#Диққат_эълон

📣 HURMATLI BITIRUVCHILAR!

✈️ Siz JANUBIY KOREYAdagi kasb-hunar maktablarida o'qishni davom ettirishni istaysizmi? Unda ushbu imkoniyat aynan siz uchun!

➖ Maktabgacha va maktab ta'limi vazirligi hamda O‘zbekistondagi Koreya Ta'lim markazi bilan hamkorlikda umumta’lim maktablarining 9- yoki 10-sinflarini bitirgan o‘quvchilari uchun 2026-yilda:

📍Aviatsiya muhandisligi maktabi;
📍Kumoh texnika yuqori sinf maktabi;
📍Chungnam Internet o‘rta maktabi;
📍Chonnam kelajak Xalqaro o‘rta maktabida o‘qish imkoniyati yaratildi.

Mazkur dasturda ishtirok etmoqchi bo‘lgan nomzodlar:

➖9- yoki 10-sinfni bitirgan bo‘lishi;
➖Koreys tilidan kamida TOPIK 2 sertifikatga ega bo‘lishi;
➖2008-yil 1-iyuldan keyin tug'ilgan bo‘lishi lozim.

Bunda quyidagi hujjatlar talab etiladi:

➖Ariza shakli;
➖O‘zini tanishtirish xati;
➖O‘qish rejasi;
➖Maktab direktoridan tavsiyanoma;
➖Rozilik xati;
➖Shaxsiy tibbiy baholash va yo‘riqnomada ko‘rsatilgan boshqa hujjatlar.

❤Barcha hujjatlar bitta pdf shaklga keltirilib, 16-iyuldan 18-iyulga qadar [email protected] manziliga yuborilishi lozim.

ESLATMA

❗️Barcha hujjatlar koreys yoki ingliz tilida to‘ldirilishi hamda ingliz (koreys) tiliga notarial tarjima qilinishi talab etiladi.

📞 Murojaat uchun: +998 71 291 81 82 (ichki raqam 118)

Bizni kuzating:

❤ Telegram                   🌐 Facebook
🌐 Youtube                     🌐 Instagram
🔎 Veb-sayt                     😄 Linkedin

#соҳага_доир_ҳужжатлар

📣 Maktab bitiruvchilariga kasbiy taʼlim yoʻnalishi boʻyicha sertifikat beriladi

✅ Maktabgacha va maktab taʼlimi vazirligi, Kambagʻallikni qisqartirish va bandlik vazirligining “Umumiy oʻrta taʼlim muassasalari bitiruvchilarini oʻrgangan kasb-hunari boʻyicha amaliy imtihondan oʻtkazish va ularga elektron sertifikat berish tartibi toʻgʻrisidagi nizomni tasdiqlash haqida”gi qarori Adliya vazirligi tomonidan roʻyxatdan oʻtkazildi (roʻyxat raqami 3647).

Nizom talablariga koʻra:

➖ kasbiy taʼlim fani maktabning 10-11-sinf oʻquvchilarini kasb-hunarga oʻqitish uchun joriy etiladi;

➖ kasb-hunarga oʻqitish joriy etiladigan umumiy oʻrta taʼlim muassasalarining roʻyxati Maktabgacha va maktab taʼlimi vaziri buyrugʻi bilan tasdiqlanadi;

➖ kasbiy taʼlim yoʻnalishi boʻyicha amaliy imtihon oʻtkaziladigan kun va vaqt maktabning pedagogik kengashi tomonidan tasdiqlanadi va imtihon boshlanishidan kamida oʻn besh kun oldin maktabning kirish qismiga osib qoʻyiladi;

➖ amaliy imtihonning har bir kasb turi boʻyicha baholash mezonlari va savollari vazirlik tomonidan tasdiqlanadi;

➖ imtihon natijalari imtihon yakunlangandan soʻng shu kunning oʻzida eʼlon qilinadi;

➖ imtihonda uzrli sabablarga koʻra ishtirok etmagan yoki amaliy imtihonda 55 ball va undan past natija koʻrsatgan bitiruvchiga imtihon yakunlangan kundan eʼtiboran ikki hafta ichida amaliy imtihonni qayta topshirishga ruxsat etiladi;

➖ uzrsiz sabablarga koʻra amaliy imtihonda qatnashmagan bitiruvchilarga imtihonni qayta topshirishga ruxsat berilmaydi;

➖ bitiruvchi amaliy imtihonni qayta topshirishda 55 ball yoki undan kam ball toʻplasa, unga sertifikat berilmaydi;

➖ bitiruvchilar kasbiy taʼlim yoʻnalishi toʻgʻrisidagi sertifikatlarni har yili 30-iyunga qadar, amaliy imtihonni qayta topshirgan bitiruvchilar 10-iyulga qadar maxsus elektron platforma orqali bepul yuklab olishlari mumkin.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

📢 1-BOSQICH IMTIHON NATIJALARI E’LON QILINDI!

📅 2025-yil 12-iyul kuni o‘tkazilgan Al-Beruniy nomidagi xalqaro maktab-internatiga 1-bosqich saralash imtihon natijalari e’lon qilindi.

📌 Natijalar bilan shu yerda tanishishingiz mumkin.

✅ 1-bosqichda eng yuqori ball to‘plagan 300 nafar nomzod 2-bosqich imtihoniga tavsiya etiladi.
🎯 2-bosqich natijalariga ko'ra 60 nafar eng yuqori ball to‘plagan o‘quvchilar maktabga o‘qishga qabul qilinadi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin