ANDIJON VILOYATI MAKTABGACHA VA MAKTAB TA’LIMI BOSHQARMASI TOMONIDAN YANGI LOYIHA

“Yashil Andijon” ko‘rik-tanlovi

Yurtimizda jonajon O'zbekistonimizni yanada obodonlashtirish hamda ko'kalamzorlashtirish, uni toza va ozoda saqlash, atrof muhitga ehtiyotkorona munosobatda bo‘lish ishlarini yangi bosqichga olib chiqilishi munosabati bilan Andijon viloyati maktabgacha va maktab ta’limi boshqarmasi “Yashil Andijon” ko‘rik-tanlovini e’lon qiladi.

Tanlovda ishtirok etish istagida bo‘lgan maktab va maktabgacha ta’lim tashkilotlari jamoalari quyidagi dastur havolasi orqali murojaat etishlari mumkin.
(https://t.iss.one/Media_probot)

Barcha andijonlik ziyolilarni “Yashil Andijon” ko‘rik-tanlovida faol ishtirok etishga chorlab qolamiz.

Ma’lumki, bugungi kunda mamlakatimizda Davlatimiz rahbari boshchiligida yoshlar ta’lim va tarbiyasiga juda katta e’tibor qaratilmoqda. Ularning maktab davridanoq har tomonlama yetuk shaxs bo‘lib kamolga yetishlari, bir nechta xorijiy tillarni o‘rganishlari uchun munosib sharoitlar yaratilmoqda.

Joriy yilda mamlakatimizda maktablarga xorijiy mutaxassislarni jalb etish bo‘yicha misli ko‘rilmagan loyiha boshlandi. Loyihaga asosan xorijdan ingliz, nemis, fransuz va boshqa chet tillarini o‘rgatish maqsadida 500 dan ortiq o‘qituvchilar jalb qilindi. Ushbu o‘qituvchilar maktablarda dars berish uchun, va undanam muhimroq vazifa – ya’ni, mahalliy o‘qituvchilarimiz bilan tajriba almashish uchun O‘zbekistonga taklif qilindi.

Bugun xorijdan taklif etilgan o‘qituvchilar hamda xorijiy hamkorlar bilan uchrashib, ushbu loyihani amalga oshirilish jarayonlari hamda kelgusidagi rejalarni muhokama qilib oldik.

Hamkorlarimiz AQSh, Buyuk Britaniya, Fransiya, Germaniya, Xitoy Xalq Respublikasi elchixonasi vakillari, shuningdek, UNESCO, UNICEF, USAID, Britaniya kengashi, Fransiya alyansi, Gyote instituti mutaxassislari bilan birgalikda mahalliy va xorijiy pedagoglarimizning fikrlariga quloq tutdik. Hamkorlarimiz tomonidan O‘zbekistonda chet tillarini o‘qitishni yanada rivojlantirish bo‘yicha takliflar berildi.

Uchrashuv yakunida chet tillarini o‘qitishni takomillashtirish va hamkorlik qilishga qaratilgan qo‘shma "Yo‘l xaritasi" ishlab chiqildi.

Aytish joizki, ta’lim sifatini oshirish yo‘lida xorijlik mutaxassislarni maktablarga jalb etish loyihasi albatta kelajakda o‘z mevasini berishi hamda bolalarimizning zamon talabiga javob beradigan yetuk insonlar bo‘lib yetishishlari uchun poydevor bo‘lib xizmat qilishiga ishonaman.