#savol_javob

- Korxonamiz 76 (alkogol mahsulotlari savdosi huquqi uchun yig'imi) va 199 (SORJ ga undiriladigan 40% penya) kodlari bo‘yicha to‘lovlarni amalga oshirdi. Lekin amalga oshirilgan to‘lov korxona shaxsiy hisobvarag‘ida ko‘rinmayapti. Nima qilish kerak?

❌Toʻlov topshiriqnomasini shakllantrishda “Toʻlov detallari” qatorida boshqa korxonaga tegishli STIR koʻrsatilganda shunday holat yuzaga kelishi mumkin.

✅Toʻlovlar shaxsiy hisobvaraqda toʻgʻri aks etishi uchun toʻlov topshiriqnomasini yaratishda “Toʻlov detallari” qatorida korxonanaga tegishli STIR koʻrsatilishi lozim.
___________
#вопрос_ответ

- Нашей организацией были произведены платежи по коду 76 (сбор за право реализации алкогольной продукции) и 199 (взыскиваемые в ФРНО 40% пени (СОРЖ). На данный момент в лицевых карточках произведенная оплата не отображается. Что делать?

❌Такая ситуация может возникнуть, если при формировании платежного поручения в строке "Детали платежа" указан ИНН не вашей организации.

✅Чтобы осуществляемые платежи корректно отображались в карточке лицевого счета, при формировании платежного поручения в строке "Детали платежа" укажите ИНН вашей организации.

Тelegram |Facebook |Youtube| Instagram |X| Threads

#Savol_javob
#Barqarorlik_reytingi

✍️Tadbirkorlik subyektlari tomonidan “Temir daftar”, “Ayollar daftari”, “Yoshlar daftari” va ijtimoiy reyestrdagi shaxslar, shuningdek, nogironligi bo‘lgan shaxslar bandligi ta’minlanganligi aniqlanadi.

Bunda, tadbirkorlik subyektlari tomonidan jami ishchi-hodimlari sonini 10 foizidan 20 foizigacha “Temir daftar”, “Ayollar daftari”, “Yoshlar daftari”dagi, ijtimoiy reyestrdagi va nogironligi bo‘lgan shaxslar bandligi ta’minlanganda – 5 ball beriladi.

Agar tadbirkorlik subyektlari tomonidan jami ishchi-hodimlari sonini 20 foizidan yuqorisi “Temir daftar”, “Ayollar daftari”, “Yoshlar daftari”dagi, ijtimoiy reyestrdagi va nogironligi bo‘lgan shaxslar bandligi ta’minlangan bo‘lsa – 10 ball beriladi.

Shuningdek, Yer maydonlari va mulk huquqi yoki ijara huquqi asosida ko‘chmas mulk obyektlari mavjudligi (ijara shartnomalari hisobga qo‘yilganligi) aniqlanadi.

Yer maydonlari va ko‘chmas mulk obyektlari:

🔹o‘ziniki bo‘lsa – 10 ball;
🔹ijara shartnomasi bo‘yicha – 7 ball beriladi.

Agarda egaligida ham ijarada ham mavjud bo‘lmaganda, shuningdek ko‘rsatilgan manzilda faoliyat yuritmayotganligi aniqlansa – 5 ball chegiriladi. Reytingni aniqlashda shu kabi bir qator mezonlar nazarda tutilgan.

Telegram|Facebook|Instagram|YouTube|

#Barqarorlik_reytingi
#Savol_javob

✍️Barqarorlik reytingi har kuni davlat organlari va idoralarning elektron shaffof platforma axborot tizimida mavjud ma’lumotlardan foydalanilgan holda shakllantiriladi hamda Savdo-sanoat palatasining rasmiy veb-saytida e’lon qilinib boriladi.
Barqarorlik reytingini aniqlash uchun tadbirkorlik subyektlari haqidagi mavjud ma’lumotlar doimiy ravishda avtomatlashtirilgan tizim orqali tahlil qilinadi hamda ularning faoliyati Nizomda belgilangan mezonlarning har biri bo‘yicha reyting tizimi asosida baholab boriladi.

Barqarorlik reytingi shakllanishiga oid tadbirkorlik subyekti faoliyatini baholash mezonlari va ularga qo‘yilgan ballar to‘g‘risidagi ma’lumotlar baholash amalga oshirilgan kundan boshlab 1 kun ichida tadbirkorlik subyektlarining shaxsiy kabinetiga yuboriladi.

Yuborilgan barqarorlik reytingiga oid ma’lumotlar tadbirkorlik subyekti tomonidan ko‘rib chiqiladi.

Bunda tadbirkorlik subyekti reytingga nisbatan e’tirozlari mavjud bo‘lganda o‘z shaxsiy kabineti orqali soliq organiga murojaat qiladi.

Tadbirkorlik subyekti tomonidan barqarorlik reytingi darajasi yuzasidan bildirilgan e’tirozlar Soliq qo‘mitasi tomonidan 10 ish kuni davomida qayta ko‘rib chiqiladi, e’tirozlar asosli deb topilganda ma’lumotlar bazasiga tegishli tuzatishlar kiritilgan holda qayta shakllantirilgan barqarorlik reytingi tadbirkorlik subyektining shaxsiy kabinetiga yuboriladi.

Telegram|Facebook|Instagram|YouTube|

#Barqarorlik_reytingi
#Savol_javob

✍️Tadbirkorlik subyektlarining barqarorlik reytingini aniqlash elektron platformasi onlayn va real vaqt rejimida ishlaydi. Reytingni aniqlash bo‘yicha bajarilmagan mezonlar tadbirkorlik subyektlari tomonidan bajarilgan zaxotiyoq tegishli ballar qo‘shilib boriladi yoki aksincha majburiyatlarni bajarish muddati o‘tgan zaxoti ballar chegiriladi.

Masalan, Soliq hisobotlarining belgilangan muddatlarda taqdim etilishi, mazkur mezon bo‘yicha ball soliq turlari bo‘yicha soliq hisobotlarining belgilangan muddatdan kech va (yoki) qayta hisobot taqdim etilganlik holatlari bo‘yicha aniqlanadi.

Soliq turlari bo‘yicha hisobotlarni kechiktirmagan bo‘lsa – 10 ball beriladi (hisobot kechiktirib taqdim etgan bo‘lsa – ball berilmaydi).

Mazkur mezon bo‘yicha baholashda kalendar oyida hisobot topshirish muddati kelgan barcha soliq turlari hisobga olinadi.

Telegram|Facebook|Instagram|YouTube|

#Savol_javob
#Barqarorlik_reytingi

✍️ Umumiy, Ballarni kamaytiruvchi, Qo‘shimcha ballar beruvchi mezonlar, ya’ni

Umumiy mezonlar

🔹Tadbirkorlik faoliyatini amalga oshirish davri;
🔹Bank krediti tarixi holati ijobiyligi;
🔹Iqtisodiy faoliyat turlari bo‘yicha bir nafar xodimga to‘g‘ri keladigan ish haqi jamg‘armasining nisbati;
🔹Soliq hisobotlarni belgilangan muddatlarda taqdim etilishi;
🔹Hisoblangan soliq summasini to‘lov topshiriqnoma orqali amalga oshirganligi;
🔹Elektron hisobvaraq-fakturalarni qonunchilikda belgilangan muddatlarda rasmiylashtirilishi holati;

Ballarni kamaytiruvchi mezonlar

🔺Oxirgi 12 oy davomida ma’lumotlar bazasidan hisobda turgan joyini o‘zgartirilishi;
🔺Ta’sischisi yoki rahbari(mulkdor)ning ishonchsizligi;
🔺Taqdim etilgan soliq hisobotlariga tuzatishlar soliq to‘lovchining o‘zi tomonidan ixtiyoriy kiritilishi;
🔺Qo‘shilgan qiymat solig‘i to‘lovchisi maxsus guvohnoma holati;
🔺Soliq qarzining mol-mulk hisobidan undirilishiga qaratilganligi;
🔺Mahsulotlar (tovar va xizmatlarning) identifikatsiya kod (MXIK)laridan noto‘g‘ri foydalanish;
🔺Tadbirkorlik subyektlarining kreditorlik qarzdorligi oxirgi 12 oy davomida sud orqali unduruvga qaratilgan bo‘lsa;

Qo‘shimcha ballar beruvchi mezonlar (rag‘batlantiruvchi) mavjud.

🔸Tadbirkorlik subyektlari tomonidan "Temir daftar", Ayollar daftari", "Yoshlar daftari", ijtimoiy reyestrdagi va nogironligi bo‘lgan shaxslar bandligi ta’minlanganda;
🔸O‘tgan hisobot davriga nisbatan (mehnatga haq to‘lashning eng kam miqdoridan ortiq ish haqi olgan) xodimlar sonining ortishi (yangi tashkil etilgan tadbirkorlik subyektlari uchun o‘tgan oyga nisbatan solishtiriladi);
🔸Iqtisodiy faoliyat turlariga muvofiq QQS bo‘yicha bir oylik hisoblangan soliq summasining o‘rtacha nisbati;
🔸Iqtisodiy faoliyat turlariga muvofiq AOS bo‘yicha bir oylik hisoblangan soliq summasining o‘rtacha nisbati.

Telegram|Facebook|Instagram|YouTube|

#Savol_javob
#Barqarorlik_reytingi

✍️Barqarorlik reytingi 3 guruhga bo‘linadi.

1-guruh yuqori ball AAA, AA, A
2-guruh o‘rta ball BBB, BB, B
3-guruh quyi va eng quyi ball CCC, CC, C va D

Yuqori ballga ega tadbirkorlik subyektlari uchun:

🔘“AAA” toifadagi tadbirkorlik subyektlari faoliyatida soliq tekshiruvlari o‘tkazilmaydi (jinoiy ishlar doirasida o‘tkaziladigan tekshiruvlar bundan mustasno), shuningdek, ushbu tadbirkorlik subyektlariga qo‘shilgan qiymat solig‘i summasi o‘rnini qoplash (qaytarish) bir kun muddatda tekshiruvlarsiz amalga oshiriladi (amalda 7 kun muddatda qaytarib berilmoqda);

🔘4 va 5-toifadagi tumanlarda faoliyat yuritayotgan “AA” va undan yuqori toifadagi tadbirkorlik subyektlariga bo‘lib-bo‘lib to‘lash sharti bilan sotilgan davlat aktivlari va qishloq xo‘jaligiga mo‘ljallanmagan yer uchastkalari bo‘yicha kamida 15 foiz miqdoridagi dastlabki to‘lov bir yo‘la amalga oshirilganda qolgan summaga Markaziy bankning asosiy stavkasi miqdorida yillik foizlar hisoblanmaydi hamda bo‘lib-bo‘lib to‘lash muddati 5 yilgacha uzaytiriladi;

🔘“A” va undan yuqori toifadagi tadbirkorlik subyektlariga:

🔹soliqlar bo‘yicha (qo‘shilgan qiymat solig‘i bundan mustasno) mavjud ortiqcha to‘lov summasini qaytarish uch kun muddatda amalga oshiriladi (amalda 15 kunda qaytarilmoqda);

🔹tovarlarni import qilishda va tovarlarni (xizmatlarni) realizatsiya qilishda to‘lanadigan qo‘shilgan qiymat solig‘i summalarini o‘zaro hisobga olish tartibi tatbiq etiladi.

Telegram|Facebook|Instagram|YouTube|

#Savol_javob

📌Agar vafot etgan shaxsning soliq qarzi bo‘lsa, u quyidagicha undiriladi:

▫️Soliq qarzi vafot etgan shaxsning mol-mulkini meros tariqasida qabul qilib olgan merosxo‘r(lar)idan o‘sha mol-mulkning qiymati doirasida yoki ularning merosdagi ulushiga mos ravishda undiriladi.

▫️Marhumning soliq qarzi meros qolgan mol-mulk qiymatidan ortiq bo‘lsa, soliq qarzining meros qilib olinadigan mol-mulk qiymatidan ortiq summasi umidsiz summa deb e’tirof etiladi.

▫️Merosxo‘r bo‘lmaganda yoki merosxo‘r meros olish huquqidan voz kechganda, Soliq qarzi undirilishi umidsiz qarz deb e’tirof etiladi. Umidsiz soliq qarzi soliq organlari tomonidan hisobdan chiqarilishi lozim.

▫️Soliq organi merosxo‘r to‘g‘risida axborot olgan kundan e’tiboran bir oy ichida unga soliq qarzi mavjudligi to‘g‘risida xabar qilishi shart.

▫️Merosxo‘r ushbu qarzdorlikni meros qabul qilib olingan kundan e’tiboran bir yildan kechiktirmay uzishi shart.

Telegram|Facebook|Instagram|YouTube|

#savol_javob

- Men “Yoshlar ittifoqidan” imtiyozli kredit asosida uy-joy olganman. Kredit olishda bankka toʻlangan boshlangʻich to‘lov uchun ham soliq imtiyozi bormi?

- Agar yosh oilalar tomonidan ipoteka krediti asosida uy-joy sotib olingan boʻlsa, ularning ushbu kredit va unga hisoblangan foizlarga yoʻnaltirilgan mablagʻlariga daromad soligʻi solinmaydi. 2023-yil 1-yanvardan kreditni soʻndirishga yoʻnaltirilgan summa miqdori yiliga MHTEKMning* 80 baravari (84 mln soʻm)gacha (2022-yilda 15 mln soʻm) etib belgilangan.
👉 Soliq kodeksi 378-modda 16-band

*mehnatga haq toʻlashning eng kam miqdori – 1 050 000 soʻm.

Avval bunday imtiyoz budjetdan ajratilgan subsidiya asosida uy-joy sotib olinganda qo‘llanilgan. 2022-yil 1-yanvardan esa yosh oilalar uchun ushbu talab bekor qilindi.

Bunda soliq imtiyozi er-xotin yoki ulardan biri belgilangan yosh (30 yosh)ga toʻlguniga qadar qoʻllaniladi.

Ushbu soliq imtiyozi boshlangʻich toʻlov uchun yoʻnaltirilgan daromadlarga qoʻllanilmaydi.
__________
#вопрос_ответ

- Я получил жилье по льготному кредиту от "Союза молодежи". Есть ли налоговая льгота для первоначального взноса, который я уплатил в банк?

- Если молодая семья получает жилье в ипотечный кредит, то освобождаются от налога те доходы, которые она направляет на его погашение. С 1 января 2023 года сумма погашения кредита должна составлять до 80 МРОТ* (84 млн сумов) в год (в 2022 году эта сумма составляла 15 млн сумов).
👉п.16 ст.378 НК

* минимальный размер оплаты труда = 1 050 000 сумов

Ранее такая льгота предоставлялась только при условии, что жилье приобретено с учетом субсидии из бюджета, а с 1 января 2022 года это требование было отменено.

Налоговая льгота применяется до достижения супругами или одним из них установленного возраста (30 лет).

Данная налоговая льгота не распространяется на сумму первоначального взноса.

Тelegram |Facebook |Youtube| Instagram |X| Threads

#Savol_javob

✍️Vazirlar Mahkamasining qarori bilan tasdiqlangan nizom talablariga asosan, fiskal xotiraga ega bo‘lgan nazorat-kassa mashinalarini qo‘llash majburiy bo‘lgan holda undan foydalanmaslik ham o‘z navbatida javobgarlikka sabab bo‘ladi.

Ya’ni, aholi bilan pulli hisob-kitoblarni amalga oshirayotgan tadbirkorlik subyekti soliq inspektorining ogohlantirishidan so‘ng ham fiskal xotiraga ega bo‘lgan nazorat-kassa mashinalari va to‘lov terminallaridan foydalanmasligi Soliq kodeksining 221-moddasida belgilangan quyidagi miqdorlarda jarima qo‘llanishiga sabab bo‘ladi:

❇️ Nazorat-kassa texnikasining yoki hisob-kitob terminallarini qo‘llamasdan savdoni amalga oshirganlik, xaridorga QR-kodli chek bermasdan tovarlarni realizatsiya qilganlik va hisob-kitob terminallari orqali to‘lovlarni qabul qilishni rad etganlik - besh million so‘m miqdorida jarima solishga sabab bo‘ladi.

❇️ Soliq organlarida ro‘yxatga olinmagan nazorat-kassa texnikasini qo‘llagan yoki sotib oluvchiga kvitansiyalar, talonlar, cheklar yoki ularga tenglashtirilgan hujjatlarni bergan holda savdoni amalga oshirganlik va (yoki) xizmatlar ko‘rsatganlik - yetti million so‘m miqdorida jarima solishga sabab bo‘ladi.

❇️ Boshqa shaxslar nomiga rasmiylashtirilgan hisob-kitob terminallaridan soliq to‘lovchi tomonidan foydalanganlik - yigirma million so‘m miqdorida jarima solishga sabab bo‘ladi.

❇️ Texnik talablarga muvofiq bo‘lmagan yoki xizmat ko‘rsatish dasturi buzilgan nazorat-kassa texnikalaridan foydalanganlik - yigirma million so‘m miqdorida jarima solishga sabab bo‘ladi.

Telegram|Facebook|Instagram|YouTube|

#Savol_javob
#Xalq_bilan_muloqot

❓Savol: Aylanmadan olinadigan soliq toʻlovchisi boʻlgan tadbirkor qo'shilgan qiymat solig'ini to'lashga o'tsa, AOS toʻlovchisi boʻlgan vaqtda QQS bilan xarid qilgan mahsulotlar qoldigʻi hissasiga to'g'ri keladigan soliq summasini (QQSni) hisobga olishi mumkinmi?

✅ Javob: Ushbu savolga viloyat Soliq boshqarmasi mutaxassisi bergan javob bilan batafsil videoda tanishishingiz mumkin.

👉 Jonli efirni to'liq formatda YouTube orqali tomosha qilishingiz mumkin.

Telegram|Facebook|Instagram|YouTube|

#Savol_javob
#Xalq_bilan_muloqot

❓I-II-guruh nogironligi bo'lgan shaxslar qanday soliq imtiyozlariga ega?

✅"Taraqqiyot" telekanalining "Xalq bilan muloqot" ko'rsatuvi orqali ushbu savolga batafsil javob olasiz.

👉 Jonli efirni to'liq formatda YouTube orqali tomosha qilishingiz mumkin.

Telegram|Facebook|Instagram|YouTube|

#Savol_javob
#Xalq_bilan_muloqot
#Barqarorlik_reytingi

❓Tadbirkorlarning barqarorlik reytingi nima va u qanday baholanadi?

🔹Ochiq muloqotda bu borada ham alohida to'xtalib o'tildi va yuqori barqarorlik reytingiga erishish uchun qanday mezonlarga amal qilish kerakligi batafsil aytib o'tildi.

👉 Jonli efirni to'liq formatda YouTube orqali tomosha qilishingiz mumkin.

Telegram|Facebook|Instagram|YouTube|