#Yashil_makon

Soliqchilar “Yashil makon” umummilliy loyihasida faol bo‘lishdi

Andijon viloyati Soliq boshqarmasi xodimlari ko‘chat ekib, hududlarni obod qilish harakatiga yeng shimardilar. Viloyat hokimligi va ekologlarning Bog‘ishamolning adirlik qismlarini bog‘-rog‘ga aylantirish tashabbusida soliqchilar yetakchilardan bo‘lishdi.

Qo‘lda ko‘chat, dilda ixlos bilan yerga nihol qadagan ko‘ngillilar ko‘chatlarning ayni joy iqlim sharoitiga mos, kislorod ishlab chiqarishda ahamiyati katta turlarini tanladilar.

Joriy yil kuz mavsumida Andijon viloyatida 6 million 550 ming tup ko‘chat ekilishi rejalashtirilgan. Ushbu hayrli tashabbus ko‘ngildagidek bajarilishida har bir fuqaroning ko‘ngilli sifatida ekovolontyorligi, birlashuvi muhim.

Soliq organi xodimlari ham ana shu yagona maqsad yo‘lida jamoa namunasini ko‘rsatdilar.

Andijon viloyati Soliq boshqarmasi Matbuot xizmati

Telegram|Facebook|Instagram|YouTube|