublikada 122 862 ta tashkilot 10,6 trln so‘m miqdorda soliq imtiyozlaridan foydalangan.

Shu bilan birga:
▫️2 561 ta korxona moliyaviy xizmatlar bo‘yicha 7,9 trln so‘mdan ortiq QQSsiz operatsiyalar amalga oshirgan;
▫️5 958 ta korxona 13 trln so‘m miqdorida QQS "nol" stavkasini qo‘llagan.

✅ Andijon viloyatida esa, 7184 ta holatda 154,8 mlrd so'm soliq imtiyozlaridan foydalanilgan.

Telegram|Facebook|Instagram|YouTube|

#foyda_soligi #imtiyoz

Foyda solig‘ining pasaytirilgan stavkasini kimlar qo‘llashi mumkin?

🔹Quyidagilar foyda soligʻining 50%ga pasaytirilgan stavkasini qoʻllashga haqli:

▪️2022-yil 1-sentabrdan keyin ilk marotaba foyda soligʻini toʻlashga oʻtgan aylanmadan olinadigan soliq toʻlovchilar – soliq toʻlashga oʻtgan yildan keyingi 1 soliq davri* mobaynida. Bunda pasaytirilgan stavka qoʻllaniladigan kalendar yilda jami daromadi 10 mlrd soʻmdan oshmasligi lozim.

Misol uchun, korxona 2023-yil I chorak yakuni bilan ilk marotaba foyda soligʻini toʻlashga oʻtgan bo‘lsa, keyingi soliq davri (2024-yil)da foyda soligʻining 50%ga pasaytirilgan stavkasini qoʻllashi mumkin.

▪️2022-yil 1-sentabrdan keyin jami daromadi joriy yil mobaynida ilk marotaba 10 mlrd soʻmdan oshgan foyda soligʻi toʻlovchilari. Ushbu stavka joriy va keyingi soliq davrilarida qoʻllaniladi. Bunda pasaytirilgan stavka qoʻllaniladigan yillarda jami daromad 100 mlrd soʻmdan oshmasligi lozim.

Misol uchun, 2022-yil dekabrda jami daromadi ilk marotaba 10 mlrd soʻmdan oshgan korxona joriy va keyingi soliq davrlarida, ya’ni 2022-2023-yillarda pasaytirilgan soliq stavkasini qo‘llashi mumkin.

🔹Mazkur imtiyoz quyidagilarga tatbiq etilmaydi:

▫️yer qaʼridan foydalanganlik uchun soliq to‘lovchilari
▫️aksiz soligʻi toʻlovchilari
▫️soliq toʻlovchi tugatilganda
▫️pasaytirilgan soliq stavkasini qoʻllash uchun ikki va undan ortiq tadbirkorlik subyekti oʻrtasida soliq toʻlovchining tovarlarni (xizmatlarni) realizatsiya qilishdan olingan daromadlarini ajratish (boʻlish) faktlari aniqlanganda.
👉 Soliq kodeksi 337-modda 11-qism

*Foyda soligʻi uchun soliq davri – kalendar yil.

Тelegram |Facebook |Youtube| Instagram |X| Threads

#imtiyoz #JShODS

Kontrakt to‘lovidan 12% daromad solig‘ini qaytarib olishda nimalarga e'tibor berish kerak?

Kontrakt toʻlovidan 12 % daromad soligʻini qaytarib olish uchun birinchi navbatda imtiyozdan foydalanuvchi “my3.soliq.uz” saytidan jami yillik daromadlar to‘g‘risida deklaratsiya yuborish kerak.

Deklaratsiya yuborilganda, uning shaxsiy kartochkasida ortiqcha toʻlov shakllanadi va shundan soʻng ushbu ortiqcha toʻlovni qaytarish toʻgʻrisida bank plastik kartasi rekvizitlarini koʻrsatgan holda ariza taqdim etishi lozim.

Ariza 5 kun muddatda koʻrib chiqiladi. Taqdim etilgan hujjatlarda kamchiliklar boʻlmasa ortiqcha toʻlov summasi ariza topshirilgan kundan etiboran 15 kun ichida qaytarib beriladi.

Ma'lumot uchun: professional va oliy ta‘lim tashkilotlariga jismoniy shaxslar o‘zi va farzandlarining, shuningdek 26 yoshga to‘lmagan turmush o‘rtog‘ining ta‘lim olishi uchun yo‘naltirgan ish haqi va boshqa daromadlari soliqqa tortilmaydi.

Mazkur imtiyoz o‘qish uchun tijorat banklari tomonidan ajratilgan ta’lim kreditlarini (foizlari bilan) qoplashga nisbatan ham qo‘llaniladi.

👉Soliq kodeksi 378-modda

Тelegram |Facebook |Youtube| Instagram |X| Threads

#raqamlashtirish #imtiyoz

🔹Andijonda 8211 ta korxonalar jami 309,0 mlrd so‘mlik soliq imtiyozlaridan foydalandi

2024-yilning yanvar-iyun oylarida respublikamiz bo‘yicha 138 826 ta tashkilot 13,3 trln so‘m miqdorda soliq imtiyozlaridan foydalangan.

Telegram|Facebook|Instagram|YouTube|X|

#foyda_soligi #imtiyoz

Foyda solig‘ining pasaytirilgan stavkasini kimlar qo‘llashi mumkin?

🔹Foyda soligʻini 7,5% (pasaytirilgan ) stavkada qoʻllashga haqli:

▪️ Jami daromadi 10 mlrd soʻmdan oshmagan, ilk marotaba* foyda soligʻini toʻlashga oʻtgan AOS toʻlovchilar. Pasaytirilgan stavka soliq toʻlashga oʻtgan yildan keyingi soliq davrida** qoʻllaniladi.

Misol uchun, korxona 2023-yil I chorak yakuni bilan ilk marotaba foyda soligʻini toʻlashga oʻtgan bo‘lsa, keyingi soliq davri (2024-yil)da foyda soligʻini 7,5 % stavkada to‘laydi.

▪️ Jami daromadi ilk marotaba* 10 mlrd soʻmdan oshgan QQS to‘lovchilari. Pasaytirilgan stavka joriy va keyingi yil uchun qoʻllaniladi. Ushbu yillarda jami daromad 100 mlrd soʻmdan oshmasligi lozim.

Misol uchun, 2024-yil yanvarda faoliyati davomida jami daromadi ilk marotaba 10 mlrd soʻmdan oshgan korxona 2024-2025-yillarda foyda solig‘ini 7,5 % stavkada to‘laydi.

🔹Mazkur imtiyoz quyidagilarga tatbiq etilmaydi:
▫️yer qaʼridan foydalanganlik uchun soliq to‘lovchilari;
▫️aksiz soligʻi toʻlovchilari;
▫️soliq toʻlovchi tugatilganda;
▫️pasaytirilgan soliq stavkasini qoʻllash uchun ikki va undan ortiq tadbirkorlik subyekti oʻrtasida soliq toʻlovchining tovarlarni (xizmatlarni) realizatsiya qilishdan olingan daromadlarini ajratish (boʻlish) faktlari aniqlanganda.
👉 Soliq kodeksi 337-modda 11-qism

*mazkur soliq imtiyozi 2022-yil 1-sentabrdan keyingi davrlar uchun amal qiladi
**foyda soligʻining soliq davri – kalendar yil.

Тelegram |Facebook |Youtube| Instagram |X| Threads

#foyda_soligi #imtiyoz

Tadbirkorlarning maktab qurishga ketgan xarajatlari foyda solig‘idan 2 yil davomida teng ulushlarda chegirib tashlanadi.

Тelegram |Facebook |Youtube| Instagram |X| Threads

#imtiyoz

Nodavlat taʼlim muassasalari uchun berilgan imtiyozlar muddati uzaytiriladi

Nodavlat maktabgacha va umumiy oʻrta taʼlim tashkilotlari barcha turdagi soliq (ijtimoiy soliqdan tashqari) va yigʻimlarni toʻlashdan ozod qilish tarzidagi soliq imtiyozlari muddati 2030-yil 1-yanvarga qadar uzaytiriladi.

Avval ushbu imtiyozdan foydalanish muddati 2025-yil 1-yanvargacha edi

👉PQ-403, 22.11.2024-yil

Joriy yilning 9 oyi davomida 679 ta xususiy bogʻcha va maktablar 113 mlrd soʻmdan ortiq soliq imtiyozlaridan foydalandilar.

Тelegram |Facebook |Youtube| Instagram |X| Threads