#Xatlov

Soliq qarzdorligini undirish maqsadida xatlov tadbirlari davom etmoqda

Soliq xizmati xodimlari tomonidan Soliq kodeksining 114-moddasiga asosan, soliq qarzdorligi mavjud bo‘lgan korxonalar hamda qarzdorligi yuqori bo‘lgan tadbirkorlik subyektlarida xatlov tadbirlari olib borilmoqda.

Joriy yil I-choragida o‘tkazilgan tadbirlar natijasida tadbirkorlik subyektlari tomonidan soliq qarzdorligi hisobidan 130 mlrd so‘mdan ortiq soliq to‘lovlarni undirildi.

Xususan, Andijon shahridagi “Issiqlik manbayi” DUKning 4 mlrd 529 mln soliq qarzdorligi hisobiga korxonaga tegishli bo‘lgan noturar bino inshootlari xatlovga olindi. Bundan tashqari "Mega Metan Gaz" MCHJ nomli gaz quyish shaxobchasining 167 mln so'm soliq qarzdorligi hisobiga jamiyat balansida bo'lgan yengil avtomobili xatlovga olinib, jarima maydoniga olib kirildi.

Budjet tushumlarini bajarilishini ta'minlash maqsadida soliq qarzdorligi mavjud korxonalarda xatlov ishlari muntazam ravishda davom ettirilmoqda.

Telegram|Facebook|Instagram|YouTube|