ГEРМАНИЯДА МАЛАКА ОШИРИБ ҚАЙТГАН МАРҲАМАТЛИК МУРАББИЙ ИШТИРОКИДА ВИЛОЯТ СEМИНАРИ ЎТКАЗИЛДИ

Тумандаги 31-сонли умумий ўрта таълим мактабида немис тили фани ўқитувчиларининг «Тилни ўрганишдаги муҳим томонлар» мавзусида вилоят семинари ўтказилди.

Семинарда Марҳамат туманидаги умумтаълим мактабларининг немис тили фани ўқитувчилари, шунингдек, вилоятдан Андижон шаҳар, Асака, Балиқчи, Булоқбоши, Избоскан, Пахтаобод, Олтинкўл, Жалақудуқ, Шаҳрихон ва Қўрғонтепа туманларининг немис тили фани ўқитувчилари ҳам иштирок этишди.

Семинарда шу мактабнинг немис тили фани ўқитувчиси, шу йилнинг 5-20 сентябрь кунлари Германиянинг Берлин шаҳрида немис тили фанини ўрганиш бўйича амалий машғулотларни ўтаб қайтган Феруза Каримова хориждаги таассуротлари ҳақида ўз фикр ва мулоҳазалари билан ўртоқлашди ва бир соатлик кўргазмали дарс машғулоти ўтиб берди.

Семинарда туманлардан келган немис тили фани ўқитувчилари ўз фикрларини билдирдилар. Семинарда Ўзбекистон Республикаси Вазирлар Маҳкамаси ҳузуридаги хорижий тилларни ўрганиш агентлиги Андижон вилоят бўлими вакили Улуғбек Мамажонов қатнашди.

Facebook | Twitter | Instagram | YouTube | Telegram | TikTok

ВИЛОЯТ ҲОКИМИ ЎҚУВЧИЛАР БИЛАН МУЛОҚОТ ЎТКАЗДИ...

Андижон вилоят ҳокими Шуҳратбек Абдураҳмонов Андижон шаҳридаги 8-умумий ўрта мактабида бўлиб, ўқувчиларнинг таълим ва тарбия олишлари яратилган шарт-шароитлар билан танишди.

Ўқувчилар билан самимий мулоқот давомида сўнгги йилларда таълим соҳасини замонавий талаблар асосида ташкил этиш, ўқув-тарбия жараёнига илғор педагогик ва ахборот-коммуникация технологияларини жорий этиш юзасидан амалга оширилаётган ишлар хусусида атрофлича фикр-мулоҳазалар билдирди. Андижон шаҳридаги Digital City технопаркида ташкил этилган «Ҳоким академиясининг» фаолияти ҳақидаги сўз юритиб, онлайн таълим платформасини ташкил этишдан асосий мақсад мактаб ўқувчиларининг масофадан туриб ахборот технологиялари борасидаги билимларини мустаҳкамлаш, хорижий тилларни ўргатиш, олий таълим муассасаларига тайёрлаш ҳамда устозларни малакаларини ошириш баробарида таълим сифатини яхшилаш эканлиги алоҳида таъкидланди.

Facebook | Twitter | Instagram | YouTube | Telegram | TikTok

“ЭЛЕКТРОН ТАЪЛИМ РЕСУРСЛАРИДАН САМАРАЛИ ФОЙДАЛАНИШ” МАВЗУCИДА ЎТКАЗИЛГАН РЕСПУБЛИКА АНЖУМАНИДА ВИЛОЯТИМИЗ ВАКИЛЛАРИ ҲАМ ИШТИРОК ЭТМОҚДАЛАР

Таълим муассасаларида ахборот-коммуникацион технологияларни жорий этиш ва таълим самарадорлигини оширишда инновацион ёндошув асосида фаолият олиб бориш замон талабига айланмоқда.

Хусусан, Халқ таълими вазирлиги томонидан “Электрон таълим ресурсларидан самарали фойдаланиш”га бағишланган Республика анжуманининг ўтказилиши соҳа мутахассисларининг ўз устида ишлашлари ва ўзаро тажриба алмашишдларига замин яратди.

Ушбу анжуманда вилоятимиз ҳам “Информатика ва ахборот технологиялари” фани ўқитувчилари, АКТ бўлим ходимлари, туман халқ таълими бўлимларининг ахборот-коммуникация бўйича масъулларидан иборат делегация билан иштирок этиб вилоятимизда ушбу йўналишда йўлга қўйилган илғор тажрибалар ҳақида таништириш билан бир қаторда ўз малакаларини ҳам оширмоқдалар.